#Adliya_xabari

⚔️ Muallif huquqini himoya qilish — millat ijodiy salohiyatini himoya qilishdir!

✅ Har bir qo‘shiq, she’r, kitob, musiqa yoki boshqa ijodiy asar ortida
muallifning mehnati, iste’dodi va intellektual salohiyati turadi. Muallif o‘z asaridan foydalanish va buning uchun haq olish huquqiga ega.

📊 2025–2026-yillar davomida:
🔹 300 dan ortiq muallifning huquqlari himoya qilindi;

⚖️ Bugungi huquqiy himoya tizimi mashhur ijodkorga ham, xalq artistiga ham, oddiy muallifga ham birdek ishlashi kerak. Chunki asosiy maqsad faqat huquqbuzarni jazolash emas, balki jamiyatda muallif mehnati va huquqlariga hurmat madaniyatini shakllantirishdir.

✍️ Muallifning qalamiga hurmat — uning mehnatiga hurmat. Muallif mehnatiga hurmat esa milliy ijod va madaniyatga hurmatdir.

🎥 Mualliflik huquqlari qanday himoya qilinmoqda? Batafsil — videoda.

🌐 website 📱 facebook 📱 instagram 📱 linkedIn 📱 youtube 📱 twitter

“Buxoro sho‘rdanaklari” geografik ko‘rsatkich sifatida davlat ro‘yxatidan o‘tkazildi

📌 Buxoro sho‘rdanaklari — ko‘p asrlik o‘zbek milliy pazandachilik va dehqonchilik an’analari bilan bog‘liq bo‘lgan, o‘ziga xos ta’mi, sifati va tayyorlash usuli bilan ajralib turadigan an’anaviy mahsulotlardan biridir. Sho‘rdanak tayyorlash madaniyati Buxoro vohasida avloddan-avlodga o‘tib, bugungi kungacha saqlanib kelmoqda.

🌿 “Buxoro sho‘rdanaklari”ning o‘ziga xos xususiyatlari hududning tabiiy-iqlim sharoiti, mahalliy xomashyo hamda uni tayyorlashning an’anaviy usullari bilan chambarchas bog‘liq. Tarixan ushbu mahsulot Buxoro vohasida tayyorlanib, turli hududlarga keng tarqalgan.

⚖️ “Buxoro sho‘rdanaklari” geografik ko‘rsatkich sifatida davlat ro‘yxatidan o‘tkazilgani ushbu nomning huquqiy muhofazasini ta’minlaydi.

🔒 Natijada:
✅ mahsulotning Buxoro hududiga mansubligi va o‘ziga xos xususiyatlari himoya qilinadi;
✅ iste’molchilar uchun mahsulotning kelib chiqishi va haqiqiyligini aniqlash imkoniyati oshadi;
✅ Buxoro sho‘rdanaklarini mahalliy va xalqaro bozorlarda targ‘ib qilish uchun huquqiy asos mustahkamlanadi.

📈 Mazkur geografik ko‘rsatkichning davlat ro‘yxatidan o‘tkazilishi Buxoro viloyatining milliy gastronomik merosini asrash, mahalliy ishlab chiqaruvchilarni qo‘llab-quvvatlash, hududiy brendni rivojlantirish hamda mahsulotning ichki va tashqi bozorlardagi raqobatbardoshligini oshirishga xizmat qiladi.

📚 Ma’lumot uchun: geografik ko‘rsatkich — mahsulotning muayyan geografik hududga mansubligini hamda uning sifati, obro‘si yoki boshqa xususiyatlari aynan shu hududga xos tabiiy sharoitlar yoki inson omillari bilan bog‘liqligini ifodalovchi intellektual mulk obyektidir.

🌐 website 📱 facebook 📱 instagram 📱 linkedIn 📱 youtube 📱 twitter

#Intellektual_mulk

⚔️ Intellektual mulk nizolarini sudgacha, tezkor va kelishuv asosida hal etish imkoniyati kengaymoqda

Adliya vazirligi, Butunjahon Intellektual Mulk Tashkiloti hamda Toshkent mediatsiya markazi hamkorligida respublika bo‘ylab “IP Mediation” loyihasiga start berilmoqda.

⚖️ Loyiha intellektual mulk bilan bog‘liq nizolarni tomonlar uchun qulay, tezkor va o‘zaro kelishuv asosida hal etishga xizmat qiladi.

✅ Bu esa huquq egalari va tadbirkorlar uchun nizolarni ortiqcha vaqt va xarajatlarsiz, murosaga asoslangan tartibda hal etishning yana bir samarali mexanizmini yaratadi.

🎥 “IP Mediation” qanday ishlaydi? Batafsil — videoda.

🌐 website 📱 facebook 📱 instagram 📱 linkedIn 📱 youtube 📱 twitter

#Men_bilgan_adliya

✅Adliya vazirligining intellektual mulk sohasiga oid huquqiy madaniyatni keng jamoatchilik orasida targ‘ib qilishga qaratilgan “Qaroqchi” lloyihasi haqida qanday fikrdasiz?

🔵Ushbu savolga O'zbekistonda xizmat ko'rsatgan madaniyat xodimi, shoira va yozuvchi Farida Afro'z javob berdi.

🔹 Batafsil 👉 videoda

✅"Qaroqchi" loyihasining navbatdagi mehmoni Farida Afroʻz bilan to‘liq suhbatni tez orada tomosha qilishingiz mumkin.

🌐 website 📱 facebook 📱 instagram 📱 linkedIn 📱 youtube 📱 twitter

#Rasmiy_munosabat

So‘nggi kunlarda ijtimoiy tarmoqlarda B. Hamdamovning ijodiy merosiga mansub asarlardan foydalanish masalasi, xususan, uning farzandi tomonidan mazkur asarlarni mualliflik huquqi nuqtayi nazaridan himoya qilishga qaratilgan murojaatlar yuzasidan turli fikr va munozaralar bildirilmoqda.

Shu munosabat bilan Adliya vazirligi quyidagilarni ma’lum qiladi.

O‘zbekiston Respublikasining “Mualliflik huquqi va turdosh huquqlar to‘g‘risida”gi Qonuniga muvofiq, mualliflik huquqi fan, adabiyot va san’at asarlariga ularning maqsadi, qadr-qimmati hamda ifodalanish shaklidan qat’i nazar tatbiq etiladi. Mualliflik huquqi asar yaratilgan paytdan boshlab yuzaga keladi va buning uchun asarni alohida ro‘yxatdan o‘tkazish talab etilmaydi.
Qonunchilikka ko‘ra, muallifning mulkiy huquqlari meros bo‘yicha o‘tadi. Shu sababli muallif vafot etganidan keyin uning asarlariga bo‘lgan tegishli mulkiy huquqlar qonunchilikda belgilangan tartibda merosxo‘rlarga o‘tishi mumkin.
Shuningdek, amaldagi qonunchilikka ko‘ra, mualliflik huquqi muallifning butun hayoti davomida hamda uning vafotidan keyin yetmish yil davomida amal qiladi. Mazkur muddat tugaganidan so‘ng asar ijtimoiy mulkka aylanadi.
Shu sababli, qonunchilikda nazarda tutilgan istisnolarni inobatga olgan holda, asardan foydalanish faqat huquq egasi bilan tuzilgan tegishli shartnoma asosida amalga oshirilishi mumkin.

Alohida ta’kidlash lozimki, mualliflik huquqi sohasidagi nizolar, jumladan, muayyan asarga bo‘lgan huquq egasini aniqlash, undan foydalanish qonuniyligini baholash yoki huquq buzilganligi to‘g‘risidagi masalalar tegishli dalillar va huquqiy asoslar asosida qonunchilikda belgilangan tartibda, zarur hollarda sud tomonidan hal etiladi.

Adliya vazirligi fuqarolar va ijodkorlarni mualliflik huquqiga oid masalalarda hissiy yoki bir tomonlama xulosalardan tiyilishga, har bir asardan foydalanishdan avval tegishli huquq egasining roziligi yoki qonunda nazarda tutilgan boshqa huquqiy asos mavjudligini aniqlashga chaqiradi.

Shu bilan birga, agar Sizning mualliflik yoki turdosh huquqlaringiz buzilgan deb hisoblasangiz, o‘z huquq va qonuniy manfaatlaringizni himoya qilish masalasida Adliya vazirligining 1008 qisqa raqamli “Ishonch telefoni”ga murojaat qilishingiz mumkinligi ma’lum qilinadi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

⚖️ Intellektual mulk sohasiga munosib hissa qo‘shganlar rag‘batlantiriladi

✅Vazirlar Mahkamasining 2026-yil 5-sentabrdagi 471-son qarori bilan “Intellektual mulk sohasini rivojlantirishga qo‘shgan hissasi uchun” ko‘krak nishoni ta’sis etildi.

📣 Ko‘krak nishoni mamlakatimizda intellektual mulk sohasini rivojlantirish, intellektual mulk obyektlarining huquqiy himoyasini ta’minlash hamda jamiyatda intellektual faoliyat natijalariga hurmat hissini shakllantirishga munosib hissa qo‘shgan davlat va nodavlat tashkilotlari xodimlari, xalqaro tashkilotlar vakillari hamda tadbirkorlik subyektlariga beriladi.

📌Nomzodlarni baholashda quyidagilar inobatga olinadi:

✔️ intellektual mulk sohasini rivojlantirishga oid davlat dasturlari va normativ-huquqiy hujjatlar loyihalarini ishlab chiqishdagi ishtiroki;
✔️ intellektual mulk obyektlari yaratilishini qo‘llab-quvvatlash borasidagi faoliyati;
✔️ intellektual mulk obyektlarining huquqiy himoyasini ta’minlashdagi faol ishtiroki;
✔️ jamiyatda intellektual faoliyat natijalariga hurmat hissini shakllantirishga qo‘shgan hissasi;
✔️ intellektual mulk sohasida xalqaro hamkorlikni rivojlantirish va amalga oshirilayotgan islohotlar haqida xalqaro hamjamiyatni xabardor qilishdagi ishtiroki.

😅 Ko‘krak nishoni bilan taqdirlash bo‘yicha takliflar har yili 1-yanvardan 1-martga qadar Adliya vazirligiga taqdim etiladi. Nomzodlar bo‘yicha yakuniy xulosa 1-aprelga qadar qabul qilinadi, taqdirlash to‘g‘risidagi buyruq esa 20-aprelga qadar rasmiylashtiriladi.

🖥 Ko‘krak nishoni har yili 26-aprel – Xalqaro intellektual mulk kuni arafasida tantanali ravishda topshiriladi.

🔘 Taqdirlangan shaxslarga bazaviy hisoblash miqdorining 4 baravari miqdorida bir yo‘la pul mukofoti beriladi. Shuningdek, taqdirlanganlar ro‘yxati Adliya vazirligining rasmiy veb-sayti, ijtimoiy tarmoqlardagi sahifalari va boshqa ommaviy axborot vositalarida e’lon qilinadi.

✅ Bir shaxs mazkur ko‘krak nishoni bilan faqat bir marta taqdirlanadi.

Intellektual mulkni rivojlantirishga qo‘shilgan munosib hissa e’tiborsiz qolmaydi.

🌐 website 📱 facebook 📱 instagram 📱 linkedIn 📱 youtube 📱 twitter

#Qonunchilikdagi_yangiliklar

📌Geografik ko‘rsatkich va tovar kelib chiqqan joy nomi: ogohlantiruvchi tamg‘alarning yangi shakllari tasdiqlandi

➡️O‘zbekiston Respublikasi Vazirlar Mahkamasining 2026-yil 5-sentyabrdagi 469-son qarori bilan geografik ko‘rsatkich va tovar kelib chiqqan joy nomi ogohlantiruvchi tamg‘alarining shakllari hamda tavsiflari tasdiqlandi.

❗️Ma’lumot uchun: Ogohlantiruvchi tamg‘a — tovar yoki uning o‘rovida qo‘llaniladigan, mazkur belgi O‘zbekiston Respublikasida ro‘yxatdan o‘tkazilgan geografik ko‘rsatkich yoki tovar kelib chiqqan joy nomi ekanini bildiruvchi maxsus belgidir.

Ushbu tamg‘a iste’molchilarga mahsulotning muayyan geografik hudud bilan bog‘liqligi va tegishli intellektual mulk obyekti sifatida ro‘yxatdan o‘tkazilganini anglash imkonini beradi. Shuningdek, u mahsulotning o‘ziga xos xususiyatlari, sifati yoki obro‘sini muayyan hudud bilan bog‘lashga xizmat qiladi.

📌Mazkur tamg‘alarning joriy etilishi bilan:
⏩mahalliy mahsulotlarning tanilishiga, hududiy brendlarning rivojlanishiga va mahalliy iqtisodiy faollikning oshishiga ko‘maklashadi.
⏩mahsulotning o‘ziga xos xususiyatlari, sifati va obro‘sini muayyan hudud bilan bog‘lash orqali uning bozordagi raqobatbardoshligini oshirishga xizmat qiladi.
⏩geografik ko‘rsatkich va tovar kelib chiqqan joy nomlaridan qonuniy foydalanishni rag‘batlantiradi hamda ulardan noqonuniy foydalanishning oldini olishga xizmat qiladi.

✔️Shu tariqa, ogohlantiruvchi tamg‘alar nafaqat iste’molchilarni xabardor qilish, balki mahalliy mahsulotlarning qiymatini oshirish, ularni huquqiy muhofaza qilish va hududiy brendlarni rivojlantirishning muhim vositasiga aylanadi.

🌐 website 📱 facebook 📱 instagram 📱 linkedIn 📱 youtube 📱 twitter

#OAV_biz_haqimizda

#Fakt24 | 14.09.2026

Ixtirodan patentgacha: yangi tizim olimlarning imkoniyatini kengaytirmoqda

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

“Boysun do‘ppisi” geografik ko‘rsatkich sifatida davlat ro‘yxatidan o‘tkazildi

📍 “Boysun do‘ppisi” — Surxondaryo viloyati Boysun tumani hududida qadimdan tikib kelinadigan, dumaloq shaklli, piltado‘zi uslubida kashta bilan bezatilgan milliy bosh kiyimdir.

🧵 Uning o‘ziga xosligi piltado‘zi kashta uslubi, geometrik naqshlari, yorqin ranglar uyg‘unligi hamda an’anaviy tikish usullarida namoyon bo‘ladi. Do‘ppida chilxol, chayongul, qo‘chqorshoxi, archa va ko‘zacha kabi naqshlar qo‘llaniladi.

⚖️ “Boysun do‘ppisi”ning geografik ko‘rsatkich sifatida davlat ro‘yxatidan o‘tkazilishi mahsulotning Boysun hududi bilan bog‘liq o‘ziga xos xususiyatlarini huquqiy jihatdan muhofaza qilishga xizmat qiladi.

✅ Natijada:
✅ “Boysun do‘ppisi” nomining huquqiy muhofazasi ta’minlanadi;
✅ mahsulotning an’anaviy xususiyatlari va ishlab chiqarish usullarini asrashga xizmat qiladi;
✅ Boysun hunarmandchiligi mahsulotini ichki va xalqaro bozorlarda targ‘ib qilish uchun huquqiy asos yaratiladi.

📚 Ma’lumot uchun: geografik ko‘rsatkich — mahsulotning sifati, obro‘si yoki boshqa xususiyatlari muayyan geografik hudud bilan bog‘liq ekanini ko‘rsatuvchi intellektual mulk obyektidir.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

❕Adliya vazirligi hamda Toshkent mediatsiya markazi bilan hamkorlikda respublika bo‘ylab tashkil etiluvchi “IP Mediation” loyihasi o‘tkazilmoqda.

✅ Bunda, asarlar, brendlar, ixtirolar yoki boshqa intellektual mulk obyektlaridan foydalanishda nizolashayotgan taraflar ishlarni mediatsiya tartibida hal etish uchun Toshkent mediatsiya markaziga murojaat qilishlari mumkin.

✅Loyiha doirasida Butunjahon Intellektual Mulk Tashkiloti tomonidan bilim va malakalari oshirilgan professional mediatorlar tomonidan quyidagi mazmundagi ishlar ko‘rib chiqilishi mumkin:

✅ patentlar, tovar belgilari, mualliflik va turdosh huquqlar obyektlari, tijorat siri hamda nou-xauga bo‘lgan huquqlarni buzish bilan bog‘liq nizolar;
✅ litsenziya nizolari, shuningdek dasturiy ta’minot, ma’lumotlar bazalari va boshqa raqamli mahsulotlardan foydalanish va ularni taqdim etish to‘g‘risidagi shartnomalardan kelib chiqadigan nizolar;
✅ intellektual mulk obyektlaridan domen nomlarida foydalanish bilan bog‘liq nizolar.

✅ Loyiha doirasida mediatsiya ishi bo‘yicha axborot uchrashuvlari tekin tarzda amalga oshiriladi.

⚠️ Qo‘shimcha ma’lumot olish uchun hududiy adliya boshqarmalari, Toshkent mediatsiya markazi yoki vazirlikning +998 71 207-01-87 (1835, 1840) raqamlariga murojaat qilishingiz mumkin.

🌐 website 📱 facebook 📱 instagram 📱 linkedIn 📱 youtube 📱 twitter

📃 Seleksiya yutug‘iga patent olish endi YIDXP orqali!

🌐 Seleksiya yutug‘i, jumladan hayvon zotlariga patent olish bo‘yicha davlat xizmati my.gov.uz (YIDXP) orqali elektron shaklda joriy etildi.

👥 Kimlar foydalanishi mumkin?
Yuridik va jismoniy shaxslar.

🏢 Vakolatli organ:
O‘zbekiston Respublikasi Adliya vazirligi.

🗂 Xizmatdan foydalanish uchun:
✅ seleksiya yutug‘ining nomi to‘g‘risidagi taklif;
✅ seleksiya yutug‘ining tavsifi (texnik anketa);
✅ seleksiya yutug‘i namunalarining fotosuratlari;
✅ seleksiya yutug‘i sinovlariga doir hujjatlar;
✅ ustuvorlikni tasdiqlovchi hujjat (agar so‘ralgan bo‘lsa);
✅ patent bojidan ozod qilish yoki uning miqdorini kamaytirish uchun asoslarni tasdiqlovchi hujjat (mavjud bo‘lsa).

💰 To‘lov miqdori:
Arizani ko‘rib chiqish uchun yig‘im O‘zbekiston Respublikasining “Davlat boji to‘g‘risida”gi Qonunida belgilangan miqdorda undiriladi.

⏱️ Xizmat ko‘rsatish muddati:
Yagona portal orqali avtomatik tarzda.

📲 Xizmatdan foydalanish:
my.gov.uz → Sohalar → Adliya → Seleksiya yutug‘i (Hayvon zotlari)ga patent olish

📌 Huquqiy asos:
Vazirlar Mahkamasining 2026-yil 10-iyundagi 297-son qarori.

🔗 Xizmatdan foydalanish uchun: my.gov.uz

🌐 website 📱 facebook 📱 instagram 📱 linkedIn 📱 youtube 📱 twitter

📃 Sanoat namunasiga patent olish endi YIDXP orqali!

🌐 Sanoat namunasiga patent olish bo‘yicha davlat xizmati my.gov.uz (YIDXP) orqali elektron shaklda joriy etildi.

👥 Kimlar foydalanishi mumkin?
Yuridik va jismoniy shaxslar.

🏢 Vakolatli organ:
O‘zbekiston Respublikasi Adliya vazirligi.

🗂 Xizmatdan foydalanish uchun:
✅ buyumning tashqi ko‘rinishi haqida batafsil tasavvur beruvchi tasvirlar to‘plami;
✅ sanoat namunasining tavsifi;
✅ zarur hollarda buyum umumiy ko‘rinishining chizmasi, ergonomik sxemasi yoki konfeksion xaritasi;
✅ Konvensiya ustuvorligi so‘ralganda — birinchi talabnomaning tasdiqlangan nusxasi va uning tarjimasi;
✅ hujjatlar boshqa tilda taqdim etilgan bo‘lsa — ularning belgilangan tartibdagi tarjimasi.

💰 To‘lov miqdori:
Arizani ko‘rib chiqish uchun yig‘im O‘zbekiston Respublikasining “Davlat boji to‘g‘risida”gi Qonunida belgilangan miqdorda undiriladi.

⏱️ Xizmat ko‘rsatish muddati:
Yagona portal orqali avtomatik tarzda.

📲 Xizmatdan foydalanish:
my.gov.uz → xizmatlar → Sanoat namunasiga patent olish

📌 Huquqiy asos:
Vazirlar Mahkamasining 2026-yil 10-iyundagi 297-son qarori.

🔗 Xizmatdan foydalaning: my.gov.uz

🌐 website 📱 facebook 📱 instagram 📱 linkedIn 📱 youtube 📱 twitter

📣#Mualliflikni_himoya_qilish_oyi

📜 Mualliflik huquqi aslida qayerda paydo bo‘lgan⁉️

Ko‘pchilik bu savolga javob berar ekan, 1474-yil — Venetsiyani tilga oladi.
Ammo O‘zbekiston Milliy arxividan topilgan noyob manba bu tarixni yanada oldinga olib borishi mumkin… 👀
Eng qizig‘i, bu manba Mirzo Ulug‘bek hukmronligi davri bilan bog‘liq!

✅ Demak, mualliflik huquqining ilk asoslari biz o‘ylagandan ancha avval — Markaziy Osiyoda shakllangan bo‘lishi mumkinmi?

📹 Bu qanday manba? Unda nima yozilgan? Va mualliflik huquqi tarixida Mirzo Ulug‘bekning qanday o‘rni bor?
Barcha javoblar — videoda! 🎥

👇 Videoni tomosha qiling va fikringizni izohlarda qoldiring. Bu tarixiy ma’lumot haqida avval eshitganmisiz?


#MualliflikHuquqiniHimoyaQilishOyi #MualliflikHuquqi #Ijod

🌐 website 📱 facebook 📱 instagram 📱 linkedIn 📱 youtube 📱 twitter

#Mualliflikni_himoya_qilish_oyi

📣 Har yili Adliya vazirligi tomonidan an’anaviy tarzda o‘tkazib kelinayotgan «Mualliflik huquqini himoya qilish oyligi» doirasida ijodkorlarning huquqiy himoyasiga alohida e’tibor qaratilmoqda — Sizningcha, bunday tashabbuslar ijodkorlarni huquqiy jihatdan qo‘llab-quvvatlashda qanchalik muhim⁉️

🔵Ushbu savolga O'zbekistonda xizmat ko'rsatgan madaniyat xodimi, shoira va yozuvchi Farida Afro'z javob berdi.

🔹 Batafsil 👉 videoda

#MualliflikHuquqiniHimoyaQilishOyi #MualliflikHuquqi #Ijod