Adliya vaziri Buxoro viloyati arxiv ishi hududiy boshqarmasi faoliyati bilan tanishdi

📌O‘zbekiston Respublikasi adliya vaziri Akbar Tashkulov arxiv sohаsida amalga oshirilayotgan ishlar, mavjud imkoniyatlar hamda xizmat ko‘rsatish jarayonlari bilan yaqindan tanishdi.

🟢Tashrif davomida arxivlarda saqlanayotgan tarixiy, ijtimoiy-iqtisodiy va shaxsiy tarkibga oid hujjatlarni raqamlashtirish, ularning elektron nusxalarini yaratish, hujjatlarning uzoq muddat saqlanishini ta’minlash hamda elektron arxiv bazalarini shakllantirish borasidagi ishlar joyida o‘rganildi.

✅Shuningdek, Buxoro viloyati arxiv ishi hududiy boshqarmasi uchun yangi bino qurilishi jarayoni bilan ham tanishildi. Xususan, arxiv hujjatlarini uzoq muddat va talab darajasida saqlash imkoniyatlarini kengaytirish maqsadida qo‘shimcha 360 mingta hujjat saqlashga mo‘ljallangan saqlovxona qurilishi ishlari ko‘zdan kechirildi.

💬Mazkur yangi saqlovxonaning barpo etilishi arxiv fondlarini kengaytirish, mavjud hujjatlarni belgilangan talablar asosida saqlash, ularning butligini ta’minlash hamda kelgusida arxiv xizmatlariga bo‘lgan ehtiyojni qondirishda muhim ahamiyat kasb etishi ta’kidlandi. Qurilish ishlarining sifatli tashkil etilishi va belgilangan talablar asosida amalga oshirilishiga e’tibor qaratildi.

🌐 website 📱 facebook 📱 instagram 📱 linkedIn 📱 youtube 📱 twitter

🇺🇿🇦🇿O‘zbekiston va Ozarbayjon adliya vazirliklari hamkorligi muhokama qilindi

📌 5-6-noyabr kunlari Boku shahrida boʻlib oʻtayotgan “UN Governance Innovation Summit: Advancing Future-Ready Institutions” sammiti arafasida Oʻzbekiston Respublikasi adliya vaziri oʻrinbosari Nu'mon Muhammadiyev Ozarbayjon Respublikasi adliya vaziri oʻrinbosari Togʻrul Xuseynov bilan uchrashdi.

💬Uchrashuvda ikki mamlakat adliya vazirliklari o‘rtasidagi hamkorlikning bugungi holati va istiqbollari muhokama qilindi. Xususan, notariat, qonunchilik, xalqaro huquqiy hamkorlik, sud ekspertizasi hamda adliya sohasida kadrlar tayyorlash yo‘nalishlarida tajriba almashish masalalariga e’tibor qaratildi.

✅Shuningdek, Turkiy davlatlar tashkiloti doirasidagi qo‘shma tashabbuslar yuzasidan fikr almashildi. Tomonlar o‘zaro manfaatli hamkorlikni yanada kengaytirish va yangi qo‘shma loyihalarni amalga oshirishga tayyor ekanliklarini bildirdilar.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

Osiyo to‘lovga qobiliyatsizlik islohotlari forumida ishtirok etildi

2026-yil 4–5-noyabr kunlari Malayziyaning Kuala-Lumpur shahrida Osiyo to‘lovga qobiliyatsizlik islohotlari forumi bo‘lib o‘tdi. Unda Adliya vazirligi huzuridagi To‘lovga qobiliyatsizlik ishlari agentligi vakillari ishtirok etdi.

Malayziya Bosh vazir departamenti huzuridagi To‘lovga qobiliyatsizlik departamenti mezbonligida hamda Jahon banki, Xalqaro valyuta jamg‘armasi, BMTning Xalqaro savdo huquqi bo‘yicha komissiyasi (UNCITRAL) va INSOL International hamkorligida tashkil etilgan forum Osiyo mamlakatlarida to‘lovga qobiliyatsizlik tizimlarini zamonaviy iqtisodiy sharoitlarga moslashtirish va takomillashtirish masalalariga bag‘ishlandi.

Forum doirasida xalqaro hamjamiyatga O‘zbekistonda to‘lovga qobiliyatsizlik sohasida amalga oshirilayotgan islohotlar haqida ma’lumot berildi. Xususan, Agentlikning tashkil etilishi, moliyaviy qiyinchilikka duch kelgan korxonalarni erta qo‘llab-quvvatlash, sudgacha va sud sanatsiyasi mexanizmlarini takomillashtirish, sud boshqaruvchilarining kasbiy salohiyatini oshirish hamda sohani raqamlashtirish bo‘yicha olib borilayotgan ishlar tanishtirildi.

Shuningdek, Avstraliya, Hindiston, Malayziya, Singapur va boshqa mamlakatlarda amalga oshirilayotgan islohotlar yuzasidan tajriba almashildi. Korxonalarning moliyaviy holatiga ta’sir etuvchi iqtisodiy omillar, jismoniy shaxslarning qarzdorligini tartibga solish hamda qarzdor va kreditorlar manfaatlari o‘rtasida muvozanatni ta’minlash masalalari ko’rib chiqildi.

🌐 website 📱 facebook 📱 instagram 📱 linkedIn 📱 youtube 📱 twitter