#Adliya_xabari

📍 Adliya vaziri A. Tashkulov aholining huquqiy ongi va madaniyatini yuksaltirish bo‘yicha taqdimotlar bilan tanishdi

🔹Yashnobod tumanida aholi, ayniqsa yoshlarning huquqiy ongi va huquqiy madaniyatini yuksaltirish, huquqbuzarliklar profilaktikasini kuchaytirish hamda onlayn va kiberfiribgarliklarning oldini olish borasida amalga oshirilayotgan ishlar yuzasidan taqdimot o‘tkazildi.

🔹Shuningdek, Toshkent davlat yuridik universiteti tomonidan 30-son umumta’lim maktabida tajriba-sinov tariqasida amalga oshirilgan “Axloqiy yuksalish sari 7 qadam” loyihasining natijalari muhokama qilindi.

🔹Tadbir davomida loyiha doirasida erishilgan natijalar, yoshlar tarbiyasi va huquqiy savodxonligini oshirishga qaratilgan amaliy yondashuvlar hamda istiqboldagi vazifalar yuzasidan fikr almashildi.

💻 Alohida e’tibor kiberfiribgarliklarning oldini olish, yoshlarni axborot xurujlari va turli firibgarliklardan himoya qilish masalalariga qaratildi.

📌 Yakunda kiberxavfsizlik bo‘yicha targ‘ibot ishlarini yanada kuchaytirish hamda “Axloqiy yuksalish sari 7 qadam” loyihasini Yashnobod tumanidagi barcha umumta’lim maktablarida bosqichma-bosqich joriy etish yuzasidan tegishli vazifalar belgilandi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

📚 DUAL TA’LIM — NAZARIY BILIM VA YURIDIK AMALIYOT UYG‘UNLIGI
⚖️ O‘zbekiston Respublikasi Prezidentining 2025-yil 26-noyabrdagi PF–232-sonli “O‘zbekiston Respublikasida yuridik ta’lim va ilm-fanni yanada isloh qilish chora-tadbirlari to‘g‘risida" gi Farmonida yuridik ta’limni amaliyot bilan uzviy bog‘lash, klinik va dual ta’lim tamoyillarini joriy etish ustuvor vazifalardan biri sifatida belgilangan.

Farmonga muvofiq, 2026/2027-o‘quv yilidan boshlab Toshkent davlat yuridik universitetida tajriba tariqasida joriy etiladigan mazkur tizim doirasida universitet talabalari ta’lim dasturlarining nazariy qismini auditoriyalarda, amaliy qismini esa sudlar, huquqni muhofaza qiluvchi organlar, advokatura va boshqa yuridik sohaga oid tashkilotlarda o‘zlashtirishi nazarda tutilgan.

Dual ta’lim yondashuvi talabalarning nazariy bilimlarini amaliy faoliyat bilan mustahkamlash, huquqiy vaziyatlarni tahlil qilish, mustaqil qaror qabul qilish hamda kelajakdagi kasbiy faoliyat uchun zarur ko‘nikmalarni shakllantirishda muhim ahamiyatga ega.

Shu munosabat bilan, Toshkent davlat yuridik universiteti Ma’muriy va moliya huquqi sho‘basi o‘qituvchisi Fazliddin Samigdjanov dual ta’lim doirasida tahsil olayotgan talabalarning faoliyati bilan tanishdi. Jarayon davomida nazariy bilimlarni amaliyot bilan uyg‘unlashtirish, talabalarning kasbiy ko‘nikmalarini rivojlantirish va ularni kelajakdagi mehnat faoliyatiga tayyorlashning ahamiyatiga e’tibor qaratildi.

Ma’muriy va moliya huquqi sho‘basi yuridik ta’lim sifatini oshirish, ta’lim va amaliyot integratsiyasini mustahkamlash hamda raqobatbardosh, malakali yuridik kadrlar tayyorlashga xizmat qiladigan dual ta’lim tizimini ijobiy qo‘llab-quvvatlaydi.

Zero, zamonaviy yuristni tayyorlash nafaqat mustahkam nazariy bilim, balki ularni real hayotiy va huquqiy vaziyatlarda samarali qo‘llay olish qobiliyatini ham talab etadi.

🔹 Ma’muriy va moliya huquqi sho‘basi — ta’lim, ilm-fan va amaliyot integratsiyasi tarafdori!

Yangi o‘quv yilida yana birgalikda yuksak natijalarga erishamiz!
📸Bizni ijtimoiy tarmoqlarda kuzatib boring:
📱 Telegram
📱Instagram
📱 Facebook

⚖️ JINOYATCHILIKNING OLDINI OLISHDA ILMIY YONDASHUV: TDYU PROFESSOR-O‘QITUVCHILARI SIRDARYO TUMANIDA

Ilm-fan va amaliyot hamkorligi
2026-yil 12-oktyabr kuni O‘zbekiston Respublikasi Prezidentining 2026-yil 5-yanvardagi PQ–1 va PQ–2-son qarorlari ijrosini ta’minlash doirasida Toshkent davlat yuridik universiteti professor-o‘qituvchilari Sirdaryo tumani “Kamolot” mahallasida huquqbuzarlik va jinoyatlarning oldini olishga qaratilgan ilmiy-amaliy o‘rganish ishlarini olib bordilar.
Ishchi guruh tarkibida Ma’muriy va moliya huquqi sho‘basi mudiri Sherzod Jo‘rayev shuningdek, o‘rganishda TDYU dotsenti M. Kurbanov hamda Ommaviy huquq fakulteti Tadqiqot markazi ilmiy xodimi F. Nazarov ishtirok etdilar.

Muammolarni aniqlash — samarali yechimlar sari
Kriminogen vaziyati og‘ir, “qizil” toifaga kiritilgan “Kamolot” mahallasida sodir etilgan jinoyatlar joyiga chiqib o‘rganildi. Tahlillar davomida daryo bo‘yidagi karerlar va qurilish obyektlarida qo‘riqlash hamda videokuzatuv tizimlarining yetarli emasligi, ayrim mulk obyektlarining qarovsiz qolishi, ish haqining kechiktirilishi va moliyaviy qiyinchiliklar kabi omillarga e’tibor qaratildi.

Jinoyatchilikka qarshi kurashda ilmiy yondashuv
O‘rganish jarayonida vaziyatli jinoyatchilik profilaktikasi, kundalik faoliyat nazariyasi va jinoyatchilikning ijtimoiy-iqtisodiy sabablarini tahlil qilish usullaridan foydalanildi. Muhimi, barcha o‘rganilgan o‘g‘irlik holatlari bo‘yicha olib ketilgan mol-mulk egalariga qaytarilgani qayd etildi.

Amaliy takliflar va istiqboldagi vazifalar
O‘rganish natijalari asosida hududdagi xavfli obyektlarda videokuzatuv va tungi yoritishni yo‘lga qo‘yish, qarovsiz qolgan garov mulklarini muhofaza qilish, rangli metall aylanmasini nazorat qilish, aholini ijtimoiy qo‘llab-quvvatlash hamda huquqiy targ‘ibot tadbirlarini kuchaytirish bo‘yicha takliflar ishlab chiqildi.

Mazkur tashabbus huquqbuzarliklarning oldini olishda ilmiy tahlil, davlat organlari va mahalla hamkorligi hamda manzilli profilaktik chora-tadbirlarning muhimligini namoyon etadi.

🎓 Toshkent davlat yuridik universiteti — ilmiy salohiyatni jamiyat xavfsizligi va huquqiy madaniyat yuksalishiga yo‘naltirish yo‘lida!

#TDYU @Ma’muriyVaMoliyaHuquqi #Kriminologiya #HuquqbuzarliklarProfilaktikasi #IlmFanVaAmaliyot

Yangi o‘quv yilida yana birgalikda yuksak natijalarga erishamiz!
📸Bizni ijtimoiy tarmoqlarda kuzatib boring:
📱 Telegram
📱Instagram
📱 Facebook