متغيّره ماني بـ أنا .. من هو اللي نحّل وقفتي
‏هذي المرايا كاذبه ولا أنا ماني بـ أنَاي ؟

‏من عوّد إيديني على التلويح وأضرى خطوتي
‏تمشي دروبٍ غصب عن قلبي وعيني في قفاي ؟

‏من كرّب أيامي ونسّاني ملامح ضحكتي
‏من دسّ في صدري حنين وذكريات وصوت ناي ؟

من أستباح الضيق في وجهي وبهّت صورتي
‏من غيّب البسمه عن عيوني ومن طرّف بكاي ؟

‏من علّم شعوري الشعر يوم أختنقت بـ عبرتي
‏من رقّق إيديني وحدّد حرفي وقسّى حكاي ؟

‏من ثقّل الكلمه على لساني وضخّم نبرتي
‏من طلّع من إحساسي الناعم ومن ليني قساي ؟

‏متغيّره ماني بـ أنا .. ولا بـ هذي هيئتي
‏مدري من اللي عاث في أرضي وفي سماي ؟

‏" أنا اللي قافل أبوابه بوجه العالم الثرثار
‏أعيش بوحدتي أجمل من أصواتٍ تناديني

‏وإلى من مرت الضحكه عيوني قلت يا ستار
‏أخاف تغار دمعاتي وتسبق ضحكي لعيني

‏تعمّدت أجرحك وأقسى وأسلّم قلبي الأقدار
‏تعمّدت أبني ما بيني وبينك سور يحميني

‏عقدت النيّه أتناسى ما عاد أشتاق لك وأغار
‏يحزّن هالشعور أدري ولكن عزّت سنيني

‏وحطّت رحلتي دونك سلامة آخر الأسفار
‏فمان أصعب محطاتي فمان أبسط عناويني

‏قدرنا ننتهي وإحنا حبيبي بـ أوّل المشوار
‏تعديتك مثل فرحي وأبي منّك تعديني " ..

" أبي محطة لقى .. مابي محطة ملام "

طالعه وما أقدر أمسحها .. شالحل ؟

" ماريد تطلع شمس
وإنته علي زعلان
مليون مره أعتذر
لو قلبي عنده لسان " ..

إيه أنا اللي راحت سنيني تعب
راحت سنيني في حزني غافيه

ما صحيت إلا عقب جرعة عتب
نشفت ريق الأمل والعافيه

ما يطيب الخاطر إلا من تعب
وما تطيح إلا الدموع الوافيه

وما يهون إلا الغلا اللي من سبب
وما تموت إلا إجابه شافيه

من متى ذبلت عناقيد العنب ؟
ومن متى ماني بحالي واعيه ؟

ومن متى وجهي حزين ومكتئب ؟
ومن متى يديني ماهي دافيه ؟

ومن متى أبكي ولا طاح الحطب ؟
ومن متى أشكي ولا إذنٍ صاغيه ؟

بقلب الدنيا وأثور أضطرب
وأرقى فوق أسوار سجني العاليه

وبيدي باخد فرح عمري غصب
وألوي ذراع الظروف القاسيه

وأتهندم وألبس حزام وكعب
وأتصور كنّ ماني داريه

وأتميلح وأرسم قلوب وأحب
وأسمع أم كلثوم ، وورده ، وشاديه

وأتمايل ويا أنغام الطرب
فوق شط الشعر برقص حافيه

وأجمع أصداف البحر وألعب لعب
وأخذ بثار السنين الماضيه

ما يهم من يزعل ومنهو غصب
وما علي من حكي عالم فاضيه

يوم شفت الموت ما رفوّا هدب
يوم جيت أعيش صرت الجانيه :)

" لنفترق قليلاً " ..

ماني فاهمه شلون العالم تتغنى بـ " الشوق " وكأنه شعور حلو ولطيف بينما شعور الشوق يجي على هيئة عارض صحي يطحن قلبك !

‏صباح ، بس أتمنى إنه خير

" عقبال ما نسكن سوى بيت الغرام
‏وأجيب لي منك غزاله صغيره

‏وإنت وأنا نسهر ولا نقدر ننام
‏لأن الغزاله صاحيه ومذيّره " ..

مهما بعدنا عن بعض ، لحظة دفا وحّده بتسيح التلج اللي تكوّم ما بيننا عشان الدنيا من غير ناس بنحبهم ، متسواش !

- أميره في مسلسل إمبراطورية مين

‏" لا أعرف إمرأةً مثلي تجيد رسم صوت الرجُل الذي تُحِب " ..

‏" بو هدب وخدود ورديه " ..

‏" يشوفني عينه وأغلى من العين
‏وأشوف فيه اللي محدٍ فيه شافه

‏عند الزعل ناخذ لنا شوي ونلين
‏البعد لو هو ظرف ساعه نخافه

‏حنا في بعضنا طيبين ووفيين
‏وعلى بعضنا ما نشيل الحسافه "

‏كل الأيام اللي معه " حب على حب " ..

‏محاصرتني العقلانيه من كل الزوايا ، بينما أنا مليانه عواطف أغرق وأتوه وأرجع عاقله

‏" ليله على ما نشتهي ماهي على ما يشتهون
‏سريتها وأنا بسببك من الهداوه مرتبك
‏
متجرّدين من العقل ونطق بيبان الجنون
‏مره نبي نجلس حيا ، مره نبي ندبك دبك " ..