" في نظرتي الشاعريّه أشوف إنها أرتب فوضى " 💘

صباح الخير ، نحتاج شمس كِزابه وما بتدفي

‏" إنتي عن الأربعه .. والشرع حلل أربعه " 💘

" ودّه لو إن هدوء الفجر شمل صدره "

الله الله الله ..

قبل ما حطّ بـ كفوفك بقايا عقدي المقطوع
بـ أكتب آخر أشعاري عشانك لو تبي تقرا

تراك آخر مواجيعي ولا بَعْدك عطش ودموع
لـ مينْ أظما وأنا بَعْدك هجرت النبع والمجرى ؟

تعال إقرا عن البارح سَهَرْت إبْلا وطن وشموع
أدورّ وجهك المهموم وأدوّر لـ الحزن مسرى

أبحكي عن كتاب فيه هواك الجرح والموضوع
وعن إسمك على صدري قلاده وسْطها جمره

عن الشكوى عن النجوى وعن صوتٍ غدا مسموع
يناجي في عتيم الليل نجوم الكون والقمرا

أبشكي لك رسايل شوق لها نفح غدا مطبوع
وحبرٍ ريحته عطركْ يجدّد لوعة الذكرى

أبحكي عن عذاب الأمس وجسمٍ ناحلٍ موجوع
وروح خالَطَتْ روحك مشاعر صافية عَذْرا

تعال إقرا عن الطعنه شعور العاشق المخدوع
أنا جيتك لـ أجل روضك لقيت بداخلك صَحْرا

تفضّل ما بقى عندي سوى عقد وبقايا دموع
وكلمة باقيه بـ الجوفْ أحبك حيل وإنت أدرى

لا كبر عمري ولا تغيّر مكاني
‏ليه أحس إني أنا ماني بـ أنا ؟

‏صرت أصور وأحفظ الصوره عشاني
‏وأجمع الذكرى على العشره ضمانه

‏وصرت أحب الحزن بـ ألحان الأغاني
‏من عقب طيران لحن الخيزرانه

‏وصرت أخاف البرق وأدعي في مكاني
بعد ما أركض للمطر وأغرق شطانه

‏وصار عندي للمجامل وجه ثاني
‏من بعد ما صرت أخاف من الميانه

‏وأعشق الوحده وأحس إنها أماني
‏من لقى في وحدته غيري أمانه ..

زيّ ما إنتي

‏" فلي شعرك علمينا كيف تقدر مَرَه
‏تزرع الليل صبح وتزرع الصبح ليل "

- مطلق الجبعاء

‏لبيه يا الراحه وذعذاع الصباح
‏وأنا مصلي الفجر في توقيتها

‏أحس في صدري سكينه وإنشراح
‏من يوم أذن للصلاة وجيتها

‏مذنب وأحبّ الخير وأسعى للصلاح
‏وأندم على الغلطه ليا سويتها

هذي حصيلة ليله أسهر لحالي
أشرب من الأكواب ما أشرب من الكُوس

يوم أتقهوى ويوم أقهوي الليالي
عزلة تعب ماهي إحترازات فيروس

أنا شماليه .. وقلبي بعد شمالي
لي كبد لا بِرْدَت يورّى لها الموس

‏وأنا إليا جيت أحب أكون طاغية حضور
‏أحسن من اللي يجي محدٍ درا بـ جيته

‏أما إني أجمل أسمي لا أنكتب لي ظهور
‏أو يلعن أبو الظهور وتنلعن مُيته

‏غزالٍ والعقل في راسي وصوتي جهور
‏ويمناي من دون حقي ماهي مَيته

‏" تغاضي يا عيوني والسنين قصار
‏ما دام الوقت لا أنصفني ولا أنصفته

‏ أحب اللي مضى لي وأكره التكرار
‏وأشوف اللي يخوفني ولا خفته

‏غريب شعور والواقع غريب أطوار
‏كثر ما كنت راضي كثر ما عفته ..

‏يا كثر اللي تحاشيته يصير وصار
‏ويا كثر اللي تمنيته ولا شفته "