Turkiyalik Islom olimi Mehmet Fotih Chitlak Umra ziyorati vaqtida Uhud tog’iga uzoq boqib, yonidagi talabalardan so’raydi:

— Uhud g’azotida kamonchilar tepaligini (o’lja to’plash uchun) tark etgan sahobalar kimlar edi?
Hamma jim. Javob yo’q. Ustoz savolini takrorlaydi:
— Kamonchilar tepaligini tark etgan kamonchilar kimlar edi?
Talabalarning hijolatdan boshlari egik.
— Bilmaymiz, ustoz… - deyishadi sekingina.
— Ishoning, aslida men ham buni bilmayman, - deydi ustoz ko’zlari yoshlanib. - Buni hech kim bilmaydi.
Ularning nomlari hech qachon hech yerda aytilmagan, hech bir manbada yozib qoldirilmagan. Tepalikni tashlab ketib, musulmonlarning ko’p talofat ko’rishiga sababchi bo’lgan kamonchilarning kim bo’lganini hatto ularning rafiqalari ham, farzandlari ham bilmaganlar.
Chunki, boshqa sahobalar buni aslo oshkor etishmagan, yashirishgan. Yillar o’tib, Jamal va Siffin hodisalarida bir-birlariga qarama-qarshi turganlarida ham, «Siz Uhuddagi tepalikni tashlab ketgandingiz», deya o’zaro malomat qilganlari yo’q. Bir-birlariga qarama-qarshi hollarida ham bir-birlarining xatolarini yuziga solishmadi. Chin mo’min-musulmon - mana shunday go’zal axloq egasidir! Endi anglab turibmanki, Uhud aslida mag’lubiyat emas, g’alaba bo’lgan ekan - insoniylik, musulmonlik g’alabasi bo’lgan ekan…

…Bir-birining xatosini ko’rib qolsa, ayblash "imkoniyati"ni qo’ldan boy bermay, darhol ommaga oshkor qilishga kirishadigan: bir-birini obro’sizlantirishdan, masharalashdan zavq oladigan "muslim"larni, "muslima"larni ko’rganimda ustozimizning ana shu gaplari esimga tushadi.

Bir-birining xato-kamchiligini, aybu qusurini elga doston qilishdan hazar etgan ashobi kirom qatori Jannatga kirmoqni istaydigan "gapdon"lar dindoshlarining go’shtini chaynashga ixtisoslashgan og’izlarini tavba suvi bilan poklab olsalar, o’zlari uchun yaxshi bo’lar edi. Chunki, Jannat - yuviqsizlar kiradigan joy emas…

(Ko’chirildi)

@afiyfun

Dushmanlardan emas, o’zini do’st tutganlardan qo’rqish kerak ekanini shu bir yil davomida ko’proq anglab yettim, G’azoliklar esa buni yashab o’tmoqda…

@afiyfun

Ey G’azo halqi, siz zulm ostida chog’ingiz biz nafsimiz bilan ovvora bo’ldik, qo’rqamanki, siz rohatda chog’ Alloh bizga jazolarni og’ir qilmasin…

@afiyfun

Insondagi hayo darajasi, qalbning hayot darajasi haqida so’zlaydi.

@afiyfun

Yaxshi ayol - Yaxshi hayotdir!

Erkakning baxti ayol bilan.

@afiyfun

"Odamlar sening bir yomon ishing bilan butun yaxshi o'tmishingni o'chiradi. Alloh esa birgina tavbang bilan butun yomon o'tmishingni o'chiradi!"

@afiyfun

Qarshingdagi eshiklar yopiqligi, bu barcha eshiklar yopiq ekanini anglatmaydi, balki, sen to’g’ri eshikni topishing uchun berk bo’ladi!

@afiyfun

Yuragingiz og'irlashganda, u sizni sajdaga tortayotgan bo'ladi.

@afiyfun

Keyingi bobdan habarimiz yo’q, lekin Muallifdan habarimiz bor! Shuning uchun hotirjammiz.

@afiyfun

Qosim ibn Salam rahimahulloh aytadilar:

"Bir kitob yozish uchun olimlar og'ziga qarab qirq yil umr o‘tkazdim. Agar ulardan bir dona foydali so‘z eshitsam kitobga yozib xursandligimdan tuni bilan uxlay olmas edim. Endi birlaring menga ilm talabida kelib to‘rt-besh oyda "Ko‘p turib qoldik" deydi!

@afiyfun

Kitobingni muallifi o’zingsan, qiyomat kuni o’qishga arzigulik amal qil!

@afiyfun