“Taqvodor bo’lish uchun gunohkor bo’lmaslik yoki har qanday xatodan ma’sum bo’lish shart qilinmagan. Aks holda ummat orasida taqvodor inson qolmas edi. Gunohiga tavba qilgan kimsa taqvodor sanaladi, yomon amallariga kafforat bo’ladigan ishlar qilishi bilan taqvodorlar jumlasiga kiradi”.

Ibn Taymiya rahimahulloh

Chunki hech kim gunohdan xoli emas, lekin inson qilgan gunohlarini iloji boricha qayta qilmaslikka azm qilishi, qattiq tavba qilishi kerak..

@afiyfun

"Bas, Meni eslangiz, men ham sizlarni eslayman"

(Baqara: 152)

Ibn Qoyyim rahimahulloh aytadi:

"Zikrning mana shundan boshqa fazilati bo’lmaganida ham shuning o’zi fazl va sharafga yetarli bo’lardi".

@afiyfun

Allohga qasamki, agar qabrdagilarga "orzu qilinglar!" deyilsa, ular Ramazondan bir kunni orzu qilgan bo'lardilar.

Ibn Javziy rahimahulloh

@afiyfun

Agarda masjidlarda bolalarni ko'rmasanglar, o'sha Ummatning kelajagi yo'q!

Sulton Sulaymon Qonuniy

@afiyfun

Imom Shofe'iy rohimahulloh aytadilar:

"Agar amalingdan g'ururlana boshlasang, qanday Zot roziligi uchun va qanday ne'mat (jannat) uchun amal qilayotganingni va qanday jazo (do‘zax)dan qochayotganingni esla. Shunda har qanday amaling arzimasligini ko‘rasan"

Ihyou-ulumid-din

@afiyfun

"Yusuf ibn Husayn aytadi: "Dunyodagi eng buyuk narsa - ixlosdir. Qalbimdan riyoni tushirishga qanchalik qattiq harakat qilmay, huddiki u boshqa rang bilan o'sib chiqayotgandek bo'ladi".

Ibn Qoyyim rahimahulloh

@afiyfun

Sabit ibn Qoys rahimahulloh aytadilar:

"Agar mo‘min Allohga duo qilsa, Alloh jabroilga aytadi: "Uning talabiga shoshilma! Chunki men bandamning ovozini eshitishni istayman!
Agar fojir kishi Allohga duo qilsa, Alloh Jabroilga aytadi: Ey Jabroil! Uning talabini tezda bajo qil! Chunki men fojirning ovozini eshitishni istamayman!".

@afiyfun

Savol

Bir chiziq tortilmish hayot yo’lidan,
Tengdir bu hududda erkagu ayol.
«Bu nima?» - ilk bora go’dak tilidan
Yangraydi savol!

Uyimiz to’rida o’tirar mehmon,
Savolga tutadi, so’ray boshlar hol:
«Sen kimning o’g’lisan? Otang kim?» degan
Yangraydi savol.

Maktabga boramiz, jo’shib ketgan kuch,
Muallim yozadi masala, misol:
«Xo’sh, necha bo’ladi ikki karra uch?» —
Yangraydi savol.

Muhabbat bog’ida Sardargon kezib,
Dilbar ko’zlariga boqqanda behol,
Sanam ko’zlarida «Sevasizmi?» deb
Yangraydi savol.

Hayot ostonasi… Yashalmas yakka,
Nikoh bu rishtani aylagay halol.
«Falonchihon qizim, tan mahramlikka..?»
Yangraydi savol.

Odatiy o’zanda oqadi turmush,
Pul uchib ketadi bamisli shamol.
Har oqshom «Go’sht qani, non qani?» - demish
Yangraydi savol.

Shu zayl yasharmiz goh och, goh to’kin,
Gohida alam yeb, gohida yeb bol.
Jimjitlik yurakni allalar, lokin
Yangraydi savol:

«Nega yashayapsan yorug’ dunyoda,
Kecha go’dak eding, bugun qari chol!?» -
Xohi markabda yur, xohi piyoda,
Yangraydi savol…

Topsa bo’lar balki bularga malham,
Hech qursa hayotdan qochib bemajol…
Vo darig’, qochilgan yer ostida ham
Yangraydi savol!

So’ngra ne boshlanar - Xoliqi olam
Huzuriga hisob ko’chilar behol.
Tasavvur qil, endi Rab tomonidan
Yangraydi savol…

…Endi buyog’iga o’ta olmayman,
Bu holda qaddimiz aniq bo’lur dol.
Ne deyin, javobni men ham bilmayman -
Yangraydi savol!

Xayrullo, izlama tadbir ishingga,
Barisin hisobga olmish Zul-Jalol,
Tayyor tur doimo - har bir ishingga
Yangraydi savol!!!

Xayrulla Hamidov

@afiyfun

O'zing bergan qalamning satrlariga mahzun bo'lma...

@afiyfun