Bandaga biror gunoh qilsak ko’ziga ko’rinolmaymiz. O’zimizni undan uzoq tutamiz.

Ilohi, Senga qancha gunohlar qildik, yuzsizliklar qildik.
Qani endi Senga ham ko’rinolmay yurolsak. Qani Sendan o’zni uzoq qilolsak. Agar shuning yo’li bo’lsa bizlarga ko’rsat. Eshigingdan boshqa eshik bo’lsa, bizlarni unga yo’lla. Juda bo’lmasa tuproqlarga aylantirib yubor, tong-la mahshar oldingda sharmanda turmaylik. Vujudimizni zarralarga bo’lib, tarqatib yubor, qiyomatda sharmisor bo’lmaylik.

Evoh, buning hech iloji yo’q, hechcham iloji yo’q. Eshingingdan boshqa borar joyim, ostonangdan o’zga bosh urar makonim yo’q! Gunohlarimni Senga vasila qilaman, chunki xatokor bandangda bundan boshqa narsa yo’q. Isyonimni huzuringda oqbayroq yanglig’ ko’taraman. Toki buni taslimli bandang e’tirofi o’laroq qabul et! Qilmishlardan beli bukik, qalbi pora va yuzi qora bandangni iltijolarini qabul qil!

Kechirsang bo’ldi, faqat kechirsang!..

Mubaşşir Ahmad

@afiyfun

Dunyo yangi yil sanasini kutmoqda. Sana o’zgaradigan kunni emas, qalblarni o’zgartiradigan, isloh qiladigan, muborak Ramazon oyini kutayotganlarga salomlar bo’lsin..

@afiyfun

Abdulloh ibn Muborak rahimahulloh aytadilar:

"G’iybatdan tavba, g’iybat qilgan kishingni haqqiga istig’for aytish bilan bo’ladi. Undan kechirim so’rab ikki karra ozor berish bilan emas!"

@afiyfun

Quyosh chiqqan kunning eng yaxshisi Juma kunidir!

@afiyfun

Fuzuliy aytadi:
"Bir gul uchun minglab tikan sug’oriladi"

@afiyfun

Shariat
O’zing to’g’ri deb bilgan ishni qil, odamlar fikri har kuni o’zgaradi..

@afiyfun

Ijobat kechikadi.
Chunki Robbing qadarida bir martaba borki, sen hali unga yetmagansan.
Qalbingda bir qattiqlik borki, Alloh uni yumshatmoqchi.

Ijobat kechikadi.
Ibodating bilan faxrlanib ketmasliging uchun.
Qalbingda g’urur sezib, boshqalarga qiyoslaganda o’zingni afzal bilmasliging uchun.
O’zingni boshqalardan ustun ko’rishing xato ekanini isbotlash uchun.
Gunohkorga shafqat bilan emas, past nazar bilan qaraganing uchun kechikadi ijobat.

Ijobat islohdan keyin keladi.

@afiyfun

Sizga nasihat qilishim "Men sizdan yaxshiroqman" degani emas. Bu "Sizga yaxshilik tilayman" degani aslida.

@afiyfun

O’ylaganingdan ko’ra juda tez unutilasan!

Bir kun vafot etasan. O'sha kun oilangdagilardan boshqa barcha insonlar uchun oddiy kun bo'ladi. Odamlar o'z o'y-hayollari bilan yashashda davom etadilar.

Oradan bir oy o'tgach esa oilangdagilar ham bunga ko'nikishadi, yo'qliging endi oddiy holga aylanadi. Yana hamma o'z tashvishlari bilan kun kechira boshlaydi.

Balki eslanarsan, balki yo’q..
Odamlar "U yaxshi odam edi" der, balki yo’q..
Uyingdagi, ish joyingdagi o’rning bilinar, balki yo’q..
Xafa qilganlaring, ko’ngillar kechirar, balki yo’q..

Bu dunyodan biron odamning ortidan o’lib yuborganni ko’rmadik.
Chunki Alloh toqatni shunday bergan.
Faqat sen bilan ketuvchi amallaringina muhim. U hamrohing yo Jannatda, yo…

Qolgani hech narsa emas..!

@afiyfun

Tutinsang Allohning arqoniga tutin! Ko'ngil iplari nozik, uzilishga moyil bo'ladi...

#Salih

@afiyfun

Rabat, Marokash - Muhammad Aziz 43 yildan buyon o’z kitob do’konida, minglagan kitoblar ichida umrini o’tkazib kelmoqda. 70 yoshli bu kishi har kuni 6-8 soat davomida fransuz, arab va ingliz tillaridagi kitoblarni mutolaa qiladi.

Dunyo ijtimoiy tarmoqlarda vaqt o’tkazayotgan bir paytda, Aziz hamon kitob sahifalarini varoqlashda davom etmoqda. Uning o’qigan kitoblari soni 5 mingdan oshgan bo’lib, har biri o’qishga bo’lgan muhabbatining bir bo’lagi hisoblanadi.

@afiyfun

Kishi Allohni qanchalik tanisa Undan shunchalik qo’rqadi.

Ahmad ibn Osim rahimahulloh

@afiyfun

Holingiz tang payti tog’dek to’lqinlar ichra Nuh alayhissalom o’z kemasida qanday suzganini eslang.

Ibrohim alayhissalom dahshatli alangadan salomat chiqib kelganini yodga oling.

Nahangning qornidan sog’-omon chiqib kelgan Yunus alayhissalomga boqing.

Tayog’i bilan dengizni yorgan Muso alayhissalomni eslang.

Allohning nusratidagi eng go’zal qoida - u barcha sabablar uzilganda keladi.
Chunki shu onda bandaning qalbida Allohdan o’zgasi bo’lmaydi.

@afiyfun

Sinovlar usti-usti kelganida, qalbingga rohat beradigan bu oyatni eslagin:

"Alloh hech bir jonni toqatidan tashqari narsaga taklif qilmas."

Baqara surasi, 286-oyat

@afiyfun

Bilmaganingni o‘rganishdan ko‘ra
bilganingni qo‘llashga haris bo'l!

Ko‘pchilikdan bir gapni eshitaman: "Ilm olmoqchiman.. endi o‘zimni ilmga bag‘ishlayman.. ilmga sharoit qilib berishmayapti.. bolalarimni o‘qitishim kerak.. erim qo‘ymayapti.. xotinim kunimni bermaydi.. menga ilm o‘rgating.."

Albatta, Yaxshi niyatlar! Biz ilmga himmatni so'ndirmaymiz. Lekin sen aslida hamma ishni yig‘ishtirib qo‘yib, hayotdagi o'z vazifangdan ham bosh tortib ilm o‘qishga muhtojmanmi? deb o'ylab ko‘rdingmi?

Sen unutgan narsa shuki, sen (yangi ilmlarni) bilishdan ko‘ra (eski) bilganingga hali muhtojroqsan.

Sen har qanday gunoh qilar ekansan "Allohdan qo‘rq" degan ilmni o'rganmaganingdan emas, uni qo'llamaganingdan qilasan.

Demak sen bilasan.. lekin bilishingni bilmaysan. Shuning uchun sening harisliging "ilm olish, o‘qitish" dan ko‘ra, "tatbiq qilish, qo‘llash" ga bo‘lsin.

Xizr nega Muso alayhissalomga uch masalani o‘rgatib haydab yubordi?
Chunki Muso alayhissalom bilishga emas, bilganini bilishga (tatbiq qilishga) muhtojroq edilar. U kishiga buni bilish uchun uch misol kifoya qilar edi.

Shuning uchun namozda ham uch oyat o‘qish bilan qiroat ado qilingan bo'ladi. Chunki, qur'onning har qanday uch oyati sening najot topishingga yetarli bilimdir.

Alloh aytadi:
"Bilib turib Allohga sheriklar qilmanglar"

Baqara surasi, 22-oyat

"Bilib turib haqni berkitmanglar"

Baqara surasi, 42-oyat

"Bilib turib odamlar molini botil yo'l bilan yemanglar"

Baqara surasi, 188-oyat

"Bilib turib omonatlaringga xiyonat qilmanglar"

Anfol surasi, 27-oyat

"Ular bilib turib Allohga yolg‘on gapiradilar"

Oli Imron surasi 75-oyat

"Ular bilib turib yolg‘onga qasam ichadilar"

Mujodala surasi, 14-oyat

Sen endi ham "bilmayman" deya olasanmi?

Alloh haqiqiy mo‘minlar haqida aytadi:
"Ular bilib turib qilgan gunohida davom
etavermaydilar"

Oli Imron surasi, 135-oyat

@afiyfun

Kuz faslida to’kilmagan barg - xiyonatkor, boshqa to’kilgan barglarga ko’ra.
Daraxtga ko’ra esa - vafodor.
Fasllarning nazarida - isyonkordir.

Bir barg - uch xil hukm.
Sababi esa bitta: Har kim haqiqatga o’z oynasidan boqadi.

@afiyfun

Quyosh chiqqan kunning eng yaxshisi Juma kunidir!

@afiyfun

Inson hatto soyasida bir necha bor o’tirgan daraxtga ulfat bo’lib qoladiyu, qalb qalbga o’rganib qolsa qanday bo’larkan!

Abdulhodiy Yusuf

@afiyfun

Nima uchun Yusuf surasi "qissalarning eng go’zali" deb nomlangan?

Chunki bu sura bizga qamoqdagi mahbus, albatta bir kun chiqishini;

Bemor vaqti kelib shifo topishini;

G’oyib bo’lgan kishi kuni kelib qaytishini;

Mahzun kishi fursati yetib shod bo’lishini;

G’am vaqt o’tib arishini; Mo’minning boshiga tushgan baloning barchasi xayr ekanini o’rgatadi.

Alloh bor ekan umidni uzma, Unga ishon. Rahmon va Rahim bo’lgan Zotga yaxshi gumonda bo’l..!

@afiyfun

Kim o’zi bilan Alloh o’rtasini buzsa, albatta Alloh u bilan bandalar o’rtasini buzib qo’yadi.

Salama ibn Dinor rahimahulloh

@afiyfun