Qadr kechasi va oxirgi o‘n kechalardagi eng afzal amallar namoz, Qur’on tilovati va duodir. Eng afzal holat esa, tungi namozda Qur’on tilovatini uzunroq qilish va sajdada duoni ko‘paytirish bilan mazkur uch amalni jamlashdir.

Shayx Abdulaziz Torifiy

@afiyfun

#Eslatma

Qadr kechasi o’qiladigan duo:

اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي

O’qilishi: "Allohumma innaka afuvvun tuhibbul-afva fa’fu ‘anniy".

Ma’nosi: "Ey Alloh, albatta, Sen afv qiluvchisan, afv qilishni yaxshi ko’rasan, meni afv qil!"

@afiyfun

Salaflardan biri bunday degan ekan:
«Agar Qadr kechasi yilning faqat bir kechasigagina yashirilgan bo’lsa, unga yetishish uchun yilning har kechasini ibodat bilan o’tkazgan bo’lar edim. Buning oldida o’n kecha nima degan gap?»

Ibn Taymiya rohimahulloh aytadi:
«Mo‘min banda Qadr kechasini Ramazonning oxirgi o‘n kechasining barchasidan qidirishi maqsadga muvofiqdir. Zero, Rasululloh sollallohu alayhi va sallam: “Qadr kechasini oxirgi o‘n kunlikdan izlanglar”, deganlar. Oxirgi yetti kunga yashirilgan bo‘lish ehtimoli ko‘proq. Ko‘pincha yigirma yettinchi kechaga to‘g‘ri keladi.»

Ramazonning avvalida kamchiliklarga yo’l qo’yib, oxirini yaxshi o’tkazgan kishi, avvalini yaxshi o’tkazib, oxirida kamchiliklarga yo’l qo’ygan kishidan yaxshiroqdir. Zero, hadisda: "Albatta amallar nihoyasiga ko’ra e’tiborga olinadi", deyilgan.

Ramazon oyi oxiriga borib himmatlar susayib qolmasligi uchun Alloh bu oyning oxirini avvalidan afzal qildi. Darhaqiqat, bu onlarni zoye qilgan kishi ko’p yaxshilikdan mahrum bo’lgan, g’animat bilgan kishi esa Allohning rahmatiga noil bo’lganidir..

Qunut duosida dushmanlarga qarshi duo qilish kerakligi haqida:

Bunday duo, Alloh uchun yaxshi ko’rish va Alloh uchun yomon ko’rish aqidasini kuchaytiradi. Shuningdek dushmanlarning yomonligi daf qilinadi va salaflarning yo’liga ergashiladi.

Tobeinlardan A’roj aytganlar:
"Sahobalar ramazonda kofirlarni duoibad qilishar edi".

Ramazondagi mashaqqat zoye ketmasin. Ro'zaning ajrini gunohlar, g'iybat va chaqimchilik bilan yo'qotib, savobingizni boshqalarga ulashib qo'ymang.

@afiyfun

E’lon!

Assalomu alaykum va rahmatullohi va barokatuh.

Aziz dindoshlar, bugun 18.03.2026 chorshanba kuni Islom olamida Shavvol oyi hiloli kuzatildi, biroq yangi oy ko‘ringani haqida xabar kelmadi. Shunga ko‘ra, Ramazon oyi 30 kun qilib to‘ldiriladi va inshaalloh, 20.03.2026 juma kuni Ramazon hayitining birinchi kuni hisoblanadi.

Alloh taolo ushbu muborak oyda qilgan solih amallarimizni dargohida qabul aylasin va hayit ayyomiga omonlik va ofiyatda yetib borishimizni nasib etsin. Omin!

@afiyfun

Hofiz ibn Hajar rahimahulloh aytadi:
«Hayit kuni shodlikni ko‘rsatish dinning shiorlaridandir».

«Fathul Boriy»

@afiyfun

#Eslatma

Shavvol oyidan olti kun ro'za tutishning fazilati

Abu Ayyub al-Ansoriy roziyallohu anhudan rivoyat qilinadi: Payg'ambarimiz sollallohu alayhi va sallam: «Kim Ramazon ro'zasiga Shavvoldan olti kun ro'zani ergashtirib qo'ysa, yil bo'yi ro'za tutgandek bo'ladi», dedilar (Imom Muslim rivoyati, 1164-hadis). Shu hadisi sharifga binoan, Shavvol oyidan olti kun ro'za tutish sunnat hisoblanadi.

Bu ro'zani tezroq tutib qo'ymoqchi bo'lgan kishi hayitning ikkinchi kunidan boshlab tutishi mumkin. Birinchi hayit kuni ro'za tutish xaromdir. Payg'ambarimiz sollallohu alayhi va sallam har ikki hayitning birinchi kunida ro'za tutishdan qaytarganlar.

Bu olti kunni Shavvol oyi davomida tutsa bo'laveradi. Uni ketma-ket tutish shart emas.

Ramazon ro'zasidan qarzi bor opa-singillarimiz avvalo qarzlarini tutib, keyin Shavvol ro'zasini tutganlari yaxshi. Ammo qazolarini tutishlari sababli Shavvol oyi tugab qolishi ehtimoli bo'lsa, qazolarini kechiktirib, Shavvolning olti kunini tutishlari afzal. Chunki, Shavvol ro'zasi faqat Shavvolda tutiladi va uni qazo qilib bo'lmaydi. Ramazonning qazosini kelgusi Ramazongacha tutib bersalar bo'laveradi. Vallohu a'lam.

Yaxshilikka dalolat qilgan kishi oʻsha yaxshilikni bajargan kishidek ajr oladi.
Boshqalarga ham ulashing va ularning ham savobiga sherik boʻling!

@afiyfun

Men mingta, ehtimol, undan-da ziyod,
Har ko’zgu aksida turfa talqinman.
Qaysi bir qiyofam butkul Senga yot?
Qaysi qiyofamda Senga yaqinman?

Behzod Fazliddin

@afiyfun

"O’z rizqini ko’tara olmaydigan qanchadan-qancha jonzotlar bor. Ularga ham, sizlarga ham Alloh rizq beradir. Va U o’ta eshituvchi va o’ta bilguvchi zotdir."

Ankabut surasi 60-oyat

@afiyfun

«Bolalar poyabzali sotiladi. Kiyilmagan…»(“For sale: baby shoes, never used”).

Hemingveyga nisbatan beriladigan ushbu qisqa hikoya dunyoni larzaga solgandi.

Bugun esa, ba’zi o‘lkalarda, xususan Falastinda ham, bolalar o‘limi oddiy kundalik hodisaga aylanib, endi bolalar go‘daklarni ko‘mish o‘yinini o‘ynayotgan ekan.

Ovqatni tanlab yeyishi, parklarda yugurib yurishi, varrak uchirishi, otasiga erkalashi kerak bo‘lgan bolalar, qo‘g‘irchoqni yelkalarida ko‘tarib, “janoza” o‘ynashyapti…

Jamoliddin Muhammadjon

@afiyfun

Yong’indan zarar ko’rganlarga Alloh sabr bersin, yo’qotgan mollarining o’rnini tez orada to’ldirib qo’ysin. Amiyn!

@afiyfun

"Agar mavloying(Alloh)ga osiylik qilmoqchi boʻlsang U koʻrmaydigan joyda osiylik qil"

Hatim al-asom rahimahulloh

@afiyfun

Kattalar yurttuzar, jahongir,
Kattalar dunyoni olmoqda.
"Bolalar lapashang va dovdir,"
Bolalar oʻlmoqda, bolalar.

Kattalar uchmoqda fazoda,
Livanda, Iroqda, Gʻazoda,
Bolalar loyiqdir jazoga,
Bolalar oʻlmoqda, bolalar.

Kattalar olimdir, kimyogar,
Kattalar tengi yoʻq, shifokor,
Bolalar bedavo va bemor,
Bolalar oʻlmoqda, bolalar.

Hamma joy aysh-ishrat, navozish,
Gunohni kattalar qilmoqda.
Bu qanday falokat, qanday ish,
Bolalar oʻlmoqda, bolalar!

Shoir Ravshan Haqmurod

@afiyfun

Umidingni uzgan narsadan hursan,
Nimaga ta’ma qilsang shunga qulsan!

Ibn Atoulloh Sakandariy

@afiyfun

Koʻzlarini suzib jilmayadi nafs,
Ortimdan mungʻayib boqadi iymon..!

Ravshan Haqmurod

@afiyfun

Ba’zida biz sukut saqlaymiz. Sukut hikmat bo’lgani uchun emas, balki gap foyda bermasligini bilganimiz uchun.

Ayman Yog’iy

@afiyfun

"Agar bir birodaringni Alloh yoʻlida yaxshi koʻraman desang, unga joningni ham molingni ham ayama"

Sufyon as-savriy rahimahulloh

@afiyfun

Insonlarning eng kambag’ali - onasidan boshqa uni yaxshi ko’radigani bo’lmagan insondir.

Abdulloh Rahim tarjimasi

@afiyfun

Odamman —
Osiylik peshonamda bor,
Beayb - yolg’iz O’zing,
Sen Parvardigor.
Noumid - shaytondir,
Umidim - Sendan,
Rahimliging haqqi, kechirib yubor!

NurmuhammadZoir

@afiyfun