🇺🇿🤝🇺🇸Uzumchilikda yangi imkoniyatlar va xalqaro hamkorlik

🌱 Bugun AQShning Grapa Global kompaniyasi vakillari “Agrobank” ATB negizida tashkil etilgan “Agro In Vitro” kompleksiga tashrif buyurdi.

🥀 Mehmonlar kompleksning zamonaviy laboratoriyasi, ko‘chat yetishtirish jarayonlari hamda ishlab chiqarish imkoniyatlari bilan yaqindan tanishdi.

🖥 Uchrashuvda Grapa Global kompaniyasining uzum navlarini “Agro In Vitro” kompleksida ko‘paytirish, yetishtirilgan ko‘chatlarni mahalliy va xalqaro bozorlarga yetkazib berish bo‘yicha hamkorlik istiqbollari muhokama qilindi.

Mazkur tashrif xalqaro tajriba va zamonaviy biotexnologiyalar asosida ko‘chat yetishtirishni rivojlantirish, yangi bozorlarni o‘zlashtirish hamda o‘zaro manfaatli hamkorlikni kengaytirish yo‘lidagi muhim qadam bo‘ladi.

📱 Instagram 📱 Facebook 🖥Sayt

Agrobank xalqaro hamkorlikni kengaytirmoqda

🌐Bugun Samarqand shahrida o‘tkazilayotgan C5+1 forumi doirasida Agrobankning AgroVentures loyihasi va xalqaro Plug&Play kompaniyasi o‘rtasida hamkorlik memorandumi imzolandi.

✅Mazkur hamkorlik doirasida agrooziq-ovqat, agrotexnologiya va agromoliya sohalariga ilg‘or xorijiy tajriba va texnologiyalarni jalb etish, istiqbolli startaplarni qo‘llab-quvvatlash hamda ularning xalqaro bozorlarga chiqishiga ko‘maklashish nazarda tutilgan.

↗️ Shuningdek, tajribali xalqaro mutaxassislar ishtirokida startaplarni rivojlantirish, xususiy investorlar uchun maxsus o‘quv dasturlarini tashkil etish va investitsiyaviy hamkorlikni kengaytirish rejalashtirilgan.

🤝Ushbu kelishuv O’zbekistonda agrotexnologik innovatsiyalarni rivojlantirish, mahalliy startaplarning xalqaro raqobatbardoshligini oshirish va agrar sohada yangi investitsiyaviy imkoniyatlar yaratishga xizmat qiladi.

📱 Instagram 📱 Facebook🖥Sayt

🟦🟦

📗 Agrobank barchani kitobxonlik festivaliga taklif etadi!

🟢 Ayni vaqtda poytaxtimizning Botir Zokirov ko‘chasida 21-oktabr — O‘zbek tiliga davlat tili maqomi berilgan kun munosabati bilan “Agrobank” ATB tomonidan ma’naviy-ma’rifiy tadbir tashkil etilmoqda.

📚Kitob yarmarkasi, yozuvchi va shoirlar bilan uchrashuvlar, musiqiy dasturlar hamda interaktiv o‘yinlar sizlarni kutmoqda!

⌛ Festival ona tilimizga bo‘lgan hurmatni yanada yuksaltirish, kitobxonlik madaniyatini keng targ‘ib etish va barchani ma’naviyat atrofida birlashtirishga xizmat qiladi.

Aziz yurtdoshlar, sizni ham ushbu adabiyot va ma’rifat bayramida kutib qolamiz!

📱 Instagram 📱 Facebook 🖥Sayt

Ijodkorlar davrasiga marhamat!

⚡️ Ayni vaqtda davom etayotgan kitob yarmarkasi doirasida yurtdoshlarimiz sevimli ijodkorlarining asarlarini xarid qilish, mualliflardan dastxat olish hamda ular bilan bevosita muloqot qilish imkoniyatiga ega bo‘lmoqda.

🔝 Yurtimizning taniqli qalamkashlari, zamonaviy o‘zbek adabiyoti namoyandalari bilan samimiy suhbatlar va bayramona muhit festival ishtirokchilariga unutilmas taassurotlar ulashmoqda.

✨ Ishtirokchilarni oldinda qiziqarli tadbirlar, interaktiv o‘yinlar va turli sovg‘alarni qo‘lga kiritish imkoniyati kutyapti.

Sizni ham kitob, adabiyot va ijodkorlar davrasiga chorlaymiz!

📱 Instagram 📱 Facebook🖥Sayt

Shartlarni bajaring va sovg‘alarni qo‘lga kiriting!

🇺🇿 21-oktabr — O‘zbek tiliga davlat tili maqomi berilgan kun munosabati bilan Agrobank tomonidan tashkil etilgan kitobxonlik festivali qizg‘in davom etyapti.

📇 Festival doirasida tashkil etilgan interaktiv o‘yinlar ishtirokchilarga o‘z bilimlarini sinovdan o‘tkazish, zukkolik va tezkorliklarini namoyon etish hamda turli sovg‘alarni qo‘lga kiritish imkonini bermoqda.

✅ Buning uchun o‘zbek tili va adabiyotiga oid savollarga aniq va tezkor javob berish, shartlarni muvaffaqiyatli bajarish kifoya. Eng muhimi, bu jarayonda ishtirokchilar nafaqat qiziqarli bellashuvlarda qatnashmoqda, balki ona tilimiz va milliy adabiyotimizga oid bilimlarini ham mustahkamlamoqda.

💥 Quvonchli lahzalar, samimiy muloqot va ko‘tarinki kayfiyatga boy festival ishtirokchilarga unutilmas taassurotlar ulashmoqda.

Siz ham festivalga tashrif buyuring, bilimlaringizni sinab ko‘ring va sovg‘alardan birini qo‘lga kiritish imkoniyatini qo‘ldan boy bermang!

📱 Instagram 📱 Facebook🖥Sayt