وهسَّه يا أبطال الدَّور الثَّاني، كَمَّلنا مراجعة المنهج ويَّاكم، والوقت المتبقّي راح أبقى أجاوب بيه على استفساراتكم وأدعيلكم من كل كلبي 🤎.
بالبداية، حابّ أعتذر منكم هواي؛ لأن مريت بوعكة صحيَّة ومرض مَنعني أقدّم أفضل وأقوى ما عندي إلكم بهذا الدور، بس ربي يعلم إنّي ما نسيتكم.
إنتوا تعبتوا وسويتوا اللي عليكم، والباقي على رب العالمين. لا تنسون ترتبون دفاتركم، وتاخذون قرطاسيتكم كاملة، وحاولوا أوّل سؤال تحلّوه يكون الإنشاء، وآخر سؤال يكون القطعة الخارجيَّة.
الأسئلة إن شاء الله تكون سهلة، والعوض عن التعب والمجهود اللي مضى يكون بامتحان الإنكليزي وتفرحون بالنجاح.
أسألكم الدعاء بظهر الغيب، وما أنساكم أبد من الدعاء بالتوفيق.
وإذا حابين نبقى على تواصل وأصدقاء، تگدرون تتابعوني هنا:
• قناتي الخاصَّة على تلكرام: اضغط هنا
• حسابي على انستكرام: اضغط هنا