осыдар үш ай бұрын Саудиядан Мысырға келгенімде әуежайдағы банкомат ақшамды жұтып қойған еді. Арада үш ай өткен соң аяқасты хабар келді:
“ақшаңызды Омар ибн Әл-Хаттаб көшесіндегі банк бөлімшесінен алып кетуге болады (City Stars mall жанында)”

сөйтіп ертесі күні банкке бардым.

Мысырдың бюрократиясы бұл жолы да мені біраз “сынақтан” өткізді:
- 5 түрлі қағазға қол қойдым;
- 3 түрлі терезеге кезекке тұрдым;
- тура 2 сағат алтын уақытым банк ішінде өтті.

шынымды айтсам, банк есігінен шығып бара жатып:
“Ех… осы бір ақшаны бере салу үшін қанша уақытымды алды-ау…” деп іштей кейіп келе жатқан едім.

Бірақ дәл сол сәтте қолымдағы банкнотқа көзім түсті…

Алақанымдағы ақша бетінде бейнеленген Мәдинаның жасыл күмбезі 💎 маған қарап жымиып тұрғандай әсер қалдырды… (расымен).

сол мезетте банктегі сарсаң да, ұзақ күту де ұмытылып кетті.
ойыммен бір сәтте қасиетті Мәдинаға “сапар шегіп” кеткендей болдым.

Ұмра сапары, Саудиядағы күндер, Мекке мен Мәдинадағы ерекше сәттер бәрі еріксіз есіме түсіп, жүрек тағы бір сағынып үлгерді… 🤲