“Иманды күшейту үшін не істеуге болады” деп намаз оқымайтын кісі сұрады.

жауап:
Намаз оқы
Намаз оқы
Намаз оқы

Денеңді шынықтыру үшін жаттығу керек болса, иманды күшейту үшін де еңбек керек: намаз, Құран, зікір, дұға, тәубе және күнәдан тыйылу.

“Иманым күшейгенде намаз оқимын” деме.
Намаз оқы – иманың күшейеді.

Баяғыда Абдуғаппар ұстаз (Аллаһ рақымына алсын) не десе де, ешкім ештеңе дей алмас еді. Билік өкілдері де қарсы келмейтін. Батырып сөйлеп, жөнге сап отыратын ақсақал абыз еді.

Қазір өзі жоқ. Имамдар да артында тірейтін жамағаты болмағасын батыл сөйлей алмайды.

Роза-коучтың 1045+ аудио, видеосы бар. Бірнеше ерікті ізденіп отырып, түрлі баптармен 100ден астам құқықтық норма бойынша арыз жазып тастауға болады. Сол кезде қазақ еліне -1 коуч болар еді. Неге жасамасқа, соны жасамасқа? Жасау керек.

Арман, Ризабек ұстаздарды, Нұрсұлтан Рысмағамбетті арызбен сөйлеттірмей қойғанда, неге Розаны да дәл солай сөйлеттірмей қоймасқа?

Бұл да үлкен сауапты іс ағаен, 1045 отбасыны ажырасудан аман сақтауға себепкер боласыңдар.

Қазақ: «Құдайдан қорықпағаннан қорық» деген.

Ерлер, әйелдеріңізді Құдайдан қорықпай ақыл айтатын коучтардан сақтандырыңыздар.
Әйелдер, әдемі сөздің бәрін ақиқат деп қабылдамаңыздар.

Өйткені мұндай «ақылдар» бір отбасының ғана емес, тұтас қоғамның санасын улап, талай отбасының арасына сызат түсіруде.

Құдайдан қорықпаған коучтан қорық

Бұрындары таңғалатын едім, Қазақстан ажырасудан әлемде қалай екінші орынға шықты деп. Коучтар себеп деп айтылатын, бірақ айналамнан санасы уланған адамды көрмеген соң, шетелде жүргендіктен, оның төркінін түсіне алмайтынмын.

Үш күн бұрын Инстаграм, Тредс ашып, соңғы дауларды, комменттерді оқып шошыдым. Хиджабтысы бар, хиджабсызы бар жабылып жарыса шариғатқа қарсы шығып жатыр. Өз ойын емес, шариғатты түсіндіріп отырған ұстаздарға тіпті басында орамал таққандардың өзі зіркілдеп, не болса соны жазып жатыр. Бәрінің сол феминизмнің түбі жоқ шұңқырына түсіп кеткені бірден байқалады.

Мұндай феминистік ойы басым әйел тұрмысқа шыққан үйде отбасылық баланс әп-сәтте бұзылады. Ажырасудың көбеюі де содан.

Көпшілігінің ажырасу себебі де осы. Феминистік идея санасына сіңген әйел күйеуін мамсик, абьюзер, тиран көре бастайды. Ажырасқан әйелдердің көбінің аузынан шығатын сөз де сол "күйеуім тиран еді" дейді. Ерлердің арасында ондай жоқ емес, бар. Бірақ феминизм көзілдірігімен қарағанда, қалыпты еркектің өзі де оған тиран болып көрінеді.

феминизмнің соңы Аллаға қарсы шығу екені хақ.
Ұстаздар еркектерге үндемей отырған жоқ. Үндеп жатыр. "Әйелдеріңе жақсы қараңдар, көмектесіңдер, мейірімді болыңдар" деп сүннетті күнде айтып жатыр.
Ал феминистер ше? Олар ешқашан әйелге "күйеуіңе мейірімді бол, сыйла, бағын" деп айтпайды. Ешқашан.
Дәл осы коучтардан тәлім алған әйелдердің балалары әлі үйленетін жасқа жеткен жоқ. Жеткен күні бәрі түсінікті болады. Қазір қанша айтсаң да әсер етпейді.
Алла тауфиқ берсін.

Осыны жазып отырған мен де қазір біреуге сексист болып көрініп жатқан шығармын.
Міне, бұл да сол уланудың жемісі.
Себебі жағдай ушығып кеткен. Отбасы институты құрып бітті.
Не шариғатты толық ұстанғысы келмейді, не "толық феминистпін" деп ашық айта алмайды. Сөйтіп, ортада қалқып жүр.

"Сен еркекті жақтап отырсың" дейтіндерге айтарым ананы жақтады, мынаны жақтады дейтін заман емес қазір.
Ойланшы, ажырасудан әлемде екінші орын деген ұят қой, масқара.
Дін оқып жүрген адам ретінде айтайын: әйеліңе "ә" десе "мә" де, басындырма өзіңді, құл сияқты ұста деп ешқандай шейх айтпайды, ешқандай мешітте айтылмайды, ешқандай кітапта жазылмаған.
Ал шынайы зұлымдық жасайтын еркектер басқа әңгіме. Ондайлар жоқ емес, бар. Жарайды, ажырасудың жартысы солардың кесірінен болсын делік: жұмыс істемейтін, лудоман, арақ ішетін, әйелін сабайтын, құл көретіндер.
Ал қалған 50% ше? Қалған жартысын да әлде еркекке жаба саласыңдар ма?
Алдыңғы айтқан сипаттағы еркекке дін келсе, Аллаға жақындаса түзелетін нәрсе. Лудомандығы да, арағы да, сабауы да тыйылады.
Ал феминизммен уланған сананы түзету – одан әлдеқайда қиын. Өйткені әйелдің санасының бұзылуы отбасы балансының, қоғамның быт шытын шығарады.

Қит етсе ИИ ге жүгініп, сәл бір кішкентай сөзін ИИ ге түзететін адамның миы бір екі жылда сөз құрауға шамасы жетпей қалары сөзсіз…

Араб тілін онлайн үйрететіндерді түсінбеймін. Мысырға келіп араб тілін бір жыл бойы, күн сайын араб тілі орталығында офлайн оқыған адамның өзі әрең дегенде орташа деңгейге жетеді. Ал, аптасына екі рет, үш рет онлайн үйренетін адамға неше жыл кетеді🤔

Құдайды жоққа шығарушылар көздің қарашығындағы 2 миллион детальға,
аспандағы галактикалардың мүлтіксіз тәртібіне қарап тұрып,
"бәрі өздігінен пайда болған" дейді.
Так, онда сиялардан Абай жолы өздігінен кездейсоқ жазыла қалды.
Жел ұшырып құм мен тастан өздігінен Бурдж Халифа тұрғызылды.
Сия абайсызда төгіліп кетті де Мона Лизаның суреті өздігінен пайда болды.

Каирдің қысқы, шаңды ауа-райындағы vibe бөлек қой😍

.

Қызға 40 тыйым осы:

1. Жарыса сөйлеуге; 2. Жалғыз қыдыруға; 3. Жыртақтап күліп, сыпсыңдап сөйлеуге; 4. Орынсыз ұрынуға; 5. Басқаларға қол тигізуге; 6. Өтірік, өсекке; 7. Суық жүріс, сумаң қылыққа; 8. Кісіге қарай керіліп есінеуге; 9. Талтайып отыруға; 10. Шалқайып жатуға; 11. Тамақты обырлана асауға; 12. Ұрлық-қарлыққа; 13. Ұятты мүшелерін ашып жүруге; 14. Бұраңдап қылымсуға; 15. Қызыл іңірде жатуға; 16. Түске дейін ұйықтауға; 17. Кісі алдында киім ауыстыруға; 18. Салт-дәстүрден аттауға; 19. Елді ғайбаттауға; 20. Үлкендердің жолын кесіп, атын атауға; 21. Ішімдік ішу мен шылым шегуге; 22. Ұрыс-керіске; 23. Беттен алып, бет жыртысуға; 24. Қараулыққа, ысырапқа; 25. Рахымсыздық пен қатыгездікке; 26. Түнде суға жалғыз баруға; 27. Жат жыныстылармен араласып жатуға; 28. Күйеуге қашып тиюге; 29. Әдепсіз сөзге; 30. Тарс-тұрс етуге; 31. Адам мен жануарларды тебуге; 32. Кісіні қорлап, жәбірлеуге; 33. Тәкаппарлық пен сайқымазақ жасауға; 34. Айқай-сүреңге; 35. Шектен тыс сыланып жасануға; 36. Қызғаншақтық пен күншілдікке; 37. Менмендік пен өзімшілдікке; 38. Алдап-арбауға; 39. Көрсеқызарлыққа; 40. Нәпсіқұмарлыққа тыйым.

Қызға қойылған 40 тыйым ол қызды төмендету емес.
Керісінше, нағыз әйелдікке, иба мен ұятқа, шариғаты мен салт-дәстүрін сақтап қалуға тәрбиелейтін өнеге.
Оны "ескілік" деп, "тыйым" деп санағандар онда білгенін істей берсін.
Бұл тыйымда жақсылықтан басқа түк жоқ.

Исламнан нәр алған ата-бабамның өнегесі деп ұстансаң өзіңе жақсы. Ұстанбасаң ешкім қинамайды.

Пайғамбарлардан келе жатқан сөз бар: "Ұялмасаң, білгеніңді істей бер."

Еліңді сүйіп, дініңді қорғап эмоциямен айтқан сөзің кейде өзіңе қарсы айналуы мүмкін.
Сондықтан әлеуметтік желіге пікір не пост жарияламас бұрын, сөзіңді жақсылап тексеріп алған жөн.
Себебі Қазақстанда атышулы “174-ші бап” бар. Қажет болса, жасанды интеллект көмегіне жүгініп, сөзіңді “174 ке сәйкес келетінін,келмейтінін” бір тексертіп алсаң өзіңе жақсы.

Садақа жария деген – елдің көзінше, жария түрде берілетін садақа емес.

“Жария” сөзі бұл жерде садақаның сауабы үздіксіз жалғасуын білдіреді. Мысалы, адам қайтыс болғаннан кейін де пайдасы тиіп, сауабы жалғасып тұратын садақа.

Естіп алып, шатаспаңыздар!

Италияда министрліктен мектептерде хиджабқа тыйым салатын заңға қол қоюды сұраған екен. Сонда олардың жауабы: “Мариям анамыздың бейнелеріне қараңыздаршы. Олардың бәрінде дерлік басында орамал бар. Ендеше, өзіміз құрметтейтін сол бейнелердегі орамалға ұқсас киімге қалай тыйым салатын заңға қол қоямыз” деп бас тартқан екен.

Италия нағыз католиктер елі. Соған қарамастан, мектептерде хиджаб киюге тыйым салынбаған. Тіпті АҚШ, Израильге дейін тыйым жоқ.

Сондағы түсінгенім, бір мемлекет үшін зайырлылық ол әр адамның сенім бостандығын құрметтеу, діни таңдауына орын беру екен!

Екінші мемлекет үшін зайырлылық ол қоғамдық кеңістікте діни ерекшеліктердің көрінбеуіне ұмтылу, барлығын бір қалыпқа салу екен!

Әзірбайжанда болып жатқан хиджабқа қатысты дауға ой!