Фиқһ пен сопылықтың айырмашылығын сұрағанда, жауап былай болады:

Фиқһ – денеңді сәжде етуді үйретеді, яғни сыртқы амалдар мен діни міндеттерді орындауға бағытталған ілім.
Сопылық – жаныңды сәжде етуді үйретеді, яғни ішкі жан-дүниеңді тазартуға, Аллаға шынайы махаббатпен жақындауға бағытталған рухани жол.

Ниқаб – кейбір елдердің дәстүрінен алынған мәдени ерекшелік қана, Исламның құқықтық негіздерінде оны міндеттеу туралы ешқандай ереже жоқ.
✏️ Әл-Азхар фәтуа бөлімі


Ниқаб – қазаққа мүлде жат. Оны елді таңғалдыру, әйдейі өзгешелену, үркіту немесе бүлік тудыру мақсатында киетіндерге Алла берекесін бермесін.

Қатты кигілерің келіп жатса араб елдеріне барып кигендерің дұрыс)

Дүние үшін алаңдама, себебі бәрін беретін – Алла. Ризық үшін уайымдама, өйткені оны да Алла береді. Болашаққа қам жеме, себебі ол да Оның қолында. Тек бір ғана нәрсені ойла – Алланың разылығын алу. Егер Алла разы болса, сен де шынайы бақытқа жетесің.

Өмірдегі жағдайларға лайық дәрежеден артық мән берме және адамдардың сөзінен өз құныңды іздеме. Оны жүрегіңнің түкпірінен ізде, өйткені ар-ұжданың тыныш болса, сенің дәрежең көтеріледі. Егер өзіңді білсең, сен туралы айтылған сөздер саған зиянын тигізбейді.

Өмірде қиындықтар кездессе, үмітіңді үзбе. “Я, Алла, менің өмірімді де, ақыретімді де қайырлы ет!” – деп дұға ет. Қайғы сәждемен кетеді, ал қуаныш – дұғамен келеді. Бүгінгі көз жасың ертеңгі қуанышыңа айналады. Сондықтан өміріңді уайыммен емес, үмітпен сүр.

Қолыңнан келсе жақсылық көп жаса, тіпті оны ешкім бағаламаса да, өйткені сен адамдар үшін емес, Алланың разылығы үшін жасайсың. Қандай қиындықтар болса да, садақа бер, өйткені садақаға мұқтаж адам – оны беріп тұрған адам.


“Садақа ең алдымен оны берген адамға үлкен пайда әкеледі.”

Дұға мен әрекет – бірге жүруі керек

Дұға – мұсылманның қаруы, бірақ тек дұға етіп отыра беру жеткіліксіз. Егер барлық мәселе тек дұғамен шешілсе, онда Алла Елшісі (оған Алланың игілігі мен сәлемі болсын) ешбір шайқасқа шықпас еді. Ол – дұғасы қабыл болғандардың ең жақсысы, бірақ сонымен бірге ол әрекет етті, жоспарлады, күресті.

Біз де солай істеуіміз керек. Дұға – сеніміміздің көрінісі, ал қарекет – сол сенімнің жемісі. Аллаға тәуекел етіп, дұға жаса, бірақ нәтиже күту үшін нақты әрекет етуді ұмытпа!

Дұға – ресторандағы мәзір емес. Ол – жай ғана “тапсырыс” беріп, дайын күйінде алатын нәрсе емес. Дұға – жүректен шығатын шынайы өтініш, бірақ ол әрекетпен ұштасқанда ғана нәтиже береді.

Алладан сұрау – міндетіміз, бірақ сол сұраған нәрсеге жету үшін өзіміз де қадам жасауымыз керек. Егер дұға етіп, бірақ ешқандай әрекет жасамасақ, ол бос үмітке айналады.

Аллаға шынайы құлшылық қылған құлдың әр сәті Қадір түні сияқты!

الشيخ عبد السلام سنار

“Бұл түні періштелер мен Рух (Жәбірейіл) Раббыларының рұқсатымен әрбір іс үшін түседі.”

(Қадір сүресі, 4-аят).

Қадір түнінде Жәбірейіл (ғ.с) бастаған сансыз періштелер Алланың әмірімен жер бетіне түсіп, мүміндерге сәлем беріп, олардың жасаған дұғаларына “Әмин!” деп жауап береді. Бұл – Алланың ерекше мейірімі төгілетін сәт.

Мүмін – күнәсін ұмытпайды. Ол күнәларын істеген сайын емес, оларды еске алған сайын көз жасын төгеді. Ал екіжүзді – күнәсін істеген соң оны ұмытып, өзін қауіпсіз сезінеді.

Хасан Әл-Басри (Алла оған разы болғай)

Күнәні ұмыту — тәубені қажет етпейтіндей сезім тудырады. Бұл — шайтанның ең жаман айласы.

Күнә істеген адам оны ұмытса да, ол күнә Алланың алдында әлі тірі. Тәубе етілмеген күнә – жүрекке дақ болып қалады.

…немесе жүрекке микроб сияқты жабысып, кеміреді. Шынайы тәубе – осы «вирусты» жойып, жүректі қайтадан сауықтырады.

Нағыз даналық — Алла Тағала адамның жүрегін хикметке ашқан кезде пайда болады. Бұл – адамның рухы мен ақылы сынақтар арқылы кемелдікке ұмтылған сәті. Шынайы философия – ақиқатқа жету жолындағы ізденіс, ал ақиқаттың шегі – Алланы тану…

“Кімде-кім бір бай адамға оның байлығы үшін жағымпазданса дінінің үштен бірінен айырылады”

📚Хадис (Қайтар күнге дайындық кітабы)