иман көзімен қарасаң бәрінде хайыр бар

жаңбыр жауып кетті, сіздің жоспарыңыз бұзылды, сол арқылы сізге көбірек дұға жасауға мүмкіндік берілді.
дәретіңіз бұзылды, қайта дәрет алыңыз, сол арқылы күнәларыңыз тағы да кешіріледі.
ұйықтай алмай жатырсыз ба? Бұл Алланы еске алуға, дұға жасауға мүмкіндік болған сәт.
өміріңіз қиын ба? бәлкім осы сынақ арқылы Алла сізге Жәннаттың есіктерін ашады!

иман көзімен қараған адам үшін өмірде бос, мәнсіз нәрсе жоқ. әрбір сынақ сабырды үйретеді, әр қиыншылық дұғаға жетелейді. Алла ешбір қиындықты бекер жібермейді, әр нәрсенің түбінде мұсылман үшін хайыр бар..

Ер мен әйелдің арасындағы неке үзілгенде, нәпсінің ішіндегі жасырын сырлар ашылады. Кейбіреулер сол кезде-ақ “кім екенін” көрсетеді: Бұл – Аллаға емес, адамдардың пікіріне сүйеніп жүргенінің көрінісі.
Сондықтан біз жиі көретін нәрсе:
-Түзу жүрген әйел ажыраса сала клубтан табылады.
-Хиджабпен жүрген әйел оны бірден шешіп тастайды.

Шын тақуа әйелдің халі күйеуіне байланбайды. Оның ұяттылығы, хиджабы, құлшылығы – еркектің қалауы емес, Раббысының әмірі.

Яғни адам ажырасып, өмірі өзгерсе де, иманы өзгермеуі тиіс. Егер иман да өзгерсе, онда ол иман жасанды тақуалыққа жақын болған.
Расымен Аллаға құл болса адам, онда күйеудің бар-жоғы, қоғамның сөздері, күйзелістің салмағы әйел адамды Алланың шегінен шығармайды. Ал себебін күйеуіне жабу ол сылтауға жақын. Күйеу – тек сынақ. Ал сынақ кезінде адамның шынайы бет бейнесі көрінеді.

бұл тек әйелдерге емес, ер адамдарға да қатысты. Тек оларда бұл басқа түрде көрінеді: бірі неке үзілген соң намазын тастайды, бірі харамға бой ұрады дегендей…

الله أعلم