🚨 BOLANING LABI, QOVOG’I SHISHDI… DARROV “ALLERGIYA!” DEMANG!

Ko‘z atrofi, lab yoki yuzning birdan shishishi — Kvinke shishi (angioedema) bo‘lishi mumkin.

Lekin uning sababi har doim ham allergiya emas! 👇

🦠 1. Infeksiya — eng muhim sababchilardan biri

Bolalarda virusli infeksiyalar angioedema va eshakemini tez-tez qo‘zg‘atishi mumkin. Oddiy shamollashdan keyin ham paydo bo‘lishi ehtimoli bor.

💊 2. Dorilar

Ayrim antibiotiklar, og‘riq qoldiruvchilar va boshqa dorilar shish chaqirishi mumkin.

🍓 3. Oziq-ovqat allergiyasi

Tuxum, sut, yong‘oq, baliq va boshqa mahsulotlar sabab bo‘lishi mumkin.

Ammo “biror narsa yedi → labi shishdi” degani hali allergiya tashxisi emas. Ayniqsa reaksiya har safar aynan bir mahsulotdan keyin takrorlanishi muhim.

🤷‍♂️ Ba’zan esa aniq sabab topilmaydi — bu ham mumkin.

⏳ Odatda qancha davom etadi?

O‘tkir angioedema ko‘pincha vaqtinchalik bo‘lib, bir necha soatdan 2–3 kungacha davom etishi mumkin. Gistamin bilan bog‘liq holatlarda zamonaviy antigistaminlar yordam beradi.

🚨 Ammo til yoki tomoq shishishi, nafas olish qiyinlashishi, xirillash, hushdan ketish kuzatilsa — zudlik bilan tez yordam chaqirish kerak.

👨‍⚕️ Kvinke shishi takrorlanayotgan bo‘lsa, sababini o‘zingizcha taxmin qilmang. Allergologga murojaat qiling.

Shishni yo‘qotish muhim. Ammo undan ham muhimi — uning sababini aniqlash!

✅ @allergiya

❗️NAMANGANDA — ALLERGOLOG QABULI!

Allergiya bezovta qilyaptimi? 27-sentyabr kuni allergolog va klinik immunolog Jasur Davlatov Namanganda bemorlar qabulini o‘tkazadi.

🩺 Quyidagi kasallik va holatlarda murojaat qilishingiz mumkin:

🤧 Allergik rinit va konyunktivit
😮‍💨 Bronxial astma, allergik yo‘tal va nafas qisishi
😣 Urtikariya (eshak-yemi) va angioedema
🧴 Atopik dermatit va boshqa allergik teri kasalliklari
🍎 Oziq-ovqat allergiyasi
💊 Dori vositalariga allergiya

👶 Bolalar va kattalar qabul qilinadi.

📅 27-SENTYABR | 09:00–15:00

Manzil: Namangan sh., G'irvonsoy 11-uy
Mo'ljal: «Anor Bank» ro'parasi

📞 Qabulga yozilish:
+99895-4010606

🫁 BRONXIAL ASTMANI DAVOLASHDA ENG KO‘P UCHRAYDIGAN 7 TA XATO! ⚠️

Astma bilan og‘rigan bemorga dori yozildi. Ammo nega nazoratga erishilmayapti?

Ba’zan muammo preparatda emas, balki davolash yondashuvida bo‘ladi. 👇

❌ 1. Faqat salbutamolga tayanish

SABA (salbutamol) simptomni tez yengillashtiradi, ammo yallig‘lanishni nazorat qilmaydi.

📌 Astma davolashida ICS saqlovchi terapiya muhim.

❌ 2. Ingalator texnikasini tekshirmaslik

Bemor dori qabul qilmoqda, lekin uni noto‘g‘ri ishlatyapti!

🎯 Har bir tashrifda ingalatsiya texnikasini tekshirish kerak.

❌ 3. ICS terapiyasiga rioya qilmaslik

Bemor simptomlar kamaygach, ingalyatsion kortikosteroidni o‘zboshimchalik bilan to‘xtatadi.

⚠️ Bu astma nazoratining yomonlashishiga olib kelishi mumkin.

❌ 4. Triggerlarni e’tiborsiz qoldirish

🌿 Allergiya, virusli infeksiyalar, tamaki tutuni va boshqa triggerlar hisobga olinmaydi. Bemorning individual xavf omillarini aniqlash muhim.

❌ 5. Tashxisni qayta baholamaslik

Har qanday yo‘tal yoki xirillash — astma degani emas. Zarur hollarda spirometriya va differensial diagnostika o‘tkaziladi.

❌ 6. Astma nazoratini baholamaslik

Faqat bemorning «yaxshiman» degan javobiga tayanish yetarli emas. Simptomlar, tungi uyg‘onishlar, reliever ehtiyoji va zo‘rayishlar baholanadi.

❌ 7. Davolashni individual tanlamaslik

Har bir bemorga bir xil sxema mos kelmaydi. Yosh, simptomlar, o‘pka funksiyasi, xavf omillari va davolashga javob hisobga olinadi.

✅ @allergiya

❗️NAMANGANGA BORAMIZ!

Allergiya bezovta qilyaptimi? 27-sentyabr kuni allergolog va klinik immunolog Jasur Davlatov Namanganda bemorlar qabulini o‘tkazadi.

🩺 Quyidagi kasallik va holatlarda murojaat qilishingiz mumkin:

🤧 Allergik rinit va konyunktivit
😮‍💨 Bronxial astma, allergik yo‘tal va nafas qisishi
😣 Urtikariya (eshak-yemi) va angioedema
🧴 Atopik dermatit va boshqa allergik teri kasalliklari
🍎 Oziq-ovqat allergiyasi
💊 Dori vositalariga allergiya

👶 Bolalar va kattalar qabul qilinadi.

📅 27-SENTYABR | 09:00–15:00

Manzil: Namangan sh., G'irvonsoy 11-uy
Mo'ljal: «Anor Bank» ro'parasi

📞 Qabulga yozilish:
+99895-4010606

🤧 Allergik rinit astmaga o‘tmasin!

Agar sizda allergik rinit bo‘lsa, faqat simptomlarni vaqtincha bosish bilan cheklanib qolmaslik kerak.

🔬 ASIT — allergenga xos immunoterapiya allergiyaning sababiga ta’sir qiladigan, kasallik kechishini o‘zgartirishga qaratilgan davolash usulidir.

📚 Tadqiqotlarda ASIT olgan bemorlarda:
• astma rivojlanish xavfi kamayishi mumkinligi;
• ayniqsa bolalarda va kamida 3 yil davom ettirilganda profilaktik ta’sir kuchliroq bo‘lishi;
• allergik rinit simptomlari va dori vositalariga ehtiyoj kamayishi ko‘rsatilgan. (PubMed)

Agar astma allaqachon rivojlangan bo‘lsa, to‘g‘ri tanlangan bemorlarda ASIT asosiy davolashga qo‘shimcha sifatida simptomlar, dori ehtiyoji va ayrim astma ko‘rsatkichlarini yaxshilashga yordam berishi mumkin. (PubMed)

⚠️ Eslatma: ASIT hamma bemorga bir xil tarzda buyurilmaydi. Avval allergen aniqlanadi, kasallik turi va astma nazorati baholanadi.

🩺 Sizda allergik rinit bormi?

Allergiya sababini aniqlash va ASIT sizga mos keladimi-yo‘qmi bilish uchun bizga murojaat qilishingiz mumkin.

📩 Konsultatsiya uchun @allergolog profiliga yozing

✅ @allergiya

📊 ESHAKYEMI HAQIDA 10 TA MUHIM FAKT

Surunkali spontan qavarchiq (Eshayemi) kasalligi haqida bemorlar va shifokorlar bilishi kerak bo‘lgan statistikalar:

1️⃣ Qanchalik ko‘p uchraydi?
Aholining taxminan 1% ida surunkali qavarchiq kuzatiladi.

2️⃣ Ayollarda ko‘proqmi?
Ha. Surunkali spontan qavarchiq kasalligi ayollarda erkaklarga nisbatan taxminan 2 baravar ko‘proq uchraydi.

3️⃣ Qaysi yoshda boshlanadi?
Ko‘pincha 20–50 yosh oralig‘ida, lekin har qanday yoshda uchrashi mumkin.

4️⃣ Qachon surunkali hisoblanadi?
Qavarchiq 6 haftadan ortiq davom etsa yoki qaytalansa, surunkali deb baholanadi.

5️⃣ O‘tkir qavarchiq surunkaliga aylanadimi?
O‘tkir qavarchiqning surunkaliga o‘tishi kam uchraydi. Tadqiqotlarda bu ko‘rsatkich ko‘pincha 8% dan past.

6️⃣ Qachon remissiya kuzatiladi?
Tadqiqotlar bo‘yicha taxminan 17% bemorda 1 yil ichida, 45% ida esa 5 yil ichida remissiya kuzatiladi.

7️⃣ Kasallik qancha davom etadi?
Ko‘pchilikda bir necha yil davom etishi mumkin. Ayrim bemorlarda 10 yil yoki undan ko‘proq saqlanadi.

8️⃣ Remissiya doimiymi?
Har doim ham emas. Kasallik qaytalanishi mumkin.

9️⃣ Angioedema ham kuzatiladimi?
Ha. Bemorlarining taxminan 40–50% ida hayotining biror davrida angioedema kuzatilishi mumkin.

🔟 Surunkali spontan qavarchiq allergiyami?
Ko‘pincha klassik allergiya emas. Semiz hujayralar faollashuvi bilan bog‘liq surunkali kasallikdir.

❗️Surunkali spontan qavarchiq kasalligi bor bemorlarning 80-90% qismida aniq sabab odatda aniqlanmaydi va ko‘pincha nazorat qilinadigan kasallik hisoblanadi. Remissiya muddati har bir bemorda turlicha bo‘ladi.

📩 Konsultatsiya uchun @allergolog profiliga yozing

✅ @allergiya

NAMANGANDA BUGUNGI BEMORLAR QABULIDAN

Bugun Namanganda bemorlar qabulini amalga oshirdik. Qabul davomida eng ko‘p uchragan kasalliklar bolalarda — qaytalanuvchi obstruktiv bronxit, kattalarda esa — bronxial astma bo‘ldi.

Ayniqsa, 6–7 yoshli bolalarda ham bronxial astma holatlari uchrayotgani e’tiborimizni tortdi.

📌 Bemorlar orasida quvonarli holatlar ham, muammolar ham bor.

Ko‘plab bemorlarimiz qayta ko‘rikka kelishdi. Ularning ayrimlarida astma nazoratiga erishilgan, ya’ni kasallik belgilari ancha kamaygan va bemorlarning ahvoli yaxshilangan.

Ammo ba’zi bemorlarda astmani nazoratga olish qiyin kechmoqda.

Buning asosiy sabablaridan biri — davolovchi ingalyatorlardan noto‘g‘ri va tartibsiz foydalanish.

❗️ Astma nazoratga olinmasligining ayrim sabablari:

🔹 Shifokor buyurgan ingalyatorni muntazam ishlatmaslik.

🔹 Dori tugagach, davolashni davom ettirmaslik.

🔹 Bemor o‘zini yaxshi his qilgach, ingalyatorni o‘zboshimchalik bilan to‘xtatish.

🔹 Ingalyatordan foydalanish texnikasiga rioya qilmaslik.

🔹 Davolash rejasiga amal qilmaslik.

Shuni unutmasligimiz kerak: bronxial astma — faqat xuruj vaqtida davolanadigan kasallik emas!

Astmani samarali davolashning asosiy maqsadi — kasallikni nazorat qilish, xurujlarning oldini olish va bemorning hayot sifatini yaxshilashdir.

💡 Astmani davolash nazoratdan boshlanadi.

Nazorat esa shifokor tavsiya qilgan davolovchi ingalyatorni to‘g‘ri, muntazam va o‘z vaqtida qo‘llashdan boshlanadi.

Davolashni o‘zboshimchalik bilan to‘xtatmang. Dori tugashini kutmasdan, shifokor bilan bog‘laning va davolash rejasiga amal qiling.

Astma bilan yashash mumkin. Eng muhimi — uni to‘g‘ri nazorat qilishni o‘rganish!

📩 Konsultatsiya uchun @allergolog profiliga yozing

✅ @allergiya

❄️ SOVUQ TA’SIRIDA QAVARCHIQLAR QANDAY PAYDO BO‘LADI?

Sovuq havoga chiqqanda terida qichishuvchi qavarchiqlar (eshakyemi) paydo bo‘lishi — cold urticaria (sovuq urtikariya) belgisi bo‘lishi mumkin.

🧬 Patogenezi qanday?

1️⃣ Sovuq stimul — teri haroratining pasayishi, ayrim hollarda esa qayta isishi reaksiyani boshlaydi.

2️⃣ Semiz hujayralar faollashadi — bu jarayonning asosiy mexanizmi. Ammo sovuq aynan qanday molekulyar signal orqali semiz hujayralarni faollashtirishi hali to‘liq aniqlanmagan.

3️⃣ Mediatorlar ajraladi — gistamin, PAF va boshqa yallig‘lanish mediatorlari ajralishi mumkin.

4️⃣ Qavarchiq hosil bo‘ladi — qon tomirlari kengayadi, ularning o‘tkazuvchanligi ortadi, natijada terida shish, qizarish va qichishish yuzaga keladi.

🔬 Molekulyar mexanizm haqida nimalar ma’lum?

Olimlar bir nechta gipotezalarni o‘rganmoqda:

🔹 IgE va autoallergenlar: sovuq ta’sirida o‘zgargan oqsillar semiz hujayralarni faollashtirishi mumkin. Biroq aniq autoallergen hozircha ishonchli aniqlanmagan.

🔹 Komplement tizimi: C5a kabi komponentlar ayrim sharoitlarda semiz hujayralar faollashuviga hissa qo‘shishi mumkin. Ammo bu barcha bemorlarda tasdiqlanmagan.

🔹 Neyroimmun mexanizmlar: sovuqni sezuvchi TRP kanallari, nervlar va semiz hujayralar o‘rtasidagi o‘zaro ta’sir o‘rganilmoqda. Ularning sovuq urtikariyadagi aniq roli hali to‘liq isbotlanmagan.

📩 Konsultatsiya uchun @allergolog profiliga yozing

✅ @allergiya

❗️NAMANGANGA BORAMIZ!

Allergiya bezovta qilyaptimi? 25-oktyabr kuni Toshkent shahri “Poytaxt med diagnostika” klinikasi shifokor allergolog va klinik immunologi Jasur Davlatov Namanganda navbatdagi bemorlar qabulini o‘tkazadi.

🩺 Quyidagi kasallik va holatlarda murojaat qilishingiz mumkin:

🤧 Allergik rinit va konyunktivit
😮‍💨 Bronxial astma, allergik yo‘tal va nafas qisishi
😣 Urtikariya (eshak-yemi) va angioedema
🧴 Atopik dermatit va boshqa allergik teri kasalliklari
🍎 Oziq-ovqat allergiyasi
💊 Dori vositalariga allergiya

👶 Bolalar va kattalar qabul qilinadi.

📅 25-OKTYABR | 09:00–16:00

Manzil: Namangan sh., G'irvonsoy 11-uy
Mo'ljal: «Anor Bank» ro'parasi

📞 Qabulga yozilish:
+99895-4010606

ASTMASI BOR FARZANDINI KATTA QILAYOTGAN OTA-ONALARGA OSON EMAS…

Farzandingiz tunda yo‘talib uyg‘onsa, nafas olishi qiyinlashsa yoki ko‘kragidan xirillash eshitilsa, uning yonida bedor qolgan tunlaringizni faqat o‘zingiz bilasiz…

😔 Har bir shamollashdan xavotirlanasiz.
😔 Yugurib-o‘ynab kelganida nafasini kuzatasiz.
😔 “Yana xuruji boshlanmaydimi?”, “Tez yordam chaqirishga to‘g‘ri kelmaydimi?” degan savollar xayolingizdan ketmaydi.
😔 Ba’zan bolangiz bog‘chaga yoki maktabga bemalol bora olarmikan, deb ham tashvishlanasiz.

Bolalikdagi bronxial astma — bu shunchaki yo‘tal yoki vaqti-vaqti bilan nafas qisishi emas. U bolaning kundalik hayotiga ham, butun oilaning ruhiy holatiga ham ta’sir qilishi mumkin.

💪 Lekin eng muhim haqiqat bor: astma nazorat qilinadigan kasallik.

✅ To‘g‘ri tashxis qo‘yish.
✅ Bolaning yoshiga va holatiga mos davolash rejasini tanlash.
✅ Ingalatordan to‘g‘ri foydalanishni o‘rganish.
✅ Xuruj paytida nima qilish kerakligini oldindan bilish.
✅ Shifokor tavsiyalariga muvofiq muntazam nazoratda bo‘lish.

Bular bolangizning faol o‘ynashi, yaxshi uxlashi, sport bilan shug‘ullanishi va tengdoshlari kabi to‘laqonli hayot kechirishi uchun muhim qadamlardir.

⚠️ Astma borligi bolani doimo cheklash, yugurtirmaslik yoki sportdan mahrum qilish kerak degani emas. Yaxshi nazorat bilan ko‘pchilik bolalar faol hayot kechira oladi.

👨‍⚕️ Ota-onalarga murojaatim:

Farzandingiz tez-tez yo‘talsa, ayniqsa tunda, jismoniy faollikda yoki shamollashdan keyin nafasida xirillash kuzatilsa, buni oddiy shamollash deb qabul qilib yuravermang. Shifokor ko‘rigidan o‘tkazing.

Farzandingizga faqat xuruj paytida yordam berish emas, xurujlarning oldini olishni ham o‘rganish muhim.

✅ @allergiya

ALLERGIK KONYUNKTIVIT

Allergiyasi bor insonlarning 40–60% ida ko‘z belgilari ham kuzatilishi mumkin. Afsuski, ko‘pincha bu holat oddiy qizarish deb qabul qilinadi yoki noto‘g‘ri tomchilar bilan davolanadi.

🔎 1. ASOSIY BELGI — QICHISHISH

Allergik konyunktivitga xos belgilar:

🔹 Ikkala ko‘zning qizarishi;
🔹 Ko‘p miqdorda suvli ko‘z yoshi;
🔹 Qovoqlarning shishishi;
🔹 Ko‘zning ichki shilliq qavati — konyunktivaning shishishi;
🔹 Aksirish va burun bitishi bilan birga kechishi.

🧬 2. ALLERGIK KONYUNKTIVITNING TURLARI

Kasallikning barcha shakllari bir xil mexanizm bilan kechmaydi.

1️⃣ IgE bilan bog‘liq shakllar

🌿 Mavsumiy allergik konyunktivit — daraxt, o‘t va begona o‘tlar changi ta’sirida yuzaga keladi.

🏠 Yil davomida kuzatiladigan shakl — uy changi kanasi, hayvon allergenlari yoki mog‘or bilan bog‘liq bo‘lishi mumkin.

Mexanizmi qanday?

Allergen semiz hujayralarni faollashtiradi va gistamin ajralishiga olib keladi. Natijada bir necha daqiqada qichishish, qizarish va ko‘z yoshlanishi boshlanishi mumkin.

2️⃣ Og‘ir surunkali shakllar

⚠️ Bahorgi keratokonyunktivit (VKC) — ko‘proq bolalar va o‘smirlarda, ayniqsa issiq iqlimli hududlarda uchraydi. Yuqori qovoq ostida gigant so‘rg‘ichlar va limbda Trantas nuqtalari paydo bo‘lishi mumkin.

⚠️ Atopik keratokonyunktivit (AKC) — ko‘pincha atopik dermatit bilan bog‘liq surunkali kasallik. Qovoq terisi zararlanishi va shox parda asoratlari kuzatilishi mumkin.

Bu shakllarda faqat IgE emas, balki T-limfotsitlar va boshqa yallig‘lanish mexanizmlari ham ishtirok etadi. Shu sababli oddiy antigistamin tomchilar har doim ham yetarli bo‘lmaydi.

Og'ir holatlarda VKC va AKC shox parda zararlanishi, keratokonus, chandiqlanish va ko‘rishning pasayishiga olib kelishi mumkin.

🔬 3. ZAMONAVIY TASHXIS

Tashxis, avvalo, klinik belgilar va oftalmologik tekshiruvga asoslanadi.

Molekulyar allergodiagnostika esa ayrim holatlarda qaysi allergen komponentlariga sezuvchanlik mavjudligini aniqlashga yordam beradi. Bu haqiqiy birlamchi sezuvchanlikni ayrim kesishgan reaksiyalardan farqlash va allergen-immunoterapiya uchun bemorni to‘g‘ri tanlashda foydali bo‘lishi mumkin.

🛡 4. KUNDALIK HAYOTDA NIMA QILISH KERAK?

✅ Ko‘zlarni ishqalamang — bu yallig‘lanishni kuchaytirishi mumkin.

✅ Sun’iy ko‘z yoshi va sovuq kompress qichishish hamda noqulaylikni kamaytirishga yordam beradi.

✅ Chang mavsumida quyosh ko‘zoynagi taqing, tashqaridan kelgach yuzingizni yuving.

✅ Belgilar kuchayganida kontakt linzalardan vaqtincha voz keching.

✅ Allergik rinit ham mavjud bo‘lsa, uni ham nazorat qiling. Burun ichiga qo‘llanadigan kortikosteroidlar ayrim bemorlarda ko‘z belgilarini ham kamaytiradi.

❌ 5. QANDAY TOMCHILARDAN EHTIYOT BO‘LISH KERAK?

🚫 Nafazolin va tetrizolin kabi tomir toraytiruvchi tomchilar qizarishni vaqtincha kamaytiradi, ammo uzoq qo‘llanganda qaytuvchi qizarishga olib kelishi mumkin.

🚫 Og‘iz orqali qabul qilinadigan ayrim antigistaminlar ko‘z qurishini kuchaytiradi. Ko‘z belgilari ustun bo‘lsa, mahalliy davolash ko‘pincha afzal bo‘ladi.

Albatta kasallikni to'g'ri davolash, nazorat qilish uchun ham allergolog ham oftalmolog shifokor bilan birga shug'ullanish lozim!

👨‍⚕️ Allergolog va klinik immunolog — Jasur Davlatov MD

✅ @allergiya

🫁 BOLALARDA G‘IJILLASH: BU ASTMAMI? KEYINCHALIK ASTMA BO‘LIB QOLMAYDIMI?

Farzandingiz shamollaganda ko‘kragidan hushtaksimon ovoz chiqadimi? Ayniqsa, 5 yoshgacha bo‘lgan bolalarda bu holat ko‘p uchraydi. Ammo har qanday g‘ijillash astma degani emas!

Keling, ilmiy dalillar asosida tushunib olamiz.

1️⃣ Bolalarda g‘ijillashning asosiy sabablari nima?

🔹 1. Virusli infeksiyalar

Chaqaloqlar va maktabgacha yoshdagi bolalarda g‘ijillashning eng ko‘p uchraydigan sabablaridan biri — respirator viruslar.

RSV, rinovirus va boshqa viruslar nafas yo‘llarida yallig‘lanish, shilliq qavat shishi va bronxlar torayishiga olib kelishi mumkin.

Ayniqsa, 2 yoshgacha bo‘lgan bolalarda bronxiolit g‘ijillash bilan namoyon bo‘lishi mumkin.

🔹 2. Astma bilan bog‘liq bronxlar torayishi

Ayrim bolalarda bronxlar turli omillarga sezgir bo‘ladi. Virusli infeksiya, jismoniy faollik, kulish, yig‘lash yoki allergenlar g‘ijillashni qo‘zg‘atishi mumkin.

🔹 3. Allergik moyillik

Atopik dermatit, allergik sensibilizatsiya, allergik kasalliklarning oilaviy tarixi va qonda eozinofillar ko‘payishi ayrim bolalarda takroriy g‘ijillashning davom etishi hamda astma rivojlanish xavfi yuqoriroq bo‘lishi bilan bog‘liq.

🔹 4. Boshqa sabablar

Agar g‘ijillash to‘satdan boshlangan bo‘lsa, ayniqsa bola ovqat yoki mayda buyum bilan bo‘g‘ilgandan keyin, nafas yo‘liga yot jism tushganini istisno qilish kerak. Tug‘ma nafas yo‘li anomaliyalari va boshqa kasalliklar ham g‘ijillashga sabab bo‘lishi mumkin.

2️⃣ G‘ijillash keyinchalik astmaga aylanadimi?

Yo‘q, har bir g‘ijillaydigan bola astma bilan kasallanib qolmaydi.

Tadqiqotlar shuni ko‘rsatadiki, ayrim bolalarda g‘ijillash faqat virusli infeksiyalar paytida kuzatiladi va yosh ulg‘aygani sari kamayadi yoki yo‘qoladi. Boshqa bolalarda esa simptomlar davom etib, astma tashxisi qo‘yilishi mumkin.

3️⃣ Qaysi bolalarda astma xavfi yuqoriroq?

Quyidagi belgilar alohida e’tibor talab qiladi:

▪️ G‘ijillash epizodlarining tez-tez takrorlanishi.

▪️ Bola shamollamagan paytda ham yo‘tal yoki g‘ijillash bo‘lishi.

▪️ Kechasi yo‘tal, jismoniy faollik yoki kulish paytida simptomlar paydo bo‘lishi.

▪️ Atopik dermatit yoki tasdiqlangan allergik sensibilizatsiya mavjudligi.

▪️ Ota-onada astma bo‘lishi.

▪️ Qonda eozinofillar ko‘payishi, ayniqsa boshqa allergik belgilar bilan birga kuzatilganda.

Bu omillar astma xavfini baholashga yordam beradi, ammo ularning hech biri yakka holda kelajakda astma albatta rivojlanishini isbotlamaydi.

4️⃣ Astmani oldindan aniqlash mumkinmi?

Astma rivojlanish xavfini baholashda Asthma Predictive Index (API) kabi klinik mezonlardan foydalanish mumkin. Ular takroriy g‘ijillash kuzatiladigan bolalarda kelajakdagi astma ehtimolini baholashga yordam beradi.

❌ Umumiy IgE yoki eozinofillar miqdorining o‘zi astma tashxisini tasdiqlamaydi.

5️⃣ Ota-onalar nimaga e’tibor berishi kerak?

✅ G‘ijillash qachon boshlanishi va qancha davom etishini kuzating.

✅ Bola shamollamagan paytda ham simptomlar bor-yo‘qligini qayd eting.

✅ Takroriy epizodlarda pediatr yoki bolalar allergologi ko‘rigiga murojaat qiling.

✅ Tamaki tutuni, elektron sigareta aerozoli va boshqa nafas yo‘llarini ta’sirlantiruvchi omillardan himoya qiling.

❌ Har bir g‘ijillashni astma deb hisoblamang.

❌ Shifokor tavsiyasisiz antibiotik, ingalyatsion steroid yoki boshqa dorilarni boshlamang.

Bolalarda g‘ijillashning sababi har doim ham astma emas. Lekin takroriy g‘ijillash, epizodlar orasida simptomlarning saqlanishi va atopik belgilar mavjudligi chuqurroq tekshiruvni talab qiladi.

Eng to‘g‘ri yondashuv — har bir bolani individual baholash, astma xavfini aniqlash va keraksiz davolashdan qochish.

👨‍⚕️ Jasur Davlatov — allergolog va klinik immunolog

✅ @allergiya

Eshakyemi nima degani?

Allergiyaga oid bilimlarni sun’iy intellekt yordamida soddaroq tushunishga yordam beradigan videolar tayyorlashni boshladik.

Ko’rib baho bering!

2-qism

✅ @allergiya

Eshakyemini eshakka yem berib davolash mumkinmi?

2-qism

✅ @allergiya

❗️ERTAGA NAMANGANGA BORAMIZ!

Allergiya bezovta qilyaptimi? 25-oktyabr kuni Toshkent shahri “Poytaxt med diagnostika” klinikasi shifokor allergolog va klinik immunologi Jasur Davlatov Namanganda navbatdagi bemorlar qabulini o‘tkazadi.

🩺 Quyidagi kasallik va holatlarda murojaat qilishingiz mumkin:

🤧 Allergik rinit va konyunktivit
😮‍💨 Bronxial astma, allergik yo‘tal va nafas qisishi
😣 Urtikariya (eshak-yemi) va angioedema
🧴 Atopik dermatit va boshqa allergik teri kasalliklari
🍎 Oziq-ovqat allergiyasi
💊 Dori vositalariga allergiya

👶 Bolalar va kattalar qabul qilinadi.

📅 25-OKTYABR | 09:00–16:00

Manzil: Namangan sh., G'irvonsoy 11-uy
Mo'ljal: «Anor Bank» ro'parasi

📞 Qabulga yozilish:
+99895-4010606