​​Иммунитет нима?

hujayra.uz канали иммунитетга халқчил тилда жуда тушунарли қилиб таъриф берилган мақола тайёрлабди. Сизлар билан бўлишмоқчиман:

Aнтитана. Булар қоннинг суюқ қисмидаги супер-мупер аскарлар, биз уларни иммуноглобулинлар деймиз. Булар жуда ҳам майда, ўлчами бактерия ва вирусникига тенг молекулалар. Ички ва ташқи разведка шуларнинг қўлида, қисқа айтганда организмнинг ДХХси, қаерда нима бўляпти, қайси ҳужайра қайси ҳужайра билан кўришяпти, хуллас ҳаммасини билишади. Улар билмайдиган маълумот деярли йўқ. Болалигингизда сизга қанақадир вирус юққан бўлса, ўша ҳақида ҳам маълумот бор буларда. Буларнинг кучи шундаки бактерия ва вируслар бу молекулаларга тегиши билан электрошокер берган каби қалтираб парчаланиб ҳалок бўлади. Бунинг учун антитаналар бактерия ва вирусни таниб олиши керак. Бактерия ва вируслар мунтазам ўзгариб одамнинг иммунитети, яъни лейкоцитлар ва антитаналар танимайдиган бўлиб олишга ҳаракат қилади.

Aнтитаналардан ўтиб кетган бактерия ва вируслар организмнинг қайсидир ҳужайрасига ташланб уни ҳалок қилишга уринади. Бу вақтда ҳужайралар "Ёрдам беринглар" деган тугмани босади. Лейкоцитлар ва антитаналар зудлик билан етиб боради ва бактерия ва вирусларга қарши шиддатли курашади. Бу вақтда организмнинг тана ҳарорати кўтарилади. Aгар ҳарорат 37-38 даражада бўлса демак, ичкарида аёвсиз уруш кетмоқда. Бу вақтда дори ичмаслик керак, сабаби организм ўзини-ўзи эплаяпти. Aгар ҳарорат 40-41 даража бўлаётган бўлса, демак бактерия ва вирусларнинг қўли баланд келмоқда ва организм мана сенга деб оммавий қирғин усулини қўллашга ўтган бўлади. Бактерия ва вируслар юқори ҳароратда узоқ яшай олмай тезда ҳалок бўлади, шуни ҳисобига истима кўтарилганда улар ҳалок бўлади. Лекин хавфли томони 40-41 даражали истимада нафақат бактерия ва вируслар, балки одамнинг ўзидаги соғлом ҳужайралар ҳам ҳалок бўлади.

Aгар одам соғлом бўлса, иммунитетни ҳосил қилувчи ҳамма тизим, яъни теридан бошлаб антитанагача соатдек ишлаб турган бўлса организмга кирган вирус ва бактерияларнинг 90 фозини ўзи бемалол бартараф қила олади. Одамга бир маротаба бирор бактерия ёки вирус кирса антитаналар уни умрбодга эслаб қолади. Кейинги гал кириши билан эшик олдида калласини танасидан жудо қилиб ташлайди. Оғзини очишга ҳам улгурмайди. Ҳаммамиз ёшлигимизда эмланганмиз, қўлимизнинг елка қисмида болалигимизда олган эмлашларнинг изи бор. Эмлашдан мақсад иммунитетнинг эслаб қолиш хусусиятидан фойдаланиб, зарарли бактерия ва вирусларнинг кучсиз штаммларидан фойдаланиб органзим билан уларни таништириш. Масалан, чақалоқ 10-12 ойлигида қизамиққа қарши эмланади. Бунда чақалоққа кучсизлантирилган, касаллик қўзғай олмайдиган қизамиқ вирусидан тайёрланган ваксина бола организмига киритилади. Лейкоцит ва антитаналар уни тилка-пора қилиб ташлашади. Баҳонада унинг маълумотларини умумий базага ёзиб қўйишади. Шу билан энди болага қизамиқ юқмайди, сабаби энди организмга кириши билан уни таниб тезда бартараф қилишади.

Зарарли бактериялар ҳам анча хавфли, лекин вирусларни олдида улар ғирт лақма. Вируслар энг айёри, улар антитаналар каби махсус тайёргарликдан ўтган жосус қўпорувчилардир. Организмга кираётганида ўзини шунақа сиппо, қўй ўғзидан чўп олмайдидан мўмин қобил қилиб кўрсатади. Натижада лейкоцитлар ва антитаналар уларни танимай ўтказиб юборади. Ҳозирги коронавирусдаги асосий муаммо шунда, иммун тизими коронавирусни танимаяпти. Чунки аввал ҳеч қачон кўришмаган. Aлдаб-сулдаб организмга кириб олган коронавирус ичкарида юзидаги ниқобини олиб асл юзини кўрсатишигача 14 кун вақт кетади. Унгача у "биза ўзимизани ҳужайра" (коронавирусам мана Тошкент шевада гапирворди охири 😄) деб лейкоцитларни қулоғига лағмонни илиб бутун организмга тарқалиб олади. Шундан кейин урушни бошлашади. Aгар организм ёш ва кучли бўлса вирусни дабдаласини чиқариб ташлайди. Ҳозирги 70 мингдан ортиқ тузалганлар ана шундай тузалишмоқда. Қолганларда эса жанг кетмоқда ҳали ҳам.

Коронавирус организмга тушггач қай тариқа ривожланиш механизмига қизиқсангиз пастдаги видеони кўришни тавсия қиламан.

Каналга уланинг:
👉"Доктор Аллерголог" (@allergiya)

​​Қирқ йил қирон келса, ажали етган ўлади!

Ҳамма жойда ваҳима коронавирус ундай қилибди, коронавирусдан бунча одам ўлибди. Интернетни титкилаб биз ўзимиз ваҳимачи эканлигимизга яна бир бор ишонч ҳосил қилдим.

1999/2000 - янги асрда ҳаммамиз ўламиз, муаммо ҳаммаёқ дастурланиб кетади.

2001 - Сибир язваси ҳаммамизни ўлдиради.
2002 - Ғарбий Нил вируси ҳаммамизни ўлдиради.
2003 - SARS грипи ҳаммамизни ўлдиради.
2005 - парранда грипидан қирилиб кетамиз.
2006 - ECOl вируси ўлдиради бизни.
2008 - бутун дунё иқтисодий кризисидан ўлиб кетамиз.
2009 - чучқа грипи ёстиғимизни қуритади.
2012 - қиёмат рўй беради, биз йўқ бўлиб кетамиз.
2014 - Эбола вируси бизни ўлдиради.
2015 - ИШИД балоси бизни ўлдиради.
2020 - Коронавирус бизни ўлдиради.
10 февраль куни Коронавирус тарихида энг ёмон кун бўлибди.

Ўша куни Хитойда 108 киши коронавирусдан ўлибди, уларнинг барчасининг ёши 60 ёшдан юқори экан.

ЛЕКИН ўша куни ...
26 283 киши ракдан ўлди.
24 641 киши юрак хуружидан ўлди.
4300 киши қандли диабетдан оламдан кўз юмди.
3000 киши ўз жонига қасд қилди.
Афғон пашшаси ёки бошқа бир ҳашарот чақишидан 256 киши вафот этди.
Ер юзидаги ўртача қотиллик кунига 1300 киши.
Илон чақишидан ер юзида кунига 150 тача одам ўлади.

Шунинг учун, азизлар, ўзингизни эҳтиёт қилинг, шахсий гигиенага алоҳида эьтибор беринг, қўлларингизни тез-тез совунлаб ювинг. Лекин ҳа деб ваҳима чиқараверманг, ахир биз мусаффо осмон остида яшамоқдамиз.

Ваҳимачиларга тарқатинг!

Каналга уланинг:
👉"Доктор Аллерголог" (@allergiya)

Уйингизда қолинг. Нафақат ўзингиз, яқинларингиз ва бошқа кўплаб инсонлар саломатлиги учун ҳам бу жуда муҳим.

Манба

@koronavirusinfouz
#vahimasizkarantin
#карантинбезпаники

Коронавирус (COVID-19) қандай қилиб инсон ҳужайраларида кўпаяди ва уларни нобуд қилиб касаллик чақиради?

Коронавируснинг инсон организмидаги ҳаракат механизми билан ушбу видео орқали танишишингиз мумкин.
(Инглиз тилида)

Каналга уланинг:
👉"Доктор Аллерголог" (@allergiya)

​​Мен коронавирус юқтириб олдим

Охирги маълумотларга кўра, ер юзида COVID-19 юқтириб олганлар сони 300,000 нафардан ошиб кетди. Лекин, 7 миллиард инсон ичида айнан сизнинг касалланишингиз эҳтимоли 0,004% га тенг. Барибир профилактика касалликка қарши курашнинг энг самарали усули эканлигини унутмаслик керак.

Аввало фарқлаб олайлик!

Коронавирус отам замондан мавжуд (Ўтган асрнинг 60 йиллари охирида илк штамми аниқланган) Коронавируснинг олдинги штаммлари бу даражада ҳавфли бўлмаган. Ҳозирги пандемияга сабаб бўлган COVID-19 коронавируслар оиласининг янги штаммидир. (Буни Америка яратганми ёки табиий мутация ҳосиласими, менга қоронғу) Шу вақтгача бизга маълум бўлган коронавируснинг аввалги штаммлари аслида жуда кенг тарқалган ва одатда фақат енгил белгилар билан ўтган. Бироқ, ҳозирги янги COVID-19 штамми баъзи гуруҳлар одамларда оғир касалликларга олиб келиши мумкин. Масалан, кекса ёшдаги одамлар ва ҳар қандай ёшдаги соғлиғида муаммо бўлганларда (масалан, юрак касаллиги, ўпка касаллиги ва диабет) оғир ривожланиш хавфи юқори. 

Бот бот такрор айтилаётган қуруқ йўтал, нафас қисиш ёки иситма симптомлари фақатгина COVID-19 инфекциясида кузатилмаслигини эслатиб ўтиш лозим.

Келинг, яхшиси COVID-19 энг кўп шубҳа қилинадиган Грипп, Шамоллаш ва Аллергик касалликлардан асосий фарқ қилувчи белгиларини аниқлаб оламиз:

ЖССТ расмий сайтида касалликнинг асосий белгилари ҳақида фоизлар кесимида қуйидагича маълумот берилган.

👉 иситма - 87,9%
👉 қуруқ йўтал - 67,7%
👉 чарчоқ, ҳолсизлик - 38,1%
👉 балғам ажралиши - 33,4%
👉 нафас қисиши - 18,6%
👉 мускул ва бўғимларда оғриқ - 14,8%
👉 томоқ оғриғи - 13,9%
👉 бош оғриги - 13,6%
👉 совқотиш, титраш - 11,4%
👉 кўнгил айниши ва қусиш - 5%
👉 бурун битиши - 4,8%
👉 диарея (ич кетиши) - 3,7%
👉 қонли балғам тупуриш - 0,9%
👉 конъюктивит - 0,8%

Агар сизда шу белгилар кузатилса, демак коронавирус юқтириб олдингиз дегани эмас. Ҳар бир касалликда асосий ва қўшимча белгилар борлиги алоҳида аҳамиятга эга. Касалликлар ҳақида тўлиқ маълумотлар билан сизни чалғитмаслик учун Коронавирус инфекциясида кузатиладиган симптомларни аллергия, шамоллаш ва грипп ўртасида қуйидагича тақсимлаймиз:

Аллергик касалликларда:

👉 Қуруқ йўтал
👉 Нафас қисиши
👉 Кўзларда қичишиш
👉 Бурун оқиши ёки битиши
👉 Конъюктивит

Шамоллаш (Совуқ қотиш):

👉 бурун оқиши ёки битиши
👉 йўтал
👉 чарчоқ, ҳолсизлик
👉 совқотиш, титраш
👉 томоқ оғриги
👉 бош оғриғи
👉 мускул ва бўғимларда оғриқ

Грипп:

👉 иситма
👉 совқотиш, титраш
👉 қуруқ йўтал
👉 чарчоқ
👉 мускул ва бўғимларда оғриқ
👉 томоқ оғриғи
👉 диарея (болаларда)

Агарда сизда ушбу симптомлар кузатилса ваҳима қилиш керак эмас. Айтишларича, Хитойда ҳам миллионлаб инсонлар шу симптомлар сабаб COVID-19га тест топширган ва кўпчилигида вирус аниқланмаган. Агарда ўзингизда коронавирусга шубҳа пайдо бўлса, ўзингизни барча яқинларингиздан изоляция қилинг ва 1003 қисқа рақамига қўнғироқ қилиб, бу ҳақда уларга хабар беринг. Санитария-эпидимиологик осойишталик агентлиги директори Баҳром Алматовнинг хабарига кўра, барча вилоят марказларида COVID-19 вирусини ПЗР усулида аниқлаш диагностикаси ташкил қилиган.

Каналга уланинг:
👉"Доктор Аллерголог" (@allergiya)

Доналд Трамп айтганмиш, коронавирусга вакцина топилганмиш...

Ушбу видеодаги тестнинг расмлари ижтимоий тармоқларда "Коронавирус вакцинаси яратилди" номидаги сарлавҳа остида айланиб юрибди. Афсуски, бу навбатдаги фейк хабар.

Аслида бу вакцина эмас, коронавирусни аниқлайдиган экспресс тест. Ишлаш механизми шубҳаланган инсон қонидаги коронавирусга боғлиқ специфик иммуноглобулинлар бор ёки йўқлигини аниқлашга асосланган. Атиги 10 минут ичида коронавирус бор ёки йўқлигини аниқлаб беради.

Мана видеоси. Қандай фойдаланиш ҳақида тасаввурга эга бўлишингиз мумкин.

Каналга уланинг:
👉"Доктор Аллерголог" (@allergiya)

Аксириб ҳам бўлмай қолди! :)

P.S: Ҳазил ўз ўрнигакуя, турли хил чангларга аллергияси борларни тасаввур қиляпман. Ҳозир айни ўсимликлар гуллаётган давр. Беҳосдан аксириб юборган вақтида одамлар унга шубҳа билан, ҳудди коронавирус манбаидек боқишларини ҳис қилиш жуда ноқулай ҳолат... 😣

Нима учун аксирамиз?

Каналга уланинг:
👉"Доктор Аллерголог" (@allergiya)

Иссиқ ҳаво ростдан ҳам коронавирусни ўлдирадими?

Физик тадқиқотчи Рустам Ашуров daryo.uz интернет нашри учун таҳлилий мақола тайёрлабди. Ўқиб кўришни тавсия қиламан.

👉 Батафсил ўқиш

Қўлимизда аниқ исбот бўлмагач, иссиқ кунлар тезроқ келишини кутамиз, начора. Коронавируслар оиласининг янги COVID-19 штаммини бошқа коронавируслар билан таққосламаслик керак.

Каналга уланинг:
👉"Доктор Аллерголог" (@allergiya)

Шу 3 тоифа касаллар жуда бир биридан шубҳа қилишяптида...

Тўлиқроқ маълумот учун ўқиб ушбу мақолачани ўқиб чиқинг.

Каналга уланинг:
👉"Доктор Аллерголог" (@allergiya)

Хитой мамлакатда коронавирус эпидемияси тўхтаганини маълум қилди

Каналга уланинг:
👉"Доктор Аллерголог" (@allergiya)

Қачонки сиз кўчада юрган одамларни кўриб қолганингизда! 😂

Уйда қолинг одамлар!

Каналга уланинг:
👉"Доктор Аллерголог" (@allergiya)

⚡COVID-19: Агар сиз коронавирус юқтириб олсангиз организмнингизда қандай жараён юз беради?

Nucleus Medical Media жамоасидан ажойиб видео. Тавсия этаман. (Инглиз тилида)

Ҳажми: 10.6 МБ

Каналга уланинг:
👉"Доктор Аллерголог" (@allergiya)

Коронавирус инфекциясини ташхислаш ва даволаш бўйича клиник протокол.
12.02.2020 Ўзбекистон

Каналга уланинг:
👉"Доктор Аллерголог" (@allergiya)

⚡Коронавирус эффекти: Бизда яхши янгиликлар:

"Тиббий-санитария соҳасида кадрларни тайёрлаш ва узлуксиз касбий ривожлантиришнинг мутлақо янги тизимини жорий этиш чора-тадбирлари тўғрисида"ги Ўзбекистон Республикаси Президенти Қарори имзоланди.
Унга мувофиқ:

✅ Тиббиёт коллежлари негизида 47 та Абу Али ибн Сино номидаги Жамоат саломатлиги техникумлари ташкил этилади.

✅ Врачларга эҳтиёж юқори бўлган ҳудудлар учун 2020/2021 ўқув йилида бакалавриат ва магистратурага давлат гранти асосида ўқишга қабул параметрларини 50 фоизгача оширилади.

✅ Бакалавриат ва магистратура ўқув режаларидаги мутахассисликка оид бўлмаган фанлар 2 баробарга қисқартирилади ва ўрнига замонавий диагностика ва даволаш усулларини ўрганиш фанлари киритилади.

✅ Тиббиёт ОТМларининг даволаш ишлари проректорлари бир вақтнинг ўзида ушбу таълим муассасаси клиникаларининг бош шифокорлари сифатида фаолият юритилади.

✅ 2020/2021 ўқув йилидан бошлаб:
— чет тилини билиш даражаси тўғрисидаги халқаро сертификатга эга бўлган тиббиёт ОТМ талабалари стипендиясига қўшимча равишда 428 минг сўм миқдорида устама тўланади;

— халқаро рейтингларда тиббиёт йўналиши бўйича Топ-200 таликка кирган ОТМларнинг клиник ординатура (резидентура) ва магистратура мутахассислигини тамомлаган давлат тиббиёт муассасалари ходимларига қўшимча 4,7 млн сўм ҳар ойлик устама тўланади;

— фалсафа доктори ёки фан доктори илмий даражасини олган ходимларга давлат тиббиёт муассасаларида қўшимча 10 млн сўм ҳар ойлик устама тўланади.

✅ 2021 йил 1 январга қадар Н.И. Пирогов номидаги Россия миллий тадқиқот тиббиёт университети ва Туркия Бахчишеҳир университетининг филиаллари ва клиникаларини ташкил этилади.

Каналга уланинг:
👉"Доктор Аллерголог" (@allergiya)

Энг яхши илмий мақолалар

Янгиликларни ўрганиш давр талаби. Бутун жаҳон аллергология ташкилоти (WAO) расмий сайтида охирги йилларда Aллергология / Иммунология йўналиши бўйича турли мавзуларда эълон қилинган энг яхши илмий мақолалар рўйхати эълон қилинган.

Осон бўлиши учун WAО (World allergy organization) энг яхши илмий мақолалар рўйхатига киритилган мақолаларнинг баъзиларига ҳаволалар бериб ўтаман.

1.Анафилакция.

2.Тери аллергияларида янги иммунологик муолажалар

3.Болалар астмаси

4.Аллергиянинг психо-социал аспектлари

5.Контакт дерматит

6.Дерматологик аллергология

7.Овқат аллергенлари билан иммунотерапия ва десенситизация

Барчаси инглиз тилида

Каналга уланинг:
👉"Доктор Аллерголог" (@allergiya)

АУТОИММУН ЭНЦЕФАЛИТ

Аутоиммун касаллик деб – инсон иммун ҳужайралари ўз танасидаги тўқима ёки органларга қарши курашиши билан кечадиган касалликларга айтилади. Содда айтганда, ўзингизни иммунитететингиз Коронавирусга қарши курашишни ўрнига ўзингизга қарши курашади. Қандай дахшат!

Аутоиммун ҳужум маълум бир нишондаги ички органга қаратилиш мумкин. Ҳусусан, бўғимлар, қалқонсимон без, қон ҳужайралари, буйрак ва ҳоказо.

Баъзан иммун ҳужайралар бош мияга 🧠 ҳам ҳужум қилиши мумкин. Натижада аутоиммун энцефалит келиб чиқади.

Ер юзида қанча беморлар рухий касалликлар шифохоналарида шизофрения ва бошқа бир талай руҳий касалликлар билан ташҳиси тўғри қўйилмай, нотўғри даволанишмоқда экан-а?

Айнан шу каби мавзуларга тегишли бўлган биографик "РАЗУМ В ОГНЕ" филмини кўришни тавсия этаман. Карантин учун яхши танлов!

YouTube орқали кўриш:
https://youtu.be/DhReSrihb-U

Каналга уланинг:
👉"Доктор Аллерголог" (@allergiya)

БРОНХИАЛ АСТМАНИНГ АСОСИЙ СИМПТОМЛАРИ БИТТА РАСМДА

Сўнгги маълумотларга қараганда, ер юзида 235 миллионга яқин кишилар бронхиал астмадан азият чекмоқда. Энг ачинарлиси, ўлим кўрсаткичларининг юқорилиги. БССТ маълумотига кўра, биргина 2015 йилнинг ўзида 283 минг нафарга яқин инсон бронхиал астма асоратлари туфайли вафот этган.

Унутманг! Ҳар қандай астма белгиси жиддий бўлиб, агар у даволанмаса ҳалокатли оқибатларга олиб келиши мумкин. Aгар сиз ушбу аломатлардан битта ёки бир нечтасини бошдан кечираётган бўлсангиз, аниқ ташхис қўйиш учун шифокор аллерголог қабулига бориб чуқурлаштирилган текширувлардан ўтишингиз лозим.

Касалликка қанча барвақт ташҳис қўйилиб, даволаш эрта бошланса беморнинг ўзига шунча яхши бўлади. Минг афсуски, беморлар ва ҳаттоки шифокорлар ҳам бу ташхисни тан олишдан қўрқишади. Ташҳис қўйишдан қочишади. Вақтинчалик ёрдам берувчи усуллар билан даволаб юришади. Бу хато ва оқибати ёмон.

Ёдда тутинг, бронхиал астма бу ҳукм эмас!

Каналга уланинг:
👉"Доктор Аллерголог" (@allergiya)

​​Терак гули коронавирусни фаол тарқатувчиси бўлиши мумкин

Терак гулининг тарқалиши июнь ойининг ўрталарига қадар тўхтамаса, коронавирус инфекциясининг яна бир манбаи бўлиши мумкин. Бу ҳақда иммунолог-аллерголог, тиббиёт фанлари номзоди Надежда Логина НСН эфирида айтиб ўтди.

Унинг таъкидлашича, эпидемия даврида турли аллергия билан касалланганлар хавф остида бўлишади. Оммавий қўзғатувчиларни келтириб чиқарадиган гуллаш даври эса яқин орада бошланиши мумкин.

"Aллергия ва коронавирус ўртасидаги тўғридан-тўғри боғлиқлик ҳақида маълумот йўқ, аммо табиий равишда барча аллергик беморлар хавф остида. Чунки ўсимликларнинг фаол гуллаш даврида кўплаб аллергик кишилар соғлиғи оғирлашади. Поллинозлар вақтида нафас олиш тизимининг шиллиқ пардаларидаги ҳимоя реакциялари заифлашади ва улар ҳар қандай микробиал ва вирусли омилларга кўпроқ мойил бўлади", деди шифокор.

Каналга уланинг:
👉"Доктор Аллерголог" (@allergiya)

​​AЛЛЕРГЕН ВАКЦИНА: Инъекцион ёки инъекционсиз? Қайси усул эффективроқ?

Аллергияни даволашнинг ягона самарали – АСИТ усули ҳақида аввал ҳам ёзган эдим. У қўлланиши бўйича икки гуруҳга бўлинади:

1.Инъекцион (укол)
2.Инъекцион бўлмаган (томчи, таблетка)

Инъекцион шаклида аллерген организмга укол орқали тери остига киритилса, инъекцион бўлмаган шаклида эса оғиз ва нафас йўллари орқали сублингуал томчи, таблетка ва аэразол шаклларда киритилиши мумкин.

Қайси усули яхшироқ? Инъекцион ёки инъекцион бўлмагани?

✅ Баъзи беморлар учун инъекцион АСИТ усули нисбатан қулайроқдир. Бу усул шифохона шароитида олиб борилгани учун бемор бевосита аллерголог шифокорлар назоратида бўлади ва келиб чиқиши мумкин бўлган ножўя таъсирларда шошиб қолмайди.

Шифохонада ётишга вақти ва имкони бўлмаган беморларга сублингуал томчи ва таблетка усуллари тавсия этилади. Албатта аллерголог шифокор билан телефон орқали бўлсада алоқада бўлишлари ва ножўя таъсирлар ҳақида доимий хабар беришлари лозим. Aломатларга қараб, аллерголог ушбу бемор билан учрашиши, қўшимча синовлар ўтказиши ёки АСИТ орқали даволашни вақинча ёки умуман тўхтатиш тўғрисида қарор қабул қилиши мумкин.

Ижобий ва салбий томонлари нимада?

✅ Кўпгина мутахассислар инъекцион усулда аллергеннинг сўрилиши қобилияти (биодоступность) анча юқори эканлигини таъкидлашади ва инъекцион АСИТдан воз кечишмаган.

Сублингуал АСИТ усулида умумий реакциялар нисбатан камроқ, маҳаллий реакциялар эса кўпроқ кузатилади. Оғиз бўшлиғидаги қичишиш, тил шиши кабилар беморда ноқулайлик келтириб чиқаради. Бундай ташқари сублингуал АСИТда оғиз бўшлиғида яралар, яллиғланиш ва тиш касалликлари бўлмаслиги керак.

Сублингуал AСИТ ўтказиш осонми?

✅ Бир қарашда осон туюлиши мумкин. Аммо ўзига хос қийинчиликларига эга. Гап шундаки, бунда бемор аллергенларни қабул қилиш учун ўзи жавобгар бўлади. Ҳар куни томчи ёки таблеткасини қабул қилиши керак. Унутиб қолдирилган кун даволаш тартибини бузади. Ўзбекчилик. Мияда минг ҳил ташвиш. Кўпчилик ҳар куни қабул қилишни унутиб қўяди. Ва кейин улар АСИТ усули ҳеч қандай таъсир кўрсатмаганидан норози бўлишади. АСИТда доза ва кун тартиби ниҳоятда муҳим. Унутиб қўйиш ҳоллари борлиги учун ҳам сублингуал АСИТ орқали натижага эришмаган беморларга шифоҳонада шароитида инъекцион АСИТ олиш тавсия қилинади.

Беморларга қайси усул кўпроқ ёқади?

✅ Кўпчилик сублингуал шаклларни жуда яхши кўради ва яхши натижага эришади ҳам. Аммо баъзи беморлар сублингуал AСИТни охиригача кўтара олмайди ва умуман натижага эришишмайди. Шикоятлари кўпайиб кетади. Тилим доимо қичийди, мен аллергеннинг таъмини ёқтирмайман ва ҳоказо. Ва натижада бу беморларда сублингуал АСИТ бекор қилиниб инъекцион АСИТга ўтказилади.

Ушбу усуллар ўтказиш вақтлари бўйича фарқ қиладими?

✅ AСИТнинг барча усуллари бир хил, яъни касаллик қўзғалмаган ремиссия вақтида ўтказилади. Масалан, касаллик баҳор ёки кузда авж оладиган бўлса, АСИТ қиш фаслида олиб борилади.

АСИТ вақтида касаллик қўзғалиб қолса нима бўлади?

✅ АСИТ давом эттирилмайди, тўхтатилади! Симптоматик даволаш орқали клиник ремиссияга эришилиб, фақатгина Аллерголог кўрсатмасига биноан терапия ва дозани тиклаш мумкин.

Қайси бири арзонроқ?

✅ Иккисининг ҳам нархи деярли тенг.

Менимча, сиз инъекцион ва сублингуал АСИТ ҳақида тушунарли маълумотларга эга бўлдингиз. Қўшимча саволларингиз бўлса комметда қолдиринг. Эътиборингиз учун раҳмат!

Каналга уланинг:
👉"Доктор Аллерголог" (@allergiya)

Жорий йилда ТТА нечта магистр олмоқчи? (Батафсил расмда)

2020-2021 ўқув йилида Тошкент тиббиёт академиясида 5A510130 "Аллергология ва клиник иммунология" йўналиши бўйича магистратура учун жами 8 та квота(4 та ўзбекча, 4 та русча) ажратилиши кутилмоқда экан. Ўтган йили 10 та эди.

Негадир ТошПТИда ўтган йили очилган "Болалар аллергологияси" йўналиши учун квоталар ажратилмабди.

Ёпилармикин? Ўзини оқламадимикин?

Кўрамиз, балки ўтган йилгидек қабул бошланиш олди қўшимча квота ажратилар.

Ҳа айтганча, ТТА да янги магистратура йўналишлари очилибди.

Каналга уланинг:
👉"Доктор Аллерголог" (@allergiya)