❌ Tiosulfat natriy ukoli allergik kasalliklar davo standartlarida tasdiqlanmagan!

Birorta rasmiy klinik protokollarda (EAACI, WAO, GINA, GA²LEN, UpToDate) Natriy tiosulfat allergiyani davolash uchun tasdiqlanmagan.

1️⃣ Allergik rinit, atopik dermatit, astma, dori allergiyasi, oziq-allergiyasi, anafilaksiya bo‘yicha birorta xalqaro standart protokol natriy tiosulfatni davolash sifatida kiritmagan.

2️⃣ Quyidagi protokollarda yo‘q:

EAACI (European Academy of Allergy & Clinical Immunology)
WAO (World Allergy Organization)
GINA (Astma protokoli)
GA²LEN urticaria guideline (2021)
UpToDate: Allergic disorders treatment chapters
JACI va AAAAI klinik yo‘riqnomalari

3️⃣ Qaysi protokollarda bor?
👉 Hech qaysi allergologiya protokolida “tiosulfat natriy” antiallergik dori sifatida tasdiqlanmagan.

U asosan, Sianid bilan zaharlanishda, kalsifilaksiyani davolash va ba’zi dermatologik pruritus holatlari uchun keltirilgan.

4️⃣ Nima uchun allergiyada tasdiqlanmagan?

Chunki, yirik klinik tadqiqotlar yo‘q.
Effekt kichik tadqiqotlarda ko‘rsatilgan bo‘lsa ham, yetarli samara darajasi mavjud emas. Ba’zi kichik ilmiy ishlarda “yallig‘lanishga qarshi” potensialini ko‘rsatsa-da, bu hozircha klinik amaliyotga tatbiq etilmagan va rasmiy yo‘riqnomalarga kiritilmagan.

💬Telegram 📹Instagram  📹YouTube

ALLERGOLOG MUNDARIJASI

Oxirgi 1 yil ichida "Doktor allergolog" kanalida e'lon qilingan postlarni topishga oson shaklda taqdim etamiz:

1. Atopik dermatit qanday kasallik?
2. Eshak yemi yohud qavarchiq haqida
3. Allergiyani tuzataman deb diprospan qabul qilmang
4. Atopik dermatiti bor bemorlarning yuvinish vositalari
5. Eshak yemi (крапивница) haqida faktlar
6. Uy sharoitida ukol qilish xavfli. Ayniqsa antibiotiklarni
7. Eng kuchli tabiiy antigistamin
8. Immunitetni qanday oshirish mumkin?
9. Faqat yo'tal, isitma yo'q. Nimadan bu?
10. Soppa sog' odamda nega o'zidan o'zi allergiya paydo bo'ladi?
11. Balg'am ko'chiruvchi drenaj massaj texnikasi (video)
12. IgE nega ko'tariladi?
13. Terining g'oz terisiga o'xshab qolish sababi
14. Surunkali eshak yemi kasalligi bor bemorlarining har 3 tadan 1 tasida stress, depressiya bor
15. Past gistaminli dieta
16. Tovuq tuxumiga allergiya bo'lsa, demak bedana, o'rdak, kurkani tuxumi ham allergiya berishi mumkin
17. Pishgan tuxum allergiya bermaydimi?
18. Allergik rinit to'g'ri davolanmasa astmaga o'tib ketadimi?
19. Atopik dermatiti borlarda allergik astma va rinit rivojlanish xavfi bor
20. Allergik kolit qanday kasallik?
21. Zaytun yog'ining foydasi
22. Mavsumiy allergiya kuchaysa nima qilamiz?
23. Bolalarda tez-tez antibiotik olishning zararlari
24. Allergiya o'zidan o'zi yo'qolishi mumkinmi?
25. Uzoq vaqt antigistamin dori ichish
26. Allergik bronxit degan tashxis yo'q
27. Bronxial astmada o'lim xavfi
28. Allergiyada asossiz dieta qilmang
29. Atopik dermatitli bolalarda ichak florasining o'ziga xosligi
30. Sog'lom odam tanasida har kuni rak (saraton) hujayralari paydo bo'ladi!
31. Isitmasiz quruq yo‘talning sabablari
32. Tomoq og‘riganda muzqaymoq yeng!
33. Yo'talga sabab bo'ladigan ba'zi dorilar
34. Surunkali allergik yallig‘lanish bolalarda o‘sish va rivojlanishni sekinlashtiradi!
35. Gipoallergen dieta nima uchun kerak?
36. Surunkali idiopatik qavarchiqlar (крапивница) haqida muhim faktlar
37. ASIT – Allergiyani ildizini davolovchi metod!
38. Yomg‘irli havoning allergiyaga ta’siri
39. Dermografizm nima?
40. Eshak yemi kasalligini davolashda eshakka yem berishning foydasi
41. Bronxial astma triadasi nima?
42. IgE darajasini qanday pasaytirish mumkin?
43. Gistaminoz va DAO yetishmovchiligi
44. Gistaminoz va soxta allergiya orasidagi farq
45.Atopik dermatitning davosida befoyda usullar!
46. BTK ingibitorlari omalizumabga jiddiy raqib bo'lishi mumkin
47. “Giperreaktiv bronxit” kasalligi yo'q
48. Tiosulfat natriy ukoli allergik kasalliklar davo standartlarida tasdiqlanmagan!
49. Ifloslangan havodagi PM-2.5 zarralari nima?
50. Havoning PM-2.5 bilan ifloslanishi tug'ilajak bolalarda astma xavfini oshiradi

💬Telegram 📹Instagram  📹YouTube

😷 Oddiy niqoblar PM-2.5 ni ushlay oladimi?

✅ Qisman – ha, lekin to‘liq emas.

Havo ifloslanishi fonida niqoblarga bo'lgan ehtiyoj yana oshmoqda. Ko'chaga niqobsiz chiqmaslik tavsiya qilinmoqda. Afsuski, dorixonalarda keng tarqalgan oddiy tibbiy niqoblar katta zarralarni (5–10 mikron) va o‘rta zarrachalarning bir qismini ushlaydi. Ammo PM-2.5 (≤2.5 mikron) zarralarining katta qismi ushbu niqobdan bemalol o‘tib ketadi. Jarrohlik niqoblar 20–30% gacha PM-2.5 ni filtrlaydi xolos.

Qaysi niqoblar PM-2.5 ni ushlab qoladi?

1️⃣ N95 respiratorlar
≥ 0.3 mikron zarrachalarning 95% ini filtrlashi tasdiqlangan. PM-2.5 (2.5 mikron) zarrachalarini deyarli to‘liq ushlab qoladi.

2️⃣ FFP2 respiratorlar (Yevropa standarti)
0.3 mikrongacha bo‘lgan zarralarning 94% ni filtrlash talabi bor. PM-2.5 ni juda yaxshi ushlaydi.

3️⃣ KF94 (Koreya standarti)
94% filtrlash; shakli N95ga o‘xshash, yuzga yaxshi yopishadi. PM-2.5ga qarshi samarali variant.

4️⃣ N99 / FFP3
Eng kuchli filtrlash imkoniyatiga ega. PM-2.5ni deyarli 100% filtrlashi mumkin.

P.S: Rasmda keltirilgan N95 respirator niqobni Uzum marketda yoki dorixonalarda donasini 5-6 ming so'mdan xarid qilishingiz mumkin.

💬Telegram 📹Instagram  📹YouTube

🌬Havoda PM-2.5 yuqori bo‘lganda qanday havo tozalagichni tanlash kerak?

Tan olish kerak, hozirda havo tozalagich apparati sotadigan tadbirkorlarning davri keldi. Hukumat tomonidan bu qurilmalarga nisbatan bojlar ham bekor qilindi. Ijtimoiy tarmoqlarda bir-biridan chiroyli dizayndagi, xilma-xil havo tozalagichlar reklama qilinmoqda.

Xo'sh, havo tozalagichning qaysi jihati eng muhimi? Qaysi funksiyalar shart emas?

✅ HEPA-13 yoki HEPA-14 filtri bo'lsin
— Bu filtrlar PM-2.5 zarralarini 99–99.97% ushlab qoladi. “HEPA-like”, “EPA”, “H13 equivalent” degan so‘zlarga ishonmang. Bular HEPA bilan raqobatlasha olmaydi.

✅ Tozalash imkoniyati xonangiz hajmiga mos bo‘lishi shart
— Har bir havo tozalagich xarakteristikasida qancha kvadrat maydonni tozalashi bo'yicha ma'lumot yozilgan bo'ladi. Shunga qarab tanlang.

Unutmang! Qimmat narxdagi havo tozalagichlarda qo'shimcha qulayliklar (komfort) ko'proq bo'ladi. Lekin asosiy maqsadingiz xona havosini zararli zarralardan tozalash bo'lsa, filtr sifati birinchi o'rinda turadi.

❌ HEPA-13 yoki HEPA-14 filtr degan joyi yozilmagan havo tozalagich apparatlarini sotib olmang!

Shuningdek, mablag'ingiz cheklangan bo'lsa ushbu funksiyalarga pul sarflamang:
❌ UV-chiroq
❌ Ionizator
❌ Ozonator (hatto zararli)
❌ Aromatizator
❌ “Nano” marketingli funksiyalar

Bularning hech biri PM-2.5 ni tozalamaydi.

Shuningdek, o'qing:
Oddiy niqoblar PM-2.5 ni ushlay oladimi?

💬Telegram 📹Instagram  📹YouTube

«1 МИЛЛИАРД ИСТИҒФОР» лойиҳаси

Ассалому алайкум вараҳматуллоҳи вабаракотуҳ!

Она сайёрамизда кескин иқлим ўзгариши ҳолатлари содир бўляпти. Бунинг оқибатида табиий мувозанат бузилиб, айрим ҳудудларда қаттиқ қурғоқчилик кузатилмоқда. Юртимизда ҳам куз ойлари ёғингарчиликсиз ўтаётгани боис йирик шаҳарларимизда чанг-тўзонлар кўтариляпти. Шу эътибордан @mehrob_uz жамоаси «1 МИЛЛИАРД ИСТИҒФОР» лойиҳасини бошлади.
Ҳар бир банда истиғфор айтишга муҳтож. Чунки унинг айблари, нуқсон-камчиликлари кўп.

🌟 Ҳазрати Умар розияллоҳу анҳу даврида бир киши келиб, қурғоқчиликдан шикоят қилди. Мўминлар амири унга истиғфор айтинг, деди. Иккинчи киши камбағалликдан шикоят қилди. Унга ҳам истиғфор айтишни буюрди. Учинчи киши бефарзандликдан, яна бир киши камҳосилликдан, бошқаси эса сув танқислигидан шикоят қилди. Уларга ҳам истиғфор айтишни буюрди. Шунда ҳазрати Умар розияллоҳу анҳу билан бирга ўтирган кишилардан бири: «Эй мўминларнинг амири, ҳар хил кишилар келиб, турли нарсалардан шикоят қилишди. Сиз эса барчасига истиғфор айтинг, дедингиз. Бу қандай бўлди?» деганида, мўминлар амири: « «Раббингизга истиғфор айтинглар, сўнгра Унга тавба қилинглар. (Шунда) У сизларни маълум муддатгача яхши роҳатлар ила баҳраманд қилур ва ҳар бир фазл эгасига фазлини берур» (Ҳуд сураси, 3-оят)ни ўқидилар.

🌟 Истиғфор айтиб мурод-мақсадига етганлар қанча? Тирноққа зор минглаб оилалар истиғфор туфайли фарзанд неъматидан барҳаманд бўлишган.

🌟 Бошига оғир мусибат тушган одамлар истиғфор билан ғам-ғуссадан қутулишган.
Истиғфор айтадиган кишининг қалбига хотиржамлик киради, дили равшан бўлади.

🌟 Истиғфор айтувчининг танаси касалликлардан халос бўлади, ризқига барака, хонадонига файз киради.

🌟 Истиғфорни канда қилмаган киши турли бало-офатлардан, машаққатлардан омон бўлади, солиҳ фарзандлар, ҳалол мол-дунё, фаровон турмуш неъмати билан ризқланади.

Бизни ташвишга солиб турган чанг ҳавога қарши «1 МИЛЛИАРД ИСТИҒФОР» лойиҳасида ҳар биримиз 27 мартадан истиғфор айтсак, гуноҳларимизга тавба қилсак, Аллоҳ таоло бу балони тезда даф этади, ташвишларимизни аритади, мушкулларимизни осон қилади.

Истиғфор – тавба дегани.

«Астағфируллоҳ» дейишнинг ўзи ҳам истиғфор.

«Астағфируллоҳа ва атувбу илайҳ» ҳам истиғфор саналади.

Ўзбекистон аҳолиси 38 миллионга етди. Ҳар бир юртдошимиз 27 марта
«Астағфируллоҳ» деса, 1 МИЛЛИАРДта истиғфор бўлади.

Бу лойиҳамиз 28 ноябрь, жума кунига қадар давом этади. Ким қанча истиғфор айтса, саноғини қуйидаги линкка юбориши керак. 👇

👉 @Istigforaytbot 👈

Биз 28 ноябрь куни ҳисоблаб, Устозимиз Шайх Саййид Раҳматуллоҳ Термизий бошчиликларида балоларни даф этишини сўраб, дуо қилиб ҳисобини (нечта бўлганини) сизларга етказамиз, иншоаллоҳ.

❗️Сиз ҳам яқинларингизга эслатинг! Шояд, сиз сабабли бир киши истиғфор айтса, сиз ҳам савобига шерик бўласиз ва истиғфоримизни сонини биттага кўпайтирасиз.

✅Яқинларингизга улашинг

@mehrob_uz

O'pkamiz, nafas yo'llarimiz PM-2.5 bilan zararlanmoqda. Nima qilsak tozalanamiz?

1. Shilliq qavatlarning tabiiy tozalash funksiyasini qo'llab-quvvatlang

Biz aslida hechnarsa qilmasak ham o'pkamiz o'sha zararli changlarni tozlash uchun harakat qiladi va asosan yo'tal bilan chiqarib tashlaydi. Buning uchun siz:

1. Xonani namlang 40-55% da
2. Ko'proq suyuqlik iching
(Balg'am suyuladi, chiqishi osonlashadi)
3. Xonani shamollating

2. Bundan tashqari, oddiy fiziologik eritma bilan o'zingizni ingalyatsiya qiling

1. Balg'am suyuladi
2. Chang zarralari yuqoriga ko'tariladi
3. Nafas o'tkazuvchanligi oshadi

3. Aktiv harakat qiling

Tez yugirish, suzish, velosiped haydash bilan shug'ullaning.

Uyda shunchaki yotgandan ko'ra, harakat qilish o'pka faoliyatini 3 barobarga oshiradi. Natijada chuqur nafas olish, alveolarni to'liq ochilishi va changlarni o'pkani pasti qismimida yuqoriga ko'tarilishi osonlashadi

4. Nafas ginmastika mashqlarini qilish

Ko'plab pulmanologlar buni tavsiya qiladi. O'pkada ventilyatsiya kuchayadi, Balg'am yuqoriga ko'tariladi

5. Maxsus Drenaj massaj

Balg'am ajratilishini 15-40% ga yaxshilaydi

Unutmang! Siz qisqa vaqtda Balg'am ajralishini kuchaytirib, yallig'lanishni kamaytirishingiz mumkin lekin O'pkaning eng pastki qismigadagi changlarni tozalashga 3-6 oygacha vaqt ketishi mumkin.

Shuningdek, o'qing:
1. Oddiy niqoblar PM-2.5 ni ushlay oladimi?
2. Qanday havo tozalagichni tanlash kerak?

💬Telegram 📹Instagram  📹YouTube

❌😷 Оддий аптека ниқоблари PM-2.5 зарраларини ушлаб қололмайди

Гап шундаки, хозирги ифлосланган ҳаводаги PM-2.5 заррачалари 0.001 микрондан 2.5 микронгача бўлган захарли моддалардан иборат.

Оддий аптека ниқоблари эса 5-10 микрон ўлчамдаги моддалар учун мўлжалланган. Бу дегани, PM-2.5 бу ниқобдан бемалол ўтиб кетади.

Шифокорлар тавсиясига кўра, бунақа ҳавода ўзимизни ҳимоялаш учун N95, N99, FFP3, FFP2 каби респиратор ниқоблар тақиш керак!

Яқинларга максимал тарқалинг!

💬Telegram 📹Instagram  📹YouTube

#Долзарб

❗️PM-2.5 билан ифлосланган ҳаво саратонга сабаб бўлувчи модда деб 2017-йилда расман тан олинган!

Доимий бу зарралар билан ифлосланган ҳаводан нафас олиш оддий бронхитлардан тортиб, ақлий ривожланишдан ортда қолиш, ҳомила ривожланиш нуқсони-ю, ўпка саратонигача сабаб бўлиши исботланган.

Нима қилсак ўзимизни ҳимоя қиламиз?

📹 Батафсил томоша қилинг!

Яқинларга максимал тарқалинг!

💬Telegram 📹Instagram  📹YouTube

🦠 Staphylococcus aureus va allergik kasalliklar o‘rtasidagi bog‘liqlik

1️⃣ S. aureus terida ko‘payishi — allergiyani kuchaytiradi
Atopik dermatit (AD) bilan og‘riganlarda terida S. aureus kolonizatsiyasi 70–90% gacha uchraydi (sog‘lom odamda 5–30%).

Bu bakteriya teri barriyerini buzadi, natijada allergenlarning kirishini osonlashtiradi va immun tizimni haddan tashqari faollashtirib, yallig‘lanishni kuchaytiradi.

2️⃣ S. aureus toksinlari “superantigen” bo‘lib allergiyani kuchli namoyon qiladi
Enterotoksinlar (SEA, SEB, SEC), TSST-1 va boshqalar superantigen hisoblanadi. Ular oddiy allergenlarga qaraganda 1.000 baravar kuchliroq T-hujayralarni faollashtiradi. Natijada terida qizarish, qichishishning kuchayishi, steroidlar ta'siri pasayishi,
tez-tez qaytalanadigan atopik dermatit rivojlanadi.

3️⃣ S. aureus ekzema florasini buzadi → ekzema qo‘zg‘alishlarining asosiy sababi
Teridagi “yaxshi bakteriyalar” (Staph. epidermidis) kamayadi. S. aureus esa ko‘payib, ekzema alomatlarini tez-tez qo‘zg‘atadi.

4️⃣ S. aureus allergenlarga sezuvchanlikni oshiradi
Tadqiqotlarda S. aureus kolonizatsiyasi bo‘lgan bemorlarda:
—IgE darajasi yuqori
—Ko‘p allergiyalarga sensibilizatsiya
—Astma rivojlanish xavfi oshgan

5️⃣ Astma va S. aureus o‘rtasidagi aloqalar
Burun bo‘shlig‘ida S. aureus ko‘paygan bolalarda astma rivojlanish xavfi 2 baravar ko‘p. S. aureus toksinlari bronxlarni yallig‘lantiradi va IgE orqali astmani kuchaytiradi.

6️⃣ S. aureus → kortikosteroidga chidamlilikni kuchaytiradi
Superantigenlar T-hujayralar va semiz-hujayralarni haddan ortiq faollashtiradi. Shuning uchun AD yoki allergik rinitda ba'zi bemorlarda steroidlar ta'siri kuchsiz bo'ladi.

7️⃣ S. aureus ni kamaytirish terapiyasi atopik dermatitni sezilarli yaxshilaydi

Manbalar:
1. https://academic.oup.com/jleukbio/article/110/6/1163/6884667
2. https://pmc.ncbi.nlm.nih.gov/articles/PMC9025081
3. https://pmc.ncbi.nlm.nih.gov/articles/PMC6409874

💬Telegram 📹Instagram  📹YouTube

#feedback@allergiya

O'tgan yilgiga qaraganda ahvoli yaxshi, ko'zi, burni, tomog'i kamroq qichiydigan bo'ldi. Bu yil hechqanday ukol olmadi!

2011-yil tug'ilgan ushbu bemorimizda allergik rinit kasalligining doimiy turi tashxisi qo'yilgan edi. Barcha zarur tekshiruvlar o'tkazilgan va natijalarga ko'ra polisensibilizatsiya aniqlangan.

Shu yilning yanvar-fevral oylarida bemorimizning ota-onasiga ASIT terapiya (allergo-vaksina) haqida barcha ma'lumotlar berilgan va terapiya boshlangan.

Alhamdulillah, ijobiy o'zgarishlar kuzatilmoqda. Eng muhimi, bemorimiz gormonal ukollarga ehtiyojdan batamom qutilgan. Terapiya yana davom etadi!

Xalqaro standart bo'yicha ASIT kamida 3 yil davomida o'tkazilganda o'zining maksimal samarasini beradi.

❗️ASIT – allergiyani davolashning xalqaro, samarali, yagona va eng ishonchli usulidir. Doimiy dori qabul qilishdan qutulishning ham yagona yo'li hisoblanadi!

💬Telegram 📹Instagram  📹YouTube

👶👩‍⚕️ Bolalar va kattalar terisi: Asosiy farqlar

Chaqaloq tug'ilgach 9 oy davomida ona bachadonida amnion suyuqligi bilan o'ralgan nam muhitdan quruq muhitga tushadi va hayotining dastlabki yillarida moslashish davrida bo'ladi.

1️⃣ Tuzilishi va qalinligi
Bolalarda teri — kattalarnikiga nisbatan ancha yupqa. Epidermis qatlamlari yupqaroq va teri yumshoqroq. Ayniqsa, eng tashqi muguz qatlam kattalarnikiga nisbatan taxminan 20–30% yupqaroq.

2️⃣ Namlik saqlash va bug‘lanish
Bolalarda teri hujayralari kichik, teri qatlamlari yupqa — bu esa namlikni ushlab qolishini kamaytiradi. Shuning uchun bolalar terisi kattalarnikiga nisbatan namlikni tezroq yo‘qotadi va yana tez quruq va sezuvchan bo‘ladi.

3️⃣ Himoya barreyeri va himoyalanish kuchi
Bolalarda terining “himoya bariyer”i to‘liq shakllanmagan: lipidlar, tabiiy namlantiruvchi faktorlar, melanin miqdori kam. Bu esa terini kimyoviy moddalar, mikroblar, UV-nurlar va boshqa tashqi ta’sirlardan himoya qilish kuchini kamaytiradi.

4️⃣ pH va kislota qatlami rivojlanishi
Tug‘ilganda bolalarda teri pH darajasi nisbatan yuqori (kislotaliligi past), kislotali qatlam hali to‘liq shakllanmagan. Bosqichma-bosqich kislotali qatlam shakllanishi terini bakterial koloniya, ekzema va boshqa teri kasalliklaridan himoya qilishda muhim.

5️⃣ Sezuvchanlik va allergiya, infektsiyaga moyillik
Yupqa teri, zaif barriyer, kam lipid + kam melanin — bu chiroyli, yumshoq teri bo‘lishi bilan birga, infeksiya, allergik reaksiyalar, teri yallig‘lanishlariga ham moyillikni oshiradi. Masalan, pH past bo‘lmagani uchun patogen mikroblar osongina teriga kirishi mumkin.

6️⃣ Termoregulyatsiya va tana haroratini saqlash
Teri osti yog‘ qatlami va ter bezlari faoliyati to‘liq emas. Bu esa bola terisiga yanada ehtiyotkor parvarishni talab qiladi, ayniqsa sovuq / issiq sharoitlarda.

❓Nega bu farqlar muhim?
Teri parvarishida nimalarga e’tibor berish kerak

— Bolalarda teri tez quriydi, shu sabab muntazam namlantiruvchi kremlar / emolliеntlardan foydalanish muhim;

— Kimyoviy yoki kuchli kosmetik vositalardan saqlanish kerak: spirt yoki kuchli antiseptik moddali preparatlar noqulaylik, qichishish, kuchli sezuvchanlik keltirib chiqarishi mumkin.

— pH darajasi neytral bo'lgan bolalar terisiga mos antiseptik, sovun, shampunlardan foydalanish lozim;

— Quyosh nurlaridan ehtiyot bo‘lish kerak, chunki bolalar terisida melanin pigmenti kam. Bu esa quyoshning UV nurlariga nisbatan terini sezuvchan qiladi. Issiq havoda SPF kremlar tavsiya qilinadi.


Chaqalog'i bor yaqinlarga yuborib qo'ying!

💬Telegram 📹Instagram  📹YouTube

❗️Qishda “Tuzaldim!” deganlar — bahorda eng ko‘p pushaymon bo‘lishadi!

ASIT (Allergen spesifik immunoterapiya) uchun ENG TO‘G‘RI VAQT — AYNAN HOZIR!

Allergik rinitli bemorlarning juda katta qismi qishda o‘zini yaxshi his qila boshlaydi. Burun bitishi, aksirish, ko‘z yoshlanishi kamayadi va:

“Tuzaldim shekilli…” degan xavfli xulosaga keladi.

Aslida esa bu — remissiya, vaqtincha jimlik xolos.

🌸 Bahor kelishi bilan o‘sha “jimlik” kuchli allergik xurujga aylanadi va hamma bir xil gap aytadi:

“Afsus, ASITni qishda boshlasam bo‘larkan…”

❓Nega ASITni aynan qishda boshlash kerak?

1️⃣ Allergenlar minimal darajada.
Organizm tinch holatda bo‘ladi — immun tizimni bosqichma-bosqich o‘rgatish uchun ideal vaqt.

2️⃣ Bahorgi mavsumga tayyorgarlik.
Qishda boshlangan ASIT bahor kelguncha ta’sir ko‘rsatishni boshlaydi.

3️⃣ Kasallik ildiziga yo‘naltirilgan yagona davolash.
Simptomni EMAS, sababni yo‘qotadi.

4️⃣ Vaqtni boy bermaslik.
Bahor kelganda kech bo‘ladi, simptomlar kuchaydi — ASITni boshlash qiyinlashadi yoki umuman kechiktiriladi.

🔥 ASIT uchun “keyinroq” degan narsa yo‘q. Eng yaxshi vaqt — qish fasli. Yaxshi bo‘lib qolgandek tuyilishi — tuzalganingizni anglatmaydi.

Remissiya — bu imkoniyat!
Undan foydalaning.

Allergik rinitli bemorlarga eslatma:
Hozir aynan ASIT boshlash fasli. Bahor kelganda pushaymon bo‘lmaslik uchun bugundan qadam tashlang.

❗️Sizni yoki yaqinlaringizni allergik kasalliklar bezovta qilayotgan bo'lsa, qabulimga kelishingiz mumkin!

📞 +998946920852 (@allergolog)

💬Telegram 📹Instagram  📹YouTube