للي يطلبونها ف السناب .

( حزني ) مثل خبلٍ تدق طبول له
والخبل مايعتاااز ؛ لاوصي وصاه

وانا الي لاقوه له إولا حول له
لامنهْ جاني في يده ماسك عصاه

تكفون قولو له ، عجزت أقول له :
ياخوي قلبي( قلب ) ماهوب بحصاه 💔🚶🏻‍♂️ ..

مبارك المطرباني

سرينا سرينا ياخويي حداني الضيق
علي الطواري ي احمر العين مجتمعه

يغلوي فوادي يبن إبي مثل غلو بريق
ولا باقي الا شوي وآسيل الدمعه

شعفني هبوب بقيق من يوم جيت بقيق
وانا ادرى من المنقود وأدرى على السمعه

طرى لي غزالٍ مع هل الصنف ماقد سيق
لغيره من الخفرات ماعاد لي طمعه

يقهوونه غسال الفناجيل فك الريق
وتقرى عليه الناس والفتح والجمعه

سلبني الفؤاد الي قبل بوقته مابيق
وحرمني لذيذ النوم والضحك والجمعه

علي الحرام ووالله إني ماعاد آطيق
فراقه لو إن أتلى العهد به مساء الجمعه

وجود الوحيد الي دمه من خصومه ريق
وجودي على شوفه ووجدي على سمعه

انا ياحسين الله لايبلاك ، فيني ضيق
ولاهوب بالشطحه ولاهوب بالرمعه

لو انك على ماهي تكن الضلوع تويق
خطيرٍ تطر جيوبك وتذرف الدمعه

مانيب غني من فزعتكم ودعمكم لاعدمتكم ❤️