يإلي تحسبْ ان دافع غيابي كبر ، ولا غرور
ودي انك الله يهديك تعيد في شخصي النظر

أنا لو إن عذري معي ، ماقالو الناس معذور
ان قبلو العذر البدو ، ماقبلو العذر الحضر

وإن غبت عن بعض الأمور ، ماغبت في بعض الامور
وأنا أدري إني فرجتي فرجة تميمٍ في مُضر !

لذلك أسباب الغياب : لقلة أسباب الظهور !
لأن الغياب إن مانفع راعيّه أحياناً ماضَر

عن الحضور الي ( ماهوب الي ) تجنبت الحضور
وطبع ( الرجل ) يفقد ليا من غاب ، ويدرى لاحضر ..

على اللي غرامه حد قلب العنا لقصاه
‏توجدت لكن مانفعني توجادي

‏وبعد ماإستهاض صبّي عيني وجاك بماه
‏بعلمكْ و أنته محزم الجنب وسنادي

‏ أبكشف لك أسراري وعرضكْ وجه الله
‏ماتظهر الين يبدّل الرمل بوسادي

‏أنا لي وليفٍ منوة القلب يوم ألقاه
‏وأنا في الرياض وصاحبي من ورا الوادي

لو ماكشخّت ، تدري إن الزين منبعها
وإن كشخّت حطت البنيّت في فوضه

ماتتبع الموضه ، الموضات تتبعها
لو تلبس الخيشةْ الغبرا ، غدت موضه

طراه العيد 🏃🏻‍♂️
#مبارك_المطرباني

لا ياغناتي كان إن العذر ينجيني
لو إنهْ ما أنجى ربع همام من سالم

فالعذر منش ، ترى ماهوب بيديني
لا يابعد كل من راسل ومن كالم

لكني أصد من صوتش ، لايغريني
رغم إن ودي بصوتش ، والله العالم

خلي المواصل ( رسايل ) ، بينش وبيني
من طلة أول شهر تسعه وانا مسالم

و( ألوه ) من فاهك المعسول ، تغويني
إغواية الضُلم ، للمستقوي الضالم

سُباتي إلي خذا من عمري ، وديني
صحيت عقبه مثل مايصحي الحالم

وتقصيري إلي مضى مني ، يكفيني
خليني أكفّر ذنوبي ، وأنا سالم

والله يالو إن مانيب أردع شياطيني
إن كان عيّدت قبل تعيّد العالم

لكن لا شفنا هلال العيد عانيني
مولِّـم إبليسي ومتحزم ، ووالم ..