سرحت بضميرٍ فيه عبره وفيه علوم
وصدرٍ من الحزن مْتحطم ومتهالك

نديمي ، لامن الوقت حرّم عليك النوم
لايطريك تسهر ليلك الحالك ، لحالك

الى من بغيت منادمي كلم ، ومخدوم
تراني عليك أشفى من شْفايك عيالك

ترى لك بصدري يانديمي غلاً معدوم
وولفٍ ماهوب بيا بعد روحي الا لك

انا ودي اني من ربع صحتي محروم
ولا إنه يضيّق صدرك وينشغل بالك

ودي إنك توزّع من همومك علي هموم
ماودي تشيل همومك الواجد لحالك

أحنّه مْن الوجد ، لاهب ذعذاع
وأحنّه مْن الليل لاجاء بيبدي

ويحّن من ممشاه حتى على القاع
ودي إنهْ يمشي لامشى فوق كبدي

مبارك المطرباني