نار التحدي في الصياهد شبوبه
و أخصامنا ، منا ومنا ومنا

لكن حنا للمنافس عقوبه
ودايم ليا بانو الرجاجيل بنا

الروس من دون الشداد معصوبه
والمال يدعس والمحازم تثنا

صملاتنا ماهيب نوبه ونوبه
ذا سلمنا من مبطي وسلم اهلنا

ووقفة عتيبه عند يام محسوبه
من يجحد الوقفات ماهوب حنا

مبارك المطرباني

أنا طالبك يابو سعد لايطول الهرج
الى شفتني سارح وضايق ومتحيّر

ترى والله ان قد لي مهايم ووضعي حرج
عن الناس كني يا أبيض الوجه متطيّر

سبايب غزالٍ بانيٍ في خفوقي برج
أخيّر في غيره غير مانيب متخيّر

من الزين كله لامشى كن رجيله عرج
ومن الدق يدخل خصره الشوك ويطيّر

انا ودي اني ساكنٍ فوق برج الخرج
على شان أشوف صويحبي كل ماسيّر ..

#مبارك_المطرباني

حبيبة الشاعر ، أبكوها جماهيره
‏غير الجماهير ماني بْبايحٍ منها

‏من كثر ماحنّها من لاهب الغيره
‏ودي إنيْ آغار عنها وأحترق عنها

‏⁧#مبارك_المطرباني⁩