كوسا باللبن
اولا الكوسا نحفرها
ونحشيها كالأتي
بصل مفروم ومعاه ثوم مهروس
واللحم المفروم__ مع مكعبين ماجي لحم
مع بهارات السبع وبصل بودر بعد ضفت
نحمسهم عدل عدل ونضيف الصنوبر ونخلطها ونخليها على جنب
نحشي كوسا ونسكرها
ونحطها بالإيرفراير على وظيفه التحميص
ونحط شوي زبده او زيت لورباك
وتحت بالسله نص كوب ماي
ونخليها على الوقت اللي الوظيفه تعطينا ياه

ونسوي صلصه اللبن
علبه روب حامض المراعي علبه كبيره كامله
و٣ لي ٤علب لين حامض اي ماركة تبونها
٣ملاعق مليانه نشا
بيضه وحده كامله
ملح
وحطيت ثوم بودر قليل
بعدها
نخلط المكونات عدل
ونخلي الصلصه تثقل واذا تحبون تخففونها حطو ماي

نسقط الكوسى في الصلصه
ونسوي الطشه عباره عن
زبده وكزبره مفرومه
وصنوبر على النار بس يذبلون
نحطها كأخر طبقه ع الكوسا

عيش شعريه
ينفع مع وايد وصفات
زبده شعريه المطاحن شويه ملح
وحبتين مستكة ونحمس ونضيف العيش المصري صن وايت
نقلبه عدل
بعدها نضيف
الماي يغطي العيش ونخليه يستوي ونسكر عليه
وبس والله

اضافه حبات المستكه لتنكيه العيش
وليست ضروريه وشكرا

اولا الخلطة بطريقه بنت خالتي.
الصراحه روعه ولذيذه
ذرة مسلوقه
ويضاف لها فلفل اسود ملح زبده
تنخلط المكونات عدل وتنحط بسخان او بجدر تقديم او اي حافظه تبونها
صلصه الجبن من ام اف👌💚
وبعدها طبقه من الذره
وتكررر الطبقات
وبعدها تنويع بالجبس المجروش
الكل بلا استثناء حبها

صلصه الجبن من @mfstorekw
عليكم بالعافيه يارب

مساء الإنتعاش

في الخلاط
كوب مكعبات ثلج
ليمونة صفره منزوعه القشر
ربع كوب سكر او اكثر
نعناع فرش
نص كوب ليمون مركز
ونزيد الخلطه كوب ونص ماي او حسب كثافه العصير اللي نبيها
دقايق والخليط جاهز

صحه والف عافية

نتبل الربيان (فلفل اسود ثوم ملح عصيرليمون)
نغمسه بالبيض
وخليط الطحين (طحين نشا الذره_ بهارات(بابريكا ثوم وبصل بودر وفلفل اسود)

نقلي الربيان لما يتحمر
نخليه على جنب
نجهز صوص البافلو
(صلصه البافلو_صلصه فرنسيه_مايونير_كاتشب_سويت چيلي- نخلط والكميه متساويه،،

نغلف الربيان بالصلصه
ونحط خس امريكي بقاع الصحن
ونزين الربيان في البصل الاخضر ورشات سمسم
صحة وعافية

كيكة الأناناس
استخدمت خليط العلالي روعه روعه روعه
بقالب الكيك
حطيت كراميل نستله او ممكن تكرملون السكر
التعليمات خلف العلبه
٣بيضات
ثلث كوب زيت
استبدلت الماي بكوب عصير اناناس
نخلط ونصب الخليط
فوق السكر المكرمل
تدخل الفرن
تقريبا ٤٠دقيقه الحرارة ١٨٠ الرف الوسط
تطلع نقلب القالب وتتقدم بصحه وعافية

تراميسو الليمون
اولا بسكوت ليدي فنقر
صلصه التغميس كالأتي
كوب ونص ماي دافي
عصير ٣ليمونات
قشر ليمونة
وكوب وربع سكر

ع النار مجرد ما يذوب السكر نسكر النار

نغمس البسكوت بالصلصه ونصفه كأول طبقه بالبايركس

صلصه الماسكربوني
علبتين جبنه ماسكربوني
علبه كريمة حامضه(اختياري واضافه مني)
كوب ونص كريمه ثقيله بارد(كريمة حلويات حفق)
بشر ليمونتين
نخلط المكونات ونخفقهم عدل
كريمه ثم الجبن ثم الكريمه الحامضة

بحمام مائي
٤لي ٥بيضات وسط
كوب وربع سكر
فانيليا
عصير ليمونتين
وبشر الليمون
نخلطهم لما يصير الخليط فومي وبعدها نسكر عليه

نضيفه بالتدريج مع خلطه الجبن اللذي ذكرتها
نخلطهم خفيف لما تتمازج المكونات
ونسوي طبقات بسكوت وكريمه وبسكوت وهكذا
نخليه يوم كامل بالبراد
ونزينها بشرايح الليمون
ونعناع وبلو بيري

صحه وعافيه

ما ييطلبه المتابعوون..

الدجاج مقطع شرايح طوليه
متبل فيه معجون ثوم وزنجبيل وبهارات(زنجبيل ثوم بصل وفلفل ابيض كلهم بودر وملعقه وسط )
وشوي نشا الذره

نقليهم بزيت السمسم
ونحط عليهم
الخضار بشرايح طوليه(جزر ملفوف بصل كوسا)

نضيف الصويا نوعين خفيفه ومعتدله
نقلب المكونات ونضيف بهارات نفس بهار تتبيله الدجاج
بعدها
والبصل الاخضر شرايح طوليه يعطي طعم خوراااافي للنودلز
نضيف الشعريه رقم ١
ونقلبهم ونزيد الصويا لو حابين
وبعدها ٥لي ٧دقايق
نخليهم على نار عاليه وبعدها نسكر ونستمتع بصحه وعافيه

مرحبا واعتذر عن التأخير
علبة مشروم بني
نحمسها مع فلفل اسود وملح
لي يطلع كل الماي

بعدها
نضيف بصل بودر وشوي ثوم بودر
ونضيف نص قالب زبده او زيت زيتون حسب الرغبه
ملعقتين طحين مليانه
و٣ ملاعق طعام صويا صوص الحاليه

نحمس الخليط وبس تتمازج المكونات نضيف كوب ونص لي كوبين ماي حار مذوبين فيه ماجي لحم مكعبين
او ماي سلق اللحم

نخلي الصوص يطبخ ويثقل وبعدها
نسكر النار
لذيذ لذيذ لذيذ

ممكن اضافه اعشاب او روز ماري او ريحان حسب الرغبه

ممكن استخدام ماي سلق الدجاج او اللحم او خضار عادي
ممكن استخدام مشروم ابيض وليس البني

تستخدم الصلصه مع البطاط المهروس
او الستيكات او اللحم المقطع او الدجاج ستيك

الفاهيتا السريعة
صدور دجاج فيليه
التتبيله(عصير ليمون _ ثوم مهروس _ملح وفلفل اسود_ بابريكا مطحونة بهارات فاهيتا بكل الجمعيات مو شرط ماركة معينة
بمقلاه مضلعه حاره ( نحط صدور الدجاح ونقلبهم ونستخدم سبري الزبده او زيت زيتون)

بعدها نحط فلفل بارد وبصل ابيض فقط
وعليهم جبن شيدر ونخليه يذوب بس
يتقدم مع خبز التورتيلا والساور كريم وصلصه الجواكمولي💚💕

صحة وعافيه يارب

اسهل وابسط فاهيتا تسونها