تتبيلة دجاج تندوري

سواء قطع او صدور او دجاج كامل

غدانا حاليا

البهارات الاساسيه لدجاج التندوري

عيش الخضار حمس البصل مع الثوم وبقدونس مفروم والبهارات مشكله كمون فلفل اسود كركم قرفه كاري قليل بعدها خضار مثلجة او فرش حسب رغبتكم وتخلط بعدها يضاف العيش المنقوع بماء وخل ويخلط قليلا ونضيف ماء مغلي ويكبس العيش عليه

تقدرون تصفونه بس لكن الافضل يكبس يطلع الذ

المقصود باللبن هوالحليب طبعا

صباح الخير جميعا

واهلا وسهلا بالاضافات الجديده

نورتووو مطبخ السعادة

صباحكم جميل مثل قرص عقيلي مالي😍😂

غدا اليوم والطريقه لاحقا

طبقنا اليوم دياي تندوري
اول خطوة سوينها نقطع الدجاج الى نصفين
بعدها نشيل الجلد والجوانح وبالامكان استخدام دجاج مقطع ومنظف او صدور دجاج مخليه من العظم والجلد حسب رغبتكم.... ونسوي شرايح بالسجين عشان يتتبل الدجاج عدل بعدها...
اول خطوة تتبيل الدجاج بالفلفل الاسود المجروش وملح وعصير ليمون...
بعدها تتبيل البهارات المطحونة(غرام ماسالا_قرفه_بهار دجاج_بهار تندوري جاهز_كزبره مطحونة)

باقي التتبيلة
علبة روب ملعقه معجون طماط_شويه زيت سائل_ ثوم وزنجبيل طازج مبشورين... نضيفهم على قطع الدجاج
استخدام اللون الاحمر البودرة اهو اللي يعطي لون للتندوري زعفران بودر ممكن بس انا احط الاحمر اهو يعطي لون التندوري المظبوط.... نزهب صينيتنا فيها بصل شرايح وملفوف ابيض شرايح وفلفل حار وجم قطعة ثوم وبعدها نصف الدياي فوقهم..... وتدخل الفرن لما تستوي..،
ملاحظات:
الدجاج المستخدم دجاج المتحدة او اليوم.
بالانكان استخدام صدور دجاج مخليه من العظم
بالامكان استخدام قطع مربعة من الصدور..
اللون اختياري لكن اساسي بالوصفة هذي بالذات بالنسبه لي..
يمكن استخدام التنور الكهربائي او الفرن او الشوايه..
يفضل وضع التتبيله من بليل او ساعتين لكن ما يمنع ان نسويها بنفس اليوم اذا كنتو مستعيلين.