لبنة السعادة

السلام عليكم
خلطة اللبنة من تأليفي
اتمنى تعجبكم
الوصفة السهله كالأتي

لبنة تركية او لبنة المراعي او اي لبنة تحبونها
تقريبا كوب
ملعقتين كبار معجون طماط مجفف👌🏻
زيت زيتون بويوسف التونسي الفاخر
شوي بابريكا مطحونة
وزيتون اخضر لذيذ
وعليهم حمص حب محمص بالفرن مع شوي زيت وبابريكا..
وحبة نعناع

فاهيتا السعادة..
بصل شرايح
معاها برغر مشوي
اي ماركة انتو تفضلونها
بعدها ضفت الجزر مشروم كوسا فلفل بارد ملفوف كلهم شرايح طوليه وممكن تضيفون نقانق او مرتديلا
نقلبهم شوي ونضيف مكعبات ماجي خضار
او بديل الماجي لعضوي
ونقلبهم
نضيف صلصه سومطره حاره وحلوه
ومعاهم صويا معتدله(فيها سكر ثقيله القوام)

ونقلبها شوي
ونكون مسخنين مقلاه السيزلينج بالفرن عشان تشتش عليكم
وبس هذي اسهل فاهيتا
تحبون ممكن جبن بس ماضفت
تنوكل مع خبز التورتيا..
ممكن عيش مصري
صحة وعافيه
ولا تنسون تشجعيكم يخليني استمر واعطي اكثر
شكرا للمتابعتكم

كب كيك الليمون🍋🧁

كب كيك الليمون🧁🍋
أولا المقادير الجافة
كوب و٢/٣ طحين
١و١/٢ ملعقه شاي بكنج بودر
١و١/٤ ملعقة شاي بكنج صودا
١/٤ ربع ملعقة شاي ملح
بعدها
تخلط المواد التاليه
١كوب سكر مع قشر ليمون حبتين
ربع كوب عصير ليمون
٣/٤ كوب زبده بحرارة الغرفة
٢بيض بحرارة الغرفة
١/٢كوب كريمة حامضة او روب
بعدها نضيف خليط الطحين بالتدريج
ونخلط خفيف
يتكون خليط ثقيل إلى لزج عادي جدا
ونعبي الورق الخاص بالكب كيك
١٥ دقيقه الفرن حرارته ٣٥٠ فهرنهايت او ١٦٠ الرف الوسط

الكريمة الجبنيه
٢كوب جبن كريمي كامل الدسم
٣كوب سكر بودر
نص قالب زبده بحرارة الغرفه
ونخلط بالخلاط اول شي الجبن لما يصير الخليط ناعم
بعدها نضيف سكر بودر بالتدريج حسب كثافه الخليط المطلوبه
ونستخدمها بالتزين
حطيت توت فرش ونعناع
بصحه والف عافيه

#🍋 #cake #food #kuwait

متوفر فقط لدى أبلكيشن توصيل

شرايح ستيك بقر استرالي خذيته من سيتي سنتر
تتبيلتهم>>ملح خشن فلفل أسود وثوم مهروس
نخليهم شوي ونحط زبده بالمقلاه
ونشوي قطع اللحم على حرارة عاليه ولا تبالغون بالشوي
يمكن ٦لي ٩دقايق امانه ماااااا حسبت الوقت عدل بالنظر سويته

صلصه المشروم
كوب بصل أبيض مفروم
كوب شرايح مشروم بني
ربع كوب صلصه الصويا المالحه
نحمسهم بالزبده ونقلبهم عدل
وبس يذبلون
نضيف تقريبا ٣ملاعق كبيرة شوربه كريمه الفطر
ونضيف نص كوب كريما طبخ سائله
وعليهم كوب ماي
ونخللللللط لما تتكون صلصه
اعتمدو الطريقه سهله وسريعه وتظبط معاكم

تقدمونها مع الستيك والبطاط المقلي وشوي جرجير بالليمون او خضار سوتيه

#ستيك_لحم #food#kuwait #yummy

ستيك السعادة

رابط الوصفة الخطيرة

سلطه الأفكادو والمتاي
المكونات خس صغير
طماط صغير مقطع انصاف
صنوبر مقلي
متاي مقرمش لذيذ
والصلصة
دبس الرمان// عصير ليمون اخضر/سكر قليل/ملح رشه/ ماسترد معجون وزيت زيتون تخلطون الصلصه وتحطونها وقت التقديم