طبقنا اليوم دياي تندوري
اول خطوة سوينها نقطع الدجاج الى نصفين
بعدها نشيل الجلد والجوانح وبالامكان استخدام دجاج مقطع ومنظف او صدور دجاج مخليه من العظم والجلد حسب رغبتكم.... ونسوي شرايح بالسجين عشان يتتبل الدجاج عدل بعدها...
اول خطوة تتبيل الدجاج بالفلفل الاسود المجروش وملح وعصير ليمون...
بعدها تتبيل البهارات المطحونة(غرام ماسالا_قرفه_بهار دجاج_بهار تندوري جاهز_كزبره مطحونة)

باقي التتبيلة
علبة روب ملعقه معجون طماط_شويه زيت سائل_ ثوم وزنجبيل طازج مبشورين... نضيفهم على قطع الدجاج
استخدام اللون الاحمر البودرة اهو اللي يعطي لون للتندوري زعفران بودر ممكن بس انا احط الاحمر اهو يعطي لون التندوري المظبوط.... نزهب صينيتنا فيها بصل شرايح وملفوف ابيض شرايح وفلفل حار وجم قطعة ثوم وبعدها نصف الدياي فوقهم..... وتدخل الفرن لما تستوي..،
ملاحظات:
الدجاج المستخدم دجاج المتحدة او اليوم.
بالانكان استخدام صدور دجاج مخليه من العظم
بالامكان استخدام قطع مربعة من الصدور..
اللون اختياري لكن اساسي بالوصفة هذي بالذات بالنسبه لي..
يمكن استخدام التنور الكهربائي او الفرن او الشوايه..
يفضل وضع التتبيله من بليل او ساعتين لكن ما يمنع ان نسويها بنفس اليوم اذا كنتو مستعيلين.

عيش بالخضار
نحمس شرايح البصل مع الثوم ونضيف البقدونس ونخلطهم بعدها نحط الخضار المثلجة(جزر بازاليا-فاصوليا خضراء)
البهار المطحون(كمون.بهار مشكل.بهار دجاج)
بعدها إضافه العيش المنقوع
وخلطه قليلا ونضيف الماي
ونتركة على نار قويه اول ١٠دقايق
بعدها نخفف ونخليه يستوي على راحته

السﻻم عليكم ورحمة الله

سمعتِ بخبز الزبااادي؟؟
رهيب.
المقادير بس😋
2 زبادي على حرارة الغرفة
وكاس ونصف طحين
اعجنيهم وخليها ترتاح العجينة عشر دقايق
وافرديها وحطيها على حديدة المراصيع
....
الطريقة بالصور
-
{http://forum.hawaaworld.com/showthread.php?t=2833187}
يالله جربوا ☺

فعلا روووووعة

طبق كرات اللحم بالبشاميل...(صلصلة رهيبة من كي دي دي)

الطريقة

١_قلي كرات اللحم الجاهزة اي نوع تفضلونه او عمل كرات لحم بطريقتكم توضع على جنب

٢_يحمس مقدار ١بصل كبيرة مفروم مع فص ثوم يوضع قليل من بهارات المشكله وفلفل اسود وبهار لحم.. ٣_يضاف جزر شرايح وفلفل بارد مقطع ويخلط ثم يضاف
ربع كوب صلصه بيتزا او يستبدل بمعجون طماط ثم يخلط مع الخضار وتضاف كرات اللحم المقليه

٤_تصف كرات اللحم في البايركس
٥_تسخن صلصة البشاميل من كي دي دي وتوضع عليها قليل من جوز الطيب وبهار الاعشاب

٦_توضع صلصه البشاميل على كرات اللحم وتغطى بجبن الموزريلا ورشه من البقسماط والسماق وتدخل الفرن للتحمر على حرارة متوسطة من فوق وتحت... وبالعافية❤️

كوسا باللبن
تحفر الكوسا وتشوح بالزبدة او الزيت
وتترك جانبا
تحضير الحشوة
سلق العيش قصير الحبة اختياري
تقريبا كوب ونص
نحمس بصل مفروم وثوم وبقدونس وطماط مفروم
بالامكان وضع لحم مفروم
بهار مشكل قرفه وفلفل اسود وملح
وإضافه دبس الرمان ومعجون طماط
تمر هندي
خلطهم ونسكر النار بعد إضافه العيش
نحشي الكوسا
والصلصة(علبتين روب ملكي اوعادي
تقريبا ٤علب لبن مراعي او لبن خاثر
نذوب ٣ملاعق نشا مع نص كوب ماي بارد ونضيفه
للصلصة وبس تغلي نسقط حبات الكوسا
وتترك على نار هاديه نص ساعه
يمكن التزين(بعمل حمسه بصل وكزبره وثوم وسماق)
او رش الكوسا بالسماق والكزبرة بالنهاية
وعوافي للجميع

البيتزا بعجينه خفيفة وإليكم الوصفة