📣«AMANAT» қалдықтарды қайта өңдеу ісін жүйелеуді талап етті

⏺ «AMANAT» партиясы фракциясының мүшесі Самат Нұртаза Премьер-министрдің бірінші орынбасары Нұрлыбек Нәлібаевқа депутаттық сауал жолдады. Құжатта қалдықтарды бөлек жинау, қайта өңдеу және инфрақұрылымды дамыту мәселесі көтерілді.

🗣️ Депутаттың айтуынша, елімізде жыл сайын шамамен 4,5–5 млн тонна коммуналдық қалдық түзіледі, ал қайта өңдеу деңгейі небәрі 24–26%-ды құрайды. Осыған байланысты Үкіметке қалдықтарды бөлек жинау инфрақұрылымының міндетті нормативтерін бекіту, қабылдау пункттері желісін кеңейту, бизнеске арналған рәсімдерді жеңілдету және әкімдіктер мен уәкілетті органдардың жауапкершілігін күшейту ұсынылды.

«AMANAT» Әйелдер қанаты: Кәсіпкер әйелдерді қолдау ісі жалғасады
📌 Елімізде «Әйел және Бизнес. NEXT ERA» атты әйелдер кәсіпкерлігінің өңірлік конгресі бастау алды. Оның алғашқы жиыны Ақтау қаласында өтті. 250-ден астам қатысушы бас қосқан маңызды іс-шараны «AMANAT» партиясы жанындағы Әйелдер қанаты мен «Атамекен» ҰКП Іскер әйелдер кеңесі ұйымдастырды.
🗣 Конгресс аясында әйелдердің экономикалық белсенділігін арттыру, цифрлық трансформация, жасанды интеллект дәуіріндегі бизнес, отбасылық құндылықтар және қоғамдағы әйел көшбасшылығы мәселелері кеңінен талқыланды.

«Әйелдердің әл-ауқаты – ұлттың жарқын болашағының кепілі. Сондықтан біз әйелдердің білім алуына, кәсіп бастауына, жаңа технологияларды меңгеруіне және шешім қабылдау процесіне қатысуына барынша жағдай жасауымыз керек. Әсіресе ауылдағы кәсіпкер әйелдерге қолдау көрсету – стратегиялық міндет. Партия алдағы уақытта да осы бағыттағы жұмысын жалғастырады», – деді Шолпан Каринова.

Жиын соңында қатысушылар әйелдер кәсіпкерлігін дамыту, тәжірибе алмасу және өңірлік іскерлік байланысты нығайту бағытындағы мұндай алаңдардың маңызы зор екенін атап өтті.

🎶 «AMANAT»: Алматы облысында Жамбыл мұрасын дәріптеген жас ақындар айтысы өтті

Жамбыл ауданында ұлы ақын Жамбыл Жабаевтың 180 жылдығына арналған «Жамбыл мұрасы – ұлт қазынасы» атты облыстық жас ақындар айтысы ұйымдастырылды.

⚜️Іс-шара «AMANAT» партиясының «Ұлттық мұра» жобасы аясында өтті. Өнер додасына Алматы облысының аудан-қалаларынан келген 16 мектеп оқушысы қатысып, айтыс өнеріндегі қабілеті мен сөз саптау шеберлігін көрсетті.

Жыр додасының негізгі мақсаты – Жамбыл Жабаевтың әдеби мұрасын жас ұрпақ арасында кеңінен насихаттау, қазақтың айтыс өнеріне қызығушылықты арттыру және өңірдегі талантты оқушыларға қолдау көрсету.

Сахнада оқушылар Жамбыл мұрасын, туған жерге құрметті, елдік пен бірлікті, ұлттық құндылықтарды және бүгінгі қоғамдағы өзекті тақырыптарды жырға қосты.

Қазылар алқасының шешімімен айтыстың бас жүлдесі Қарасай ауданының жас ақыны Қази Нұрғисаға бұйырды. Бірінші орынды Балқаш ауданынан Нұрланқызы Кәусар иеленді.

Жүлдегерлерге бағалы сыйлықтар табысталып, барлық қатысушыға алғыс хаттар мен естелік сыйлықтар берілді.

«AMANAT» ЖЕРГІЛІКТІ БАСҚАРУҒА ЖАҢА СЕРПІН БЕРУДІ МАҚСАТ ТҰТАДЫ

📌 «AMANAT» партиясы Түркістан облысында жаңа модульдік оқу бағдарламасын іске қосты. Бағдарлама кадрлық әлеуетті нығайтуға, мемлекеттік басқару мен қоғамдық-саяси жұмыстың сапасын арттыруға бағытталған.

⏺ Оқу бағдарламасына облыстық, қалалық және аудандық мәслихат депутаттары, ауылдық округ әкімдері, бастауыш партия ұйымдарының төрағалары мен партия қызметкерлері санатынан 160-қа жуық тыңдаушы қатысуда.

📚 Бағдарлама аясында төртінші деңгейлі бюджетті қалыптастыру, салық саясаты, өңірлік даму, тиімді коммуникация және жаңа заңнамалық өзгерістер мәселелері қарастырылуда.

🗣 Қатысушылар жергілікті басқару жүйесіндегі өзекті мәселелер, жаңа заңнамалық өзгерістер мен тәжірибелік жұмыстар бойынша білім алып, сала мамандарымен пікір алмасты.

✔️ «AMANAT» партиясының Түркістан облыстық филиалы бұл оқу семинары жергілікті деңгейдегі басқару сапасын арттыруға және өңірлік дамудың тиімді тетіктерін қалыптастыруға ықпал етеді деген сенімде.

📚 «SOCIOEXPERTCLUB»: «AMANAT» ПАРТИЯСЫНДА «ТҰЗДЫ КӨЛДЕРДІҢ ӘНДЕРІ» РОМАНЫ ТАЛҚЫЛАНДЫ

«AMANAT» партиясының «SocioExpertClub» диалог алаңында жазушы әрі публицист Бекнұр Қисықовтың «Тұзды көлдердің әндері» романының тұсауы кесілді. Іс-шара барысында шығарма жан-жақты талқыланып, қатысушылар өзара пікір алмасты.

Ашық диалог форматында өткен кездесуге ғылыми институттар мен жоғары оқу орындарының өкілдері, сарапшылар, студенттер және БАҚ өкілдері қатысты. Автордың айтуынша, романның өзегі ізгілік, махаббат және адами құндылықтарға негізделген.

Талқылау барысында қатысушылар қазіргі қоғамда кітап оқу мәдениетін дамытудың маңызын атап өтті. Сондай-ақ «AMANAT» партиясының отандық авторлар мен баспагерлерді қолдау және кітап оқу мәдениетін ілгерілету бағытындағы жұмысы айтылды.

Кездесу соңында ашық пікірталас өтіп, қатысушылар үшін автограф-сессия ұйымдастырылды.

📌 «AMANAT» ПАРТИЯСЫНЫҢ «ЖЕР АМАНАТЫ» КОМИССИЯСЫ FAMILY PARK МӘСЕЛЕСІН ҚАРАДЫ

«AMANAT» партиясының Алматы қалалық филиалында «Жер аманаты» комиссиясының отырысы өтіп, Family Park аумағындағы жер учаскесін пайдаланудың заңдылығы талқыланды.

Мәселе қала тұрғындарының өтініштері, саябақтың жағдайына қатысты шағымдар және қоғамдық резонанс негізінде көтерілді. Мониторинг барысында санитарлық жағдайдың нашарлығы, инфрақұрылымның тозуы, аттракциондардың қауіпсіздігі және жасыл желектердің күтіміне қатысты проблемалар анықталды.

Жер ресурстарын басқару департаменті тексеру кезінде жер учаскесін беру заңдылығына қатысты бұзушылықтар анықталғанын мәлімдеді. Міндеттемелер орындалмаса, жерді мемлекет меншігіне қайтару мәселесі қаралады.

«AMANAT» партиясы бұл мәселені Алматы тұрғындарының мүддесі үшін бақылауда ұстайды.

🇰🇿 «Қазақ тілін үйрену менің бала күнгі арманым еді»

📌 «AMANAT» партиясының «Менің елім - менің тілім» жобасы аясында жұмыс істейтін «Сөйле» спикинг клубы азаматтарға қазақ тілін еркін меңгеруге мүмкіндік беріп келеді.

✍️ Клуб қатысушыларының бірі - фантаст-жазушы Наталья Коленко. Ол «Сөйле» клубында үш жылдан бері білім алып, бүгінде қазақ тілінде еркін сөйлейді. Сонымен қатар қазақ тілінде шағын әңгімелер де жаза бастаған.

«Қазақ тілін үйрену менің бала күнгі арманым еді. Қазақ тіліне, қазақ мәдениетіне әрдайым қызығушылығым болды. Кейін «AMANAT» партиясының «Менің елім - менің тілім» жобасы аясындағы «Сөйле» клубы туралы естіп, осында келдім», - дейді Наталья Коленко.

📚 Оның айтуынша, қазақ тілін меңгеруде тұрақтылық пен еңбек маңызды. Қателесуден қорықпай, күнделікті тәжірибе жасау тіл үйренудің басты шарты.

✨ Бүгінде «Сөйле» спикинг клубы мемлекеттік тілді үйренуге ниетті азаматтар үшін тиімді әрі қолжетімді алаңға айналды. Жоба арқылы қатысушылар қазақ тілін тегін меңгеріп қана қоймай, қазақ халқының мәдениетімен және салт-дәстүрімен тереңірек танысуға мүмкіндік алуда.

🔼 Инфрақұрылым, қала құрылысы және еңбек дауы: Азаматтар «AMANAT» партиясына жүгінді

📌 «AMANAT» партиясының Қостанай облыстық филиалы «MART» сауда орталығында мобильді қоғамдық қабылдау өткізді. Іс-шара барысында мемлекеттік органдардың өкілдері, облыстық және қалалық мәслихат депутаттары тұрғындардың өтініштерін тыңдап, сұрақтарына жауап берді.

🗣 Қоғамдық қабылдауға келген азаматтар негізінен инфрақұрылым, қала құрылысы, еңбек дауы және әлеуметтік көмек мәселелерін көтерді. Көшпелі қабылдаудың басты ерекшелігі - түйткілді мәселелердің созбалаңға салынбай, сол жерде қаралуы.

📊 Жыл басынан бері «AMANAT» партиясының Қостанай облыстық филиалының қоғамдық қабылдау бөлмесіне 1307 өтініш пен арыз-шағым түсті. Оның 687-сі оң шешімін тауып, 620 өтініш бойынша заң аясында түсіндіру жұмысы жүргізілді.

✔️ Қабылдау барысында айтылған барлық өтініш-тілек партия бақылауына алынды. Мемлекеттік органдар өз құзыретіне қатысты мәселелерді шешу жолдарын қарастырады.

🕊 «AMANAT» ПОМОГЛА ИСПОЛНИТЬ МЕЧТУ ДОЧЕРИ ФРОНТОВИКА

84-летняя жительница Петропавловска Файруза Имаева при содействии общественной приемной СКОФ партии «AMANAT» и депутата Петропавловского городского маслихата Елены Семидоцких смогла побывать на могиле своего отца, участника Великой Отечественной войны.

Ее отец долгие годы считался без вести пропавшим. Лишь спустя десятилетия поисковики Республики Беларусь установили место его захоронения в братской могиле в городе Полоцк. Для пенсионерки эта поездка стала исполнением мечты всей жизни и возможностью отдать дань памяти родному человеку.

Сотрудники общественной приемной партии «AMANAT» связались с белорусской стороной и помогли организовать поездку. В Беларуси Файрузу Имаеву встретили, разместили в гостинице и сопроводили к мемориалу.

🗣Астана қаласында блогерлер мен бұқаралық ақпарат құралдарының өкілдері «AMANAT» партиясының «Қарызсыз қоғам» жобасының кеңсесіне келді. Пресс-тур барысында медиа қауымдастық қиын жағдайға тап болған азаматтарға көмек көрсетуге бағытталған Қазақстандағы ең ірі әлеуметтік жобалардың бірінің күнделікті жұмысымен танысты.

***

🗣Проект партии «AMANAT» «Қарызсыз қоғам» в Астане открыл свои двери для блогеров и представителей средств массовой информации. Пресс-тур позволил медиасообществу лично увидеть, как организована ежедневная работа одного из крупнейших социальных проектов Казахстана, направленных на оказание помощи гражданам, оказавшимся в сложной жизненной ситуации.