Bo‘lajak pedagoglar kutubxonamiz mehmoni!

Andijon davlat pedagogika instituti 1-bosqich talabalari Bobur nomidagi viloyat AKMga tashrif buyurib, kutubxonaning kitob fondi, mutolaa zallari, noyob adabiyotlar va elektron resurslaridan foydalanish imkoniyatlari bilan tanishdilar.

Tashrif talabalarning kitobxonlik madaniyatini yuksaltirish va mustaqil bilim olish ko‘nikmalarini rivojlantirishga xizmat qildi.

Kutubxonamiz eshiklari barcha kitobsevarlar uchun doimo ochiq!

Facebook | Instagram | Telegram

Yurtimiz tarixi va uning rivojiga samarali hissa qo’shib kelayotgan professor olimlarimiz yoshlarning bilim va tafakkurlarini yuksalishiga o’zlaridan qoldirayotgan ma’naviy me’roslari muhim ahamiyatga ega bo’lib kelayotganligi hammamizga ayondir.

Shu o’rinda, Andijon davlat universitetining ilm darg’alaridan biri, tarix fanlari doktori, professor Rustambek Shamsutdinovning jadidlar va ular faoliyatiga oid yangi nashrdan chiqqan “Millat fidoiylari” hamda “Buyuk Cho’lpon me’rosidan” kitoblari kutubxonamizning oltin fondidan o’rin oldi.

Aziz yoshlar! Keling! O’qing! Jadidlarimizni o’rganing!

TIL — MILLAT  KO’ZGUSI

 
21-oktyabr sanasi yurtimizda o‘zbek tiliga davlat  tili maqomi berilgan kun, “O‘zbek tili bayrami kuni” sifatida tarixiy voqea bo‘lganligi barchamizga ma’lum. Shu munosabat bilan mazkur kunga atalgan ma’naviy-ma’rifiy tadbirlar o’quvchi yoshlar orasida ko’tarinki ruhda o’tkazilmoqda.

O’quvchilar qalbida o’zbek tilimizga bo’lgan hurmat va muhabbatni yanada kuchaytirish, ularni milliy qadriyatlarimizga sadoqat ruhida tarbiyalash hamda ona tilimizni asrab-avaylashga chorlovchi bugungi tadbir shahrimizdagi tibbiyot litseyi bilan hamkorlikda o’tkazildi. Tadbir davomida mutaxassislar tilning inson hayotidagi ahamiyati, uning millat tarixi, madaniyati va ma’naviyati bilan chambarchas bog’liqligi haqida so’z yuritdilar.

Shuningdek, tilni qadrlash, undan to’g’ri va o’rinli foydalanish, uni kelajak avlodga sof holda yetkazish har bir insonning muqaddas burchi ekani alohida ta’kidlandi.

O’quvchilarning badiiy chiqishlari, samimiy fikrlari va faol ishtiroki tadbirga o’zgacha fayz bag’ishladi

"O’zbek tilim – jonu dilim”

O’zbek tilimizga davlat maqomi berilib, e’tirof etilgan 21-oktyabr sanasida Elektron o’quv zalimizda ham o’quvchi yoshlar tilimizga bo’lgan munosabatlarini izhori sifatida onlayn viktorinada faol bo’lmoqdalar.

Bugungi intellektual bellashuvda 36-maktabning 8-sinf oʼquvchilari zo’r qiziqish bilan ishtirok etdilar va bilimlarini sinovdan oʼtkazdilar.
Viktorina savollari o’quvchilarimizni o’zbek tilimizga bo’lgan hurmat va e’tiborini yanada oshirishga, javoblarini tanlashda esa bir-birlari bilan bo’lgan o’zaro hamjihatlik, fikr almashish ular o’rtasidagi do’stlikni ham mustahkamlashga zamin yaratdi. Viktorinamiz davom etadi.

Facebook | Instagram | Telegram