“‘Eslab-eslab’ bir gapiring qani” — Prezident va aktyor Farhod Abdullayev suhbati

Bizning sahifalarimiz:

🕊 Telegram 📱 Instagram
📱 Facebook 🌐 Web

“Onam bir umr farrosh bo‘lganlar. Bugun esa farzandi Prezidentning oldida turibdi…”

Prezident Shavkat Mirziyoyevning ijodkorlar bilan uchrashuvida “Zo‘r TV” prodyuseri Dilshod Mirzamurodov onasining quvonchini samimiy so‘zlab berdi.

“Bugun oldingizga kelishimni onamga aytgan edim. Avvaliga ishonmadilar. Ular bir umr farrosh bo‘lganlar. Bugun esa farzandi Prezidentning oldida turibdi. Xursandchilikdan yig‘ladilar. Qo‘shilib men ham yig‘ladim”, — dedi u.

Dilshod Mirzamurodov telekanaldagi ilk maoshi 16 million so‘m bo‘lganini, hozir esa oyiga 100 million so‘mdan ortiq maosh olayotganini aytdi. Shuningdek, propiska bilan bog‘liq cheklovlar bekor qilingach, uyli bo‘lganini ta’kidlab, onasining duolari va minnatdorligini yetkazdi.

Davlatimiz rahbari uning onasiga alohida rahmat aytdi:

“Onaning mehri, onaning duosi, onaning ehtiromi, hurmati juda katta kuch va qudrat”.

Bizning sahifalarimiz:

🕊 Telegram 📱 Instagram
📱 Facebook 🌐 Web

Duo bilan so’zga chiqqan aqlli va tili burro bolalar Prezidentimizni ham hayron qoldirdi

Bizning sahifalarimiz:

🕊 Telegram 📱 Instagram
📱 Facebook 🌐 Web

“Kerak bo‘lsa, Gollivudga olib borib o‘qitib kelaman” — Prezident bo‘lajak aktyorlarga qanday javob qaytardi?

Shavkat Mirziyoyev yosh aktyorlar bilan suhbatda Alisher Uzoqovning tajribasi asosida Toshkent shahrida ijod maktabini tashkil etish lozimligini ta’kidladi.

Shahar hokimiga mazkur ijod maktabi uchun barcha zarur sharoitlarni yaratib berish topshirildi.

Shuningdek, suhbat davomida so‘zga chiqqan 4 nafar yosh aktyorga yaqin kunlarda Prezident sovg‘asi topshirilishi ma’lum qilindi.

Bizning sahifalarimiz:

🕊 Telegram 📱 Instagram
📱 Facebook 🌐 Web

🇺🇿 Xayrli tong, Andijon tumanim!

Bizning sahifalarimiz:

🕊 Telegram 📱 Instagram
📱 Facebook 🌐 Web

Prezident Shavkat Mirziyoyev:

”O‘zligimizdan kuch olib, bugungi hayotimizni teran anglab, milliy kinomizning yangi sahifasini birgalikda yarata olamiz“.

Bizning sahifalarimiz:

🕊 Telegram 📱 Instagram
📱 Facebook 🌐 Web

✍️ Bugun Prezident Shavkat Mirziyoyev Ko‘ksaroy qarorgohida sog‘liqni saqlash va farmatsevtika sohasi xodimlari bilan uchrashuv o‘tkazadi hamda Olimpiya shaharchasiga tashrif buyurib, Prezident Olimpiadasining ochilish marosimida ishtirok etadi.

Bizning sahifalarimiz:

🕊 Telegram 📱 Instagram
📱 Facebook 🌐 Web

#OAV_BIZ_HAQIMIZDA

Andijon axboroti | Informatsion dasturi
Andijon tumanida Ichki ishlar organlari xodimlari kuni keng nishonlandi

Bizning sahifalarimiz:

🕊 Telegram 📱 Instagram
📱 Facebook 🌐 Web

Prezident Shavkat Mirziyoyevning tibbiyot va farmatsevtika sohasi xodimlari bilan uchrashuvi boshlandi. Davlatimiz rahbari ularni yaqinlashib kelayotgan kasb bayrami bilan tabriklab, mehnati uchun minnatdorlik bildirdi.

– Oilasining baxtini ko‘rish, halol mehnat qilib, orzulariga yetish, umrini mazmunli o‘tkazish uchun odamga, avvalo, sog‘liq kerak. Shu bois, inson salomatligini asrashni islohotlarimizning eng muhim yo‘nalishlaridan biri etib belgilaganmiz,

– dedi Prezidentimiz.

So‘nggi o‘n yilda mamlakatimizda 10 million aholiga xizmat ko‘rsatadigan yangi poliklinika va shifoxonalar ishga tushdi, 58 ming shifo o‘rni yaratildi. Zamonaviy shifoxonalar ko‘payib, xususiy sektorga keng imkoniyat berilgani tufayli tibbiy xizmatlar hajmi uch karra oshdi.

Ilgari chet elda amalga oshirilgan tug‘ma yurak nuqsonlari, a’zolar transplantatsiyasi, robot jarrohligi va bosh miyadagi murakkab jarrohlik amaliyotlari kabi yuzdan ziyod xizmatlar bugun mamlakatimizda bajarilmoqda.

Prezidentimiz bu natijalarda tibbiyot xodimlarining bilim va mahorati hal qiluvchi o‘rin tutayotganini qayd etdi.

Bizning sahifalarimiz:

🕊 Telegram 📱 Instagram
📱 Facebook 🌐 Web

Tibbiyotni raqamlashtirish bo‘yicha ishlar xususiy klinikalar va dorixonalarni ham qamrab olmoqda.

– Yaqinda bu tizimni sun’iy intellekt imkoniyatlari bilan yanada boyitib, shifokor va hamshiralarning haqiqiy ko‘makchisiga aylantiramiz,

– dedi davlatimiz rahbari.

Farmatsevtika tovarlarining 70 foizini ichki imkoniyatlar hisobidan qoplash maqsad qilingan. Shu bois, so‘nggi yillarda 1 milliard dollarlik 330 ta yangi quvvat ishga tushirildi.

“Toshkent biofarm siti” klasteri, Andijon, Namangan, Jizzax va Toshkent viloyatida farmatsevtika erkin iqtisodiy zonalari tashkil etildi. Ularda 1 milliard 200 million dollarlik loyihalar amalga oshirilmoqda.

Bizning sahifalarimiz:

🕊 Telegram 📱 Instagram
📱 Facebook 🌐 Web

Prezidentimiz tibbiyot va farmatsevtika sohasidagi o‘zgarishlarda 800 mingdan ziyod xodimning munosib hissasi borligini ta’kidladi.

Yaqinda soha fidoyilarining bir guruhini davlat mukofotlari bilan taqdirlash haqida farmon imzolandi. Ular orasida tibbiyot xodimlari bilan birga tadbirkorlar va xorijlik hamkorlar ham bor.

Uchrashuvda mamlakatimiz yetakchisi davlat mukofotlarini o‘z egalariga tantanali ravishda topshirdi.

Inson salomatligini asrash, ilg‘or ilmiy ishlanmalar va davolash usullarini joriy etishda barchaga o‘rnak bo‘layotgan tibbiyot xodimlari uchun alohida davlat mukofotini ta’sis etish tashabbusi ham ilgari surildi. U buyuk bobomiz Ibn Sino nomi bilan ataladi.

Bizning sahifalarimiz:

🕊 Telegram 📱 Instagram
📱 Facebook 🌐 Web

– Doim aytaman, birlamchi bo‘g‘in qancha yaxshi ishlasa, xalqimiz shuncha sog‘lom bo‘ladi,

– dedi Prezidentimiz.

Shu maqsadda 28 ta tumanda birlamchi tibbiy yordam sifatini oshirish bo‘yicha yangi tizim sinovdan o‘tkazildi. Ushbu tumanlarda 7 million aholi oilaviy shifokorlarga nomma-nom biriktirildi, ikki tomonning vazifa va majburiyatlari o‘zaro bitimda belgilandi.

Yangi laboratoriyalar ishga tushirilib, shifokor va hamshiralar o‘qitildi, “bemor marshruti” ishlab chiqildi. Bu poliklinikalarga aholi ishonchini oshirdi. Kafolatlangan paket doirasida ambulator bemorlarga 69 turdagi dori vositasi bepul berilmoqda.

Birlamchi bo‘g‘inda samara bergan ushbu model kelasi yildan yana 100 ta tumanda yo‘lga qo‘yiladi.

Bizning sahifalarimiz:

🕊 Telegram 📱 Instagram
📱 Facebook 🌐 Web

Prezidentimiz oshqozon, yo‘g‘on ichak, prostata bezi va o‘pka saratonini erta aniqlash ishlari Samarqanddan boshlanib, 2028-yildan barcha hududlarda joriy etilishini ma’lum qildi. Bunga yiliga 700 milliard so‘m ajratiladi.

Qandli diabet, sil, yurak-qon tomir kasalliklari, ayollardagi o‘smalar hamda bolalardagi onkogematologik xastaliklarni erta aniqlash dasturlari ham davom ettiriladi.

Andijon, Farg‘ona, Namangan, Samarqand va Toshkent shahrida infarkt va insultni erta aniqlash hamda davolash dasturi natijasida ushbu kasalliklardan erta o‘lim besh oyda 15 foizga kamaydi. Kasallik boshlanishidagi “oltin soat”da 855 nafar inson erta o‘lim va nogironlik asoratlaridan saqlab qolindi. Kelasi yil dasturga 280 milliard so‘m ajratilib, barcha tuman va shaharlar qamrab olinadi.

Aholi uchun kafolatlangan paket ham kengaytiriladi. Kelasi yil bepul dori vositalari turi 73 taga, tibbiy tekshiruvlar turi 36 taga yetkaziladi.

Bizning sahifalarimiz:

🕊 Telegram 📱 Instagram
📱 Facebook 🌐 Web

Davlatimiz rahbari sohada ta’lim, qurilish va sanitariya-gigiyena, bemorlar xavfsizligi hamda xodimlar madaniyatini qamrab oladigan “Yangi O‘zbekiston tibbiyot standartlari” joriy etilishini ma’lum qildi.

– Har qanday inson poliklinikaga kirganda, avvalo, ozodalikni, tartibni, madaniyatni ko‘rishi kerak,

– dedi Prezidentimiz.

Shu bois, birlamchi bo‘g‘in tibbiyot xodimlari bosqichma-bosqich maxsus kiyim-bosh bilan bepul ta’minlanadi.

Joriy yil ilk bor tuman bo‘g‘inidagi eng yaxshi shifokor va hamshira nominatsiyalari bo‘yicha viloyat tanlovlari o‘tkazilmoqda. G‘oliblar 30 million so‘mdan mukofotlanadi.

Kelasi yil rag‘bat yanada kuchaytiriladi: viloyat bosqichida g‘olib bo‘lgan 14 nafar shifokor elektromobil bilan taqdirlanadi. Sog‘lom turmush tarzini targ‘ib qiladigan eng yaxshi o‘nta loyiha muallifiga 200 million so‘mdan grant beriladi.

Bizning sahifalarimiz:

🕊 Telegram 📱 Instagram
📱 Facebook 🌐 Web

– Qancha zamonaviy klinikalar qurmaylik, eng so‘nggi uskunalarni olib bermaylik, malakali xodimlarsiz natija bo‘lmaydi,

– dedi Prezidentimiz.

Bugun 11 ta davlat oliygohida yiliga 15 ming shifokor tayyorlanmoqda. Biroq bitiruvchilarning hammasi ham ishga kirgan birinchi kundan bemor bilan ishlashga tayyor emas.

– Boshqa sohada yosh xodim xato qilishi mumkin, ammo bo‘lg‘usi shifokorning bunga haqqi yo‘q. Chunki

tibbiyot xodimining har bir harakati ortida inson hayoti turibdi,

– dedi davlatimiz rahbari.

Shu bois, kadrlar tayyorlash klinik amaliyot bilan bog‘lanadi. Kelasi yildan talabalar haftada uch kun bemor bilan ishlashni o‘rganadi, bitiruvchilar esa oxirgi o‘quv yilida to‘liq tibbiyot muassasasida amaliyot o‘taydi.

Bakalavriatni bitirgan hamshira va tibbiyot og‘asiga 1,5 million so‘m, magistraturani tugatganlarga 2,5 million so‘m qo‘shimcha ustama to‘lanadi. Oilaviy shifokorlik bo‘yicha tor soha mutaxassisiga ustama 5,5 million so‘m bo‘ladi.

Bizning sahifalarimiz:

🕊 Telegram 📱 Instagram
📱 Facebook 🌐 Web

Prezidentimiz 2027-yildan oliygohlarda tor soha mutaxassisligi bo‘yicha o‘qish – rezidentura bepul bo‘lishini ma’lum qildi. Talabalarga 3 million so‘m stipendiya to‘lanadi.

Yo‘nalishga qarab rezidentura ikki yildan besh yilgacha davom etadi. Oilaviy shifokorlik bo‘yicha o‘qish ikki yil, jarrohlik bo‘yicha esa besh yil bo‘ladi.

Oliygohlarga klinikalar bog‘lanib, “universitet klinikasi” tizimi joriy etilgan. Endi tibbiyotdagi ilmiy tadqiqotlarning 80 foizi oliygohlar klinikasida bo‘lishi kerakligi ko‘rsatib o‘tildi.

Tadqiqotlarda tashxis aniqligini oshirish, davolash samarasini yaxshilash va asoratlarni kamaytirishga e’tibor qaratiladi.

Bizning sahifalarimiz:

🕊 Telegram 📱 Instagram
📱 Facebook 🌐 Web

Kun sayin tibbiyotga yangi texnologiyalar, zamonaviy diagnostika va davolash usullari kirib kelmoqda.

– Tibbiyot xodimlari doim o‘z ustida ishlashi, yangiliklardan ortda qolmasligi kerak!

– dedi Prezidentimiz.

Shu bois, xodimlar malakasini oshirishga xususiy sektor faol jalb etiladi. Tibbiyot xodimlari qayerda malaka oshirishni o‘zlari mustaqil tanlaydi.

Birlamchi bo‘g‘in va tumanlardagi xodimlarning malaka oshirish xarajatlari to‘liq qoplanadi. Mazkur xarajatlarni davlat o‘z zimmasiga oladi.

Natijada tumanlarda ishlaydigan 130 ming tibbiyot xodimining har yili 100 milliard so‘m mablag‘i o‘zida qoladi.

Bizning sahifalarimiz:

🕊 Telegram 📱 Instagram
📱 Facebook 🌐 Web

– Aholi salomatligi bilan bog‘liq sohada aniq tartib, qat’iy nazorat bo‘lishi, bu faoliyat bilan faqat professionallar shug‘ullanishi kerak,

– dedi mamlakatimiz yetakchisi.

Tibbiyot va farmatsevtika xodimlarini davlat ro‘yxatidan o‘tkazish tizimiga uzoq tayyorgarlik ko‘rildi, ilg‘or tajribalar o‘rganildi. Tizim kelasi yil 1-iyuldan yo‘lga qo‘yiladi.

Dastlabki bosqichda davlat ro‘yxatidan o‘tish ixtiyoriy bo‘ladi. 2030-yildan esa bu tartib majburiy tus oladi.

Ro‘yxatdan o‘tgan shifokor va farmatsevtlarning ish haqiga 7 million so‘mdan, hamshiralarga 3,5 million so‘mdan ustama to‘lanadi.

Mutasaddilarga sohada ta’lim sifati, kadrlar tayyorlash va malaka oshirish tizimining uzluksiz ishlashini ta’minlash topshirildi.

Bizning sahifalarimiz:

🕊 Telegram 📱 Instagram
📱 Facebook 🌐 Web

Prezidentimiz xususiy klinikalar soni 2017-yildagi 3,5 mingtadan 9 mingtadan ortiqqa yetganini qayd etdi. Ayrim yuqori texnologik xizmatlarda xususiy sektor oldinga o‘tdi: uning ulushi stomatologiyada 90 foiz, diagnostikada 70 foiz, LOR xizmati, urologiya va oftalmologiyada 60 foizni tashkil etmoqda.

Shu bilan birga, hududlar o‘rtasida katta tafovut saqlanib qolmoqda. Andijon, Farg‘ona, Namangan, Samarqand viloyatlari va Toshkent shahrida xususiy klinikalarning 35-40 foizi statsionar o‘rinlarga ega. Qoraqalpog‘iston, Sirdaryo, Jizzax va Navoiyda bu ko‘rsatkich 15 foizga ham yetmaydi.

Tibbiy reabilitatsiya, nefrologiya, onkologiya, neyroxirurgiya, psixiatriya, narkologiya va tug‘uruq komplekslari kabi talab yuqori yo‘nalishlarda xususiy sektor ishtiroki kutilgan darajada emas. Ushbu yo‘nalishlarga ustuvor ahamiyat qaratiladi.

Hokimlar har yili xususiy klinikalar uchun yer uchastkalarini belgilab, e’lon qiladi. Yerlar faqat shu maqsadda auksionga chiqariladi va qulay shartlarda taklif etiladi.

Bizning sahifalarimiz:

🕊 Telegram 📱 Instagram
📱 Facebook 🌐 Web

Aholi soni ortib, yangi shahar va massivlar qurilayotgani tibbiyot infratuzilmasini puxta rejalashtirishni talab etmoqda. Bu ish qilinmasa, bir joyda shifoxona yetishmaydi, boshqa joyda mavjud quvvat to‘liq ishlatilmaydi.

– Shu bois, endi yangi muassasalar aholi soni va hududlar joylashuvidan kelib chiqib, master-reja asosida tashkil etiladi,

– dedi Prezidentimiz.

Tibbiy xizmatlarni bosqichma-bosqich xususiy sektordan xarid qilishga o‘tiladi. Yangi autsorsing mexanizmlari joriy qilinadi.

Tadbirkorlarga zamonaviy uskunalarni o‘rnatish uchun davlat shifoxonalaridan joy ajratilib, ko‘rsatilgan xizmatlarga sug‘urta tizimi orqali haq to‘lanadi. Gemodializ, laboratoriya, sterilizatsiya, reabilitatsiya va fizioterapiya xizmatlari ham tadbirkorlardan xarid qilinadi. Har bir hududda tibbiy xizmatlar bozori va moliyalashtirish mexanizmlari tadbirkor uchun foydali shartlarda e’lon qilib boriladi.

Bizning sahifalarimiz:

🕊 Telegram 📱 Instagram
📱 Facebook 🌐 Web