_بعرف منيح اديش قاسية لحظة يلي بتحضن حالك فيا ..
وبتضل تقول وتكرر انا بخير انا بخير ،
بالوقت يلي بتكون فيه ضعيف ومهزوم

لما تحس انو في ايادي عم بتطبطب على كتافك
ويطيح فيك الوهم .🖤

_بالاخير
كلشي قاسي مر علينا رح يصير ماضي وننساه وكانو مفي شي صار .
بس يا ترى هلماضي اديش رح ياخد معو من سعادتك وطاقتك وصحتك 😪🖤

_صار الريدبول يدخل بصناعة المصاري التركية .،
مجرد ما تطلع المصاري من جيبك بيطلعلا جوينيح. 🕊🌚..

_مصاب بالتهاب الروح و عين القلب يغطيها الرمد 🖤.

_بهلوقت بعد ما ينطفو الاضوية
وينقفلو الابواب ،
بتبلش الحالة النفسية الوسخة ،
بتجتمع كل الافكار براسك ،
بتلتفت حواليك بيتهيئلك اشباح ،
عيونك بسقف الغرفة يلي فجأة بيتحول لشاشة عرض ،
بتشوف كل حلم ما وصلتلو وكل امنية فشلت تحققا ،
بتسمع ضحكات واصوات وكلام بيجرح آذانك قبل ميوصل ل قلبك ،
دقات قلبك بتتسارع، ايديك بتبلش ترجف
دموعك بيتسابقو على خدك ،
بتحاول تنام وكل محاولاتك بتفشل،
هون انت بتكون داخل بمعارك بينك وبين نفسك والماضي والحاضر ،
بهيك صراع صعب تستسلم
يا بتفوز يا رح تموت بافكارك .🖤

_لقد مر وقتٌ طويل، منذ أن كنت أنا، أنا.🖤

_بعرف كتير منيح كيف منقضي حياتنا شايلين وجع وهموم ،
ومع هيك بتضل مرسومة البسمة الطفولية عشفايفنا 🖤😊

_أنا لا أستطيع لمسك،
على أمل أن يلمسك ما أكتبه🖤

_ماذا أقول لها لو جاءت تسآئلني إن كنت أهواها؟
إني ألف أهواها..🌚♥️

_كلشي بتشوفوه على مواقع التواصل مفلتر :
العلاقات الزوجيّة، الصَّداقات، الأشكال، الأجسام المثاليّة، البشرات الصافية، الشُّغل والفن.

كلشي مفلتر، الشي الوحيد الواقعي بهالدّنيا هو "نحنا"، بوجوهنا يلي بتتعب ومعرَّضة تتعب بحبوب، بتجاعيد، شعرنا، أظافرنا، أسناننا، حواجبنا، نفسيّتنا وحياتنا، أجسامنا يلي مع كل تغيُّر هرموني بتتغيَّر، منسمن، منضعف.

مو مجبور تكون متلن بهالمثاليّة، والجمال الفائق، أنت الواقع، أنت البني آدم الحقيقي يلي مو مفلتر بالكاميرا

حبّ حالك دائماً، ولا تتمنّى تكون غيرك
أنت حلو ؛بهاللحظة بتاخد العقل.🖤

_مَا كُنتُ مِمَّنْ يَمنحُونَ قُلُوبَهُم ، فَسرَقت قلبِي عَامِدة مُتَعمِّدة.🖤

_انتي متل عشوائيات الدرويش
بالرغم من انها مبسطة الا انو معانيها بتفوت للعضم
بتنحفر بلقلب وبتضل جوا🖤

_وكم من ايلافيو
تحولت بعدين ل خود كب الزبالة بطريقك وجيب معك حفوضات🌚😂

_شعرك ،عيونك ، ضحكتك،انفاسك،عطرك،طولك حكياتك
غرورك،غيرتك،نكدك،حنانك،اهتمامك
شوية تفاصيل،
خلقت بقلبي حب كبير
كبير والله 💚

_يعني يلي مو عاجبتو سوريا
تزكرو انها جابت صباح فخري وونزار قباني والدرويش #وانا 😁😌💚.

_كلن كيدهن عظيم الا هية عيونا لما تلمع بتوديك بداهية ♥️.

_وصلت لمرحلة من الحب
انو اذا بدي اشرحلا ادي بحبا الشرح بحد ذاتو يلي شرحتو بدو شرح 😁♥️.

_هي مو كاملة مكملة ومو معصومة من الاخطاء
بس فيا شي بخليها تكتمل بعيني فيا شي بخلي لاخطاءها مبرر للشي الصح .🖤

_من وقت ما عرفتك لحد الان كنت متاكد اني مارح حب حدا بهلحب المبالغ فيه ومحا يدخل بروحي مزيج اضافي غير روحك ومستحيل حس بهلشعور مع حدا تاني
لانو صابني مرض التعمق وهوس الادمان ♥️

_ليش هية بالذات
مابعرف لما حبيتا كانت مزيج بين القوة والهشاشة ،
مختلفة بشكل غريب
كيف؟!
رح قلك كيف .،
احيانا بحسا طفلة بعمر الخمس سنين
بتبكي من ابسط الامور يمكن اذا قسيت عليها شوي بالحكي بتنجرح ووخدودا بتصير مسرح دموع ،
واحيانا
بحسها أربعينية واعية وعقلانية قراراتا سليمة وذكية بشكل عجيب قوية الملاحظة على اصغر التفاصيل وحكيمة .
لما بصبح عليها بدون لقب او مسميات الحب
بينقلب مزاجا وبزيد نكدها
ضحكتا يلي بتشبه النغمات بتلمس قلبي بتخليني اغرق من صوتا المليان حنية بتكفي لانو تشيل مني كل اوجاعي وجروحي
يمكن هية مو ملكة جمال وماعندا ملامح مثالية وكاملة مكملة
بس ملامحا مليانة راحة وحب
بتجذبني بعيونا يلي فيهن لمعة بتخلي قلبي يدق ،
هية متل نجمة وقعت في فنجان قهوة لما بتطلع فيي عقلي بطير والله
خدودا غيمات نزلت من السما من كتر البياض والطراوة لما الخجل يحل عليها بسرعة يحمرو وكانا عم تحكي انو لازم تغرق بحبي
شفافا المرسومين بقلم رسام موهوب اخد سنين واشهر مع صفنة وتمعن وهو عم يعمل حدود الجمال بشفافا وتقطيعات الغزل المتجسد بشفتها التحتانية
البساطة معبية وجها
والله ماشفت ومارح شوف ولا رح حب متلا
هية زرعة من بذور الجنة

لهيك هية وبس 🦋🖤