- rag’batlantirishni pora deb bilaman;
- farzandim kattaroq ish qilsa, masalan biror narsa yodlasa, dars qilsa parkka olib boraman deb va’da beraman;
- ovqatini yegisi kelmasa har bir yegani uchun sakrab qarsak chalaman. 🙄

Mana shu gaplar yuqoridagi postlar ostidagi real izohlar. Ya’ni bular atrofimizdagi onalar tomonidan qoldirilgan fikrlar. 💭

Bunday fikrlarni o’qib, to’g’risi, biroz hafa bo’ldik. Sababi, bu fikrlarning hammasi xato! 😡

Ushbu jumlamizdan qo’rqib ketmang. 😁

Xato degani, bu siz yomon onasiz, yoki farzandingiz betarbiya bo’ladi degani emas, balki, shunchaki, o’zingiz o’z hayotingizni qiyinlashtiryapsiz. 😰

Ho’sh, unda qanday “to’g’ri” bo’ladi deyishingiz mumkin.

Qanday to’g’ri bo’lishini esa, ushbu post 100 ta reaksiya yig’sa aytib beramiz. 😛

Kerakli natijaga yetishimizga oooozgina qolibdi, qani yengilmaymiz! 💪

Yeeessss! Bizni e’tibor bilan o’qiyotganingizni bilish biz uchun juda-juda qadrli. 💗

Keling, endi gapning indallosiga o’tsak. 🗣

Birinchi fikrdan boshlaymiz:
“Rag’batlantirishni pora deb hisoblayman!” 💸

Siz shunday hisoblaysiz, bola emas. Bu sizning muammoyingiz.

🧠 Aslida barcha yomon fikrlarni bolalarga biz, ota-onalar singdiramiz. Bolalar barcha g’araz fikrlardan holi, pok bo’lib dunyoga keladilar.

😡 “Kosani sen sindirdingmi, rostini ayt, yolg’on gapirma!” deganda ota-ona bolaga yolg’on nimaligini o’rgatadi. Bola buni bilmasdi, u shunchaki emotsiyada javob bergandi.
🫣 “Yomon bola bo’lma, boshqalarni urma!” deganda ota-ona bolaga yomonlik nimaligini o’rgatadi. Bola buni bilmasdi, u shunchaki hayajondan harakat qilgandi.

💰”Voy bu bola poraxo’r, konfet bermagunimcha quchoqlamaydi!” kabi hazillarni qilganingizda bevosita bolaga pora nimaligini o’rgatasiz. Bola, hoynahoy, poraxo’rlik yomonligini tushunmadi ham, chunki hamma kuldi.

“Pora bu shirin, yoqimli va mazali narsa. Biror narsaga rozi bo’lishdan avval pora olish kerak ekan” deb o’ylashni boshladi bola. 🧁

O’zingiz niyyat qilganingizdek, bola poraxo’r bo’ldi, qoldi. 💔

“Men bunday niyyat qilmagandim!” deysizmi? “Bu bola poraxo’r!” deganingizning o’zida farishtalar omin deb bo’lgandi. Ahir, har bir gapimiz niyyat-ku. 🌳

@anglanganonalik

Onajonlar, farzandlaringizni uhlatib, issiqqina choylarni oldingizga qo’yib oldingizmi? ☕️

Ikkinchi fikrni tahlil qilamizmi? Tayyormisiz? 😉

Spoyler: ushbu mavzu bizning eeeeng sevimli mavzuyimiz bo’lib (unday emas😁), bu mavzuda tinimsiz yozishga va gapirishga tayyormiz. 🗣

“Farzandim biror ish qilishi evaziga rag’bat va’da qilaman!“ 🧁

Bu, afsuski, ko’pchilik ota-onalarga xos taktika. Ammo bu harakatning qanday salbiy ta’sirlari borligi haqida bilasizmi? ❓

Amerika bog’chalaridan birida tajriba o’tkazilgan. Unda bolalarni 2 guruhga bo’lishgan va ularga kefir (qatiq) tatib ko’rishni taklif qilishgan. 🥛

Gap shunda-ki, bir guruh bolalarga kefirni shunchaki berishgan, ikkinchi guruhdagi bolalarga esa “kim kefir ichsa $1 dan beramiz” deb va’da berishgan. 💸

Natija hammani hayratda qoldirgan!

Birinchi guruhdagi bolalarning deyarli hammasi kefir ta’tib ko’rgandan so’ng “juda ajoyib ta’m ekan” “menga yoqdi” kabi ijobiy izohlar berishgan. 😍

Ikkinchi guruhdagi, $1 dan olgan bolalar esa, “fuu, buncha bemaza” “bee, menga yoqmadi” kabi izohlar berishgan. 🤢

Juda ajoyib-a?! Lekin, nega bunday bo’ladi?

Sababi oddiy! Bolaga biror yangi ish buyursangiz, u bola bu ish muhimmi, qiziqarlimi yoki qadrlimi hali bilmaydi. Lekin, yangi vazifa beraturib, oldiga “evaziga mana bunday narsa beraman” desangiz tamom, bola “Aaaa, demak bu ish shunchalik qadrsiz-ki, onam bu vazifani bajarishim uchun boshqa qadrli narsa va’da qilyapti” degan xulosaga keladi. 🤔

Biror ishni bajarish evaziga rag’bat va’da qilaturib siz farzandingizni ruhlantirmaysiz, balki aksincha, bolaning o’sha vazifaga bo’lgan qiziqishini o’ldirasiz. 💔

Ahamiyat bersangiz, bizning bolalar bilan ham huddi shunday bo’ladi. Rag’bat va’da qilingach bola u ishni qilishga tushib ketadi, ammo salbiylik va juda yomon kayfiyat bilan bajaradi. Ko’pincha vazifani ohiriga ham yetib bormay, rag’batni talab qiladi. 🍓

Chunki rag’bat uning ko’zida ancha qadrliroqda. Chunki siz shunday tushuntirdingiz-da. 🙂

@anglanganonalik

Biror vazifa uchun rag’bat va’da qilish o’rniga qanday usullardan foydalanish mumkin yoki qanday holatlarda rag’bat va’da qilish va uni qanday qilish haqida post xohlaysizmi? 😉

Yana o’sha usul, ushbu post 100 ta reaksiya yig’sa bugungi eng foydali post bilan bo’lishamiz! 🔥

“Ovqat yegisi kelmasa, har bir og’ziga solgan ovqati uchun qarsak chalib, hursand bo’laman.” 🥳

Bir qarashda unchalik ham qo’rqinchli eshitilmagan harakat, aslida bolaga juda salbiy ta’sir qilishi mumkin. 🚫

Bilamiz-ki, bola 3 yoshgacha onasining emotsiyasiga muhtoj bo’ladi. Ya’ni, u hali o’zi emotsiyalariga to’liq egaligini tushunmaydi. Onasi kulsa - kuladi, yig’lasa - yig’laydi. 🥺

Endi, bola biror harakat qilganda onasi hursand bo’lib, qarsak chalsa “onam meni yaxshi ko’rar ekan, u kulyapti” deb o’ylaydi va ushbu ishni aynan shu kulish uchun bajaradi. 🥰

Lekin, ona ham odam, 68 marotaba kulib qarsak chalolmaydi. Qachonki ona bunday “bayram”larni to’xtatar ekan, bola gangib qoladi:

“Onam endi meni yaxshi ko’rmaydimi?!” “Bu ishni qilish mumkin emasmi?!” va shunga o’xshash juda salbiy fikrlar keladi aqliga. Holatni tuzatish uchun, onasining e’tiborinj tortish uchun endi o’zi qarsak chalishga harakat qiladi. Ona takrorlamagandan so’ng bola ham to’xtaydi. 🙁

Ha, biz hozir mitti-mitti bolakaylar haqida gapiryapmiz. 🍼

Bolaning har bir mayda ishiga emotsional rag’bat berish shart emas. Bir marotaba bergan emotsional rag’batingizdan so’ng qilgisi kelmadimi, mayli, qilmasin. O’zi shu ishni qilishni xohlaganida yana albatta bajaradi. 😌

Mayda emotsional rag’batlar o’rniga nimalar qilish mumkinligini esa yuqoridagi post 100 ta reaksiya yeg’ganidan so’ng aytib beramiz. 🔥

@anglanganonalik

📣 Qadrli onajonlar, eslatib o’tamiz, hozirda bizning instagram sahifamizda “bola tarbiyasida stereotiplar ta’siri” mavzusida juda muhim ma’lumotlar berilib borilmoqda.

📌 Obuna bo’lib olishingiz uchun havola:

https://instagram.com/anglanganonalik?igshid=NTc4MTIwNjQ2YQ==

Ooozgina qolibdi, onajonlar. Qani 100 taga yetaylik va bugun shu mavzuni yakunlaymiz. 😌

Hali oldinda juuuuda qaynoq mavzular kutmoqda! 🔥

Rag’bat va’da qilishdan qanday qochish mumkin? Shunchaki va’da qilmang. 😁

Agar siz “ovqatingni yebqo’ysang shokolad olib beraman” iborasiga juda o’rganib qolgan bo’lsangiz, sizga yangicha, ancha ekologik usulni taklif qila olamiz. 🌱

Masalan, bola ovqatlanishi kerak. Ovqatini yebqo’yishi evaziga siz sayr qilishni va’da qilmoqchisiz. Bunday holatda “rejalash” yo’lini tutamiz.

“Qizim/ o’g’lim, hozir biz sen bilan ovqatlanib olamiz, so’ng sayrga chiqamiz hop? Onangning qorni juuuda ochib ketdi, shu sabab birinchi ovqatlanib olamiz, kelishdikmi?” 🥰

Shunchaki ketma-ketlik keltiring. Hech qanday “Ovqatingni yebqo’ysang” “Likopchang bo’shaganidan so’ng” emas. Shunchaki ovqatlangandan so’ng, ya’ni bir jarayondan so’ng, natijadan emas. ❗️

Ovqatini yarmini yeb, “kettik sayrga” dedimi? “Men ovqatimni tugatib olay, keyin chiqamiz, hop?” deb, jim ovqatlanishda davom eting. Ovqatingizni tugatguningizgacha kutib turdi, lekin o’z ovqatini yemadimi? Mayli, “juda mazali ovqat bo’libdi-a? Endi sayrga kettik” deb, reja bo’yicha ish tutavering. 🤝

Ovqatni biz qorin to’yishi uchun yeymiz, rag’bat olish uchun emas. Bolani biror ish, ayniqsa ovqatlanishni, faqat ahmoqlar majburlab bajartira olaman deb o’ylaydi. 😂

Agar kuni bilan farzandingizga ortiqcha snek (mayda yeguliklar) taklif qilib, ishtaxasini bo’g’masangiz, qorni ochganda o’zi ovqatni poqqos tushirib oladi. 🍔

Boshida qiyin bo’ladi. 3-4, balki 10 marotabada ham bola “siz xohlagandek” ish tutmasligi mumkin.

Bittagina shokolad va’da qilsam allaqachon qilib bo’lgan bo’lardi demang. Sabr qiling. Boshida ozgina sabr qilsangiz, keyin butun umr ortiqcha qiyinchilik va zararsiz tarbiya usulini qo’llay olasiz. 💗

Qolgan mavzular bilan ham huddi shunday:

- Kel, avval kiyinib olamiz, so’ng banan yeymiz.
- Bugungi reja bo’yicha avval bog’chaga boramiz, so’ng do’konga borib senga shirinlik olamiz va hokazo.

“Bola bunday gaplarni tushunar ekanmi?” deb o’ylayotgan bo’lsangiz javobimiz:

- falon ish qilsang “oh” olib beraman degan gapingizni tushundimi, demak buni ham tushunadi. Asosiysi siz tushuntira olsangiz bo’ldi.

Sizga ko’p-ko’p kuch tilaymiz, onajonlar. 💪💖

@anglanganonalik

Xayrli kun onajonlar! 🥰

Kecha instagram sahifamiz havolasi bilan bo’lishganimizda ko’pchilik ular instagram sahifasidan foydalanishmasligini aytishgan edi.

Xo’sh, instagram sahifasida bo’lishadigan ma’lumotlarimizni shu yerda ham bo’lishib turaylikmi? 🤔

Bugungi mavzuyimiz, juda-juda nozik va muhim mavzu - bolalarda jinsiy savodxonlikni oshirish. 📚

“Yosh bolaga bu nega kerak?!” deb jahl qilishga shoshmang. Bu mavzu siz o’ylaganingizdan ancha dolzarb va muhim. ☝️

Siz reaksiyalaringizni ayamang, biz bilimimizni ayamaymiz. 🫶

Keling, bir boshidan boshlaymiz. ☕️

Bolaga jinsiy ta’lim berishda qilinishi mumkin bo’lgan eng birinchi va eng katta xato - bolaga jinsiy a’zolarni o’z nomi bilan emas, balki turli to’qima nomlar bilan o’rgatishdir! ❌

“gulcha” “qurolcha” “nosvoy” “boltacha” “pechenka” va hokazo deb jinsiy organlarni o’rgatish bolani keyinchalik juda katta xavfga qo’yishi mumkin. 🚫

Siz jinsiy a’zolarni yana qanday so’zlar bilan aytilgani guvohi bo’lgansiz? Izohlarda yozib qoldiring. 👇