Assalomu alaykum va Rohmatullohu va Barokatuhu!

Aziz kanalimiz a’zolari! Hammamiz bilamizki, hozirda bemor yurtdoshlarimiz uchun ijtimoiy tarmoqlarda pul yig’ilib ularning salomatliklariga oz bo’lsada hissa qo’shilyapti. Kanalimiz orqali shu paytgacha ko’plab xayriya qilingan bo’lsada, aynan bunday e’lon berilmagan.

Yordam so’rab murojaat qilgan birodarimizning iltimoslarini rad qila olmadim va sizlardan ham bu vaziyatga befarq bo’lmasligingizni so’rardim.

Allohning qadari bilan katta o'g'illari dekabr oyida sepsis kasalligidan olamdan o'tgan ekan, kichik og'illari esa yaqinda 2,5 oycha avval olamdan o'tgan ekan.
Ularni bor budini sotib 4yil davolatishgan, oxirgi muolaja Hindistonda bo'lgan ekan.
Oila katta qarzga kirishgan 38 000$ qarzlari bor ekan hali.
Hozir esa yana ularni boshiga musibat tushibdi. Irodaxon 29 haftalik homilador ekan. Ichki qon ketib bola erta tug'ilibdi. Ona  esa juda ko'p qon yo'qotib holati yaxshi emas.
Eng yomoni Qizaloqda ham sepsis aniqlangan. Unga ham judayam ko’p mablag’ kerak + bola erta tug'ilganligi uchun unga ham uzoq parvarish kerak.
Iltimos bir ona va bolani hayotiga befarq bo’lasligingizni so’rardik.
Bu yoqdan har kuni qarz berganlar eshik qoqib uyga o'tirvolishgan. Ehsonning mukofoti faqat ehsondur.

Karta raqamlari:
9860170109027095

+998902811749
+998997141749

Iroda Shukurova

Yuqoridagi fikrlar Islomiy Montessori kursimizga berilgan “haqiqiy ta’rif” ekan. Eng qizig’i, bu gaplarni kursimiz haqida, uning dasturi haqida umuman ma’lumotga ega bo’lmagan, bizdan kurs haqida to’liq tushuncha so’ramagan inson yozgan. Na kulishni, na yig’lashni biladi odam.

O’tgan potokka 270dan ortiq ariza kelib tushgan va shulardan 43 nafari saralab olingan. Bu galgi potogimizga 580 ga yaqin ariza kelib tushdi va bor-yo’g’i 52 kishini kursga qabul qildik. Kamiga yaxshigina chegirma orqali!

Agar maqsad kursni sotish, “uchadigan biznes” qilish bo’lsa kamida 500 kishini qabul qilib “soqqani qilib” yurardik.

Agar sizda ham biz haqimizda qanaqadir savol bo’lsa, ammangizning tog’asining qo’shnisidan emas, to’gridan-to’g’ri o’zimizdan so’rang.

Kunning har qanday vaqtida savollaringizga javob berishga tayyormiz!

Assalomu alaykum va Rohmatullohu va Barokatuhu!

Azizlar, yaqindagina xayriya e’loni kanalimizda joylangan edi. Allohning irodasi bilan shu go’dagimiz omonatini topshiribdi. Bir ayol 1 yil ichida 3 ta norasidasidan judo bo’ldi. InSha’Alloh ajri ham shunaqa ulkan bo’ladi. Ehson qilgan barchaga raxmat. Endi so’raydiganimiz shu muslimamizning haqlariga duo qilaylik. Zero, ko’pchilikning duosi ijobat. Barchangizga kattakon raxmat!

Assalom alaykum va Rohmatullohu va Barokatuhu!

Kecha 5 ta a’zo bo’lgan kanallardan chiqib ketdim. Anchadan beri buni qilish niyatida edim, lekin negadir fursat bo’lmasdi. Mayli bu muhim emas.

Chiqib ketganimni sababi, judayam muhokama ko’payib ketgan - boshqa insonni videosini qo’yib, muhokama qilish, boshqa bir insonni ilmini ustidan kulish, g’iybat qilish, fitna qilish ya’ni kimdir haqida post yoziladi tagidagi kommentariyda obunchilar muhokamani boshlaydi.

4 ta odamni yig’ib, bu imli bu ilmsiz deb muhokama qilish zamoniga ham yetib kelibmiz!

Vaholanki, ana shu kanalni yuritayotganlar Qur’ondan dars berishadi, kurslar qilishadi. Diniy ilm o’rganishni boshlagan bo’lsa, yokida ilmi kamroq bo’lsa u insonni muhokama qilish qanchalik to’g’ri? Hattoki, ustozlarni ham muhokama qilishdan to’xtashmaydi.

G‘iybat haqida Abu Hurayra roziyallohu anhudan keltirilgan bir hadisda rivoyat qilinadi:

Rasululloh:
“G‘iybat nima ekanligini bilasizlarmi?” deb so‘radi.
Sahobalar: “Alloh va uning rasuli bilguvchiroqdir”, deb javob berdilar.
Rasululloh: “G‘iybat bir birodaringning orqasidan o‘zi eshitsa, yomon ko‘radigan sifat bilan gapirishingdir”, dedilar.
Shunda ulardan biri “Agar birodarimda men aytgan o‘sha sifat bor bo‘lsa ham g‘iybat bo‘ladimi?” deb so‘radi.
Rasululloh: “Unda bor aybni aytgan bo‘lsang, g‘iybat qilgan bo‘lasan. Agar sen aytgan sifat unda bo‘lmasa, bo‘hton qilgan bo‘lasan”, deb javob berdilar.

Demak, birovning aybini oshkor qiluvchi so‘zni, agar to‘g‘ri bo‘lsa ham, aytish joiz emas ekan. Chunki bu bilan g‘iybat qilingan bo‘ladi. Agar yolg‘on bo‘lsa, tuhmat va bo‘hton bo‘lgani uchun gunohi ham ikki hissa bo‘ladi.

Alloh taolo g‘iybatning haqiqiy mohiyatini Qur’oni karimda bayon etib, insonlarga shunday xitob qiladi:

“...(O‘zgalar aybini qidirib) josuslik va biringiz biringizni g‘iybat qilmang! Sizlardan biror kishi o‘lgan birodarining go‘shtini yeyishni xohlaydimi?! Uni yomon ko‘rasiz-ku, axir! Allohdan qo‘rqingiz! Albatta, Alloh tavbalarni qabul qilguvchi va rahmli Zotdir” (“Hujurot” surasi, 12-oyat).

Bolakay biror joyda qoqilib tushib yig’lashni boshlasa kattalar yupatish maqsadida “kel atata qilamiz shu yerni” deb qoqilgan yerini urib qo’yishadi.

Men shu odatni juda ham yoqtirmayman.

Qizim biror yerini urib olsa yoki qoqilib tushsa o’sha yerini o’pib qo’yardim doim. Hozir qizim 1,8 yosh. O’ynayotganda yoki yurib ketayotganda biror yerini urib olsa sekingina o’sha yerini o’pib, yo’lida davom etadi. Agar og’riq kuchliroq bo’lsa, oldimga yugurib kelib uni quchoqlashimni va o’sha yerini o’pib qo’yishimni so’raydi. ❤️‍🩹

Uning ushbu harakatlari men o’zim istagan maqsadga erishganimning bir dalili aslida.

Xo’sh, gap nimada?

«Обыкновенное чудо» nomli rus filmida bir mashhur ibora bor:
«Я три дня гналась за вами, чтобы сказать, как вы мне безразличны.» (“Men uchun befarqligingizni aytish uchun ortingizdan uch kun quvdim.”)

Ya’ni, ko’pchiligimiz bizga tashqi dunyodan ozor kelsa, bor e’tibor va kuchimizni ozor bergan narsaga qaratamiz. O’ch olish asosiy maqsadimizga aylanadi. Biz ham o’sha narsaga ozor berishni xohlaymiz. Ammo, qay birimiz o’ch olgach biror yaxshilikka erishganmiz?

Aksincha, o’zimiz ozorlanganimizcha qolib ketamiz. 💔

Men farzandim biror kimdan yoki narsadan ozor ko’rsa, hayoliga birinchi bo’lib ozor beruvchini “atata” qilish emas, balki ozor yetgan joyini o’pib, o’ziga yordam berish kelishini xohlayman.

Agar og’riq kuchliroq bo’lsa, o’zi ishongan va suyangan odami oldiga borib, uni yupatishini so’ray bilishini xohlayman. 🫂

Farzandimni dunyo muammolari, yolg’on, sotqinlik yoki yomonliklarning hammasidan himoya qila olmayman. Ammo uning hayotida muhim bo’lgan qobiliyat - “o’ziga o’zi yordam berishlik”ni o’rgata olaman.

Ulg’aygach biror kishidan unga qandaydir zarar kelsa “Xo’sh, men ham bu odamga qanday qilib zarar yetkazsam ekan” deb emas, balki “Qanday qilib o’zimga yordam bersam ekan” deb o’ylashini xohlayman.

Har bir odat, har bir ilm go’daklikdan singdirilish kerakligiga ishonaman. Ammo har bir yoshda o’sha ilmni berishning o’ziga yarasha yondashuvi bo’lishi kerak deb xisoblayman.

Bizda hozircha shunday ko’rinishdagi ta’lim. Biroz ulg’aygach bu ko’nikmalarni yanada chuqurroq o’rgatishga harakat qilamiz.

Xulosa qilish uchun bir kishining gapi esimga keldi:
“Har kim ham yordam berishga tayyor emas - o’z-o’ziga.”

🫀 @onaqorgoni