💣 ABŞ Oman körfəzində yük gəmisinə zərbə endirib

🚢 ABŞ Silahlı Qüvvələri Oman körfəzində İrana qarşı tətbiq edilən dəniz blokadasını pozmağa cəhd göstərdiyi iddia olunan yük gəmisinə zərbə endirib.

💥 Bu barədə ABŞ Mərkəzi Komandanlığı (CENTCOM) məlumat yayıb.

🇺🇸🇾🇪 Tramp ABŞ-ın husilərlə əlaqə saxladığını açıqlayıb.

🗣️ “Biz husilərlə əlaqə qurmuşuq. Bundan sonra nə olacağını görəcəyik. Lakin onların etdikləri çox pis idi”.

🔹 Tramp Səudiyyə Ərəbistanına hücumları dəhşətli adlandıraraq, ölkənin özünü müdafiə etmək hüququ olduğunu bildirib.

🇺🇸 Tramp: İran terrorun bir nömrəli dövlətidir

ABŞ Prezidenti Donald Tramp İranla bağlı sərt açıqlama verib.

▪️ “İran çox şər bir dövlətdir. Terror baxımından dünyada bir nömrəli ölkədir”, – deyə Tramp bildirib.

🇮🇷 İran raket və PUA istehsalı imkanlarını qoruyub saxlayıb

💥 ABŞ və İsrailin 8 ay davam edən zərbələrinə baxmayaraq, İran raket və PUA istehsalı potensialının böyük hissəsini qoruyub.

🚀 Qərb rəsmilərinin məlumatına görə, İranın hələ də böyük həcmdə ballistik və gəmi əleyhinə raket ehtiyatı var. Rusiya da Tehrana raket tədarük edir.

🇮🇷 İran Prezidenti: Terror hücumları ölkəmizin iradəsini sarsıda bilməz

💥 İran Prezidenti Məsud Pezeşkian Sistan və Bəlucistan əyalətində yüksək rütbəli polis əməkdaşının öldürülməsini pisləyib.

🛡️ Prezident bildirib ki, terror hücumları təhlükəsizlik qüvvələrinin ölkəni qorumaq əzmini zəiflədə bilməz.

🇺🇸🇺🇦 Tramp: Rusiya razılaşma istəyir, Zelenski isə istəmir

🗣️ ABŞ Prezidenti Donald Tramp bildirib ki, Rusiya Ukraynadakı müharibəni başa çatdırmaq üçün razılaşma əldə etmək istəyir, lakin Zelenski buna razı deyil.

💬 Trampın sözlərinə görə, müharibəni indiyədək bir neçə dəfə başa çatdırmaq mümkün idi.

🇮🇷 İranın 19 neft tankeri Şri-Lanka sahillərində köməksiz qalıb

🚢 ABŞ-nin Hörmüz boğazına tətbiq etdiyi blokada səbəbindən İran tankerləri aylardır beynəlxalq sularda qalıb.

⛽️ Gəmilərdə ərzaq, su və yanacaq çatışmazlığı yaşandığı bildirilir.

🇱🇰 Şri-Lanka ABŞ sanksiyalarından ehtiyat edərək yardım göstərməkdən imtina edib.

🇺🇦 Ukrayna Rusiyanın strateji raket obyektini vurub

💥 Nijni Novqorod vilayətində qitələrarası ballistik raketlərin utilizasiyası mərkəzinə zərbə endirilib.

🚀 Raket yanacağı istehsalı ilə də əlaqəli olan obyektə dəyən ziyanın miqyası hələlik məlum deyil.

🇮🇷 İran XİN rəhbəri: Təcavüzkarlar törətdikləri cinayətlərə görə cavab verməlidirlər

🌍 İranın xarici işlər naziri Abbas Əraqçi hərbi hücumlar nəticəsində ətraf mühitə vurulan zərərə görə məsuliyyət tələb edib.

💥 Nazir Qəzza, Livan və İranda müharibənin ciddi ekoloji fəsadlar yaratdığını bildirib.

🇺🇸ABŞ dövlət katibi Marko Rubio husilərin Səudiyyə Ərəbistanına, o cümlədən Ər-Riyaddakı Kral Xalid Beynəlxalq Hava Limanına hücumlarını sərt şəkildə pisləyib.

▪️ Rubio hücum nəticəsində ölənlər arasında bir ABŞ vətəndaşının da olduğunu bildirib.

🇸🇦 “Bu hücumlar dərhal dayandırılmalıdır. Biz Səudiyyə Ərəbistanının və xalqının yanındayıq”,

– deyə Rubio vurğulayıb.

🇯🇵🇷🇺 KİV: Yaponiya Beynəlxalq Cinayət Məhkəməsinin (BCM) sədri Tomoko Akane və daha 8 rəsmiyə qarşı Rusiyanın ekstradisiya tələblərini “ədalətsiz və qəbuledilməz” adlandırıb.

🔻Qeyd edək ki, Moskva 2023-cü ildə Vladimir Putinin həbsinə order verilməsindən sonra həmin 9 şəxs barədə axtarış elan edib.

Ötən il Rusiya məhkəməsi bu şəxslərin iştirakı olmadan onlara qiyabi hökm çıxarıb.

Yaponiyanın Baş naziri Sanae Takaiçi sanksiyaları tənqid edərək, ölkəsinin BCM-yə dəstəyini bir daha təsdiqləyib və Vaşinqtonla əməkdaşlığı davam etdirəcəyinə söz verib.

🇵🇸 Fələstində prezident və parlament seçkiləri təxirə salındı

🗳 Fələstin Prezidenti Mahmud Abbas seçkilərin 2027-ci il sentyabrın 11-nə təxirə salınması barədə fərman imzalayıb.

▪️ Abbas qərarı İsrailin məhdudiyyətləri, təhlükəsizlik problemləri və Qəzzadakı ağır humanitar vəziyyətlə əsaslandırıb.

🇮🇱 İsrailin xarici işlər naziri Gideon Saar qərarı tənqid edib.

📌 Fələstində son prezident seçkiləri 2005-ci, parlament seçkiləri isə 2006-cı ildə keçirilib.

🇦🇿 Milli QHT Forumu: Dünyəvilik Azərbaycanın tarixi nailiyyəti və milli sərvətidir

📌 Azərbaycan Milli QHT Forumu məktəblərdə şagird və müəllimlərin geyim qaydaları ətrafında aparılan müzakirələrlə bağlı bəyanat yayıb.

▪️ Forum İran və digər xarici ölkələrin internet resurslarında Azərbaycanın dünyəvi dövlətçilik modelinə qarşı informasiya kampaniyalarının aparıldığını bildirib.

▪️ Məktəblərdə geyim qaydaları ilə bağlı müzakirələrin siyasiləşdirilməsi və dini qarşıdurmaya çevrilməsi cəhdləri pislənilib.

▪️ Vurğulanıb ki, məktəblərdə müəyyən edilmiş geyim qaydalarına əməl olunması qanunvericiliyin tələbidir və dini dəyərlərə qarşı yönəlməyib.

📚 “Məktəblər dini təbliğat və ideoloji təsir məkanı deyil, elm, təhsil və azad düşüncənin inkişaf etdiyi məkanlar olmalıdır”.

🇦🇿 Forum bəyan edib ki, əsas meyar Azərbaycan Konstitusiyası, milli maraqlar və dünyəvi dövlətçilik prinsipləri olmalıdır.