🚢 Hörmüz boğazı yaxınlığında BƏƏ-yə məxsus iki yük gəmisi batıb

▪️ “The Wall Street Journal”ın məlumatına görə, hadisə İranın hücumlarının xeyli artdığı dövrə təsadüf edib.

▪️ Oktyabrın əvvəlindən təxminən 24 gəmi vurulub. Bu, sentyabr ayı üzrə ümumi göstəricini artıq ötüb.

🇮🇷 Qalibaf: Sonsuz müharibə və ya uzun sürən danışıqlar istəmirik

💬 “Düşməni ümidsizliyə salmaq və tələblərimizi qəbul etməyə məcbur etmək üçün mübarizə aparırıq”.

🇦🇿🇹🇯 Prezident İlham Əliyev Emoməli Rəhmonla görüşüb.

🔹 Tacikistan Prezidenti AQEM-in Zirvə Görüşünə dəvətə və qonaqpərvərliyə görə təşəkkür edib.

▪️ Görüşdə ikitərəfli əlaqələrin genişləndirilməsi, regional və beynəlxalq təşkilatlar çərçivəsində əməkdaşlığın gücləndirilməsi müzakirə olunub.

🇺🇸🇺🇦 ABŞ Rusiyanın Ukraynaya raket hücumları barədə erkən xəbərdarlıqları qəsdən verməmiş ola bilər.

▪️ “CBS News”-un məlumatına görə, hücumlar nəticəsində 6 nəfər ölüb, 600 min nəfər işıqsız qalıb.

🔹 ABŞ rəsmiləri xəbərdarlığın verilməməsini pis hava şəraiti ilə izah etsələr də, Ukrayna rəsmiləri bu açıqlamanı rədd ediblər.

🇺🇦 Ukraynanın Kropivnitski şəhəri və Kirovoqrad vilayəti müharibə başlayandan bəri ən böyük dron hücumuna məruz qalıb.

▪️ Vilayətin rəhbəri Andrey Raykoviçin sözlərinə görə, logistika obyektləri, nəqliyyat və sənaye müəssisələri hədəfə alınıb.

▪️ Şəhərin yaşayış məhəllələrinə də zərbələr endirilib.

🇺🇸 İlon Mask: “Starshield” sistemləri ABŞ hökumətinə məxsusdur və onun nəzarətindədir.

💬 “Sürət və ya istifadə ilə bağlı istənilən məhdudiyyəti ABŞ ordusu müəyyən edir, yekun qərarı isə ABŞ Prezidenti verir”.

🇺🇸 ABŞ Latın Amerikasına 600 hərbçi göndərir.

🔹 Hərbçilərin Panamaya yerləşdirilməsinə başlanılıb. Onların Kolumbiya və Hondurasda təlim keçməsi, qaçaqmalçılara qarşı xüsusi əməliyyatlara dəstək verməsi gözlənilir.

🔹 Kolumbiya və Ekvadora “MQ-9 Reaper” PUA-ları da göndərilib. ABŞ komandanlığı dənizdəki zərbələri qurudakı hədəflərə də genişləndirməyi planlaşdırır.