🛢 Hörmüz boğazında 2 milyon bareldən çox neft daşıyan supertanker partlayaraq yanıb.

• SEPAH-ın məlumatına görə, radar və mövqeləndirmə sistemlərini söndürərək icazəsiz marşrutla hərəkət edən tanker dəniz minasına çırpılıb.

• Nəticədə güclü partlayış və yanğın baş verib

🔴 Rusiya Ukraynanın Jitomir şəhərində elektrik yarımstansiyasını vurub.

• Rusiya Müdafiə Nazirliyinin məlumatına görə, zərbə Ukraynanın hərbi-sənaye müəssisələrini elektrik enerjisi ilə təmin edən yarımstansiyaya endirilib

💰 1 milyard dollarlıq kriptovalyuta fırıldağında şübhəli bilinən ABŞ vətəndaşı İstanbulda saxlanılıb.

• Türkiyə ədliyyə naziri Akın Gürlekin məlumatına görə, “İnterpol” tərəfindən axtarıldığı bildirilən Riçard Ceyms Şueler MİT-in dəstəyi ilə keçirilən əməliyyatda saxlanılıb.

• 15 ünvanda aparılan axtarışlarda 7,15 milyon dollar, 300 çanta, 100 cüt ayaqqabı, 28 saat, zinət əşyaları, silahlar və elektron cihazlar ələ keçirilib.

🛢 Azərbaycan nefti ucuzlaşıb

“Azeri Light” markalı neftin 1 barelinin qiyməti 2,78 dollar (2,34%) azalaraq 116,26 dollar olub.

⚠️ Zabrat–Maştağa yolunda hərəkət tam məhdudlaşdırılıb

• Təmir işləri ilə əlaqədar Zabrat dairəsindən Maştağa istiqamətində yol bağlanıb. Əks istiqamətdə isə 19 oktyabr saat 08:00-dan hərəkət tam məhdudlaşdırılacaq.

☀️ Sabah 31 dərəcə isti olacaq

🇺🇦🇺🇸 Zelenski ABŞ-ı Rusiyaya qarşı təzyiqi azaltmaqda ittiham edib.

“Rusiyanın enerji infrastrukturumuza genişmiqyaslı hücumlar həyata keçirdiyi bir vaxtda ABŞ təəssüf ki, Rusiyanı müharibəni dayandırmağa məcbur etmək məqsədi daşıyan Lindsi Qrem qanununu tamamilə nəzərə almamaq qərarına gəlib.

Biz müharibəni bitirmək üçün mübarizəni davam etdirməliyik. Müharibəyə son qoymalıyıq, Putinə onu sonsuza qədər davam etdirmək üçün yeni səbəblər verməməliyik”.

🇪🇬 Misir Prezidenti Əbdülfəttah əs-Sisi 2030-cu ildə vəzifəsindən ayrılacağını açıqlayıb.

• O, prezidentlik müddətini uzatmaq üçün konstitusiyaya dəyişiklik edilməyəcəyini bildirib:

🇦🇿 Füzuli zəfərindən altı il ötür

2020-ci il oktyabrın 17-də - Vətən müharibəsinin 21-ci günündə Azərbaycan Ordusu Füzuli şəhərini və ətraf kəndləri işğaldan azad edərək 27 illik həsrətə son qoydu. Bu zəfər hərb tariximizin şanlı səhifələrindən birinə çevrildi.

Prezident İlham Əliyevin 2023-cü il iyulun 31-də imzaladığı Sərəncama əsasən, 17 oktyabr Füzuli Şəhəri Günü kimi qeyd olunur.

🚨 Biləsuvar–Bəhrəmtəpə yolunun Səmədabad kəndindən keçən hissəsində minik avtomobili idarəetmədən çıxaraq aşıb.

• İlkin məlumata görə, 2 nəfər ölüb, 3 nəfər yaralanıb.

• Hadisə ilə bağlı araşdırma aparılır.

🚨 Qazaxda avtomobil 12 yaşlı qızı vurub

• Kosalar kəndində “VAZ 21015” markalı avtomobil yolu keçmək istəyən 2014-cü il təvəllüdlü qızı vurub.

• Uşaq xəstəxanaya çatdırılıb, vəziyyəti ağırdır.

🇺🇸🇺🇦🇷🇺 Zelenski: “Rusiyaya qarşı sanksiyaların ləğvi davam edəcək.

Dizel yanacağı ilə bağlı razılaşma yalnız ilk addımdır”.

🇮🇷🇺🇸 İran: Hörmüz boğazının açılması üçün ABŞ-a 7 günlük plan təqdim etmişik

• İran XİN rəhbəri Abbas Əraqçi bildirib ki, Qətər vasitəsilə ABŞ-a təqdim olunan plana əsasən, müəyyən şərtlər yerinə yetirilərsə, Hörmüz boğazında gəmi hərəkəti 7 gün ərzində normallaşa bilər.

• “İndi seçim ABŞ-ındır”, – Əraqçi vurğulayıb.

🇺🇦 Kiyevdə mer Vitali Kliçkonun istefası tələb olunur

• Şəhərin qışa kifayət qədər hazır olmadığı iddiası ilə Kiyev administrasiyasının binası qarşısında etiraz aksiyası keçirilir.

• Prezident Zelenski də daha əvvəl Kliçkonu qışa hazırlığın zəif olmasına görə tənqid edib.

🇾🇪 Husilər 159 əsiri azad edib

• Yəməndə Husilər birtərəfli qaydada 159 əsiri azad ediblər.

• Beynəlxalq Qızıl Xaç Komitəsi əsirlərin ailələrinə məlumat verildiyini və onların evlərinə qayıtmasına yardım göstərildiyini açıqlayıb.

İranın cənubunda, Hörmüz boğazı yaxınlığında partlayış səsləri eşidilib.

“Fars” agentliyinin məlumatına görə, hadisə Hörmüzqan əyalətinin Sirik şəhəri ətrafında qeydə alınıb.

Yerli sakinlər Kuhestak bölgəsində və Sirik şəhərinin bir neçə hissəsində partlayış səsləri eşitdiklərini bildiriblər.