🇦🇿 Azərbaycanın daha iki güləşçisi dünya çempionatında medal qazanıb

🥉ABŞ-nin Las-Veqas şəhərində keçirilən U-23 dünya çempionatında Anar Cəfərli (92 kq) və Xetaq Karsanov (125 kq) bürünc medal qazanıblar.

🏅Cəfərli italiyalı rəqibini 10:0, Karsanov isə rusiyalı rəqibini 8:1 hesabı ilə məğlub edib.

🏅Bununla da Azərbaycanın turnirdə qazandığı medalların sayı 5-ə çatıb: 2 gümüş, 3 bürünc.

🇹🇷🇦🇿 Türkiyə XİN Azərbaycanı Müstəqilliyin Bərpası Günü münasibətilə təbrik edib

🤝 APA xəbər verir ki, Türkiyə Xarici İşlər Nazirliyi bununla bağlı “X” hesabında paylaşım edib.

💬 “Qardaş Azərbaycanın müstəqilliyinin bərpasının 35-ci ildönümü mübarək olsun!”, – paylaşımda bildirilib.

🇦🇿 Azərbaycanın müstəqilliyini bərpa etməsindən 35 il keçir

📜 1991-ci il oktyabrın 18-də Ali Sovet “Azərbaycan Respublikasının Dövlət müstəqilliyi haqqında” Konstitusiya Aktını qəbul edib. Bununla Azərbaycanın dövlət müstəqilliyi bərpa olunub.

🗳 Həmin il dekabrın 29-da keçirilən referendumda xalq Azərbaycanın dövlət müstəqilliyinə dəstəyini ifadə edib.

📅 2021-ci ildə qəbul edilən qanuna əsasən, 18 oktyabr Müstəqilliyin Bərpası Günü adlandırılıb. Bu tarix iş günü olan bayramdır.

Türkiyənin sabiq Baş naziri Binəli Yıldırım Azərbaycanı Müstəqilliyin Bərpası Günü münasibətilə təbrik edib.

“Bir millət, iki dövlət” şüarı ilə hər zaman qəlbən bağlı olduğumuz can Azərbaycanın Müstəqilliyin Bərpası Gününü ən səmimi arzularımla təbrik edirəm”.

🇮🇷 İranın yeni müdafiə naziri təsdiqlənib

🏛 İran parlamenti Mehrdad Əxlaqi Ketabçinin müdafiə naziri təyin edilməsinə etimad göstərib.

🛡 Yeni nazir əvvəllər İranın Aerokosmik Sənaye Təşkilatına rəhbərlik edib.

📌 O, fevral ayında ABŞ və İsrailin hücumları nəticəsində öldürülən sabiq müdafiə naziri Əziz Nəsirzadəni əvəz edib.

🌦 Sabah bəzi rayonlarda yağış yağacaq, şimşək çaxacaq.

🌤 Bakıda və Abşeronda əsasən yağmursuz hava gözlənilir. Şimal-qərb küləyi arabir güclənəcək. Gündüz 22–25° isti olacaq.

🌡 Rayonlarda gündüz 25–30°, dağlarda 18–23° isti gözlənilir.

🇸🇦 Körfəz Əməkdaşlıq Şurası: Səudiyyə Ərəbistanının təhlükəsizliyi bütün üzv ölkələrin təhlükəsizliyidir

🛡 Körfəz Əməkdaşlıq Şurasının baş katibi bildirib ki, Səudiyyə Ərəbistanının təhlükəsizliyi Şuraya üzv dövlətlərin ümumi təhlükəsizliyinin ayrılmaz hissəsidir.

🇮🇹 İtaliyanın müdafiə naziri: Ukrayna Rusiyaya qarşı müharibədə qalib gələ bilməyəcək

🗣 Quido Krozetto bildirib ki, Ukrayna üçün əsl qələbə Rusiyanın geri çəkilməsi, hücumların dayandırılması və ölkənin azad şəkildə gələcəyini qurmasıdır.

🇭🇺 Orban: “Bizi bu savaşa sürükləyirlər”

Viktor Orban bildirib ki, Macarıstan artıq neytral deyil, Rusiyanı düşmən elan edərək Almaniya, Fransa və Britaniya ilə birlikdə Ukraynanın tərəfində yer alıb.

💬 “Pulumuzu Ukraynaya yönəldir və bizi bu savaşa sürükləyirlər”, – o deyib.

🇵🇱 Polşa hərbi təyyarələrini havaya qaldırıb

✈️ Rusiyanın Ukraynaya raket hücumları ilə əlaqədar görülən tədbirlər Polşanın hava məkanının təhlükəsizliyini təmin etmək məqsədi daşıyır.

🛑 Hərbi aviasiyanın maneəsiz fəaliyyəti üçün Lyublin və Jeşuv hava limanlarında uçuşlar müvəqqəti dayandırılıb.

🇮🇹 İtaliyada etirazlar toqquşmalara çevrilib: 60-dan çox yaralı var

🔥 Həyat bahalılığına qarşı keçirilən aksiyalarda nümayişçilərlə polis arasında toqquşmalar baş verib. Polis gözyaşardıcı qaz və su şırnaqlarından istifadə edib.

🚨 Ən azı 60 nəfər xəsarət alıb, onlarla şəxs saxlanılıb.

🇦🇿🇺🇦Ukraynanın Azərbaycandakı səfiri Müstəqilliyin Bərpası Günü münasibətilə təbrik paylaşımı edib

“Azərbaycanı Müstəqilliyin Bərpası Günü münasibətilə təbrik edirəm. Ukrayna və Azərbaycan arasında tarixən möhkəm dostluq, strateji tərəfdaşlıq və ərazi bütövlüyünə qarşılıqlı dəstək münasibətləri mövcuddur”,

– paylaşımda qeyd olunub.

🚁 Sankt-Peterburqda “Ozon”un anbarındakı yanğının söndürülməsinə helikopterlər cəlb olunub.

🔥 Sahəsi 51,5 min kvadratmetr olan logistika mərkəzində yanğınla mübarizə davam edir.

🇦🇿🇹🇷 Ərdoğan Azərbaycanı Müstəqilliyin Bərpası Günü ilə əlaqədar təbrik edib


Türkiyə Prezidenti bu barədə "X" sosial şəbəkə hesabında paylaşım edib.

"Dost və qardaş Azərbaycanın Müstəqilliyinin Bərpası Gününü ölkəm və millətimin adından səmimi-qəlbdən təbrik edirəm.
Azərbaycan Prezidenti qardaşım İlham Əliyevə, kədər və sevincdə hər zaman bir olduğumuz Azərbaycan türkü qardaşlarıma salamlarımı çatdırıram", - paylaşımda qeyd olunub.

🇺🇦🇺🇸 ABŞ Ukraynaya kəşfiyyat məlumatlarının ötürülməsini bərpa edib.

Ukrayna Prezidenti Volodimir Zelenski NBC-yə müsahibəsində bildirib ki, Vaşinqton bir müddət dayandırdığı məlumat mübadiləsini yenidən bərpa edib.

Zelenski, həmçinin ABŞ ilə danışıqların bu həftə keçiriləcəyinə ümid etdiyini söyləyib.

🇮🇷 İran ABŞ və İsrailin mümkün eskalasiyasına qarşı yeni hərbi plan hazırlayıb.

İranın Ali Milli Təhlükəsizlik Şurasının katibi Möhsün Rzayi bildirib ki, yeni plan 12 və 40 günlük müharibələrlə müqayisədə daha dağıdıcı əməliyyatları nəzərdə tutur.

Onun sözlərinə görə, ABŞ və İsrailin təhdidləri Tehranın mövqeyini dəyişməyəcək.

“İranın yeni əməliyyat planı onların öyrəşdiyi qaydalarla həyata keçirilməyəcək”, – Rzayi vurğulayıb.

🇺🇸🇫🇷 Tramp: Fransa sərhədlərini təcili bağlamalıdır

ABŞ Prezidenti Donald Tramp Fransadakı vəziyyətə görə immiqrasiyanı günahlandırıb və ölkə rəhbərliyini sərhədləri bağlamağa çağırıb.

“Fransa yanır! İmmiqrasiya bir vaxtlar qüdrətli olan bu ölkəni darmadağın edib. Çox gec olmadan sərhədləri bağlayın və vəziyyəti nəzarətə götürün!” – Tramp bildirib.

🌫️ Sabah Azərbaycanın bəzi yollarında görünüş məsafəsi məhdudlaşacaq

📅 Oktyabrın 19-u gecə və səhər saatlarında ölkənin bəzi ərazilərində duman gözlənilir.

⚠️ Duman səbəbindən magistral avtomobil yollarında görünüş məsafəsi 500–1000 metrədək məhdudlaşacaq.

⚠️ Sürücülərə yollarda diqqətli olmaq tövsiyə edilir.