អគ្គនាយក ស គីណាល់ បានអញ្ជើញចូលរួមជាវាគ្មិនក្នុងកិច្ចពិភាក្សាស្តីពី "ភាពជាអ្នកដឹកនាំ និងការគ្រប់គ្រងស្ថាប័នក្នុងសម័យឌីជីថល" ក្នុងសិក្ខាសាលាកសាងសមត្ថភាពមន្ត្រី នៃនិយ័តករមូលបត្រកម្ពុជា កាលពីថ្ងៃទី២៥ ខែសីហា ឆ្នាំ២០២៥។

ការចូលរួមនេះបង្ហាញ បានបង្ហាញអំពីការចូលរួមចំណែករបស់ក្រុមហ៊ុនអេផ្លើស ខនសាល់ធីងក្នុងការអភិវឌ្ឍធនធានមនុស្ស និងភាពជាអ្នកដឹកនាំ តាមរយៈការចែករំលែកបទពិសោធរបស់លោកផ្ទាល់ក្នុងកិច្ចការផ្តល់សេវាកម្មប្រឹក្សាយោបល់លើដំណោះស្រាយនៃការគ្របគ្រង និងការផ្គត់ផ្គង់ធនធានមនុស្ស ឱ្យមានអនុលោភាពនិងប្រសិទ្ធភាពការងារខ្ពស់ ដើម្បីគាំទ្រដល់ការរីកចម្រើនរបស់អតិថិជន ក្រុមហ៊ុន ទាំងជាតិ និងអន្តរជាតិ និងឧត្តមានុវត្តន៍របស់លោកក្នុងការដឹកនាំស្ថាប័នមួយដែលមានបុគ្គលិកជាង១.០០០នាក់ ប្រកបដោយប្រសិទ្ធភាព និងមានភាពច្នៃប្រឌិតក្នុងយុគសម័យឌីជីថល។

#AplusConsulting #Aplus #នយតករមូលបត្រកម្ពុជា

យើងខ្ញុំមានសេចក្ដីរីករាយយ៉ាងក្រៃលែងក្នុងការជម្រាបជូនថា លោកអគ្គនាយក ស គីណាល់ ត្រូវបានសមាជិកនៃសហព័ន្ធនិយោជក និងសមាគមពាណិជ្ជកម្មកម្ពុជា (CAMFEBA) បោះឆ្នោតគាំទ្រឱ្យក្លាយជា សមាជិកក្រុមប្រឹក្សាភិបាល និងត្រូវបានតែងតាំងដោយ ប្រធានក្រុមប្រឹក្សាភិបាលឱ្យលោកក្លាយ ជាអនុប្រធាន CAMFEBA ជាបន្តទៀត សម្រាប់អាណត្តិថ្មី ឆ្នាំ ២០២៥-២០២៧។

នេះជាការទទួលស្គាល់ដ៏មានអត្ថន័យចំពោះភាពជាអ្នកដឹកនាំ ការប្តេជ្ញាចិត្ត និងការបំពេញការងារប្រកបដោយការទទួលខុសត្រូវខ្ពស់របស់លោកក្នុងការលើកស្ទួយសហគមន៍អាជីវកម្មនៅកម្ពុជាឱ្យកាន់តែប្រសើរឡើង។ យើងនឹងបន្កការសហការជាមួយនឹង CAMFEBA ដើម្បីបង្កើតបរិយាកាសអាជីវកម្មឱ្យកាន់តែប្រសើរ និងសហគមន៍អាជីវកម្មនៅកម្ពុជាឱ្យកាន់តែរឹងមាំ។

#AplusConsulting #CAMFEBA #Leadership

ក្នុងឱកាសពិធីបុណ្យភ្ជុំបិណ្ឌ ជាឱកាសដែលបងប្អូនប្រជាជនខ្មែរ ថ្លែងអំណរគុណដល់អ្នកមានគុណ និងធ្វើបុណ្យដើម្បឧទ្ទិសកុសលផលបុណ្យជូនដល់បុព្វការីជនដែលលោកបានចែកឋានទៅ ក្រុមហ៊ុនអេផ្លើស ក៏បានជូននូវកញ្ចប់កតវេទិតានិងថវិកា ទៅដល់បុគ្គលិករបស់យើង ដើម្បីឆ្លៀតឱកាសថ្លែងអំណរគុណ ដល់ការខិតខំប្រឹងប្រែងធ្វើការ និងសម្រេចបាននូវសមិទ្ធផលមកដល់សព្វថ្ងៃនេះ។

យើងខ្ញុំក្រុមគ្រួសារអេផ្លើស សូមគោរពជូនពរបងប្អូនឱ្យពើបប្រទះតែសេចក្ដីសុខ និងសេចក្តីចម្រើន កុំបីឃ្លៀងឃ្លាតឡើយ។

#Aplusconsulting #Aplus #PchumBen #Pchumbenfestival #Khmertraditional #AncestorDay #MeritMaking #Pchumben2025 #កតវេទិតា #gift