Կանչ
2.27K subscribers
458 photos
142 videos
981 links
Հայաստան լինելու է և վե՛րջ:

Հարգելի ընթերցողներ, մեզ հետ կապ պահելու, տեղեկություններ ու տեսանյութեր փոխանցելու համար կարող եք գրել այստեղ - @ArmcallBot
Download Telegram
Channel created
Channel photo updated
Իրազեկման ակցիաներ Երևանում

ՀՀ բնակվող արցախցիներն այսօր փակել են մայրաքաղաքի մի շարք ճանապարհներ: Նպատակը վաղը՝ ի պաշտպանություն Արցախի Երևանում կայանալիք հանրահավաքի մասին քաղաքացիներին իրազեկելն է:

Վաղ առավոտից արցախցիները փակել էին Խանջյան, Բաղրամյան, Արշակունյաց և մի շարք այլ պողոտաներ ու փողոցներ:

#Ընթացիկ @Կանչ
Պայթյուն Ադրբեջանի ռազմական օբյեկտում

Այսօր կեսօրեին Ադրբեջանի պաշտպանական արդյունաբերության նախարարության գործարաններից մեկում պայթյուն է որոտացել:

Ադրբեջանական աղբյուրները տեղեկացնում են, որ պայթյունի հետևանքով մեկ մարդ է զոհվել, իսկ մյուսը՝ վիրավորվել:

Պայթյունը եղել է «Շիրվան-Արազ» գործարանում, որը զբաղվում է կապի միջոցների և ռազմական հատուկ միջոցների արտադրությամբ: Նշենք, որ ևս մեկ հզոր պայթյուն այդ գործարանում եղել է 2016 թվականին:

#Ընթացիկ @Կանչ
Բայրամովն ու Միրզոյանը Մոսկվա են մեկնում

Վաղը՝ հուլիսի 25-ին, Մոսկվայկում տեղի կունենա Ռուսաստանի, Հայաստանի և Ադրբեջանի արտաքին գործերի նախարարների հերթական հանդիպումը:

Ինչպես տեղեկացնում են ՌԴ ԱԳՆ-ից, նախարարները կքննարկեն Լեռնային Ղարաբաղի շուրջ ստեղծված իրավիճակի դեէսկալացիայի խնդիրները, ինչպես նաև եռակողմ հայտարարությունների դրույթների իրականացման գործընթացի ակտիվացումը:

Հատուկ ուշադրություն է դարձվելու Բաքվի և Երևանի միջև խաղաղության պայմանագրի նախապատրաստմանը, նշված է ՌԴ ԱԳՆ հայտարարության մեջ:

Նշենք, որ ՀՀ արտգործնախարարն աշխատանքային այցով այսօր գտնվում է Թեհրանում:

#Ընթացիկ @Կանչ
Ի՞նչ ուղերձներ է հղել Իրանը Հայաստանին

ՀՀ ԱԳ նախարար Արարատ Միրզոյանը Թեհրանում այսօր հանդիպել է Իրանի իր գործընկեր Հոսեյն Ամիր Աբդոլլահիանին, ինչպես նաև այդ երկրի նախագահ Էբրահիմ Ռաիսիին:

«Կանչը» առանձնացրել է Իրանի ղեկավարներից ստացված ամենակարևոր ուղերձները:

✅ Իրանը ողջունում է Հայաստանի և Ադրբեջանի միջև խաղաղության պայմանագրի շուրջ ընթացող բանակցությունները:

✅ Իրանը կենտրոնացած է Հարավային Կովկասում խաղաղության հաստատման վրա:

✅ Իրանը պատրաստակամ է «3+3» ձևաչափով հանդիպում կազմակերպելու:

✅ Հայաստանի և Ադրբեջանի միջև խաղաղության բանակցությունները պետք է զերծ մնան ԱՄՆ և Սիոնիստական ռեժիմի ազդեցությունից:

✅ Իրանը սահմանափակումներ չի տեսնում Հայաստանի հետ հարաբերությունների ընդլայնման համար:

✅ Իրանը պաշտպանում է տարածաշրջանի բոլոր երկրների ինքնիշխանությունն ու տարածքային ամբողջականությունը:

#Ընթացիկ #Արտաքին
@Կանչ
Փաշինյանի ծայրահեղ «զգուշավորությունը»

Փաշինյանի վարչակազմը մինչ վերջին պահը գաղտնի է պահել Ն.Փաշինյանի՝ վաղը կայանալիք ասուլիսի ժամն ու վայրը:

Միայն այսօր ուշ երեկոյան է հայտնի դարձել, որ ասուլիսը տեղի կունենա Բաղրամյան 26-ում, ժամը 13:00-ին:

Ըստ «Կանչի» տեղեկությունների, նման գաղտնապահությունը պայմանավորված է Փաշինյանի՝ չափից ավել զգուշավորությամբ: Վերջինս ամեն ինչ արել է, որպեսզի ասուլիսի ժամանակ փողոցում հանկարծ բողոքի մեծ ցույց չձևավորվի:

Նշենք նաև, որ այս անգամ ևս Կառավարությունը որոշել է ասուլիսին սահմանափակ թվով լրատվամիջոցներ հրավիրել՝ փորձելով հնարավորինս խույս տալ ընդդիմադիր ԶԼՄ ներկայացուցիչներից:

#Վախ #Ժողովրդավարություն
@Կանչ
Արայիկ Հարությունյանն Արցախը աղետի գոտի է հայտարարել

«Հաշվի առնելով առկա ծանրագույն վիճակը և ահագնացող սպառնալիքները մեր ժողովրդի ֆիզիկական գոյության դեմ՝ այսօր Արցախը հայտարարում եմ աղետի գոտի՝ ակնկալելով միջազգային հրատապ արձագանք և անվտանգային, քաղաքական ու հումանիտար աջակցություն միջազգային հանրությունից՝ կոլեկտիվ և անհատական կերպով»:

Այս մասին մամուլի ասուլիսի ընթացքում հայտարարել է Արցախի նախագահ Արայիկ Հարությունյանը՝ հավելելով, որ «հասունացել է միակողմանի քայլեր ձեռնարկելու պահը՝ որպես զանգվածային հանցագործությունը կանխարգելելու վերջին միջոց»:

#Արցախ @Կանչ
Ինչպե՞ս ձերբազատվել խաղաղապահներից՝ Փաշինյանի ակնարկը Ալիևին

Եթե ՌԴ-ն որոշի դուրս գալ ԼՂ-ից, նշանակում է, որ ռուսական կողմը Ղարաբաղի բնակչության զանգվածային զոհվելու վտանգ այլևս չի տեսնում: Այդ մասին մամուլի ասուլիսի ընթացքում հայտարարել է Ն. Փաշինյանը:

«Որովհետև եթե ԼՂ-ում կա նման վտանգ, դժվար է պատկերացնել, թե ինչպես կարող է նման որոշում կայացվել: Իսկ եթե չկա նման վտանգ, նշանակում է, որ, օրինակ, Բաքու-Ստեփանակերտ երկխոսությունը միջազգային մեխանիզմների շրջանակում գտնվել է արդյունավետ, և կողմերը արձանագրում են, որ խաղաղապահ զորախմբի ներկայության կարիք այլևս չկա»,-ասել է Փաշինյանը:

Նշենք, որ արդեն տևական ժամանակ է, ինչ Փաշինյանի կառավարությունը հենց ինքն է առաջ տանում Ստեփանակերտ-Բաքու երկխոսության թեման: Եվ հիմա, ըստ էության, Փաշինյանն ակնարկում է Ալիևին, թե ինչպես է հնարավոր լուծել Արցախից ռուս խաղաղապահներին հանելու խնդիրը՝ պարզապես պետք է ցույց տալ, իբր Բաքու-Ստեփանակերտ երկխոսությունն արդյունավետ է:

@Կանչ
Ի՞նչ է ասել Փաշինյանն ասուլիսին

«Կանչը» առանձնացրել է Նիկոլ Փաշինյանի՝ ժամեր տևած ասուլիսի հիմնական դրույթները:

✅ ՀՀ-ն ԼՂ ժողովրդի ճակատագիրը չի կարող որոշել: ԼՂ ժողովրդի իրավունքներն ու անվտանգությունը պետք է քննարկվեն ԼՂ ներկայացուցիչների մասնակցությամբ՝ Բաքու-Ստեփանակերտ երկխոսության ֆորմատով միջազգային մեխանիզմի շրջանակներում:

✅ Այդպիսի ժանր ունենք՝ «Նամակ ռուսաց թագավորին», մինչև ե՞րբ ենք այդ ժանրի մեջ ապրելու մենք: Ընդ որում, այո, ԼՂ մեր հայրենակիցները այդ ժանրի հիմնադրման գործում շատ մեծ ներդրում ունեն:

✅ Ամբողջ Ղարաբաղը տեսավ, որ վարչապետի կինը աջափսանդալի նկար ա դրել: Ժողովուրդ, ձե՞ռ եք առնում, թող գնային բախչեն վարեին, բադրիջան ցանեին 150 միլիարդ դրամի փոխարեն:

✅ Ստեփանակերտին Աղդամով օգնություն հասցնելու հարց չեմ քննարկել, որովհետև չեմ կարծում՝ ես ընդհանրապես նման հարց քննարկելու որևէ մանդատ ունեմ:

✅ ԼՂ-ում ՌԴ խաղաղապահ զորախմբի տեղակայումն ունի նպատակ՝ բնակչության զանգվածային սպանդը կանխելն է: Եթե ՌԴ-ն որոշի ԼՂ-ից դուրս գալ, կնշանակի, որ այլևս նման վտանգ չկա:

✅ Եթե որևէ մեկն ասում է՝ Հայաստանը պետք է շարունակի կոնֆրոնտացիոն ռեժիմում ապրել, ինքն, ըստ էության, ՀՀ պետականությունը, պետության գոյությունը, ինքնիշխանությունն ու անկախությունը դնում է կասկածի տակ:

✅ Արցախի փոխարեն ասում եմ Լեռնային Ղարաբաղ, որովհետև կարող եմ միջազգային հանրությանը բացատրել, թե դա ինչ է նշանակում, դրա մասին կա ստորագրված թուղթ: Երբ ինչ-որ մարդիկ ԼՂ հասկացությունը օգտագործելու մեջ տեսնում են դավադրություն և ասում են Արցախ, նրանք, ըստ էության, իրենց դիրքորոշումը համապատասախանեցնում են Ադրբեջանի պաշտոնական դիրքորոշմանը, որ Լեռնային Ղարաբաղ չկա:

@Կանչ
This media is not supported in your browser
VIEW IN TELEGRAM
«Ազատության» հրապարակում մեկնարկել է Արցախի իշխանությունների նախաձեռնած հանրահավաքը:

Զուգահեռ հանրահավաք է սկսվել Ստեփանակերտի «Վերածննդի» հրապարակում:

@Կանչ
Մոսկվայում ավարտվել է Ռուսաստանի, Հայաստանի և Ադրբեջանի արտաքին գործերի նախարարների եռակողմ հանդիպումը:

@Կանչ
This media is not supported in your browser
VIEW IN TELEGRAM
Հայաստանը 400 տոննա հումանիտար օգնություն է ուղարկել Արցախ

Սննդամթերքով բեռնված մեքենաներն արդեն Կոռնիձորի ճանապարհին են: Կոռնիձորից հումանիտար օգնությունն Արցախ կհասցնեն ռուս խաղաղապահները:

Բեռներում հիմնականում ալյուր է, ձեթ, մանկական սնունդ, մակարոնեղեն, առաջին անհրաժեշտության սննդամթերք:

@Կանչ
Ադրբեջանը խոչընդոտում է Հայաստանից ուղարկված հումանիտար օգնության մուտքը Լեռնային Ղարաբաղի Հանրապետություն:

Մեկ ժամից ավելի է ռուս խաղաղապահները բանակցում են Ադրբեջանի ներկայացուցիչների հետ: Այդ գործընթացին ՀՀ տարածքից հետևում են ԵՄ դիտորդները:

Նշենք, որ ըստ որոշ տեղեկությունների, ադրբեջանական կողմն այս պահին մեծացնում է Լաչինի միջանցքում իր զորքերի թիվը, որպեսզի խաղաղապահները չփորձեն ուժով հաղթահարել իրենց ստեղծած արգելքը:

@Կանչ
Արցախում այսօր կարևոր փոփոխություններ կլինեն

Արցախի Ազգային ժողովում այսօր հետաքրքիր զարգացումներ են սպասվում: ԱԺ նախագահ Արթուր Թովմասյանին այդ պաշտոնում կփոխարինի դաշնակցական Դավիթ Իշխանյանը:

Մեր տեղեկություններով, այս փոփոխությունը խորքում հեռու գնացող նպատակ ունի: Հաջորդ փուլում իշխանությունից հեռացվելու է նաև նախագահ Արայիկ Հարությունյանը: Վերջինս, ի դեպ, դեմ չէ: Նա կարծում է, որ Արցախի ճակատագիրն արդենբլուծված է և ցանկանում է դրա պատասխանատվությունը կիսել այլոց հետ:

Դավիթ Իշխանյանը և նրան սատարող թիմը, որի մեջ են նաև Արցախի նախկին իշխանության ներկայացուցիչներ, հասկանում է Ա.Հարությունյանի մտահղացումը: Սակայն երկար քննարկումներից հետո եկել են այն որոշման, որ չեն կարող ձեռքերը ծալած նստել և պետք է փորձեն որևէ լուծում գտնել ստեղծված իրավիճակի համար:

@Կանչ
Media is too big
VIEW IN TELEGRAM
Ադրբեջանական կողմը նոր կադրեր է հրապարակել Լաչինի միջանցքից: Տեսանյութում երևում են սահմանագծում կայանված հայկական բեռնատարները, որոնց միջոցով ՀՀ կառավարությունը փորձել է հումանիտար օգնություն ուղարկել Արցախի քաղաքացիներին:

@Կանչ