📌 Yo‘l harakati xavfsizligini ta’minlash va YTHlarning oldini olish masalalari o‘rganildi

🏛 Xalq deputatlari Arnasoy tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi, tuman Kengashi huzurida tashkil etilgan ekspert guruhi va yoshlar maslahat guruhi a'zolari, tuman Yo‘l harakati xavfsizligi bo‘limi bilan hamkorlikda tuman hududida yo‘l harakati xavfsizligini ta’minlash holati yuzasidan o‘rganishlar olib borildi.

🔎 O‘rganishlar davomida, avvalo, yo‘l-transport hodisalari ko‘p sodir bo‘layotgan hamda avtomobillar harakatida tirbandliklar yuzaga kelayotgan hududlar ko‘zdan kechirilib, mavjud muammolar va ularning kelib chiqish sabablari tahlil qilindi.

🏫 Shuningdek, tuman markaziy ko‘chalari, umumta’lim maktablari atrofi hamda ichki ko‘chalarda transport va piyodalar harakatining xavfsizligi, yo‘l infratuzilmasining mavjud holati hamda xavfsizlik choralarining yetarliligi o‘rganildi.

🚸 Ayniqsa, maktab o‘quvchilarining xavfsiz harakatlanishini ta’minlashga alohida e’tibor qaratilib, ta’lim muassasalari atrofida yo‘l belgilarini o‘rnatish, piyodalar harakatini tartibga solish va yo‘l-transport hodisalarining oldini olish bo‘yicha zarur choralarni ko‘rish masalalari ko‘rib chiqildi.

⚠️ O‘rganishlar davomida aniqlangan kamchiliklarni bartaraf etish, yo‘l harakati ishtirokchilari uchun xavfsiz shart-sharoitlarni yaratish, tirbandliklarning oldini olish hamda yo‘l-transport hodisalari sonini kamaytirish yuzasidan tegishli taklif va tavsiyalar ishlab chiqildi.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

NAVRO‘Z QO‘RG‘ONIDA TURIZM QISHLOG‘I TASHKIL ETILMOQDA

Davlatimiz rahbarining topshirig‘iga asosan, Jizzax viloyati mahallalarida infratuzilmani yanada yaxshilash, hududlarga Yangi O‘zbekiston qiyofasini olib kirish, aholi muammolarini o‘rganish va hal etish, ishsizlik va kambag‘allikni qisqartirish, investitsiya va eksport salohiyatini oshirish, atrof-muhitni yaxshilash yo‘nalishlarida amaliy yordam ko‘rsatish maqsadida Respublika ishchi guruhi faoliyat olib bormoqda.

Respublika ishchi guruhi a’zosi Ulug‘bek Shodiyev hamda Arnasoy tumani hokimi Odil Musanov Navro‘z qo‘rg‘oni hududida tashkil etilayotgan turizm qishlog‘idagi qurilish ishlari bilan tanishdi.

O‘rganish davomida hududda amalga oshirilayotgan ishlar, yaratilayotgan infratuzilma hamda turistlar uchun zarur sharoitlarni shakllantirish jarayonlari ko‘zdan kechirildi.

Turizm qishlog‘ining tashkil etilishi natijasida hududning turistik salohiyatini oshirish, yangi ish o‘rinlari yaratish va aholi daromadlarini ko‘paytirish uchun yangi imkoniyatlar yaratilmoqda.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube