«Jizzax suv ta’minoti» AJning Zomin tuman filiali uçun barpo etilgan yangi ma’muriy bino tantanali ravişda foydalanişga topşirildi. Şuningdek, filial faoliyatini yanada samarali taşkil etiş va aholiga körsatilayotgan xizmatlar sifatini oşiriş maqsadida 3 ta maxsus texnika berildi.

Mazkur voqea tumanda içimlik suvi ta’minoti tizimini rivojlantiriş, soha xodimlari uçun munosib mehnat şaroitlarini yaratiş hamda aholiga xizmat körsatiş sifatini yaxşilaş yölidagi muhim qadam böldi.

Ta’kidlaş joizki, şu vaqtga qadar filialning öz ma’muriy binosi mavjud bölmagan. Korxona yillar davomida ijaradagi binoda faoliyat yuritib kelgani sababli xodimlar uçun yetarli şaroitlar yaratiş, şuningdek, iste’molçilarning murojaatlarini qabul qilişda muayyan qiyinçiliklar kuzatilgan.

Endilikda Zomin tumani markazida qad rostlagan yangi ma’muriy bino uşbu muammolarga yeçim bölib, filial faoliyatini samarali taşkil etiş, aholi uçun qulayliklar yaratiş va sohadagi xizmatlar sifatini oşirişga xizmat qiladi.

Ma’lumot uçun, bugungi kunda «Jizzax suv ta’minoti» AJ Zomin tuman filialida 100 nafardan ortiq xodim mehnat qilmoqda. Filial tomonidan tumandagi aholi xonadonlari hamda ijtimoiy soha obyektlariga markazlaşgan içimlik suvi yetkazib beriş xizmatlari körsatilmoqda.
Ayni paytda tuman aholisining 80 foizi markazlaşgan içimlik suvi bilan ta’minlangan. Oqova suv (kanalizatsiya) xizmatlari bilan qamrov darajasi esa 20 foizni taşkil etadi.

Tadbir doirasida yana bir muhim yangilik amalga oşirildi. «Özsuvta’minot» AJ tomonidan Zomin tuman filialiga xizmat körsatiş imkoniyatlarini kengaytiriş, avariya holatlariga tezkor javob qaytariş va iş samaradorligini oşiriş maqsadida 3 ta maxsus texnika topşirildi.

Tantanali oçiliş marosimi keksa otaxonlar tomonidan Qur’oni karim tilovati va ezgu duolar bilan boşlandi. Unda yangi binoda boşlangan faoliyat aholini toza va sifatli içimlik suvi bilan ta’minlaş, jamoa mehnat faoliyatida yuqori natijalarga erişişga xizmat qilişi ta’kidlandi.

Şubhasiz, yangi ma’muriy bino va topşirilgan maxsus texnikalar Zomin tumanida suv ta’minoti tizimini takomillaştiriş, mavjud muammolarni tezkor bartaraf etiş hamda aholiga körsatilayotgan xizmatlar samaradorligini oşirişda muhim ahamiyat kasb etadi.

Jizzax politexnika institutida U-15 yoş toifasidagi ösmirlar va qizlar örtasida flag-futbol böyiça Özbekiston kubogi musobaqasi bölib ötdi.

Uç kun davom etgan bellaşuvlarda mamlakatimizning turli hududlaridan taşrif buyurgan jamoalar öz mahorati, tezkorligi va jamoaviy hamjihatligini namoyiş etdi.

Musobaqada Andijon, Farğona, Toşkent, Sirdaryo, Jizzax, Samarqand, Buxoro va Navoiy viloyatlari hamda Qoraqalpoğiston Respublikasidan jami 10 ta jamoa iştirok etdi.

Har bir uçraşuv murosasiz kuraş va qizğin raqobat ostida keçdi. Yoş sportçilar uçun mazkur musobaqa öz imkoniyatlarini respublika miqyosida namoyon etiş, tajriba orttiriş va kuç sinaşiş uçun muhim maydon böldi.
Quvonarlisi, mezbon viloyat vakillari musobaqani yuqori natijalar bilan yakunladi.

Öğil bolalar örtasidagi bahslarda Jizzax jamoasi barça raqiblaridan ustun kelib, boş sovrin — Özbekiston kubogini qölga kiritdi. Andijon viloyati jamoasi ikkinçi, Farğona viloyati vakillari esa uçinçi örinni egalladi.

Qizlar örtasidagi bellaşuvlarda ham Jizzax vakilalari munosib iştirok etib, kumuş medallarga sazovor böldi. Farğona viloyati jamoasi birinçi örinni qölga kiritgan bölsa, Andijon viloyati qizlari uçinçi örinni egalladi.

Musobaqa yoş sportçilarning mahoratini oşiriş, flag-futbolni ommalaştiriş hamda iqtidorli sportçilarni kaşf etiş yölida muhim ahamiyat kasb etdi.