Jizzax viloyati hokimligi huzuridagi «Yagona buyurtmaçi xizmati» injiniring kompaniyasi davlat muassasasi buyurtmaçiligida Zomin tumanidagi 1-sonli umumiy örta ta’lim maktabi rekonstruktsiya qilinib, zamonaviy qiyofadagi yangi öquv binosi foydalanişga topşirildi.

Loyiha doirasida maktab hududida öquvçilar uçun möljallangan 540 örinli, uç qavatli zamonaviy öquv binosi barpo etildi. Quriliş-ta’mirlaş işlari Özbekiston Respublikasi Prezidentining 2025-yil 27-dekabrdagi PQ–393-son qaroriga muvofiq, 2026-yilgi Investitsiya dasturi doirasida amalga oşirildi.

Yangi binoda ta’lim jarayonini samarali taşkil etiş, öquvçilarning sifatli bilim olişi va pedagoglarning samarali faoliyat yuritişi uçun barça zarur şaroitlar yaratilgan. Jumladan, keng va yoruğ sinfxonalar zamonaviy mebel hamda öquv jihozlari bilan ta’minlangan. Şuningdek, örnatilgan zamonaviy isitiş tizimi qiş mavsumida xonalarda qulay haroratni ta’minlaş imkonini beradi.

Alohida ta’lim ehtiyojlariga ega öquvçilar va nogironligi bölgan şaxslar uçun ham zarur qulayliklar nazarda tutilgan. Xususan, bino panduslar, lift va maxsus moslaştirilgan yölaklar bilan jihozlanib, barça uçun teng va qulay foydalaniş imkoniyati yaratilgan.

Yangi öquv binosining foydalanişga topşirilişi Zomin tumanida ta’lim infratuzilmasini yanada rivojlantiriş, öquvçilar uçun zamonaviy ta’lim muhitini şakllantiriş, yoş avlodning puxta bilim olişi va pedagoglar faoliyati samaradorligini oşirişga xizmat qiladi.