🎥 Videoreportaj: Jizzax shahrida zamonaviy yashil hududlar kengaytirilmoqda

Jizzax viloyatida aholi ehtiyojidan kelib chiqqan holda zamonaviy shaharsozlik asosida uy-joylar barpo etilib, zarur infratuzilma sharoitlari yaratilmoqda. Bunyodkorlik ishlari bilan bir qatorda shahar aholisi sayr qilib, dam olishi uchun yashil jamoat parklarini tashkil etishga ham alohida e’tibor qaratilmoqda.

Jizzax shahrida tashkil etilgan yashil jamoat parki aholining sevimli maskanlaridan biriga aylandi. Mazkur hududga “Mustaqillik bog‘i” nomi berildi.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Jizzaxda korrupsiyaga qarshi amaliy-profilaktik tadbir o‘tkazildi

Jizzaxda davlat fuqarolik xizmatchilari ishtirokida korrupsiyaga nisbatan murosasiz munosabatni shakllantirishga qaratilgan tadbir o‘tkazildi.

Tadbir Boshqaruv samaradorligi agentligi hududiy filiali, viloyat hokimligi va Ichki ishlar boshqarmasi hamkorligida tashkil etildi.

Ishtirokchilar Jizzax shahridagi 29-sonli jazoni ijro etish muassasasiga tashrif buyurib, korrupsiya va qonunbuzarlikning inson hayoti hamda oilasiga ta’siri haqida hayotiy misollar bilan tanishdilar.

Tadbir yakunida davlat xizmatida halollik, qonuniylik va shaxsiy mas’uliyat har bir xodim faoliyatining asosiy mezoni bo‘lishi lozimligi ta’kidlandi.

Tadbir korrupsiyaning oldini olish va unga nisbatan murosasiz munosabatni mustahkamlashga xizmat qildi.

📹 Batafsil — videolavhada.

📲https://gov.uz/oz/jizzax  sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Toshkentda shahar muhitini yanada obod va zamonaviy qilish, madaniyat va kino sohasini rivojlantirishga qaratilgan yangi loyihalar amalga oshirilmoqda.

Prezident Administratsiyasi rahbari Saida Mirziyoyeva Shayxontohur tumanidagi yangi istirohat bog‘i loyihasi, Yangi Toshkentdagi qurilish jarayonlari hamda “O‘zbekfilm” kinostudiyasining faoliyati bilan tanishdi.

📲https://gov.uz/oz/jizzax  sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Jizzaxda "Milliy sanoat zanjiri” ko‘rgazmasi o‘tkaziladi

Jizzax viloyatida joriy yilning 29–30 sentabr kunlari avtomobilsozlik sanoati sohasidagi "Milliy sanoat zanjiri” ko‘rgazmasi bo‘lib o‘tadi.

Mazkur tadbir mahalliy ishlab chiqarishni kengaytirish, yangi kooperatsiya aloqalarini yo‘lga qo‘yish, import o‘rnini bosuvchi mahsulotlarni o‘zlashtirish hamda avtomobilsozlik tarmog‘ida mahalliy korxonalar ishtirokini yanada kengaytirish uchun muhim muloqot va hamkorlik maydoni vazifasini o‘taydi.

Ko‘rgazmaning Jizzaxda o‘tkazilishi bejiz emas. Bugun viloyatda avtomobilsozlik sanoatining qator yirik korxonalari faoliyat yuritmoqda.

Xususan, "ADM Jizzakh” korxonasida Kia Sonet va Kia K3 avtomobillari bilan bir qatorda avtomobil kuzov qismlari, shtamplangan detallar, bamperlar, eshik qoplamalari, konsol, reyling va o‘rindiqlar kabi mahsulotlar ishlab chiqarilmoqda. "BYD Uzbekistan Factory” korxonasida esa elektromobil va gibrid avtomobillar ishlab chiqarish yo‘lga qo‘yilgan.

Zamonaviy avtomobilsozlik faqat tayyor avtomobil ishlab chiqarish bilan cheklanmaydi. U metall, plastmassa, rezina, elektr jihozlari, avtoelektronika va boshqa ko‘plab butlovchi qismlarni yetkazib beruvchi korxonalarning yaxlit sanoat zanjirini qamrab oladi. Shu nuqtayi nazardan, ko‘rgazmaning asosiy vazifalaridan biri ushbu zanjirda mahalliy ishlab chiqaruvchilar ulushini oshirishdan iborat.

"Yo‘l xaritasi”ga muvofiq, mamlakatning 14 ta hududidan avtomobilsozlik tizimi korxonalariga 5029 turdagi mahsulot bo‘yicha xizmat ko‘rsatayotgan 361 ta mahalliy yetkazib beruvchi korxona tahlil qilingan. Ular orasida avtomobil komponentlari, butlovchi va ehtiyot qismlar, elektr jihozlari, plastmassa va rezina buyumlar, metall hamda quyma detallar ishlab chiqaruvchi korxonalar mavjud.

Ko‘rgazma doirasida ana shu mahalliy ishlab chiqaruvchilarni avtomobilsozlik tarmog‘idagi yirik korxonalar bilan to‘g‘ridan-to‘g‘ri bog‘lash, yangi buyurtmalarni shakllantirish va kooperatsiya loyihalarini ishlab chiqishga alohida e’tibor qaratiladi.

Shuningdek, ayni paytda import qilinayotgan ehtiyot va butlovchi qismlar hamda agregatlarni mahalliylashtirish imkoniyatlari muhokama qilinib, mahalliy ishlab chiqaruvchilar bilan "ofteyk” shartnomalar va memorandumlar tuzilishi rejalashtirilgan.

Bu jarayonda elektron kooperatsiya mexanizmlari ham muhim ahamiyat kasb etadi. Mahalliy ishlab chiqaruvchilarning mahsulotlari, ularning texnik tavsiflari va sifat ko‘rsatkichlarini elektron kooperatsiya portaliga joylashtirish buyurtmachi va ishlab chiqaruvchi o‘rtasidagi to‘g‘ridan-to‘g‘ri aloqalarni kengaytirishga xizmat qiladi.

Ko‘rgazmada mahsulot ishlab chiqarish hajmini oshirish bilan bir qatorda, uning sifati va raqobatbardoshligini ta’minlash masalalariga ham e’tibor qaratiladi.

Xususan, sertifikatlashtirish, sifat standartlarini joriy etish va davlat xaridlarida ishtirok etish bo‘yicha amaliy ko‘mak ko‘rsatuvchi tashkilotlar maxsus axborot maydonlarida ishtirok etadi.

Avtomobilsozlik sanoatining barqaror rivoji zamonaviy texnologiyalar bilan bir qatorda, malakali kadrlar tayyorlash tizimiga ham bevosita bog‘liq. Shu bois ko‘rgazma doirasida oliy ta’lim muassasalari va texnikumlar bilan ta’lim hamda dual ta’lim dasturlari bo‘yicha hamkorlik memorandumlarini imzolash ko‘zda tutilgan.

Tadbirda, shuningdek, elektromobil komponentlari, akkumulyator tizimlari, yengil materiallar, avtoelektronika, ilmiy-tadqiqot ishlanmalari va sanoat startaplari namoyish etiladi.

Jizzaxda ikki kun davomida o‘tkaziladigan "Milliy sanoat zanjiri” ko‘rgazmasi mahsulotlar namoyishidan ko‘ra kengroq vazifani bajaradi.

Unda ishlab chiqaruvchi va buyurtmachi o‘rtasida yangi hamkorlik yo‘nalishlari belgilab olinib, mahalliylashtirish va sanoat kooperatsiyasini kengaytirishga qaratilgan aniq kelishuvlar uchun zamin yaratiladi.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Arnasoyda paxtachilikda mo‘l hosil yetishtirilmoqda

Paxtachilik mamlakatimiz qishloq xo‘jaligining muhim tarmoqlaridan biri. Arnasoy tumanida fermer xo‘jaliklari va klasterlar tomonidan amalga oshirilgan ishlar natijasida dalalarda mo‘l hosil yetishtirildi.

Joriy yilda tumandagi 284 ta fermer va qishloq xo‘jaligi korxonasi tomonidan 7 200 gektar maydonda paxta parvarish qilinib, 34 470 tonna hosil olish bo‘yicha shartnomalar tuzilgan.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Sharof Rashidovda shukronalik uchrashuvi o‘tkazildi

Sharof Rashidov tumanida nuroniylar, mahalla faollari, yoshlar hamda jamoatchilik vakillari ishtirokida shukronalik uchrashuvi o‘tkazildi. Unda mustaqillik yillarida, ayniqsa so‘nggi 10 yilda amalga oshirilgan keng ko‘lamli islohotlar, yaratilgan imkoniyatlar va aholi turmushidagi o‘zgarishlar haqida fikr almashildi.

Uchrashuvda nuroniylar mustaqillikning dastlabki yillaridagi sharoitlarni bugungi kun bilan qiyoslab, yurtimizdagi tinchlik, osoyishtalik va farovon hayotning qadri haqida o‘z fikrlarini bildirdi. Mahalla faollari esa aholi bilan ishlash, fuqarolarni qo‘llab-quvvatlash va hududlarni obodonlashtirish borasidagi ishlar xususida so‘z yuritdi.

📹 Batafsil — videolavhada.

📲https://gov.uz/oz/jizzax  sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

"Mustaqillikning 35 yilligi” mahallasida yangi imkoniyatlar va xavfsiz muhit yaratilmoqda

Sharof Rashidov tumanidagi Toqchilik mahallasining eski "Otchopar” massivida yashovchi aholi uchun mahalla binosining uzoqda joylashgani kundalik hayotda qator noqulayliklarni keltirib chiqarardi. Oddiy murojaat bilan mahallaga borish uchun ham ikki marta transport almashtirishga to‘g‘ri kelgan.

Hududning nazoratdan birmuncha chetda qolgani esa mavjud muammolarni yanada chuqurlashtirib, uni bir necha yil davomida kriminogen vaziyati og‘ir hududlar qatorida qolishiga sabab bo‘lgan.

Joriy yildagi istiqlol shodiyonalari arafasida esa hududda yangi davr boshlandi. Aholiga qulaylik yaratish maqsadida hudud alohida mahalla sifatida ajratilib, bu yerda zamonaviy mahalla binosi barpo etildi. Yangi mahallaga ezgu niyat bilan "Mustaqillikning 35 yilligi” nomi berildi.

Bugun mazkur hududda 6 mingdan ziyod aholi istiqomat qiladi. 97 gektar maydonni qamrab olgan mahallada 83 ta ko‘p qavatli uy va 58 ta kottej mavjud. Kelgusida yana 50 gektar maydonda yangi ko‘p qavatli uylar qurilishi rejalashtirilgan.

Mahallaga kiraverishda qad rostlagan ikki qavatli zamonaviy binoda "mahalla yettiligi” vakillari, navbatchilik qismi hamda aholiga xizmat ko‘rsatuvchi zarur infratuzilmalar joylashgan. Binoning ikkinchi qavatida tuman IIBning 1-sonli ichki ishlar bo‘limi faoliyat yuritadi. Bu yerda IIB xodimlari uchun xizmat xonalari, ma’rifat zali hamda "Situatsion markaz” tashkil etilgan.

— O‘tgan yildan buyon hududda nazorat kuchaytirilib, amalga oshirilgan profilaktik ishlar natijasida mahallamiz joriy yilda "yashil” toifaga o‘tkazildi, — deydi fuqarolar yig‘ini raisi Akram Absattarov. — Ko‘p qavatli uylarga videokuzatuv kameralari o‘rnatildi, ko‘chalar yoritildi. Aholining tinch va xotirjam hayotini ta’minlash maqsadida mutasaddilar tomonidan nazorat choralari izchil davom ettirilmoqda.

— Bugun mahallada xavfsizlikni ta’minlashda asosiy vazifa huquqbuzarlik sodir etilganidan so‘ng chora ko‘rish emas, balki uning sabablarini oldindan aniqlash, muammoning ildiziga yetib borish va huquqbuzarliklarning oldini olishdan iborat. Yangi binoda «mahalla yettiligi” bilan hamkorlikda ishlash uchun yaratilgan sharoitlar bu vazifalarni yanada samarali tashkil etish imkonini bermoqda. Bo‘lim 13 ta mahallaga xizmat ko‘rsatadi. Mahalla va ichki ishlar organlari vakillarining bir joyda hamohang faoliyat yuritishi profilaktik ishlarni manzilli tashkil etishda muhim ahamiyat kasb etadi, — deydi Sharof Rashidov tuman IIB JXX XPB profilaktika katta inspektori, podpolkovnik Ulug‘bek Bekqulov.

Yangi maskanda e’tibor faqat xavfsizlikni ta’minlash bilan cheklanmayapti. Aholi uchun piyoda yurish va sog‘lomlashtirish yo‘laklari tashkil etildi. Sport maydonini ta’mirlash ham rejalashtirilgan. Sportsevar yoshlar, xotin-qizlar va keksalardan iborat jamoalar shakllantirilib, ularni tuman hamda viloyat miqyosidagi musobaqalarga jalb etish ko‘zda tutilmoqda.

Oilada tinchlik va totuvlikni mustahkamlash, jamiyatda sog‘lom ma’naviy muhitni qaror toptirish maqsadida faol keksalar hamda otinoyilardan iborat jamoatchilik guruhlari ham shakllantirilgan.

— Mahallada 48 ta kam ta’minlangan oila bor. Xatlov natijasida 31 nafar fuqaro rasmiy ishsiz sifatida qayd etilgan. Shu bois aholi bandligini ta’minlash, oilalar daromadini oshirish ham dolzarb vazifalardan biri bo‘lib turibdi, — deydi hududdagi hokim yordamchisi Ozod Yarbekov.

Uning ma’lum qilishicha, bu borada hududda qurilayotgan 12 ta tadbirkorlik obyektida yangi ish o‘rinlari yaratiladi. Mazkur obyektlarda ovqatlanish shoxobchalari, oziq-ovqat do‘konlari, stomatologiya va boshqa aholiga zarur xizmat turlarini yo‘lga qo‘yish rejalashtirilgan.

Mahalla atrofiga mingdan ziyod daraxt ko‘chatlarining ekilayotgani esa hududning nafaqat qulay va xavfsiz, balki obod hamda yashil maskanga aylanishiga xizmat qilmoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Jizzax shahrida jamoat transporti harakati tartibga solinmoqda

Jamoat transportlaridan foydalanishda belgilangan qoidalarga rioya qilish yo‘l harakati ishtirokchilarining xavfsizligi uchun muhim. Jizzax shahrida jamoat transporti harakatining yangi tartibi belgilanib, fuqarolar uchun qulayliklar yaratilmoqda.

Yangi tartibga ko‘ra, fuqarolar avtobusga chiqish va tushishda belgilangan qoidalarga amal qilishi talab etiladi. Bugungi kunda jamoat transporti shaharning turli hududlarini o‘zaro bog‘lab, aholining kundalik hayotida muhim o‘rin tutmoqda.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Jizzaxda “Ma’rifat karvoni” o‘quv-seminari o‘tkazildi

Jizzax shahrida Prezidentimizning Mustaqilligimizning 35 yilligi bayram tantanasida so‘zlagan nutqining mazmun-mohiyatini keng jamoatchilikka yetkazish maqsadida “Ma’rifat karvoni” o‘quv-seminari tashkil etildi. Seminarda shahardagi ma’naviyat targ‘ibotchilari ishtirok etdi.

“Birlashib buyuk tarix yaratamiz” mavzusidagi seminarda “3000-lik yulduz”, “Yangi O‘zbekiston — 3-Renessans”, “Milliy o‘zlik”, “Ma’naviy meros”, “Inson qadri”, “Erkinlik, bilim, sog‘liq va yoshlar” kabi yo‘nalishlar bo‘yicha fikr almashildi. Unda milliy o‘zlikni anglash, inson qadrini ulug‘lash va yoshlar uchun yaratilayotgan imkoniyatlar haqida tushunchalar berildi.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Baxmalda aholi salomatligini muhofaza qilishga e’tibor qaratilmoqda

Aholi salomatligini ta’minlash nafaqat kasalliklarni davolash, balki ularning oldini olish, sanitariya qoidalariga amal qilish va epidemiologik barqarorlikni saqlashni ham talab etadi. Bu borada sanitariya-epidemiologiya sohasi mutaxassislarining mehnati alohida ahamiyatga ega.

Ko‘rsatuvda Baxmal tumani sanitariya va epidemiologik osoyishtalik markazi faoliyati haqida so‘z yuritiladi.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Insondan umr o‘tgach, nima qoladi?
Qallibek Kamalov hayotiga bir nazar

Davlat va jamoat arbobi Qallibek Kamalovning portretiga tikilar ekansiz, beixtiyor bir savol tug‘iladi: insondan umr o‘tib ketgach, nima qoladi?

Bu savolning javobini uning hayot yo‘lidan izlash mumkin.

Qallibek Kamalov 1926-yil 18 martda Qoraqalpog‘istonning Taxtako‘pir tumanida tug‘ilgan. 1955-yilda Nukus davlat universitetini tamomlab, mehnat faoliyatini Qoraqalpog‘iston Respublikasi yoshlar qo‘mitasi kotibi lavozimidan boshlagan.

Keyinchalik Vazirlar Kengashi raisining o‘rinbosari, Nukus shahar ijroiya qo‘mitasi raisi, vazir va partiya qo‘mitasi kotibi kabi mas’ul lavozimlarda ishlagan.

Lavozimlar ko‘p. Ammo insonning qiyofasi egallagan mansablari bilan emas, ular zimmasiga yuklangan mas’uliyat va amalga oshirgan ishlari bilan namoyon bo‘ladi.

1959–1963 yillarda Qoraqalpog‘iston Respublikasi Vazirlar Kengashi raisi, 1963–1984 yillarda esa partiya qo‘mitasining birinchi kotibi, respublika rahbari sifatida faoliyat yuritgan Qallibek Kamalovning rahbarlik yillari hududning ijtimoiy-iqtisodiy taraqqiyoti bilan chambarchas bog‘liq.

Murakkab iqlim sharoitida qishloq xo‘jaligi, sanoat va ishlab chiqarishni rivojlantirish, aholi turmush darajasini yaxshilashga qaratilgan ishlar uning rahbarlik faoliyati bilan bog‘liq.Biroq uni faqat rahbarlik minbarida tasavvur qilish to‘g‘ri emas.

1984–1986 yillarda diplomatik sohada faoliyat yuritgan Qallibek Kamalov keyingi yillarda nuroniylar safida ham jamoat ishlarida faol ishtirok etdi.

Uning hayot yo‘lini bir chiziqqa sig‘dirib bo‘lmaydi. Rahbarlikdan diplomatiyaga, diplomatiyadan jamoatchilik xizmatiga tutashgan bu yo‘lning o‘zgarmas bir nuqtasi bor edi: xalqqa xizmat qilish.

Davlat ham bu xizmatni munosib baholadi. U "Shuhrat” medali va "El-urt hurmati” ordeni bilan taqdirlangan.

2026-yil 11 fevral kuni u 100 yoshida vafot etdi.

Ammo ayrim insonlarning umri vafoti bilan tugamaydi. Ularning ikkinchi umri — xotiralardagi hayoti boshlanadi.

2026-yil 16 martda qabul qilingan Vazirlar Mahkamasining "Atoqli davlat va jamoat arbobi Qallibek Kamalov tavalludining 100-yilligini keng nishonlash to‘g‘risida”gi qarori ham ana shu xotirani asrashga qaratilgan.

Unda "Uch avlod uchrashuvi”, ilmiy-amaliy konferensiya, hujjatli film, kitob-albom va xotira tadbirlarini tashkil etish kabi vazifalar belgilangan.

Jizzax politexnika institutida o‘tkazilgan ma’naviy-ma’rifiy uchrashuv ham bu ezgu maqsadning amaliy ifodasi bo‘ldi. Respublika Ma’naviyat va ma’rifat markazi Jizzax viloyat bo‘limi rahbari Iqboloy Umarova tashabbusi bilan tashkil etilgan tadbirda Qallibek Kamalovning hayot yo‘li yoshlar nigohida qayta kashf etildi.

Bu yerda gap faqat o‘tgan asrda yashagan davlat arbobi haqida emasdi. Gap bugungi avlod qalbiga "Xalqqa xizmat qilish degani nima?” degan savolni qo‘ya bilish haqida edi.

Uchrashuvda nuroniylar, ustozlar va yoshlarning bir davrada jam bo‘lishi — kecha bilan ertaning, hayotiy tajriba bilan yangi orzularning uchrashuvi bo‘ldi.

Ana shunda Qallibek Kamalovning bir asrlik hayotining yana bir muhim qirrasi namoyon bo‘ladi: inson o‘zidan keyin nafaqat xotira, balki davom etuvchi ma’naviy ta’sir ham qoldiradi.

Qallibek Kamalov 100-yil yashadi. Ammo uning umrini faqat yuz yil bilan o‘lchash kamlik qiladi.

Chunki umrning haqiqiy o‘lchovi taqvimdagi yillar emas, el-urt xotirasida qolgan izning uzunligidir.

Uning hayot yo‘li — o‘tmish xotirasigina emas, bugungi va ertangi avlodlar uchun inson umrini mazmunli yashash, Vatan va xalq oldidagi mas’uliyatni his etish haqidagi hayotiy saboqdir.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|