Davlatimiz rahbari Qoraqalpogʻistonda yakunlangan loyihalarni ishga tushirdi, yangi quvvatlarning qurilishiga start berdi.
—
Глава нашего государства запустил завершенные проекты и дал старт строительству новых мощностей в Каракалпакстане.

Prezident.uz|Facebook|Instagram|YouTube|X

Prezidentimizga gazoblok ishlab chiqaruvchi korxona faoliyati taqdimot qilindi.
—
Президенту нашей страны представлена работа предприятия по выпуску газоблоков.

Prezident.uz|Facebook|Instagram|YouTube|X

Jizzax viloyatida sog‘liqni saqlash xizmatlari hajmi 307 milliard so‘mni tashkil etdi

Jizzax viloyatida aholiga sifatli tibbiy xizmat ko‘rsatish, sog‘liqni saqlash tizimini rivojlantirish hamda tibbiy xizmatlar ko‘lamini kengaytirish borasida amaliy ishlar izchil davom ettirilmoqda.

Milliy statistika qo‘mitasi ma’lumotlariga ko‘ra, 2026-yilning yanvar–iyul oylarida Jizzax viloyatida sog‘liqni saqlash sohasida ko‘rsatilgan xizmatlar hajmi 307,0 milliard so‘mni tashkil etdi.

Mazkur ko‘rsatkich mamlakat hududlari kesimidagi umumiy hajmda Jizzax viloyatining ham munosib ulushi mavjudligini ko‘rsatadi. Shu davrda O‘zbekiston bo‘yicha sog‘liqni saqlash sohasida ko‘rsatilgan xizmatlar hajmi qariyb 13,9 trillion so‘mga yetgan bo‘lib, o‘tgan yilning mos davriga nisbatan 15,3 foizga o‘sgan.

Umuman, mamlakat miqyosida sog‘liqni saqlash xizmatlari tarkibida shifoxona muassasalari xizmatlari 31,2 foizni, shifokorlik amaliyoti va stomatologiya xizmatlari 14,0 foizni, boshqa sog‘liqni saqlash xizmatlari esa 54,8 foizni tashkil etgan.

Jizzax viloyatida qayd etilgan mazkur ko‘rsatkich aholiga tibbiy xizmatlar ko‘rsatish hajmi va soha xizmatlariga bo‘lgan talabning izchil shakllanayotganini ifodalaydi.

Sog‘liqni saqlash tizimida xizmatlar sifatini oshirish, zamonaviy tibbiy texnologiyalarni keng joriy etish, tibbiy muassasalar moddiy-texnik bazasini mustahkamlash hamda aholi uchun tibbiy xizmatlardan foydalanish imkoniyatlarini kengaytirish bugungi kunning muhim vazifalaridan hisoblanadi.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Zafarobodda paxta terimi jadal davom etmoqda

Ayni kunlarda Zafarobod tumanida paxta terimi qizg‘in pallada. Joriy yilda 8 200 gektar maydonda g‘o‘za parvarishlanib, hosildorlik kutilganidan yuqori bo‘lmoqda. Tuman mirishkorlari paxta xomashosini nes-nobud qilmasdan, o‘z vaqtida va sifatli yig‘ib-terib olishga alohida e’tibor qaratmoqda.

Joriy yilda fermer xo‘jaliklari zimmasiga 47 874 tonna paxta xomashosi yetishtirish majburiyati olingan. Ilg‘or tajribali dehqonlar paxta terimini dastlabki kunlardan uyushqoqlik bilan boshlab, yuqori hosil olishni maqsad qilgan.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Jizzaxda gaz tarmoqlarini modernizatsiya qilishda zamonaviy kompozit quvurlar qo‘llanildi

Gaz ta’minoti tizimida barqarorlik va xavfsizlikni ta’minlash, tarmoqlarning xizmat muddatini uzaytirish hamda ekspluatatsiya xarajatlarini kamaytirish maqsadida zamonaviy texnologiyalarni joriy etishga alohida e’tibor qaratilmoqda.

Shu maqsadda "Hududgazta’minot” AJ tomonidan Avstriyaning "Fibron Pipe GmbH” kompaniyasi bilan xalqaro grant kelishuvi asosida Sharof Rashidov tumanining Xayrobod mahallasida gaz taqsimlash tarmoqlarini modernizatsiya qilish bo‘yicha pilot loyiha amalga oshirildi.

Mazkur loyiha doirasida eskirgan po‘lat gaz quvurining bir qismi demontaj qilinib, uning o‘rniga 100 metr uzunlikdagi yuqori bosimli kompozit quvur yotqizildi. Quvurning ishchi bosimi 6 barni tashkil etib, montaj-sinov ishlari davomida 10 bar bosimda muvaffaqiyatli sinovdan o‘tkazildi.

Mutaxassislarning ta’kidlashicha, uch qatlamli kompozit quvurlar korroziyaga chidamliligi, egiluvchanligi va uzoq muddat xizmat qilishi bilan ajralib turadi. Bu xususiyatlar montaj ishlarini soddalashtirish, qurilish jarayonini qisqa muddatda amalga oshirish va gaz tarmoqlarining ishonchliligini oshirish imkonini beradi.

Yangi texnologiyaning yana bir muhim jihati — kompozit quvurlarni turli iqlim va tuproq sharoitiga ega hududlarda, jumladan, cho‘l, dasht hamda sho‘rlanish darajasi yuqori bo‘lgan hududlarda qo‘llash imkoniyatidir.

Dastlabki hisob-kitoblarga ko‘ra, kompozit quvurlardan foydalanish gaz tarmoqlarini modernizatsiya qilishda umumiy kapital xarajatlarni 25 foizgacha kamaytirish imkonini beradi.

Ta’kidlash joizki, joriy yil boshida "Hududgazta’minot” AJ delegatsiyasi Avstriyadagi «Fibron Pipe GmbH” zavodida bo‘lib, kompozit quvurlarni ishlab chiqarish jarayoni, laboratoriya sinovlari hamda mahsulotning texnik xususiyatlari bilan tanishgan edi.

Jizzax viloyatidagi mazkur pilot loyihaning amaliyotga tatbiq etilishi kompozit quvurlardan foydalanish bo‘yicha muhim tajriba bo‘lib, kelgusida gaz taqsimlash tarmoqlarini modernizatsiya qilishda ushbu texnologiyadan kengroq foydalanish uchun zamin yaratadi.

Ayni paytda ushbu texnologiya asosida eskirgan yuqori va o‘rta bosimli po‘lat gaz quvurlarini bosqichma-bosqich almashtirish bo‘yicha texnik reglamentlar ishlab chiqilmoqda.

Jizzaxda amalga oshirilgan mazkur loyiha gaz ta’minoti tizimini zamonaviy texnologiyalar asosida yangilash, uning ishonchliligi va xavfsizligini oshirish yo‘lidagi amaliy qadamlardan biri bo‘ldi.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Jizzaxda chiqindidan elektr energiyasi ishlab chiqarish yo‘lga qo‘yiladi

Qattiq maishiy chiqindilarni yoqish orqali elektr energiyasi ishlab chiqarish bo‘yicha investitsiya loyihasi amalga oshiriladi.

Bu Prezidentning 17 sentabrdagi «Jizzax va Sirdaryo viloyatlarida qattiq maishiy chiqindilarni yoqish orqali elektr energiyasi ishlab chiqarish” investitsiya loyihasini amalga oshirish chora-tadbirlari to‘g‘risida”gi qarorida belgilandi.

Qarorga ko‘ra, loyiha doirasida Xitoyning "China Civil Engineering Construction Corporation (CCECC)” va "Sevia Enviro Inc. (Henan Investment Group)” kompaniyalari konsorsiumi investor sifatida ishtirok etadi. Loyiha bo‘yicha Investitsiyalar, sanoat va savdo vazirligi hamda investor o‘rtasida 2026-yil 14 sentabrda investitsiya shartnomasi imzolangan.

Loyihaga ko‘ra, 2026–2028 yillarda Jizzax viloyatida 130 million AQSH dollari miqdorida to‘g‘ridan-to‘g‘ri investitsiya jalb etiladi. Bu mablag‘lar hisobiga kuniga 1 ming tonna chiqindini termik usulda qayta ishlash orqali 110 million kVt elektr energiyasi ishlab chiqarish quvvatiga ega uskunalar ishga tushirilishi ta’minlanadi.

Qarorda Jizzax viloyati hokimligiga loyihani amalga oshirish uchun Jizzax viloyati Sharof Rashidov tumanidagi "G‘ozg‘ontepa” mahalla fuqarolar yig‘ini hududidan 10,8 gektar yer maydoni ajratish vazifasi ham yuklatilgan.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Jizzaxda kuz-qish mavsumida yong‘in xavfsizligi choralari kuchaytirilmoqda

Ayni kunlarda viloyatning barcha hududlarida kuz-qish mavsumini betalafot o‘tkazish, aholi xavfsizligini ta’minlash hamda yong‘in va boshqa favqulodda holatlarning oldini olishga qaratilgan profilaktik tadbirlar davom ettirilmoqda. Jumladan, G‘allaorol tumanida xonadonlar, ijtimoiy soha va boshqa obyektlarda yong‘in xavfsizligi holati o‘rganilib, mavsumga tayyorgarlik nazorat qilindi.

Tadbirlar davomida aholiga gaz va elektr jihozlaridan xavfsiz foydalanish, isitish moslamalaridan ehtiyotkorlik bilan foydalanish, yong‘in hamda is gazidan zaharlanishning oldini olish bo‘yicha tushuntirishlar berildi.

Shuningdek, xonadonlardagi dudburonlarning texnik holati ko‘zdan kechirilib, maxsus anjomlar yordamida tozalash ishlari amalga oshirildi.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Zafarobodda "Vaziyatlar markazi” faoliyati yo‘lga qo‘yildi

Boshqaruvni yangi bosqichga olib chiqish, turli sohalarni yagona raqamli tizimga birlashtirish maqsadida Jizzax viloyatining barcha hududlarida bo‘lgani kabi Zafarobod tumanida ham "Vaziyatlar markazi” faoliyati yo‘lga qo‘yildi. Markaz ijtimoiy-iqtisodiy sohalar, muhandislik-kommunikatsiya infratuzilmasi va boshqa yo‘nalishlarning axborot tizimlarini birlashtirib, ularni masofaviy nazorat qilish imkonini beradi.

Ayni paytda 30 dan ortiq xizmat va ishlab chiqarish sohalari markazga integratsiya qilingan. Jumladan, tabiiy resurslar hamda ta’lim, maktabgacha va umumiy o‘rta ta’lim sohalaridagi jarayonlarni raqamli nazorat qilish imkoniyatlari kengaytirilmoqda.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Zafarobodda avtomobil yo‘lining holati yaxshilanmoqda

Zafarobod tumani Yo‘llardan foydalanish unitar korxonasi tomonidan tumandagi avtomobil yo‘llarining texnik holatini yaxshilash, harakat xavfsizligini ta’minlash hamda yo‘l infratuzilmasini rivojlantirish borasida tizimli ishlar amalga oshirilmoqda.

Ayni kunlarda D-049 avtomobil yo‘lining Jizzax shahri va Chimqo‘rg‘on qishlog‘i oralig‘idagi 14–18-kilometrlarida to‘liq ta’mirlash ishlari olib borilmoqda.

Ta’mirlash jarayonida yo‘l qoplamasining yaroqsiz holga kelgan qismlari tiklanib, transport vositalarining qulay va xavfsiz harakatlanishi uchun zarur sharoitlar yaratilmoqda. Shuningdek, yo‘lning texnik holatini yaxshilash, foydalanish muddatini uzaytirish va harakat xavfsizligini ta’minlashga qaratilgan ishlar bajarilmoqda.

Ta’mirlash ishlari yakunlangach, mazkur yo‘lning harakatlanish uchun qulayligi va xavfsizlik darajasi yanada oshishi kutilmoqda. Bu esa hududlar o‘rtasidagi transport qatnovini yaxshilash, aholi uchun qulaylik yaratish hamda yo‘l infratuzilmasini rivojlantirishga xizmat qiladi.

Sifatli va soz avtomobil yo‘llari nafaqat harakat xavfsizligini ta’minlash, balki hududning ijtimoiy-iqtisodiy rivojlanishi va aholining kundalik hayoti uchun qulay sharoitlar yaratishda ham muhim ahamiyat kasb etadi.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|