Zafarobod tumani Yo‘llardan foydalanish unitar korxonasi tomonidan tumandagi avtomobil yo‘llarining texnik holatini yaxshilash, harakat xavfsizligini ta’minlash hamda yo‘l infratuzilmasini rivojlantirish borasida tizimli ishlar amalga oshirilmoqda.

Ayni kunlarda D-049 avtomobil yo‘lining Jizzax shahri va Chimqo‘rg‘on qishlog‘i oralig‘idagi 14–18-kilometrlarida to‘liq ta’mirlash ishlari olib borilmoqda.

Ta’mirlash jarayonida yo‘l qoplamasining yaroqsiz holga kelgan qismlari tiklanib, transport vositalarining qulay va xavfsiz harakatlanishi uchun zarur sharoitlar yaratilmoqda. Shuningdek, yo‘lning texnik holatini yaxshilash, foydalanish muddatini uzaytirish va harakat xavfsizligini ta’minlashga qaratilgan ishlar bajarilmoqda.

Ta’mirlash ishlari yakunlangach, mazkur yo‘lning harakatlanish uchun qulayligi va xavfsizlik darajasi yanada oshishi kutilmoqda. Bu esa hududlar o‘rtasidagi transport qatnovini yaxshilash, aholi uchun qulaylik yaratish hamda yo‘l infratuzilmasini rivojlantirishga xizmat qiladi.

Sifatli va soz avtomobil yo‘llari nafaqat harakat xavfsizligini ta’minlash, balki hududning ijtimoiy-iqtisodiy rivojlanishi va aholining kundalik hayoti uchun qulay sharoitlar yaratishda ham muhim ahamiyat kasb etadi.

Jizzax viloyatida 3 156 ta ko‘chma savdo joyi “E-auksion” elektron savdo platformasi orqali 36 oy muddatga sotuvga chiqarilgan.
📍 Hududlar kesimida:
🔹 Arnasoy tuman➖ 349 ta
🔹 Baxmal tuman ➖ 157 ta
🔹 G'allarol tuman ➖ 269 ta
🔹 Sh.Rashidov tuman➖ 160 ta
🔹 Do'stlik tuman ➖ 169 ta
🔹 Zomin tuman ➖ 179 ta
🔹 Zarbdor tuman ➖ 185 ta
🔹 Mirzacho'l tuman➖ 251 ta
🔹 Zafarobod tuman ➖ 269 ta
🔹 Paxtakor tuman➖ 230 ta
🔹 Forish tuman ➖ 364 ta
🔹 Yangiobod tuman ➖ 333 ta
🔹 Jizzax shahar ➖ 427 ta
🔎 Barcha ko‘chma savdo joylarini ko‘rish:
❗️ MUHIM!
Savdolarda yuridik shaxslar va yakka tartibdagi tadbirkorlar ishtirok etishi mumkin.
📌 Eslatma:
Vazirlar Mahkamasining 2021-yil 3-avgustdagi 485-son qaroriga muvofiq, tegishli savdo joyida ko‘chma savdo obyektini joylashtirish muddatini 2 marta uzaytirishga ruxsat beriladi.
📞 Ma’lumot uchun:
📱 +998 99 207 36 08
📱 +998 99 207 26 08

G‘allaorol tumanida qishloq xo‘jaligi mahsulotlari yetishtirish samaradorligini oshirish, ilg‘or agrotexnologiyalarni amaliyotga keng joriy etish, shuningdek, "To‘qsonbosti” usulida piyoz va sarimsoqpiyoz yetishtirish masalalariga bag‘ishlangan amaliy seminar o‘tkazildi.

Tadbirda Qishloq xo‘jaligi vazirligi boshqarma boshlig‘i Z.Artikov, Jizzax viloyati qishloq xo‘jaligi boshqarmasi boshlig‘ining birinchi o‘rinbosari B.Boboqulov hamda G‘allaorol tumani hokimi J.Oqboyev ishtirok etdi.

Seminar davomida ishtirokchilarga piyoz va sarimsoqpiyoz yetishtirishda yer maydonlarini ekishga sifatli tayyorlash, maqbul nav va sifatli urug‘lik tanlash, ekish muddatlari hamda meyorlariga rioya qilish, sug‘orish va oziqlantirish ishlarini samarali tashkil etish bo‘yicha tavsiyalar berildi.

Shuningdek, ekinlarni vegetatsiya davrida turli kasallik va zararkunandalardan himoya qilish, hosildorlikni oshirish hamda zamonaviy agrotexnologiyalardan samarali foydalanish masalalari yuzasidan amaliy tushuntirishlar berildi.