👨‍🌾 DEHQON XO‘JALIGIGA MO‘LJALLANGAN YER UCHASTKALARI
➖ Arnasoy tumani — 26 ta
➖ Baxmal tumani — 16 ta
➖ Sh.Rashidov tumani — 56 ta
➖ Zarbdor tumani — 18 ta
➖ Paxtakor tumani — 28 ta
➖ Forish tumani — 73 ta
➖ Yangiobod tumani — 60 ta

🌾 QISHLOQ XO‘JALIGIGA MO‘LJALLANGAN YER UCHASTKALARI
➖ Arnasoy tumani — 33 ta
➖ Do‘stlik tumani — 1 ta
➖ Zarbdor tumani — 18 ta
➖ Mirzacho‘l tumani — 2 ta
➖ Paxtakor tumani — 2 ta
➖ Forish tumani — 49 ta
➖ Yangiobod tumani — 71 ta
🔎 Batafsil ma’lumot va auksion shartlari bilan E-AUKSION.UZ elektron savdo platformasida tanishing.

⚠️ MA’LUMOT UCHUN
🤵🏻 “E-AUKSION” vakili:
☎️ (99) 207-36-08
☎️ (99) 207-26-08

Sharof Rashidov tumanidagi Agro markazda yosh asalarichilarni qo‘llab-quvvatlash, ularning nazariy bilim va amaliy ko‘nikmalarini oshirish maqsadida viloyat hokimligi hamda Qishloq xo‘jaligi vazirligi hamkorligida o‘quv-seminar tashkil etildi.

Unda viloyat hokimi o‘rinbosari Zafar Ro‘ziyev, Qishloq xo‘jaligi vazirligi mutaxassisi Furqat Qodirov, Yoshlar ishlari agentligi viloyat boshqarmasi boshlig‘i Murodbek Rahmonberdiyev, Toshkent davlat agrar universitetining professor-o‘qituvchilari hamda sohaga qiziquvchi yoshlar ishtirok etdi.

Seminar davomida yoshlarga tadbirkor Fazliddinxo‘ja Ahmedovning asalarichilik sohasida to‘plagan tajribasi, ilg‘or usullari va amaliy faoliyati namoyish etildi. Ishtirokchilar asalari oilalarini parvarishlash, asal olish samaradorligini oshirish hamda mahsulot sifatini ta’minlash borasida amaliy tavsiyalar oldilar.

— Men bolaligimdan otamning yonida yurib, uning asalari oilalari bilan ishlashini kuzatib, bu kasbga mehr qo‘yganman. Asalarichilik nafaqat halol mehnat, balki sabr-toqat, mehr va doimiy g‘amxo‘rlikni talab qiladigan soha, — deydi 16 yoshli tadbirkor Fazliddinxo‘ja Ahmedov. — Hozirda mevali krem-asallar tayyorlash bilan shug‘ullanyapman. Fermer xo‘jaligimizda 15 turdan ziyod meva yetishtiriladi. Kelgusida faoliyatimni yanada kengaytirib, sohaga zamonaviy texnologiyalarni joriy etish va yoshlarni asalarichilikka keng jalb qilish niyatim bor.

Yosh tadbirkorning asalarichilikka bo‘lgan qiziqishi nafaqat uning shaxsiy faoliyati, balki tengdoshlari uchun ham yangi imkoniyatlarni yuzaga keltirmoqda. Fazliddinxo‘janing joriy yil 30 iyun — Yoshlar kuni munosabati bilan Prezidentimiz bilan muloqotda bildirgan taklifi asosida Zomin tumanida asalarichilik maktabini tashkil etish bo‘yicha amaliy ishlar olib borilmoqda.

— Zomin tumanida asalarichilik maktabini tashkil etish bo‘yicha dastlabki amaliy ishlar olib borildi. Ayni paytda Vazirlar Mahkamasida mazkur yo‘nalishdagi qaror loyihasi tayyorlanmoqda. Rejaga ko‘ra, kelgusi yilda Jizzax viloyatida respublika darajasidagi asalarichilik maktabini tashkil etish ko‘zda tutilmoqda. Unda, avvalo, asalarichilikka qiziquvchi yoshlar va soha mutaxassislarini jalb etib, ularning nazariy bilimlari hamda amaliy ko‘nikmalarini oshirishga alohida e’tibor qaratiladi, — deydi Qishloq xo‘jaligi vazirligi mutaxassisi Furqat Qodirov.

Tadbir davomida Toshkent davlat agrar universitetining professor-o‘qituvchilari tomonidan asalari oilalarini parvarishlash va ko‘paytirish, asal olish samaradorligini oshirish, asalarilarni kasalliklardan himoya qilish hamda mahsulot sifatini ta’minlash bo‘yicha nazariy va amaliy mashg‘ulotlar o‘tkazildi.

Bunday o‘quv-seminarlar yoshlarni asalarichilik sohasiga keng jalb etish, ularning tadbirkorlik ko‘nikmalarini shakllantirish va hududda zamonaviy asalarichilikni rivojlantirishga xizmat qiladi.