Do‘stlikda “Yangi O‘zbekiston” massivi zamonaviy qiyofa kasb etmoqda

Do‘stlik tumanidagi “Chinobod” mahallasi hududida barpo etilayotgan “Yangi O‘zbekiston” massivi tobora zamonaviy va obod maskanga aylanib bormoqda.

Hududda aholi uchun qulay va munosib turmush sharoitlarini yaratishga qaratilgan bunyodkorlik ishlari izchil davom ettirilmoqda. Yangi ko‘p qavatli uy-joylar qad rostlab, foydalanishga topshirilayotgan xonadonlar soni ortib bormoqda.

Massiv hududida yo‘llar asfaltlanib, obodonlashtirish va ko‘kalamzorlashtirish ishlari amalga oshirilmoqda. Bolalar uchun zamonaviy o‘yin maydonchalari, aholi avtomashinalari uchun avtoturargohlar tashkil etilmoqda.

Shu bilan birga, yangi uy-joylar bilan bir qatorda aholining kundalik ehtiyojlarini ta’minlaydigan zarur infratuzilmani shakllantirishga ham alohida e’tibor qaratilmoqda.

Bir so‘z bilan aytganda, “Yangi O‘zbekiston” massivida nafaqat zamonaviy uy-joylar, balki aholi uchun qulay, obod va munosib hayot muhitini yaratishga qaratilgan keng ko‘lamli ishlar amalga oshirilmoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Jizzaxda muhandislik kadrlarini tayyorlashning yangi bosqichi boshlandi

Shahrimizda muhandis kadrlar tayyorlash tizimida yangi bosqichga qadam qo‘yildi. Ixtisoslashtirilgan ta’lim muassasalari agentligi tizimidagi ta’lim muassasasi Jizzax politexnika instituti bilan integratsiyalashgan muhandislik maktabi faoliyatini boshladi. Loyiha muhandislik ta’limi sifatini oshirishga qaratilgan muhim qadam sifatida baholanmoqda.

Muhandislik maktabining asosiy maqsadi — yosh avlodda muhandislik sohasiga qiziqish uyg‘otish, ularni zamonaviy kasblarga yo‘naltirish hamda ta’limni oliy ta’lim, ilm-fan va ishlab chiqarish bilan uzviy bog‘lashdan iborat. Shu munosabat bilan Jizzax politexnika institutida rektor va yosh o‘quvchilar ishtirokida uchrashuv tashkil etildi.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Zomin davlat qo‘riqxonasida muhofaza tadbirlari izchil davom etmoqda

Ekologiya va iqlim o‘zgarishi milliy qo‘mitasi tasarrufidagi Zomin davlat qo‘riqxonasida tabiatni muhofaza qilish, noyob tabiiy boyliklarni asrab-avaylash hamda bioxilma-xillikni saqlashga qaratilgan ishlar izchil davom ettirilmoqda.

Qo‘riqxonaning muhofaza bo‘limi inspektorlari tomonidan hududda tabiiy resurslarni asrash, noqonuniy holatlarning oldini olish va qo‘riqxona hududining daxlsizligini ta’minlash maqsadida muntazam nazorat-kuzatuv reydlari o‘tkazilmoqda.

Reydlar davomida qo‘riqxona hududi to‘liq nazoratdan o‘tkazilib, tabiiy boyliklarga zarar yetkazishi mumkin bo‘lgan holatlarga yo‘l qo‘ymaslik choralari ko‘rilmoqda. Shuningdek, noyob o‘simlik va hayvonot dunyosini muhofaza qilish, ularning tabiiy yashash muhitini asrab qolishga alohida e’tibor qaratilmoqda.

Bunday tizimli muhofaza tadbirlari qo‘riqxona hududida ekologik barqarorlikni ta’minlash, tabiiy merosni kelajak avlodlarga bezavol yetkazish hamda bioxilma-xillikni saqlashda muhim ahamiyat kasb etmoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Prezidentimiz Andijon viloyati taraqqiyotiga xizmat qiladigan yangi choralar va tashabbuslarni e’lon qildi.
—
Президент нашей страны объявил о новых мерах и инициативах, нацеленных на дальнейшее развитие Андижанской области.

Prezident.uz|Facebook|Instagram|YouTube|X

Paxtakorlik ustoz — “Yil o‘qituvchisi” tanlovi g‘olibi

Paxtakor tumanidagi 8-sonli umumiy o‘rta ta’lim maktabining boshlang‘ich sinf o‘qituvchisi Muxtarova Shirinoy Shavkat qizi joriy yilda o‘tkazilgan “Yil o‘qituvchisi” ko‘rik-tanlovining tuman bosqichida g‘oliblikni qo‘lga kiritdi.

Ustozning yillar davomida olib borgan izlanishlari, kasbiy mahorati, ilg‘or pedagogik yondashuvlari hamda o‘z ustida muntazam ishlab kelayotgani mazkur natijada o‘z ifodasini topdi.

Muxtarova Shirinoy Shavkat qizi oliy toifali pedagog bo‘lib, 70 foizlik ustama hamda milliy sertifikat sohibi hisoblanadi.

Tanlov g‘olibi sifatida unga 50 ming AQSH dollari miqdoridagi pul mukofoti topshirildi.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|