G‘ALLAOROLDA UZUMCHILIK RIVOJILANIB, YANGI TOKZORLAR VA EKSPORT SALOHIYATI OSHMOQDA

Joriy yilda G‘allaorol tumanida 907 gektar yer maydoni qayta o‘zlashtirilib, qishloq xo‘jaligi foydalanishiga kiritilmoqda. Natijada 302 gektar bog‘zor va 510 gektar yangi tokzor barpo etiladi. Ayni paytga qadar 596 gektar yer maydoni o‘zlashtirildi.

Bugungi kunda tumandagi xo‘jaliklarda jami 4 496 gektar tokzor mavjud bo‘lib, shundan 1 270 gektari hosil beradigan, 3 226 gektari esa yosh tokzorlardan iborat.

— Bu yil sohibkorlarimiz qariyb 16 ming tonna uzum yetishtirib, yig‘ishtirib olishni maqsad qilgan. Mahsulotlar ichki bozor bilan bir qatorda Rossiya Federatsiyasi va Yevropa mamlakatlariga eksport qilinadi, — deydi tuman hokimligining qishloq va suv xo‘jaligi masalalari bo‘yicha bosh mutaxassisi Akbar Ro‘ziboyev.

2026-yilda intensiv texnologiyalar asosida 420,6 gektar yangi bog‘zor va 179,3 gektar tokzor barpo etish loyihalari amalga oshirilishi rejalashtirilgan. Buning natijasida 550 ta yangi ish o‘rni yaratiladi.

Shuningdek, "Xonimqo‘rg‘on” QFY hududida "Qo‘shrabot agrostar” MCHJ tomonidan 50 gektar lalmi maydonda 5,5 milliard so‘mlik loyiha asosida zamonaviy intensiv tokzor barpo etiladi. Loyiha doirasida suv tejovchi texnologiyalar joriy qilinib, muzxona, quritish sexi va logistika markazi tashkil etiladi. Natijada 100 nafar mahalliy yoshning bandligi ta’minlanadi.

Ayni paytda tumanda uzumchilik yo‘nalishida 154 ta fermer xo‘jaligi faoliyat yuritmoqda.

Shunday xo‘jaliklardan biri «Guliston” FXHU hududidagi "Dilshodbek o‘rikzori” fermer xo‘jaligidir. Xo‘jalik rahbari Ilhom Mustanov 15 yildan buyon toyifi uzum navini yetishtirib kelmoqda.

Xo‘jalikning 9,8 gektar yeri bo‘lib, shundan 4,5 gektari uzumzor, 4,3 gektari bog‘dan iborat.

— Asosan toyifi uzum navini yetishtirapmiz. Bu yil 15 tonna hosil yig‘ishtirib olishni rejalashtirganmiz, — deydi fermer Ilhom Mustanov.

Toyifi — kechpishar, xo‘raki uzum navlaridan biri bo‘lib, yirik boshlari, sersuv va karsildoq go‘shti bilan ajralib turadi. Navning yana bir muhim xususiyati — saqlash va uzoq masofaga tashishga chidamliligi. Shu bois toyifi uzumi ichki bozor bilan birga eksport uchun ham talab yuqori bo‘lgan mahsulotlardan sanaladi.

G‘allaorolda toyifi uzumi o‘ziga xos brend mahsulot sifatida shakllangan. Ilhom Mustanov xo‘jaligida besh nafar yosh doimiy, yana besh nafar yosh mavsumiy ish bilan ta’minlangan. Uzumchilikdan olinayotgan daromad esa oila farovonligi, farzandlar ta’limi va xo‘jalikni kengaytirishga yo‘naltirilmoqda.

Xo‘jalik a’zolari kelgusi yilda eksportbop uzum navlarini ko‘paytirishni rejalashtirgan. Ayni paytda pishib yetilgan hosil peshma-pesh ichki bozorga chiqarilmoqda.

G‘allaorol dalalaridan qaytar ekanmiz, plantatsiyalarda tillarang tusga kirib pishib yetilgan uzum boshlari ko‘zni quvontirar, bu esa tumanda uzumchilikning tobora rivojlanib borayotganidan darak berardi.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

BAXMALDA TADBIRKORLAR BILAN OCHIQ MULOQOT O‘TKAZILDI

Joriy yilning 3 sentabr kuni kambag‘allikni qisqartirish, aholi bandligini ta’minlash va daromadlarini oshirish masalalariga bag‘ishlangan videoselektor yig‘ilishida berilgan topshiriqlar ijrosini ta’minlash maqsadida Baxmal tumanida tadbirkorlar bilan ochiq muloqot tashkil etildi.

Unda O‘zbekiston Respublikasi Markaziy banki Boshqaruv raisi o‘rinbosari Sanjar Nosirov hamda Baxmal tumani hokimi Aziz Ergashev ishtirok etdi.

Muloqot davomida hududda tadbirkorlikni rivojlantirish, yangi ish o‘rinlari yaratish, aholi bandligini ta’minlash va daromadlarini oshirish, shuningdek, kambag‘allikni qisqartirish borasida amalga oshirilayotgan ishlar muhokama qilindi.

Tadbirkorlarning faoliyatini kengaytirish, yangi loyihalarni ishga tushirish va mavjud muammolarini hal etish bilan bog‘liq masalalar yuzasidan fikr-mulohazalar tinglanib, ularni qo‘llab-quvvatlash bo‘yicha tegishli vazifalar belgilab olindi.

Ochiq muloqot tadbirkorlar bilan bevosita muloqotni kuchaytirish, ularning tashabbuslarini qo‘llab-quvvatlash va aholi uchun barqaror daromad manbalarini yaratishga qaratildi.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

JIZZAXDA PAXTA TERIMIDA QO‘L MEHNATIGA TO‘LIQ BARHAM BERILDI

Jizzax viloyati hokimi tashabbusi bilan joriy yilgi paxta yig‘im-terimida qo‘l mehnatiga to‘liq barham berilib, hosil zamonaviy paxta terish kombaynlari yordamida tunu-kun yig‘ib olinmoqda.

Fermerlar bu yondashuvni yuqori baholab, viloyat hokimining paxta terimini to‘liq mexanizatsiyalashtirish borasidagi tashabbusi va amaliy ishlari ular uchun katta yengillik yaratganini ta’kidlamoqda.

Xususan, Mirzacho‘l tumanidagi “Oyqar Arsloni” fermer xo‘jaligida ham paxta hosilini zamonaviy texnikalar yordamida yig‘ib olish ishlari qizg‘in davom etmoqda.

— Qo‘l mehnatiga ehtiyoj qolmadi. Hosilimiz zamonaviy texnika yordamida qisqa muddatda va nobudgarchiliksiz yig‘ib olinmoqda. Buning uchun, avvalo, tashabbus ko‘rsatgan viloyat hokimiga hamda kechayu kunduz mehnat qilayotgan mexanizatorlarga minnatdorchilik bildiramiz, — deydi fermer xo‘jaligi rahbari Shuhrat Soatov.

📲https://gov.uz/oz/jizzax  sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Jizzaxda muhandislik kommunikatsiyalari sohasi uchun malakali kadrlar tayyorlanmoqda

Jizzax politexnika institutida muhandislik kommunikatsiyalari yo‘nalishida tahsil olayotgan talabalar bilan uchrashuv tashkil etildi. Unda "Hududgaz Jizzax” gaz ta’minoti filiali mas’ullari ishtirok etib, dual ta’lim tizimining afzalliklari, sohada malakali kadrlar tayyorlash va gaz xavfsizligi masalalariga to‘xtaldi.

Shuningdek, muhandislik kommunikatsiyalari sohasi uchun zamonaviy bilim va amaliy ko‘nikmalarga ega mutaxassislar tayyorlash, yoshlarning sohaga qiziqishini oshirish hamda ta’lim muassasasi va ishlab chiqarish tashkilotlari o‘rtasidagi hamkorlikni rivojlantirish masalalari muhokama qilindi.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

JIZZAXDA SANOAT ISHLAB CHIQARISH HAJMI 26 TRLN SO‘MGA YETDI

Milliy statistika qo‘mitasi ma’lumotlariga ko‘ra, 2026-yilning yanvar–iyul oylarida O‘zbekistonda 795,4 trln so‘mlik sanoat mahsulotlari ishlab chiqarildi.

Bu ko‘rsatkich o‘tgan yilning mos davriga nisbatan 7,9 foizga oshgan.

Hududlar kesimida tahlil qilinganda, Jizzax viloyatida 2026-yilning yanvar–iyul oylarida 26 trln so‘mlik sanoat mahsulotlari ishlab chiqarilgan.

Viloyatning mamlakat sanoat ishlab chiqarishidagi ulushini oshirish, mavjud korxonalar quvvatidan samarali foydalanish hamda yangi sanoat loyihalarini amalga oshirish borasida izchil ishlar olib borilmoqda.

Ayniqsa, hududlarda yangi ishlab chiqarish quvvatlarini tashkil etish, investitsiyalarni jalb qilish, sanoat kooperatsiyasini kengaytirish va mahalliy xomashoni chuqur qayta ishlashga alohida e’tibor qaratilmoqda.

26 trln so‘mlik sanoat mahsuloti ishlab chiqarilishi Jizzax viloyati iqtisodiyotida sanoat tarmog‘ining salmog‘i ortib borayotganini ko‘rsatadi.

Bu esa yangi korxonalar va ish o‘rinlari tashkil etish, eksport salohiyatini yuksaltirish hamda hudud aholisi daromadlarini oshirish uchun muhim omil bo‘lib xizmat qilmoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

YANGIOBODDA KUZ-QISH MAVSUMIGA TAYYORGARLIK ISHLARI JADAL OLIB BORILMOQDA

Yangiobod tumanida aholi va iste’molchilarni kuz-qish mavsumida elektr va tabiiy gaz bilan barqaror ta’minlash, tarmoqlarning ishonchliligini oshirish hamda ehtimoliy avariya holatlarining oldini olish bo‘yicha ishlar izchil davom ettirilmoqda.

Mavsumga tayyorgarlik jarayonlarini muvofiqlashtirish maqsadida maxsus shtab tashkil etilgan. Tumandagi 8 ta mahallada elektr va gaz ta’minoti holati o‘rganilib, aholi xonadonlari, tadbirkorlik subyektlari hamda ijtimoiy soha obyektlarida o‘tkazilgan xatlovlar davomida aniqlangan 39 ta muammoning barchasi bartaraf etildi.

— Kuz-qish mavsumini barqaror o‘tkazish uchun, avvalo, elektr va gaz tarmoqlarini puxta tayyorlash muhim, — deydi tuman hokimi o‘rinbosari, maxsus shtab boshlig‘i Muxitdin To‘rayev. — Elektr tarmoqlarini mavsumga tayyorlash doirasida 255,7 kilometrdan ortiq tarmoqda joriy va kapital ta’mirlash ishlari amalga oshirildi. Shuningdek, 1 ta yangi transformator punkti va 152 ta tayanch ustuni o‘rnatildi.

Elektr uzatish liniyalariga tegib turgan daraxt shoxlari bartaraf qilinib, 120 kilometr tarmoq tozalandi. Yuklamasi yuqori bo‘lgan 55 kilometr tarmoqda fazalararo yuklamalar qayta taqsimlandi.

Tabiiy gaz ta’minotini yaxshilash maqsadida 1 ta gaz taqsimlash punkti modernizatsiya qilindi, 58 ta punkt quvvati optimallashtirildi. 4,1 kilometr gaz tarmog‘i rekonstruksiya qilinib, 13,9 kilometr tarmoq tartibga keltirildi. Shuningdek, 88,4 kilometr yer osti gaz tarmog‘i xatlovdan o‘tkazildi.

Ko‘p qavatli uy-joylarning elektr, gaz va isitish tizimlari texnik diagnostikadan o‘tkazilib, aniqlangan nosozliklarni bartaraf etish choralari ko‘rilmoqda. Energiya ta’minotida qiyinchilikka duch kelayotgan ehtiyojmand oilalarni qo‘llab-quvvatlash maqsadida 7 ta xonadonda 102 million so‘m mablag‘ hisobidan "yashil ta’mirlash” ishlari amalga oshirildi.

Energiya resurslaridan samarali foydalanish va to‘lov intizomini mustahkamlash borasidagi choralar natijasida tabiiy gaz bo‘yicha 46,3 million so‘mlik qarzdorlik undirildi, 87 million so‘mlik noreal elektr qarzdorligi qisqartirildi.

Energiya iste’moli yuqori bo‘lgan korxonalarda energetik auditlar o‘tkazilib, ijtimoiy soha obyektlarini energiya tejamkor uskunalar bilan ta’minlash ishlari ham davom ettirilmoqda. Yuklamasi yuqori va murakkab uchastkalardagi ishlarni jadallashtirish uchun qo‘shimcha brigadalar jalb qilinmoqda.

Tuman hokimi shtab faoliyati bilan tanishib, mas’ullarga mavjud kamchiliklarni bartaraf etish, belgilangan ishlarni sifatli va o‘z vaqtida yakunlash, kuz-qish mavsumida elektr va gaz ta’minotida uzilishlarning oldini olish hamda aholi va ijtimoiy soha obyektlarini energiya resurslari bilan barqaror ta’minlash bo‘yicha tegishli topshiriqlar berdi.

Kuz-qish mavsumiga tayyorgarlik doirasida tarmoqlarning texnik holatini yaxshilash bilan birga, muammolarni oldindan aniqlash va bartaraf etish, iste’molchilarga sifatli xizmat ko‘rsatishga alohida e’tibor qaratilmoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

PAXTA TERIMIDA YANGI DAVR

Jizzax dalalarida paxta yig‘im-terimida yangi davr boshlandi.

Viloyat hokimi tashabbusi bilan qo‘l mehnatiga barham berilib, terim jarayonida zamonaviy texnika va ilg‘or texnologiyalarga keng yo‘l ochilmoqda.

Do‘stlik tumanida joriy yilgi paxta hosili zamonaviy paxta terish kombaynlari yordamida tunu kun yig‘ib olinmoqda.

Bu esa terimni qisqa muddatda yakunlash, mehnat unumdorligini oshirish va fermerlar uchun qulaylik yaratmoqda.

Qariyb 30 yillik tajribaga ega “Javlon” fermer xo‘jaligida ham “oq oltin” zamonaviy texnika yordamida terib olinmoqda.

Fermerlar bu jarayonda fidokorona mehnat qilayotgan mexanizatorlardan minnatdor.

Jizzax dalalaridagi yangi yondashuv paxtachilikda qo‘l mehnatidan zamonaviy texnologiyalarga o‘tilayotganini amalda namoyon etmoqda.

📲https://gov.uz/oz/jizzax  sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Forishda aholi bandligi va daromadlarini oshirish masalalari tahlil qilindi

Jizzax viloyati prokuraturasi, Davlat xavfsizlik xizmati va ichki ishlar boshqarmasi rahbarlari ishtirokida Forish tumanida kambag‘allikni qisqartirish, aholi bandligini ta’minlash va fuqarolarning daromad manbalarini oshirish borasida amalga oshirilayotgan ishlar o‘rganildi.

Dastlab tuman hokimligida tashkil etilgan aholi bandligi va daromadlarini oshirish, kambag‘allikni qisqartirish bo‘yicha shtab faoliyati bilan tanishildi.

Shtab yig‘ilishida aholini doimiy va daromadli mehnatga jalb etish, har bir hudud va xonadon kesimida mavjud muammolarni aniqlash, ularga manzilli yechim topish hamda aholi uchun yangi daromad manbalarini yaratish masalalariga alohida e’tibor qaratildi.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

ZARBDORDA YILLAR DAVOMIDA ABGOR HOLGA KELGAN ASOSIY YO‘L YANGILANMOQDA

Zarbdor tumanida yillar davomida ta’mirtalab holga kelib qolgan asosiy avtomobil yo‘lini yangilash va asfaltlash ishlari olib borilmoqda.

Tuman yo‘llardan foydalanish davlat muassasasi balansidagi D-060 avtomobil yo‘li Oqbuloq, Sharq yulduzi, Adirobod, Nurafshon, Yangikent, Andijon, Oqar va Navbahor mahallalari, shuningdek, Baxt, Oltinko‘l, Koriz va Juvonsiyroq qishloqlarini tuman markazi bilan bog‘laydi.

Mazkur hududlarda istiqomat qiluvchi 40 mingga yaqin aholining ko‘p yillik talab va istaklari inobatga olinib, O‘zbekiston Respublikasi Prezidentining "2026–2027 yillarda Jizzax viloyatini ijtimoiy-iqtisodiy rivojlantirishni jadallashtirish bo‘yicha qo‘shimcha chora-tadbirlar to‘g‘risida”gi PQ-35-son qarori asosida yo‘l infratuzilmasini yaxshilash ishlari boshlandi.

Loyiha doirasida avtomobil yo‘lini yangilash va asfaltlash orqali aholi uchun qulay va xavfsiz harakatlanish sharoitlarini yaratish, olis hududlarni tuman markazi bilan transport aloqasini yaxshilash hamda tadbirkorlik subyektlari uchun logistika imkoniyatlarini kengaytirish ko‘zda tutilgan.

Yangilanayotgan yo‘l nafaqat aholi uchun qulaylik yaratadi, balki mahallalarning iqtisodiy faolligini oshirish, transport qatnovini yaxshilash va hududlarni kompleks rivojlantirishga ham xizmat qiladi.

Zarbdor tumanida aholi hayoti uchun muhim bo‘lgan yo‘l infratuzilmasini yaxshilashga qaratilgan amaliy ishlar izchil davom ettirilmoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

PAXTA TERIMIDA QO‘L MEHNATIGA TO‘LIQ BARHAM BERILDI

Jizzax viloyati hokimi tashabbusi bilan joriy yilgi paxta yig‘im-terimida qo‘l mehnatidan to‘liq voz kechilib, hosil zamonaviy paxta terish texnikalari yordamida yig‘ib olinmoqda.

Arnasoy tumanidagi «Barakali dehqon paxtasi» fermer xo‘jaligida 20 gektar maydonga Xitoy seleksiyasiga mansub 6 xil paxta navi ekilgan. Ayni paytda dalalarda hosilni yig‘ib olishga puxta tayyorgarlik ko‘rilmoqda.

Fermer xo‘jaligi rahbari Akmal Baxouddinovning ta’kidlashicha, paxtani qo‘shqator usulda ekish hosildorlikni oshirish, agrotexnik tadbirlarni sifatli tashkil etish va parvarish jarayonlarini samarali olib borish uchun qulay imkoniyat yaratmoqda.

Joriy mavsumda viloyat hokimi tashabbusi bilan paxta terimini to‘liq mexanizatsiyalashtirishga alohida e’tibor qaratilmoqda. Natijada dalalarda qo‘l terimiga ehtiyoj qolmay, hosil maxsus texnikalar yordamida yig‘ib olinmoqda.

Fermer xo‘jaligi rahbari zamonaviy texnikalardan unumli foydalanib, terim jarayonida fidokorona mehnat qilayotgan mexanizatorlarga minnatdorlik bildirdi.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|