Sharof Rashidovda paxta terimi zamonaviy texnikalar yordamida davom etmoqda

Jizzax viloyatida joriy yilgi paxta yig‘im-terimi zamonaviy texnikalar yordamida tashkil etilib, hosilni qisqa muddatda va nobudgarchiliksiz yig‘ib olish choralari ko‘rilmoqda.

Viloyat hokimi tashabbusi bilan terim jarayoniga zamonaviy paxta terish kombaynlari keng jalb etilib, dalalarda ishlar tunu kun davom ettirilmoqda. Bu esa qo‘l mehnatiga bo‘lgan ehtiyojni kamaytirib, terim samaradorligini oshirish imkonini bermoqda.

Sharof Rashidov tumanidagi «Egamqulov Xazrat» fermer xo‘jaligida ham hosilni mexanizatsiyalashgan usulda yig‘ib olish ishlari jadal olib borilmoqda.

Fermer xo‘jaligi rahbari Ahad Egamqulovning ta’kidlashicha, zamonaviy texnikalardan foydalanish terim jarayonini sezilarli darajada yengillashtirib, hosilni sifatli yig‘ib olishga xizmat qilmoqda.

Besh yildan buyon kombayn operatori sifatida faoliyat yuritayotgan Asad Xudoyberdiyev esa joriy mavsumda yuqori natijaga erishib, ilg‘or operatorlar uchun ta’sis etilgan avtomobil sovrinini qo‘lga kiritishni maqsad qilgan.

Ayni paytda tumandagi paxta dalalarida yig‘im-terim ishlari belgilangan tartibda davom etmoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Zarbdorda paxta yig'im-terimi qizg'in davom etmoqda

Zarbdor tumanida 2026-yil paxta hosilini yig‘ib-terib olish ishlari boshlab yuborildi. Ayni kunlarda dalalarda yetishtirilgan hosilni qisqa muddatlarda, sifatli va nobud qilmasdan yig‘ib olishga alohida e’tibor qaratilmoqda.

Tumanning Koriz xo‘jaligi hududida faoliyat yurituvchi “Abduvali ota” fermer xo‘jaligida ham paxta yig‘im-terimi uyushqoqlik bilan davom ettirilmoqda.

Fermer xo‘jaligiga qarashli 22 gektar maydonga Xitoy texnologiyasi asosida serhosil paxta navlari ekilib, zamonaviy agrotexnologiyalar asosida parvarish qilindi. Natijada maydonlardan mo‘l hosil yetishtirilmoqda.

Hosilni qisqa muddatlarda va sifatli yig‘ib olish maqsadida yig‘im-terim mavsumiga yuqori unumdorlikka ega zamonaviy paxta terish mashinalari jalb etilgan.

Texnikalardan samarali foydalanish maqsadida paxta terimi smena asosida tashkil etilib, hosilni o‘z vaqtida yig‘ib olish choralari ko‘rilmoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Mirzacho‘lda paxta terimi zamonaviy texnika asosida tashkil etilmoqda

Mirzacho‘l tumanida paxta hosilini yig‘ib olish mavsumiga zamonaviy kombaynlar jalb etilgan. Dalalarda texnikalar almashlab ishlatilib, terim jarayoni uzluksiz tashkil etilmoqda.

Buning natijasida katta maydonlarda yetishtirilgan hosilni qisqa muddatlarda yig‘ib olish imkoniyati yaratilmoqda. Mexanizatsiyalashgan terim, shuningdek, ishchi kuchiga bo‘lgan ehtiyojni kamaytirib, hosilning dalada qolib ketishining oldini olishga xizmat qilmoqda.

“Niyat–Ne’mat” fermer xo‘jaligida ham paxta terimi zamonaviy kombaynlar yordamida olib borilmoqda. Xo‘jalik rahbari Husniddin Yarashev mavsumda texnikalardan samarali foydalanish va hosilni o‘z vaqtida yig‘ib olishga e’tibor qaratilayotganini ta’kidladi.

Terim jarayonida Murod Nabiyev boshqaruvidagi kombayn ham faol ishlamoqda. Yetti yillik tajribaga ega operator daladagi texnikaning uzluksiz va unumli ishlashini ta’minlashga hissa qo‘shmoqda.

Ayni paytda Mirzacho‘l tumanida paxta hosilini yig‘ib olish ishlari belgilangan reja asosida davom etmoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Arnasoyda paxta terimi qizg'in davom etmoqda

Arnasoy tumanidagi “Dovon sari” fermer xo‘jaligida paxta terimi ishlari qizg‘in davom etmoqda.

Fermer xo‘jaligida jami 15 gektar maydonga Xitoyning “1402” navli paxtasi ekilgan. O‘tgan yili ushbu maydondan gektariga 40 sentnerdan hosil olingan.

Bu yil paxta ekishda qo‘shqator usulidan foydalanilgan bo‘lib, hosildorlikni yanada oshirish va mo‘l hosil olish kutilmoqda.

Ayni paytda dalalarda paxta terimi jadal olib borilib, yetishtirilgan hosilni qisqa muddatlarda va sifatli yig‘ib olishga alohida e’tibor qaratilmoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Zafarobodda paxta yig‘im-terimi zamonaviy texnika asosida olib borilmoqda

Jizzax viloyatida paxta hosilini yig‘ib olish ishlari zamonaviy texnikalar asosida davom etmoqda. Dalalarga zamonaviy paxta terish kombaynlari jalb etilib, terimni qisqa muddatda yakunlashga alohida e’tibor qaratilmoqda.

Zafarobod tumanidagi “Kamoliddin Biznes 777” fermer xo‘jaligida ham hosilni mexanizatsiyalashgan usulda yig‘ib olish ishlari tashkil etilgan. Kombaynlarning uzluksiz ishlashi natijasida dalalardagi paxta belgilangan muddatlarda terib olinmoqda.

Fermer xo‘jaligi rahbari zamonaviy texnikalardan foydalanish terimni tashkil etishda qo‘shimcha imkoniyatlar yaratayotganini ta’kidladi.

— Texnikalar ishining to‘g‘ri yo‘lga qo‘yilgani tufayli terim jarayoni ancha tartibli va samarali kechmoqda. Asosiy maqsad — hosilni sifatini saqlagan holda o‘z vaqtida yig‘ib olish, — deydi fermer xo‘jaligi rahbari.

Terim ishlarida yetti yillik tajribaga ega kombayn operatori Mahmud Berdiyev ham faol ishtirok etmoqda. U mavsum davomida texnikadan unumli foydalanish va yuqori ish unumdorligini ta’minlashga intilmoqda.

Ayni paytda Zafarobod tumanidagi paxta dalalarida yig‘im-terim ishlari jadal davom etmoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

JIZZAXDA PAXTA TERIMI TO‘LIQ MEXANIZATSIYALASHMOQDA

Jizzax viloyati hokimi tashabbusi bilan joriy yilgi paxta yig‘im-terimida qo‘l mehnatiga to‘liq barham berilib, hosil zamonaviy paxta terish kombaynlari yordamida tunu kun yig‘ib olinmoqda.

Paxtakor tumanidagi "Semurg‘” fermer xo‘jaligida fermer Shohhasan Suvonqulov boshchiligida jami 112 gektar maydonning 42 gektarida paxta yetishtirilgan.

Dalalarda Xinluzao-68 va NATH-109 navli xorijiy g‘o‘za navlari parvarish qilinib, yetishtirilgan hosilni sifatli va nes-nobudsiz yig‘ib olish ishlari olib borilmoqda.

Fermerlarning ta’kidlashicha, terimning to‘liq mexanizatsiyalashtirilishi hosilni qisqa muddatda va sifatli yig‘ib olish, shuningdek, mehnat xarajatlarini kamaytirish imkonini bermoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Jizzaxda paxtachilikda hosildorlikni oshirishga e’tibor qaratilmoqda

Paxtachilik qishloq xo‘jaligining muhim tarmoqlaridan biri bo‘lib, Jizzax viloyatida paxta yetishtirish va qayta ishlash bo‘yicha salmoqli tajriba shakllangan. Joriy yilda paxta maydonlarida olib borilgan samarali mehnat natijasida mo‘l hosil yetishtirildi.

Hosildorlikni oshirishda zamonaviy yondashuvlardan foydalanilib, 76 sxemali usulga o‘tish, ko‘chatlar sonini 11 foizga oshirish va qo‘shqator usulida gektariga 200–220 ming tup ko‘chat joylashtirishga erishildi. Shuningdek, xitoy navlarining qurt zararkunandalariga chidamliligi alohida ahamiyat kasb etmoqda.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

JIZZAXDA AHOLI FAROVONLIGIGA DAXLDOR MASALALAR YUZASIDAN JAMOATCHILIK MONITORINGLARI O‘TKAZILMOQDA

“Yuksalish” harakati Jizzax viloyati hududiy bo‘linmasi tomonidan aholi farovonligi va hayot sifatiga bevosita daxldor masalalar yuzasidan jamoatchilik monitoringlari o‘tkazilmoqda.

Jumladan, O‘zbekiston Respublikasi Prezidentining 2026-yil 16 fevraldagi PF-22-sonli Farmoni 6-ilovasi 175.1-bandi ijrosi doirasida hududda oziq-ovqat mahsulotlarini yetishtirish, ishlab chiqarish va qayta ishlash holati o‘rganildi.

Monitoring jarayonida oziq-ovqat mahsulotlarining turi va sifati, ularni ishlab chiqarish hamda qayta ishlash imkoniyatlari, aholining sifatli va xavfsiz oziq-ovqat mahsulotlariga bo‘lgan ehtiyojini ta’minlash masalalariga alohida e’tibor qaratildi.

Shuningdek, “O‘zbekiston — 2030” strategiyasini “Mahallani rivojlantirish va jamiyatni yuksaltirish yili”da amalga oshirishga oid Davlat dasturining 6-ilovasi 125-bandi ijrosi yuzasidan Sharof Rashidov va Paxtakor tumanlari hamda Jizzax shahrida jamoatchilik monitoringlari tashkil etildi.

O‘rganishlar davomida ko‘p kvartirali uy-joylarning ichki issiqlik tizimlari holati, issiqlik ta’minoti bilan bog‘liq muammolar, energiya resurslaridan samarali foydalanish imkoniyatlari hamda quyosh panellari va boshqa muqobil energiya manbalarini joriy etish holati tahlil qilindi.

Monitoringlar yakunida aniqlangan holat va muammolar atroflicha tahlil qilinib, ularni bartaraf etish yuzasidan tegishli taklif va tavsiyalar ishlab chiqildi. Xususan, oziq-ovqat mahsulotlari turini kengaytirish, mahsulotlarni chuqur qayta ishlashni rivojlantirish, sifat ko‘rsatkichlarini oshirish, ko‘p kvartirali uylarda issiqlik ta’minotini yaxshilash, energiya tejamkorligini oshirish hamda yashil energiya texnologiyalaridan foydalanishni kengaytirish bo‘yicha takliflar bildirildi.

Bunday jamoatchilik monitoringlari aholi manfaatlariga daxldor masalalarni joyiga chiqqan holda o‘rganish, mavjud muammolarni aniqlash, ularga jamoatchilik e’tiborini qaratish va yechimlar bo‘yicha amaliy takliflar ishlab chiqishda muhim ahamiyat kasb etmoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Paxtakorda paxta hosilini yig‘ib-terib olish ishlari qizg‘in davom etmoqda

2026-yilda Paxtakor tumanida 252 ta fermer va qishloq xo‘jaligi korxonasi tomonidan 10 600 gektar maydonda g‘o‘za parvarishlanib, 56 310 tonna paxta hosili yetishtirish rejalashtirilgan. Maydonlarda zamonaviy terim mashinalaridan foydalanilib, hosilni o‘z vaqtida yig‘ib olishga alohida e’tibor qaratilmoqda.

Joriy yilda paxta maydonlarining aksariyatida suv tejovchi texnologiyalar joriy etilgan bo‘lib, samarali agrotexnik tadbirlar natijasida mo‘l hosil yetishtirildi. Bugungi kunda paxta terimi ishlari uyushqoqlik bilan davom etmoqda.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

ARNASOYDA AMALGA OSHIRILAYOTGAN IJOBIY ISHLAR E’TIROF ETILDI

O‘zbekiston Respublikasi Prezidenti Shavkat Mirziyoyevning Andijon viloyatiga tashrifi doirasida andijonlik faollar bilan o‘tkazilgan uchrashuvda Arnasoy tumanida amalga oshirilayotgan ijobiy ishlar ham alohida e’tirof etildi.

Uchrashuv davomida tumanda aholi farovonligini oshirish, hududlarni obodonlashtirish, infratuzilmani yaxshilash hamda aholi uchun yangi imkoniyatlar yaratish borasida amalga oshirilayotgan ishlarga yuqori baho berildi.

Ta’kidlanganidek, Arnasoyda hududlarni kompleks rivojlantirish, aholi uchun qulay sharoitlar yaratish va amaliy natijadorlikni ta’minlashga qaratilgan ishlar izchil davom ettirilmoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|