Jizzax viloyati hududidan O‘zbekiston Respublikasi Prezidentining 28.08.2026-yildagi PF-117-son Farmoniga asosan boshlang‘ich narxi 1 million so‘mdan belgilangan 16 ta davlat aktivlari 24-sentabr sanasidagi “E-auksion” onlayn savdosida qariyb 1 milliard so‘mga sotildi. Savdo jarayonlari PF-177-son Farmonda yangi belgilangan tartiblar asosida bo'lib o‘tdi va qizg‘in davom etdi.

🤑 Sotilgan obyektlar:

⭕️Baxmal tumanida 1 ta 51 550 000,0 so‘m
⭕️Do‘stlik tumanida 3 ta 65 515 555,0 so‘m
⭕️Forish tumanida 2 ta 127 921 111,0 so‘m
⭕️G‘allaorol tumanida 1 ta 350 000 000,0 so‘m
⭕️Mirzacho‘l tumanida 2 ta 30 730 000,0 so‘m
⭕️Paxtakor tumanida 1 ta 150 010 000,0 so‘m
⭕️Yangiobod tumanida 2 ta 43 660 000,0 so‘m
⭕️Zarbdor tumanida 1 ta 81 480 000,0 so‘m
⭕️Zomin tumanida 3 ta 118 950 000,0 so‘m

❕Batafsil ma'lumot olish uchun Davlat aktivlarini boshqarish agentligi Jizzax viloyati hududiy boshqarmasiga murojaat qilishingiz mumkin.

👍 (72) 226-39-31 (94) 197-00-58

G‘allaorol tumanida aholini suyultirilgan gaz bilan barqaror ta’minlash, xonadonlarga qulaylik yaratish va xizmat ko‘rsatish sifatini oshirishga qaratilgan amaliy ishlar izchil davom ettirilmoqda.

Jumladan, tumanning Ko‘kbuloq QFY Qiziltut qishlog‘ida aholi xonadonlariga suyultirilgan gaz ballonlari yetkazib berildi. Bu orqali fuqarolarning kundalik maishiy ehtiyojlarini ta’minlash, ayniqsa, xonadonlarni yoqilg‘i bilan ta’minlashdagi ehtiyojlarni o‘z vaqtida qondirishga e’tibor qaratildi.

Tegishli mas’ullar tomonidan xonadonlarning ehtiyojlari o‘rganilib, suyultirilgan gaz yetkazib berish jarayonini tizimli tashkil etish choralari ko‘rilmoqda.

Aholiga ko‘rsatilayotgan xizmatlarning tezkorligi va sifatini oshirish, murojaatlarni o‘z vaqtida ko‘rib chiqishga alohida e’tibor berilmoqda.

Shu bilan birga, hududlarda aholining suyultirilgan gazga bo‘lgan ehtiyojini muntazam o‘rganish va mavjud talabdan kelib chiqib, xonadonlarni belgilangan tartibda gaz ballonlari bilan ta’minlash ishlari davom ettiriladi.

Mazkur ishlar aholining kundalik turmushi uchun zarur bo‘lgan maishiy sharoitlarni yaxshilash, fuqarolarga qulaylik yaratish hamda gaz ta’minotida barqarorlikni ta’minlashga xizmat qilmoqda.

Zomin tumanida aholi salomatligini muhofaza qilish, kasalliklarni erta aniqlash hamda fuqarolarga malakali tibbiy xizmat ko‘rsatish maqsadida bepul tibbiy ko‘rik va sayyor qabul tashkil etildi.

Taraqqiyot mahallasi hududidagi Respublika shoshilinch tibbiy yordam ilmiy markazi Jizzax viloyati filialining Zomin tuman bo‘limida o‘tkazilgan tibbiy ko‘rikda 180 nafardan ortiq fuqaro malakali mutaxassislar ko‘rigidan o‘tkazildi.

Aholiga qulaylik yaratish maqsadida kardiolog, nevropatolog, endokrinolog, dermatovenerolog, urolog, pediatr, jarroh, oftalmolog va travmatolog kabi tor sohadagi mutaxassislar jalb etildi.

Shuningdek, ko‘chma donorlik kompleksi, mobil poliklinika va mobil tibbiy laboratoriyalar faoliyati yo‘lga qo‘yilib, fuqarolarga yashash hududiga yaqin joyda zarur tibbiy xizmatlardan foydalanish imkoniyati yaratildi.

Tibbiy ko‘rik bilan bir qatorda Jizzax viloyati sog‘liqni saqlash boshqarmasi boshlig‘i Maxmarasul Umarov hamda Zomin tumani tibbiyot birlashmasi boshlig‘i Shuhrat Tilavberdiyev ishtirokida sayyor qabul ham o‘tkazildi.

Unda 60 nafardan ortiq fuqaroning murojaatlari tinglanib, 20 ta murojaat joyida ijobiy hal etildi.

Murojaatlarda imtiyozli order olish, nogironlikni rasmiylashtirish, dori-darmon ta’minoti va boshqa ijtimoiy masalalar ko‘tarildi.

Har bir murojaat yuzasidan mas’ullarga tegishli topshiriqlar berilib, ularning ijrosi nazoratga olindi.

Bunday sayyor tibbiy ko‘rik va qabullar aholiga tibbiy xizmatlarni yanada yaqinlashtirish, kasalliklarni erta aniqlash hamda fuqarolar murojaatlarini joyida o‘rganib, ularning yechimi bo‘yicha amaliy choralar ko‘rishga xizmat qilmoqda.