✈️ ARNASOY AEROPORTIDA KЕNGAYTIRISH ISHLARI JADAL DAVOM ETMOQDA

Arnasoy tumani hududida joylashgan aeroportni kengaytirish va infratuzilmasini takomillashtirish bo‘yicha amaliy ishlar izchil davom ettirilmoqda.

Ayni paytda asosiy e’tibor uchish-qo‘nish yo‘lagini kengaytirish va uzaytirish ishlariga qaratilgan. Shu maqsadda yo‘lak hududiga tuproq qoplamasi to‘shash, uni tekislash va mustahkamlash ishlari jadal sur’atlarda olib borilmoqda.

Qurilish ishlariga zarur texnika va mutaxassislar jalb etilgan bo‘lib, belgilangan vazifalarni sifatli va o‘z vaqtida bajarish choralari ko‘rilmoqda.

Mazkur ishlar yakunlanishi bilan aeroportning samolyotlarni qabul qilish imkoniyatlari kengayib, hududning transport-logistika salohiyati yanada oshishi ko‘zda tutilmoqda.

E’tiborlisi, aeroport infratuzilmasining rivojlanishi Aydar-Arnasoy ko‘llari hududida turizmni yanada jadal rivojlantirish, sayyohlar oqimini ko‘paytirish hamda yangi investitsiya loyihalarini amalga oshirish uchun muhim ahamiyat kasb etadi.

📍 Arnasoy tumani — yangi imkoniyatlar va ulkan loyihalar sari!

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

ARNASOYDA YOSHLAR O‘RTASIDA SHAXMAT MUSOBAQASI O‘TKAZILDI

Arnasoy tumanida yoshlarning bo‘sh vaqtini mazmunli tashkil etish, ularning intellektual salohiyatini oshirish hamda shaxmat sport turiga bo‘lgan qiziqishini kengaytirish maqsadida yoshlar o‘rtasida shaxmat musobaqasi tashkil etildi.

Musobaqa davomida ishtirokchilar o‘zlarining mantiqiy fikrlashi, tezkor qaror qabul qilishi va shaxmat bo‘yicha mahoratini namoyish etdilar.

Qizg‘in va murosasiz kechgan bahslarda faol ishtirok etgan yoshlar munosib natijalarni qayd etdi. Musobaqa yakunida g‘olib va sovrindorlar munosib taqdirlandi.

Bunday intellektual musobaqalar yoshlarning bo‘sh vaqtini mazmunli tashkil etish, ularning fikrlash qobiliyatini rivojlantirish va sog‘lom raqobat muhitini shakllantirishda muhim ahamiyat kasb etadi.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

TUMAN HOKIMI NAVRO‘Z TURIZM QISHLOG‘IDAGI ISHLAR BILAN TANISHDI

Arnasoy tumani hokimi Odil Musanov Baxtli mahallasida joylashgan “Navro‘z” turizm qishlog‘ida amalga oshirilayotgan bunyodkorlik va obodonlashtirish ishlari bilan tanishdi.

Tashrif davomida hududda turizmni rivojlantirish, mavjud imkoniyatlardan samarali foydalanish, infratuzilmani yaxshilash hamda sayyohlar uchun qulay shart-sharoitlar yaratish borasida olib borilayotgan ishlar ko‘zdan kechirildi.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

FAXRIY USTOZLAR E’ZOZDA

1-oktabr — O‘qituvchi va murabbiylar kuni munosabati bilan Arnasoy tumani Maktabgacha va maktab ta’limi bo‘limi boshlig‘i G. Turlibekova tumandagi maktablarda uzoq yillar samarali mehnat qilgan, ta’lim-tarbiya rivojiga munosib hissa qo‘shgan faxriy ustozlar holidan xabar oldi.

Tashrif davomida faxriy ustozlarning ko‘p yillik pedagogik faoliyati, ta’lim-tarbiya sohasidagi xizmatlari e’tirof etilib, ularga samimiy tilaklar bildirildi.

Shuningdek, ustozlarga bayram munosabati bilan esdalik sovg‘alari topshirildi.

Faxriy ustozlarning hayotiy tajribasi va boy pedagogik merosi yosh avlod ta’lim-tarbiyasida muhim ahamiyat kasb etadi.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube